ഐ ടി ഐ കളില്‍ 2014 മുതല്‍ 2022വരെ എന്‍ സി വി റ്റി എം ഐ എസ് പ്രകാരം പ്രവേശനം നേടിയ ട്രെയിനികളുടെ നാഷണല്‍ ട്രേഡ് സര്‍ട്ടിഫിക്കറ്റില്‍ എം ഐ എസ് പോര്‍ട്ടല്‍ മുഖേന തിരുത്തലുകള്‍ വരുത്തുന്നതിന് അവസരം. ഫോണ്‍ 0474 2712781

സംസ്ഥാന യുവജന ക്ഷേമ ബോര്‍ഡ് തദേശ സ്വയംഭരണ സ്ഥാപനങ്ങളുടെ സഹകരണത്തോടെ നടപ്പിലാക്കുന്ന കേരളോത്സവം 2023 ന് പ•ന ഗ്രാമപഞ്ചായത്തില്‍ തുടക്കമിട്ടു.ഈ മാസം ഒമ്പതുവരെ പഞ്ചായത്തിന്റെ വിവിധ സ്ഥലങ്ങളില്‍ വച്ച് കലാ കായിക മത്സരങ്ങള്‍ സംഘടിപ്പിക്കും. പ•ന മനയില്‍ ഹൈസ്‌കൂള്‍ മൈതാനത്തില്‍ പഞ്ചായത്ത് വൈസ് പ്രസിഡന്റ് പ•ന ബാലകൃഷ്ണന്‍ ഫുട്‌ബോള്‍ തട്ടി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ജോര്‍ജ് ചാക്കോ അധ്യക്ഷനായി. വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കൊച്ചറ്റയില്‍ റഷീന, രാജീവ് കുഞ്ഞുമണി, പഞ്ചായത്തംഗങ്ങള്‍ തുടങ്ങിയവര്‍ പങ്കെടുത്തു.

സംസ്ഥാന യുവജന കമ്മീഷന്‍ ചെയര്‍മാന്‍ എം ഷാജറിന്റെ അധ്യക്ഷതയില്‍ ഒക്ടോബര്‍ 12 ന് രാവിലെ 11 മുതല്‍ കലക്ട്രേറ്റ് കോണ്‍ഫറന്‍സ് ഹാളില്‍ ജില്ലാതല അദാലത്ത് നടത്തും. 18നും 40 നും മധ്യേപ്രായമുള്ള യുവജനങ്ങള്‍ക്ക് പരാതികള്‍ കമ്മിഷന്‍ സമര്‍പ്പിക്കാം. ഫോണ്‍ 0471-2308530

ജില്ലാ ലൈബ്രറി കൗണ്‍സിലിന്റെ ആഭിമുഖ്യത്തില്‍ യു പി വിദ്യാര്‍ഥികള്‍ക്കായി വായനാമത്സരം ഇന്ന് (ഒക്‌ടോബര്‍ എട്ട്) വൈകിട്ട് മൂന്നിന് സംഘടിപ്പിക്കും. പൊതുവിജ്ഞാനത്തേയും തെരഞ്ഞെടുത്ത പുസ്തകങ്ങളേയും അടിസ്ഥാനമാക്കിയുള്ള ചോദ്യങ്ങളായിരിക്കും മത്സരത്തിനുണ്ടാവുക, ഗ്രന്ഥശാലകളിലെ ബാലവേദി അംഗങ്ങളായ കുട്ടികള്‍ക്ക് അക്ഷരോത്സവത്തില്‍ പങ്കെടുക്കാം. ഫോണ്‍ 0474 2767068.

അര്‍ഹതയുള്ള കുടുംബങ്ങളുടെ റേഷന്‍ കാര്‍ഡുകള്‍ മുന്‍ഗണന (ബി പി എല്‍) വിഭാഗത്തിലേക്ക് മാറ്റുന്നതിന് ഒക്ടോബര്‍ 10 മുതല്‍ 20 വരെ അപേക്ഷിക്കാം മുന്‍സിപ്പാലിറ്റി/കോര്‍പ്പറേഷന്‍/ പഞ്ചായത്ത് സെക്രട്ടറിമാരില്‍ നിന്നുള്ള സാക്ഷ്യപത്രം, ചികിത്സാരേഖകള്‍, മറ്റ് അര്‍ഹതാരേഖകള്‍ സഹിതം അക്ഷയ കേന്ദ്രം വഴിയോ സിറ്റിസണ്‍ ലോഗിന്‍ വഴിയോ അപേക്ഷ സമര്‍പ്പിക്കാം. ഫോണ്‍: 0474 2794818.

