മങ്കട സാമൂഹികാരോഗ്യ കേന്ദ്രത്തിന്റെ കോമ്പൗണ്ടില്‍ തടസമായി നില്‍ക്കുന്ന മരങ്ങള്‍ മുറിച്ച് നീക്കുന്നതിനുള്ള ലേലം ഫെബ്രുവരി 16ന് രാവിലെ പത്തുമണിക്ക് സി.എച്ച്.സിയില്‍ നടക്കും. ലേല ഉരുപ്പടികളെ സംബന്ധിച്ചുള്ള കൂടുതല്‍ വിവരങ്ങള്‍  സി.എച്ച്.സി ഓഫീസില്‍ നിന്ന് ലഭിക്കും. ഫോണ്‍: 04933 239217.

ആലപ്പുഴ: നിക്ഷേപകരില്‍ നിന്നും പോസ്റ്റ് ഓഫീസില്‍ ഒടുക്കാനായി സ്വീകരിച്ച പണം തിരിമറി നടത്തിയതിനെ തുടര്‍ന്ന് ആലപ്പുഴ മെഡിക്കല്‍ കോളജ് പോസ്റ്റ് ഓഫീസില്‍ മഹിളാ പ്രധാന്‍ ഏജന്റായി പ്രവര്‍ത്തിച്ചുവരുന്ന ജെ. പൊന്നമ്മയുടെ എം.പി.കെ.ബി.വൈ. ഏജന്‍സി ജില്ലാ കളക്ടര്‍ റദ്ദ് ചെയ്തു.
ദേശീയ സമ്പാദ്യ പദ്ധതിയുമായി ബന്ധപ്പെട്ട് ഈ ഏജന്റ് മുഖേന യാതൊരു ഇടപാടുകളും നിക്ഷേപകര്‍ നടത്തരുതെന്നും ദേശീയ സമ്പാദ്യ പദ്ധതി ഡെപ്യൂട്ടി ഡയറക്ടര്‍ അറിയിച്ചു. 

നാഷണൽ ആയുഷ് മിഷൻ മുഖേന മലപ്പുറം ജില്ലയിലെ ആയുഷ് ഹെൽത്ത് ആന്റ് വെൽനസ് സെന്ററുകളിലേക്ക് കരാറടിസ്ഥാനത്തിൽ മൾട്ടിപർപ്പസ് വർക്കർമാരെ നിയമിക്കുന്നു.  താത്പര്യമുള്ള ഉദ്യോഗാർഥികൾ ഫെബ്രുവരി 15ന് വൈകീട്ട് അഞ്ചിന് മുമ്പായി നിർദിഷ്ട ഫോമും അസ്സൽ സർട്ടിഫിക്കറ്റുകളുടെ പകർപ്പും വണ്ടൂർ ഗവ. ഹോമിയോ ആശുപത്രിയിൽ പ്രവർത്തിക്കുന്ന ഡി.പി.എം.എസ്.യു.പി ഓഫീസിൽ എത്തിക്കണം. ഉദ്യോഗാർഥികൾ 2024 ഫെബ്രുവരി ആറിന് 40 വയസ് കവിയാത്തവരാകണം. കൂടുതൽ വിവരങ്ങൾ www.nam.kerala.gov.in എന്ന വെബ്സൈറ്റിൽ ലഭിക്കും.

നൈപുണ്യ വികസന കോഴ്സുകള്‍

പൊതുവിദ്യാഭ്യാസ വകുപ്പ് കല്ല്യാശ്ശേരി കെ പി ആര്‍ ഗോപാലന്‍ സ്മാരക ഗവ വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ ആരംഭിക്കുന്ന ബേക്കിങ് ടെക്നീഷ്യന്‍/ഓപ്പറേറ്റീവ്, എക്‌സിം എക്‌സിക്യൂട്ടീവ് എന്നീ നൈപുണ്യ വികസന കോഴ്സുകളിലേക്ക് അപേക്ഷ ക്ഷണിച്ചു. പത്താംതരം/പ്ലസ്ടു പൂര്‍ത്തിയാക്കിയ യുവതീ യുവാക്കള്‍ക്കാണ് അവസരം. ഉയര്‍ന്ന പ്രായപരിധി 23  വയസ്സ്. എസ് സി/എസ് ടി, ഭിന്നശേഷിക്കാര്‍  എന്നിവര്‍ക്ക് പ്രായപരിധിയില്‍ ഇളവ്. സ്‌കൂളിലെ ഹെല്‍പ്പ് ഡെസ്‌കില്‍ നിന്നും അപേക്ഷ ഫോറം വാങ്ങി ഫെബ്രുവരി 19നകം അപേക്ഷിക്കണം. ഫോണ്‍:0497  2783544

