ലയൺസ് ക്ലബ്‌ ഇന്റർനാഷണലിന്റെ നേതൃത്വത്തിൽ  ഹാർട്ട് ബീറ്റ്സ് എന്ന പേരിൽ ആരംഭിക്കുന്ന പ്രഥമ  ശുശ്രൂഷ പരിശീലനം  ജില്ലയിൽ ആരംഭിച്ചു. അമൃത ആശുപത്രിയുടെ സഹകരണത്തോടെ നടത്തുന്ന  പരിശീലന പരിപാടിയുടെ ജില്ലാ തല ഉദ്ഘാടനം ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് നിർവഹിച്ചു. ചടങ്ങിനോടനുബന്ധിച്ച് ജില്ലാ പഞ്ചായത്ത്‌ അംഗങ്ങൾക്കും ഉദ്യോഗസ്ഥർക്കും പ്രഥമ ശുശ്രൂഷ പരിശീലനം നൽകി.

വിദ്യാഭ്യാസ രീതി മലയാള സദ്യ പോലെയാണെന്നും ഓരോ വിഭവങ്ങൾ നിർബന്ധിച്ചു കഴിപ്പിക്കുന്നത് പോലെയാണ് ഇപ്പോഴത്തെ രീതിയെന്നും വിദ്യാഭ്യാസ രീതികൾ ബുഫേ പോലെയാക്കണമെന്നും ജി ട്വന്റി ഗ്ലോബൽ ഇനിഷ്യേറ്റീവ് കോ-ഓഡിനേറ്റർ, ഡയറക്ടർ, യു. എൻ. സി. സി. ഡി 
ഡോ. മുരളി തുമ്മാരുകുടി. പട്ടികജാതി പട്ടിക വികസന വകുപ്പിന്റെ നേതൃത്വത്തിൽ മോഡൽ റെസിഡൻഷ്യൽ സ്കൂളിലെ വിദ്യാർഥികളുമായി നടത്തിയ മുഖാമുഖം പരിപാടിയിലാണ് ഡോ: മുരളി തുമ്മാരുകുടി വിദ്യാർത്ഥികളുടെ ചോദ്യങ്ങൾക്ക് മറുപടി നൽകിയത്.

പിന്നാക്ക വിഭാഗങ്ങളെ സമൂഹത്തിന്റെ മുൻനിരയിലേക്ക് വളർത്തിയെടുക്കുകയാണ് സർക്കാർ ലക്ഷ്യമെന്ന് പട്ടികജാതി പട്ടികവർഗ പിന്നാക്ക വിഭാഗ വികസന വകുപ്പ് മന്ത്രി കെ രാധാകൃഷ്ണൻ. പട്ടികജാതി പട്ടികവർഗ വികസന വകുപ്പിന്റെ നേതൃത്വത്തിൽ മോഡൽ റസിഡൻഷ്യൽ സ്കൂളിലെ വിദ്യാർത്ഥികളുമായി സംഘടിപ്പിച്ച മുഖാമുഖം പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

മോഡൽ റസിഡൻഷ്യൽ സ്കൂളുകളിലെ വിദ്യാർത്ഥികൾക്ക് ഐക്യരാഷ്ട്രസഭയുടെ വികസനപരിപാടിയിൽ പരിശീലനം സംഘടിപ്പിക്കുന്നതിനുള്ള സാധ്യതകൾ പരിശോധിക്കുമെന്നും വിദ്യാർത്ഥികളുടെ യാത്രാ ചെലവ് സർക്കാർ വഹിക്കുമെന്നും മന്ത്രി പറഞ്ഞു.

