ഫിഷറീസ് വകുപ്പ് നടപ്പാക്കുന്ന ലൈഫ് ഫിഷ് മാര്‍ക്കറ്റ്് പദ്ധതിയിലേക്ക് അപേക്ഷ ക്ഷണിച്ചു. കുടുംബശ്രീ, സ്വയം സഹായ സംഘങ്ങള്‍, ആക്ടിവിറ്റി ഗ്രൂപ്പുകള്‍ എന്നിവര്‍ക്ക് ഓഗസ്റ്റ് 11ന് മുന്‍പ് ജില്ലാ പഞ്ചായത്തിലെ മത്സ്യ കാര്‍ഷിക വികസന ഏജന്‍സിയിലോ, മത്സ്യഭവനുകളിലോ, ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിലോ അപേക്ഷ സമര്‍പ്പിക്കണം. ഫോണ്‍ 0474 2795545.

അനധികൃത ഖനന പ്രവര്‍ത്തനങ്ങള്‍, നിലം നികത്തല്‍, കുന്നിടിക്കല്‍ എന്നിവ തടയാനായി റവന്യു ഡിവിഷണല്‍, താലൂക്ക് തലങ്ങളില്‍ അവധിക്കാല സ്‌ക്വാഡുകള്‍ രൂപീകരിക്കാന്‍ ജില്ലാ കലക്ടര്‍ അഫ്‌സാന പര്‍വീണ്‍ ഉത്തരവായി. ആഗസ്റ്റ് 19ന് മുന്‍പ് സ്‌ക്വാഡുകള്‍ രൂപീകരിക്കണം. ആഗസ്റ്റ് 27 മുതല്‍ 31 വരെയാണ് സ്‌ക്വാഡുകളുടെ പ്രവര്‍ത്തനം.

ഓണം ഖാദി മേള 2023ന്റെ ജില്ലാതല ഉദ്ഘാടനം  ആഗസ്റ്റ് 5 രാവിലെ 11.30ന് ജില്ലാ ഖാദി ഗ്രാമവ്യവസായ അങ്കണത്തില്‍ എം നൗഷാദ് എം എല്‍ എ നിര്‍വഹിക്കും. മേയര്‍ പ്രസന്ന ഏണസ്റ്റ് അധ്യക്ഷത വഹിക്കുന്ന ചടങ്ങില്‍ കോര്‍പ്പറേഷന്‍ കൗണ്‍സിലര്‍ എ കെ സവാദ് ആദ്യ വില്പന നടത്തും. കോട്ടണ്‍, സില്‍ക്ക്, തുണിത്തരങ്ങള്‍ക്ക് 30 ശതമാനം വരെയും പോളിസ്റ്റര്‍, വൂളന്‍ തുണിത്തരങ്ങള്‍ക്ക് 20 ശതമാനവും റിബേറ്റ് ഉണ്ടായിരിക്കും.

സംസ്ഥാന തലത്തില്‍ ഗ്രാമീണ സംരംഭങ്ങളുടെ പ്രോത്സാഹനം ലക്ഷ്യമിട്ട് തദ്ദേശ സ്വയംഭരണ സ്ഥാപനങ്ങളുടെയും വ്യവസായ വകുപ്പിന്റെയും നേതൃത്വത്തില്‍ പെരിനാട് ഗ്രാമപഞ്ചായത്തില്‍ സംരംഭകത്വ ബോധവത്കരണ ക്ലാസ്സ് സംഘടിപ്പിച്ചു. പെരിനാട് ഗ്രാമപഞ്ചായത്ത് പ്രസിഡന്റ് ദിവ്യ ജയകുമാര്‍ ഉദ്ഘാടനം ചെയ്തു.

വ്യവസായ വകുപ്പിന്റെയും കൊറ്റങ്കര ഗ്രാമപഞ്ചായത്തിന്റെയും ആഭിമുഖ്യത്തില്‍ സംരംഭകത്വ പൊതുബോധവത്ക്കരണ പരിപാടി സംഘടിപ്പിച്ചു. കൊറ്റങ്കര പഞ്ചായത്ത് കോണ്‍ഫറന്‍സ് ഹാളില്‍ ഗ്രാമപഞ്ചായത്ത് പ്രസിഡന്റ് ആര്‍ ദേവദാസ് ഉദ്ഘാടനം ചെയ്തു. യുവ സംരംഭകരെ പ്രോത്സാഹിപ്പിക്കാന്‍ സര്‍ക്കാര്‍ ആസൂത്രണം ചെയ്യുന്ന പദ്ധതികളെക്കുറിച്ചും ബാങ്ക് വായ്പ്പ സൗകര്യങ്ങളെക്കുറിച്ചും, ഓരോ പ്രദേശത്തിന്റെയും സാധ്യതകള്‍ മനസ്സിലാക്കി അനുയോജ്യമായ വ്യവസായങ്ങള്‍ തുടങ്ങുന്നതിനെക്കുറിച്ചുമാണ് ബോധവത്ക്കരണ പരിപാടി സംഘടിപ്പിച്ചത്.