ജില്ലാ ചൈൽഡ് പ്രൊട്ടക്ഷൻ യൂണിറ്റിന്റെ ഭാഗമായ ഡിസ്ട്രിക്ട് റിസോഴ്‌സ് സെന്ററിലേക്ക് കുട്ടികളുടെ മനസികാരോഗ്യവുമായി ബന്ധപ്പെട്ട  ക്ലിനിക്കൽ സൈക്കോളജിസ്റ്റ്, റെമഡിയൽ ട്രെയ്നർ, ഒക്കുപേഷണൽ തെറാപ്പിസ്റ്റ് തുടങ്ങിയ മേഖലയിൽ വിദഗ്ധരുടെ പാനൽ തയ്യാറാക്കുന്നു. ക്ലിനിക്കൽ സൈക്കോളജിസ്റ്റിന് ക്ലിനിക്കൽ സൈക്കോളജിയിൽ എം.ഫിൽ, റെമഡിയൽ ട്രെയ്നർക്ക് ആർ.സി.ഐ അംഗീകൃത ബി.എഡ്(സ്പെഷൽ എജ്യൂക്കേഷൻ) ഡി.എൽ.എഡ്, ഒക്കുപേഷണൽ തെറാപ്പിസ്റ്റിന് ബാച്ച്ലേഴ്സ് ഡിപ്ലോമ/ഇൻ ഒ.ടി എന്നിവയാണ് യോഗ്യത.

എസ്.എസ്.കെ മലപ്പുറം ജില്ലാ പ്രൊജക്ട് ഓഫീസില്‍ പുതുതായി നിലവില്‍ വരുന്ന ഓവര്‍സിയര്‍ തസ്തികയിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നു. സിവില്‍ എഞ്ചിനീയറിങില്‍ ഡിപ്ലോമയും മൂന്നു വര്‍ഷത്തില്‍ കുറയാത്ത പ്രവൃത്തി പരിചയവും അല്ലെങ്കില്‍ സംസ്ഥാന സര്‍ക്കാര്‍ അംഗീകാരമുള്ള ഏതെങ്കിലും സര്‍വകലാശാലയില്‍നിന്നും സിവില്‍ എഞ്ചിനീയറിങില്‍ ബി.ടെക്/ ബി.ഇ ബിരുദവും ഒരു വര്‍ഷത്തെ പ്രവൃത്തി പരിചയവുമാണ് യോഗ്യത.

ആലപ്പുഴ: സാമൂഹ്യനീതി വകുപ്പിനു കീഴില്‍ ആറാട്ടുപുഴയില്‍ കിടപ്പ് രോഗികളായ വയോജനങ്ങളെ സംരക്ഷിക്കുന്നതിനായി ആരംഭിക്കുന്ന വയോജന സംരക്ഷണ കേന്ദ്രത്തിന്റെ നടത്തിപ്പ് ആവശ്യത്തിലേക്ക് ഹോസ്പിറ്റല്‍ ബെഡ് മാട്രസ്, ഹോസ്പിറ്റല്‍ കോട്ട സെമി ഫൗളര്‍, സ്റ്റീല്‍ എന്നീ ഇനങ്ങള്‍ക്കായി ക്വട്ടേഷനുകള്‍ ക്ഷണിച്ചു.  ഫെബ്രുവരി 16 ഉച്ചയ്ക്ക് ഒരുമണി വരെ സ്വീകരിക്കും.  ജില്ല സാമൂഹ്യ നീതി ഓഫീസ്, ഫെഡറേഷന്‍ ഓഫ് ദി  ബ്ലൈന്‍ഡ് ബില്‍ഡിംഗ് ഇരുമ്പുപാലം പി. ഒ എന്ന വിലാസത്തില്‍ നല്‍കുക. കൂടുതല്‍ വിവരങ്ങള്‍ക്ക്: 0477 2253870
 