വായ്പാ തുക വിനിയോഗിച്ച് നൂതന സംരംഭങ്ങൾ ആരംഭിക്കുകയും നാട്ടിലെ തൊഴിലവസരങ്ങൾ വർധിപ്പിക്കുകയും ചെയ്യണമെന്ന് മന്ത്രി പി. രാജീവ്. കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്റെ നേതൃത്വത്തില്‍ കളമശേരി നഗരസഭ വെസ്റ്റ് സി.ഡി.എസിലെ ( കമ്മ്യൂണിറ്റി ഡെവലപ്മെന്റ് സൊസൈറ്റി) കുടുംബശ്രീ സംഘങ്ങള്‍ക്കുള്ള മൈക്രോ ക്രെഡിറ്റ് വായ്പാ വിതരണത്തിന്റെ ഉദ്ഘാടനം  കളമശേരി മുനിസിപ്പൽ ടൗൺഹാളില്‍ നിര്‍വഹിക്കുകയായിരുന്നു അദ്ദേഹം. 

ഡോ. വന്ദന ദാസിന് മരണാനന്തര ബഹുമതിയായി എംബിബിഎസ്

ഗവർണർ ആരിഫ് മുഹമ്മദ് ഖാൻ ഉദ്ഘാടനം ചെയ്തു

ഇന്ത്യയിൽ നാനാത്വം ആഘോഷിക്കപ്പെടുകയാണെന്നും വൈവിധ്യങ്ങൾക്കിടയിലെ ഈ ഐക്യപ്പെടൽ നമ്മുടെ രക്തത്തിൽ അലിഞ്ഞു ചേർന്ന സ്വഭാവമാണെന്നും ഗവർണർ ആരിഫ് മുഹമ്മദ് ഖാൻ പറഞ്ഞു. കേരള ആരോഗ്യ സർവകലാശാലയുടെ പതിനേഴാമത് ബിരുദദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു ഗവർണർ.

പുല്ലൂറ്റ് കെ കെ ടി എം ഗവ. കോളേജിൽ ഹിസ്റ്ററി, പൊളിറ്റിക്സ്, സംസ്കൃതം ജനറൽ, ഇംഗ്ലീഷ് എന്നീ വിഭാഗം അധ്യാപക ഒഴിവിലേക്ക് അപേക്ഷ ക്ഷണിച്ചു. കോളേജ് വിദ്യാഭ്യാസ വകുപ്പിന് കീഴിലുള്ള ഗസ്റ്റ് പാനലിൽ രജിസ്റ്റർ ചെയ്തിട്ടുള്ള ഉദ്യോഗാർത്ഥികൾക്ക് അപേക്ഷിക്കാം.

ഇന്റർവ്യൂ സമയം-  ഹിസ്റ്ററി: ഓഗസ്റ്റ് 8ന് 11 മണി, പൊളിറ്റിക്സ്: ഓഗസ്റ്റ് 8ന് 12 മണി, സംസ്കൃതം ജനറൽ: ഓഗസ്റ്റ് 8ന് ഉച്ചയ്ക്ക് രണ്ടു മണി, ഇംഗ്ലീഷ: ഓഗസ്റ്റ് 9ന് രാവിലെ 10 മണി.ഉദ്യോഗാർത്ഥികൾ യോഗ്യത, വയസ്, പരിചയം തെളിയിക്കുന്ന സർട്ടിഫിക്കറ്റുകൾ സഹിതം ഹാജരാകണം. ഫോൺ: 0480 2802213.

- പ്രാദേശിക നെല്ല് ഉത്പാദനത്തിൽ സ്വയം പര്യാപ്തമാകാൻ ഒരുങ്ങി മറ്റത്തൂർ 

- പദ്ധതി വ്യാപകമാക്കാനുള്ള ഊർജ്ജം പകർന്നു ഒന്നാംഘട്ടം

നെല്ല് ഉൽപാദന രംഗത്ത് സ്വയം പര്യാപ്തതയുടെ മാതൃകയായി മറ്റത്തൂർ മട്ട. പരീക്ഷണാടിസ്ഥാനത്തിൽ നടത്തിയ നെല്ല് കൃഷിയുടെ ഒന്നാം ഘട്ടം  പൂർത്തീകരണത്തിലേയ്ക്ക് എത്തുമ്പോൾ മികച്ച അനുഭവമാണ് മറ്റത്തൂർ ഗ്രാമപഞ്ചായത്തിന് പങ്കുവയ്ക്കാനുള്ളത്. 

