സംസ്ഥാന യുവജന കമ്മീഷന്‍ ചെയര്‍മാന്‍ എം ഷാജറിന്റെ അധ്യക്ഷതയില്‍ ഒക്ടോബര്‍ 12 ന് രാവിലെ 11 മുതല്‍ കലക്ട്രേറ്റ് കോണ്‍ഫറന്‍സ് ഹാളില്‍ ജില്ലാതല അദാലത്ത് നടത്തും. 18നും 40 നും മധ്യേപ്രായമുള്ള യുവജനങ്ങള്‍ക്ക് പരാതികള്‍ കമ്മിഷന്‍ സമര്‍പ്പിക്കാം. ഫോണ്‍ 0471-2308530

ജില്ലാ ലൈബ്രറി കൗണ്‍സിലിന്റെ ആഭിമുഖ്യത്തില്‍ യു പി വിദ്യാര്‍ഥികള്‍ക്കായി വായനാമത്സരം ഇന്ന് (ഒക്‌ടോബര്‍ എട്ട്) വൈകിട്ട് മൂന്നിന് സംഘടിപ്പിക്കും. പൊതുവിജ്ഞാനത്തേയും തെരഞ്ഞെടുത്ത പുസ്തകങ്ങളേയും അടിസ്ഥാനമാക്കിയുള്ള ചോദ്യങ്ങളായിരിക്കും മത്സരത്തിനുണ്ടാവുക, ഗ്രന്ഥശാലകളിലെ ബാലവേദി അംഗങ്ങളായ കുട്ടികള്‍ക്ക് അക്ഷരോത്സവത്തില്‍ പങ്കെടുക്കാം. ഫോണ്‍ 0474 2767068.

അര്‍ഹതയുള്ള കുടുംബങ്ങളുടെ റേഷന്‍ കാര്‍ഡുകള്‍ മുന്‍ഗണന (ബി പി എല്‍) വിഭാഗത്തിലേക്ക് മാറ്റുന്നതിന് ഒക്ടോബര്‍ 10 മുതല്‍ 20 വരെ അപേക്ഷിക്കാം മുന്‍സിപ്പാലിറ്റി/കോര്‍പ്പറേഷന്‍/ പഞ്ചായത്ത് സെക്രട്ടറിമാരില്‍ നിന്നുള്ള സാക്ഷ്യപത്രം, ചികിത്സാരേഖകള്‍, മറ്റ് അര്‍ഹതാരേഖകള്‍ സഹിതം അക്ഷയ കേന്ദ്രം വഴിയോ സിറ്റിസണ്‍ ലോഗിന്‍ വഴിയോ അപേക്ഷ സമര്‍പ്പിക്കാം. ഫോണ്‍: 0474 2794818.

കേരള കര്‍ഷകതൊഴിലാളി ക്ഷേമനിധി ബോര്‍ഡ് അംഗങ്ങളായവര്‍ക്ക് കുടിശികനിവാരണ അദാലത്ത് ഒക്ടോബര്‍ പത്തിന് രാവിലെ 10 മുതല്‍ പുനലൂര്‍ മുന്‍സിപ്പാലിറ്റിയില്‍ നടത്തും. രണ്ടു കൊല്ലത്തില്‍ കൂടുതല്‍ കുടിശിക വരുത്തി അംഗത്വം റദ്ദായിപോയവര്‍ക്ക് പുന:സ്ഥാപിക്കുന്നതിനും നിലവില്‍ അംശദായം അടയ്ക്കാനും പുതിയ അംഗങ്ങളെ ചേര്‍ക്കാനും അവസരമുണ്ട്. കുടിശിക അടയ്ക്കാന്‍ ബാങ്ക് പാസ്ബുക്കും ആധാറിന്റെ പകര്‍പ്പും കൊണ്ടുവരണം. ഫോണ്‍ 9746822396, 7025491386, 0474 2766843, 2950183.

കരവാളൂര്‍ ഗ്രാമപഞ്ചായത്തിനെ സാഗി പഞ്ചായത്തായി പ്രഖ്യാപിക്കുന്നതിനും വില്ലേജ് ഡവലപ്പ്‌മെന്റ് പ്ലാന്‍ രൂപീകരണയോഗവും പ്രവര്‍ത്തനങ്ങളെയും സംബന്ധിച്ച് ചര്‍ച്ച ചെയ്യുന്നതിന് എന്‍ കെ പ്രേമചന്ദ്രന്‍ എം പിയുടെ നേതൃത്വത്തില്‍ ഒക്‌ടോബര്‍ 11ന് ഉച്ചയ്ക്ക് രണ്ടിന് കരവാളൂര്‍ കോയിപ്പുറം ഓഡിറ്റോറിയം യോഗം ചേരും.

 ചിറക്കര ഗ്രാമപഞ്ചായത്തിലെ ഒഴുകുപാറ കുഴുപ്പില്‍ റോഡ് റീ-ടാറിങ് ആന്‍ഡ് ബീം കോണ്‍ക്രീറ്റ് പ്രവൃത്തിക്ക് ടെന്‍ഡര്‍ ക്ഷണിച്ചു. അവസാനതീയതി ഒക്‌ടോബര്‍ 16 വൈകിട്ട് അഞ്ച്. ഇ-ടെന്‍ഡര്‍ www.lsg.kerala.gov.in, www.etenders.kerala.gov.in- ല്‍ പ്രസിദ്ധീകരിച്ചിട്ടുണ്ട്. വിവരങ്ങള്‍ക്ക് ഇത്തിക്കര ബ്ലോക്ക് പഞ്ചായത്ത് ഓഫീസ്. ഫോണ്‍ 0474 2593260, 2592232.