പ•ന ഗ്രാമപഞ്ചായത്തില്‍ കുറ്റിവട്ടത്ത് പ്രവര്‍ത്തിക്കുന്ന സര്‍ക്കാര്‍ ആയുര്‍വേദ ആശുപത്രി കെട്ടിടത്തിന് ഒന്നാം നില ഒരുങ്ങുന്നു. സുജിത്ത് വിജയന്‍പിള്ള എം എല്‍ എയുടെ ആസ്തിവികസന ഫണ്ടില്‍ നിന്നും ഒരു കോടി 75 ലക്ഷം രൂപ ചെലവിലാണ് നിര്‍മാണം. ആശുപത്രിയുടെ നിര്‍മാണോദ്ഘാടനം സുജിത്ത് വിജയന്‍ പിള്ള എം എല്‍ എ നിര്‍വഹിച്ചു.

ലോക മുലയൂട്ടല്‍ വാരാചരണത്തിന്റെ ജില്ലാതല ഉദ്ഘാടനം സര്‍ക്കാര്‍ വിക്ടോറിയ ആശുപത്രിയില്‍ ജില്ലാ പഞ്ചായത്ത് പ്രസിഡന്റ് പി കെ ഗോപന്‍ നിര്‍വഹിച്ചു. മുലയൂട്ടലിനുള്ള സൗകര്യം ഒരുക്കേണ്ടത് സമൂഹത്തിന്റെ കടമയാണെന്നും വിക്ടോറിയ ആശുപത്രിയില്‍ കൂടുതല്‍ സൗകര്യങ്ങള്‍ ഒരുക്കുമെന്നും അദ്ദേഹം പറഞ്ഞു.

ഗതാഗത നിയമലംഘനത്തിനുള്ള പിഴ അടക്കാത്തവർക്ക് ഇൻഷുറൻസ് പുതുക്കി നൽകാതെയുള്ള നടപടി പരിഗണനയിലാണെന്ന് ഗതാഗത മന്ത്രി ആന്റണി രാജു.  എ ഐ ക്യാമറ സംബന്ധിച്ച പ്രതിമാസ അവലോകന യോഗത്തിനു ശേഷം മാധ്യമ പ്രവർത്തകരോട് സംസാരിക്കുകയായിരുന്നു മന്ത്രി. ഗതാഗത നിയമ ലംഘനങ്ങളില്ലാതെയുള്ളവർക്ക് മാത്രം ഇൻഷുറൻസ് പുതുക്കി നൽകുന്നതിന് മുഴുവൻ ഇൻഷുറൻസ് കമ്പനികളുമായും ചർച്ച നടത്തും.

സ്വപ്നങ്ങൾ യാഥാർഥ്യമാക്കാനും കരിയറിൽ പുതിയ മേച്ചിൽപ്പുറവും തേടി യുവാക്കൾ കേരളം വിട്ടു പോകുന്ന സമ്പ്രദായത്തിന് മാറ്റം വന്നതായാണ് താൻ മനസിലാക്കുന്നതെന്നും ആ മാറ്റം സൃഷ്ടിച്ച നേതാക്കളോട് നന്ദിയുണ്ടെന്നും ലോകപ്രശസ്ത മലയാളി കാർഡിയോളജിസ്റ്റും കാനഡ, മക്മാസ്റ്റർ യൂണിവേഴ്‌സിറ്റി

കേന്ദ്ര സർക്കാരിന്റെ ന്യൂനപക്ഷ കാര്യ മന്ത്രാലയത്തിന്റെ 2022-23 അദ്ധ്യയന വർഷത്തെ പോസ്റ്റ് മെട്രിക് സ്‌കോളർഷിപ്പ് വിതരണത്തിനായി ഗുണഭോക്താക്കളുടെയും സ്ഥാപനങ്ങളുടെയും വിവരങ്ങൾ പരിശോധിച്ചതിൽ പല അപാകതകളും കണ്ടെത്തിയിട്ടുണ്ട്.