അപ്പാരൽ എക്സ്പോർട്ട് പ്രൊമോഷൻ കൗൺസിലിന്റെ (എ ഇ പി സി യുടെ) ആഭിമുഖ്യത്തിൽ പ്രവർത്തിക്കുന്ന അപ്പാരൽ ട്രെയ്നിങ്ങ് ആൻഡ് ഡിസൈൻ സെന്റർ കണ്ണൂർ സെന്ററിൽ മൂന്നുവർഷത്തെ ഫാഷൻ ഡിസൈൻ ആൻഡ് റീട്ടെയിൽ കോഴ്സിൽ ഏതാനും സീറ്റ് ഒഴിവുണ്ട്. പ്ലസ് ടു 50 ശതമാനം മാർക്കോടെ പാസായ 25 വയസ്സിൽ താഴെയുള്ളവർക്ക് അപേക്ഷിക്കാം. അപേക്ഷകരുടെ കുടുംബവാർഷിക വരുമാനം 8 ലക്ഷത്തിൽ താഴെയാകണം. എസ്. സി, എസ്.ടി വിഭാഗക്കാർക്ക് മുൻഗണന .

വിശദവിവരങ്ങൾക്ക്: അപ്പാരൽ ട്രെയിനിങ് ആൻഡ് ഡിസൈൻ സെൻറർ, കിൻഫ്രാ ടെക്സ്റ്റൈൽ സെന്റർ, നാടുകാണി, പള്ളിവയൽ (പി ഒ) തളിപ്പറമ്പ്. ഫോൺ: 8301030362, 9995004269.

സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ റവന്യൂ റിക്കവറി നടപടി നേരിടുന്ന ഗുണഭോക്താക്കൾക്കായി ഒറ്റത്തവണ കുടിശ്ശിക തീർപ്പാക്കൽ പദ്ധതി നടപ്പിലാക്കി വരുന്നു.
റവന്യൂ റിക്കവറി നടപടി നേരിടുന്ന ഗുണഭോക്താക്കൾക്ക് ഈ ആനുകൂല്യം കൈപറ്റി വായ്പ കുടിശ്ശിക തീർപ്പാക്കാനും വായ്പ കണക്ക് അവസാനിപ്പിക്കാനും അവസരമുണ്ട്. ഈ അവസരം പരമാവധി പ്രയോജനപ്പെടുത്തണമെന്ന് തൃശ്ശൂർ ജില്ലാ മാനേജർ അറിയിച്ചു.  കൂടുതൽ വിവരങ്ങൾക്ക് തൃശൂർ ചെമ്പൂക്കാവിലുള്ള ജില്ലാ ഓഫീസുമായി ബന്ധപെടാവുന്നതാണ്. ഫോൺ: 0487 2331556, 9400068508.

സ്റ്റുഡൻസ് പോലീസ് കേഡറ്റ് പതിനാലാമത് വാർഷികം ആഘോഷമാക്കി വടക്കാഞ്ചേരി നഗരസഭ. കേരളവർമ്മ വായനശാല ഓഡിറ്റോറിയത്തിൽ നടന്ന പരിപാടി വടക്കാഞ്ചേരി നഗരസഭ ചെയർമാൻ പി എൻ സുരേന്ദ്രൻ ഉദ്ഘാടനം ചെയ്തു.വിദ്യാർത്ഥികളിൽ അച്ചടക്ക ബോധവും സാമൂഹ്യപ്രതിബന്ധതയും സേവന സന്നദ്ധതയും വളർത്തിയെടുക്കുക എന്ന ലക്ഷ്യത്തോടെ വിദ്യാഭ്യാസ വകുപ്പും ആഭ്യന്തര വകുപ്പും ചേർന്നാണ് സ്റ്റുഡൻസ് പോലീസ് കേഡറ്റ് പദ്ധതി നടപ്പിലാക്കുന്നത്.