കുന്നത്തൂര്‍ പെരുവിഞ്ച ശിവഗിരി സര്‍ക്കാര്‍ എല്‍ പി സ്‌കൂളില്‍ തുമ്പൂര്‍മുഴി എയ്‌റോബിക് കമ്പോസ്റ്റ് യൂണിറ്റ് സ്ഥാപിച്ചു. ഗ്രാമപഞ്ചായത്തിന്റെ മാലിന്യ മുക്തം നവകേരളം സമഗ്ര മാലിന്യ പരിപാലന പ്രവര്‍ത്തനങ്ങളില്‍ ഉള്‍പ്പെടുത്തി കമ്മ്യൂണിറ്റി ലെവല്‍ ജൈവ മാലിന്യ സംസ്‌കരണ സംവിധാനം ഒരുക്കുക എന്നതാണ് ലക്ഷ്യം . പഞ്ചായത്ത് പ്രസിഡന്റ് കെ വത്സലകുമാരി ഉദ്ഘാടനം നിര്‍വഹിച്ചു. വൈസ് പ്രസിഡന്റ് ബിനേഷ് കടമ്പനാട് അധ്യക്ഷനായി. പഞ്ചായത്ത് അംഗങ്ങള്‍, പ്രഥമാധ്യാപിക സിന്ധുറാണി, പി ടിഎ പ്രതിനിധികള്‍ തുടങ്ങിയവര്‍ പങ്കെടുത്തു.

പ•ന മനയില്‍ എസ് ബി വി എസ് ജി എച്ച് എസ് സ്‌കൂളിലെ സ്റ്റുഡന്റ് പോലീസ് കേഡറ്റുകളുടെ ശുചീകരണ പ്രവര്‍ത്തനങ്ങള്‍ മാതൃകയായി.. ഗാന്ധിജയന്തിയോടനുബന്ധിച്ച് സ്‌കൂള്‍-പ•ന പഞ്ചായത്ത് ഓഫീസ് പരിസര പ്രദേശങ്ങളിലാണ് ശുചീകരണ പ്രവര്‍ത്തനം നടത്തിയത്. പഞ്ചായത്ത് പ്രസിഡന്റ് എം ഷമി ശുചീകരണപ്രവര്‍ത്തനം ഉദ്ഘാടനം ചെയ്തു. വരും തലമുറക്കായി മണ്ണും ജലവും വായും സംരക്ഷിക്കണമെന്നും അതില്‍ മാലിന്യ നിര്‍മാര്‍ജനത്തിന്റെ പ്രാധാന്യം മനസിലാക്കി മുന്നോട്ടു വന്ന എസ് പി സി അഭിനന്ദനം അര്‍ഹിക്കുന്നുവെന്നും പഞ്ചായത്ത് പ്രസിഡന്റ് പറഞ്ഞു.

ഇത്തിക്കര ബ്ലോക്ക് പഞ്ചായത്തിന്റെ നേതൃത്വത്തില്‍ ആരംഭിക്കുന്ന ലൈബ്രറിയിലേക്ക് ഇത്തിക്കര ഐ സി ഡി എസ് സമാഹരിച്ച പുസ്തകങ്ങള്‍ കൈമാറി. സി ഡി പി ഒ ജ്യോതിയില്‍ നിന്നും ബ്ലോക്ക് പഞ്ചായത്ത് പ്രസിഡന്റ് എം കെ ശ്രീകുമാര്‍ പുസ്തകങ്ങള്‍ ഏറ്റുവാങ്ങി. ഡിജിറ്റല്‍ യുഗത്തിലും വായനയുടെ പ്രാധാന്യം ജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് ജില്ലയിലെ ആദ്യത്തെ ബ്ലോക്ക് പഞ്ചായത്ത്തല ലൈബ്രറി ആരംഭിക്കുന്നത്. ബ്ലോക്ക് പഞ്ചായത്ത് വൈസ് പ്രസിഡന്റ് നിര്‍മല വര്‍ഗീസ്, സ്ഥിരം സമിതി അധ്യക്ഷരായ എന്‍ ശര്‍മ, സി ശകുന്തള, സനിത രാജീവ്, ബ്ലോക്ക് പഞ്ചായത്ത് അംഗങ്ങള്‍, ഐ സി ഡി എസ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു

പ്രകൃതിക്ഷോഭത്തിന്റെ ആഘാതങ്ങള്‍ ലഘൂകരിക്കാനും അടിയന്തര സാഹചര്യങ്ങളെ നേരിടാനും ലക്ഷ്യമിട്ട് സംസ്ഥാനത്ത് താലൂക്ക് തലത്തില്‍ എമര്‍ജന്‍സി ഓപ്പറേഷന്‍ സെന്ററുകള്‍ തുറക്കാന്‍ ദുരന്തനിവാരണ അതോറിറ്റി തീരുമാനിച്ചതില്‍ പുനലൂര്‍ താലൂക്കിനെ ഉള്‍പ്പെടുത്തി. കഴിഞ്ഞ പ്രളയകാലത്ത് ഉരുള്‍ പൊട്ടല്‍ ഉണ്ടായ കിഴക്കന്‍ മേഖലയില്‍ റവന്യു മന്ത്രി പരിശോധനകള്‍ നടത്തിയതിനെ തുടര്‍ന്ന് നടന്ന അവലോകന യോഗത്തില്‍ പ്രകൃതി ദുരന്തം ഉണ്ടായ പ്രദേശങ്ങളിലെ നിലവിലെ സാഹചര്യങ്ങള്‍ സംബന്ധിച്ച റിപ്പോര്‍ട്ട് എം എല്‍ എ പി എസ് സുപാല്‍ മന്ത്രിക്ക് നല്‍കിയിരുന്നു.