കേരള മീഡിയ അക്കാദമിയുടെ കൊച്ചി, തിരുവനന്തപുരം സെന്ററുകളിൽ നടത്തുന്ന ഫോട്ടോ ജേണലിസം കോഴ്സ് പ്രവേശനത്തിന്  അപേക്ഷ ക്ഷണിച്ചു. തിയറിയും പ്രാക്ടിക്കലും ഉൾപ്പെടെ മൂന്നു മാസമാണ് കോഴ്‌സിന്റെ കാലാവധി. ശനി, ഞായർ ദിവസങ്ങളിലാണ് ക്ലാസുകൾ. ഓരോ സെന്ററിലും 25 സീറ്റുകൾ ഉണ്ട്. സർക്കാർ അംഗീകാരമുള്ള കോഴ്‌സിന് 25,000 രൂപയാണ് ഫീസ്. പ്ലസ്ടു വിദ്യാഭ്യാസ യോഗ്യതയുള്ളവർക്ക് അപേക്ഷിക്കാം. അപേക്ഷകൾ  www.keralamediaacademy.org എന്ന വെബ്‌സൈറ്റിലൂടെ സമർപ്പിക്കാം. സർട്ടിഫിക്കറ്റുകളുടെ പകർപ്പും അപേക്ഷയോടൊപ്പം അപ്‍ലോഡ് ചെയ്യണം. അപേക്ഷ സ്വീകരിക്കുന്ന അവസാന തീയതി ഫെബ്രുവരി 29.

തിരൂർ ആ.ഡി.ഒ/മെയിന്റനൻസ് ട്രൈബ്യൂണലിൽ ടെക്നിക്കൽ അസിസ്റ്റന്റ് ഒഴിവിലേക്ക് കരാറടിസ്ഥാനത്തിൽ നിയമനം നടത്തുന്നു. അംഗീകൃത സർവകലാശാലയിൽനിന്നുള്ള ബിരുദം(എം.എസ്.ഡബ്ല്യു ഉള്ളവർക്ക് മുൻഗണന), മലയാളം, ഇംഗ്ലീഷ് ഭാഷകളിലെ കംപ്യൂട്ടർ അറിവ്, വേഡ് പ്രൊസസിംഗിൽ സർക്കാർ അംഗീകൃത കമ്പ്യൂട്ടർ കോഴ്സ് പാസ് എന്നിവയാണ് യോഗ്യത. അഭിമുഖം ഫെബ്രുവരി 13ന് രാവിലെ 9.30ന് ജില്ലാ ആസൂത്രണ സമിതി സെക്രട്ടറിയേറ്റ് ഹാളിൽ നടക്കും. കൂടുതൽ വിവരങ്ങൾ‌ ജില്ലാ സാമൂഹ്യനീതി ഓഫീസില്‍ ലഭിക്കും. ഫോൺ: 0483 2735324.

ആലപ്പുഴ: ചെങ്ങന്നൂര്‍ നിയോജക മണ്ഡലത്തിലെ ഗവ. ജൂനിയര്‍ ബേസിക് സ്‌കൂള്‍ കീഴ്‌ചേരിമേല്‍, ഗവ. റിലീഫ് എല്‍.പി. സ്‌കൂള്‍ ചെങ്ങന്നൂര്‍, ചെങ്ങന്നൂര്‍ ഗവ. ബോയ്‌സ് ഹൈസ്‌കൂള്‍, ചെങ്ങന്നൂര്‍ ഗവ.വി.എച്ച്.എസ്.എസ്. ഫോര്‍ ഗേള്‍സ് എന്നീ സ്‌കൂളുകള്‍ സംയോജിപ്പിച്ച് ഒറ്റ സ്‌കൂളാക്കിയ സാഹചര്യത്തില്‍ കേരള വിദ്യാഭ്യാസ നിയമം അധ്യായം 5 ചട്ടം 3 (7)-ല്‍ വികേന്ദ്രീകരിച്ചിരിക്കുന്ന അധികാരം ഉയോഗിച്ച് ഈ സ്‌കൂളിന്റെ പേര് ഗവ. മോഡല്‍ വൊക്കേഷണല്‍ ഹയര്‍ സെക്കന്ററി സ്‌കൂള്‍ ചെങ്ങന്നൂര്‍ എന്ന് പുനര്‍ നാമകരണം ചെയ്തതായി ആലപ്പുഴ വിദ്യാഭ്യാസ ഉപഡയറക്ടര്‍ അറിയിച്ചു.