കേരള കര്‍ഷകതൊഴിലാളി ക്ഷേമനിധി ബോര്‍ഡ് അംഗങ്ങളായവര്‍ക്ക് കുടിശികനിവാരണ അദാലത്ത് ഒക്ടോബര്‍ പത്തിന് രാവിലെ 10 മുതല്‍ പുനലൂര്‍ മുന്‍സിപ്പാലിറ്റിയില്‍ നടത്തും. രണ്ടു കൊല്ലത്തില്‍ കൂടുതല്‍ കുടിശിക വരുത്തി അംഗത്വം റദ്ദായിപോയവര്‍ക്ക് പുന:സ്ഥാപിക്കുന്നതിനും നിലവില്‍ അംശദായം അടയ്ക്കാനും പുതിയ അംഗങ്ങളെ ചേര്‍ക്കാനും അവസരമുണ്ട്. കുടിശിക അടയ്ക്കാന്‍ ബാങ്ക് പാസ്ബുക്കും ആധാറിന്റെ പകര്‍പ്പും കൊണ്ടുവരണം. ഫോണ്‍ 9746822396, 7025491386, 0474 2766843, 2950183.

കരവാളൂര്‍ ഗ്രാമപഞ്ചായത്തിനെ സാഗി പഞ്ചായത്തായി പ്രഖ്യാപിക്കുന്നതിനും വില്ലേജ് ഡവലപ്പ്‌മെന്റ് പ്ലാന്‍ രൂപീകരണയോഗവും പ്രവര്‍ത്തനങ്ങളെയും സംബന്ധിച്ച് ചര്‍ച്ച ചെയ്യുന്നതിന് എന്‍ കെ പ്രേമചന്ദ്രന്‍ എം പിയുടെ നേതൃത്വത്തില്‍ ഒക്‌ടോബര്‍ 11ന് ഉച്ചയ്ക്ക് രണ്ടിന് കരവാളൂര്‍ കോയിപ്പുറം ഓഡിറ്റോറിയം യോഗം ചേരും.

 ചിറക്കര ഗ്രാമപഞ്ചായത്തിലെ ഒഴുകുപാറ കുഴുപ്പില്‍ റോഡ് റീ-ടാറിങ് ആന്‍ഡ് ബീം കോണ്‍ക്രീറ്റ് പ്രവൃത്തിക്ക് ടെന്‍ഡര്‍ ക്ഷണിച്ചു. അവസാനതീയതി ഒക്‌ടോബര്‍ 16 വൈകിട്ട് അഞ്ച്. ഇ-ടെന്‍ഡര്‍ www.lsg.kerala.gov.in, www.etenders.kerala.gov.in- ല്‍ പ്രസിദ്ധീകരിച്ചിട്ടുണ്ട്. വിവരങ്ങള്‍ക്ക് ഇത്തിക്കര ബ്ലോക്ക് പഞ്ചായത്ത് ഓഫീസ്. ഫോണ്‍ 0474 2593260, 2592232.

കുന്നത്തൂര്‍ പെരുവിഞ്ച ശിവഗിരി സര്‍ക്കാര്‍ എല്‍ പി സ്‌കൂളില്‍ തുമ്പൂര്‍മുഴി എയ്‌റോബിക് കമ്പോസ്റ്റ് യൂണിറ്റ് സ്ഥാപിച്ചു. ഗ്രാമപഞ്ചായത്തിന്റെ മാലിന്യ മുക്തം നവകേരളം സമഗ്ര മാലിന്യ പരിപാലന പ്രവര്‍ത്തനങ്ങളില്‍ ഉള്‍പ്പെടുത്തി കമ്മ്യൂണിറ്റി ലെവല്‍ ജൈവ മാലിന്യ സംസ്‌കരണ സംവിധാനം ഒരുക്കുക എന്നതാണ് ലക്ഷ്യം . പഞ്ചായത്ത് പ്രസിഡന്റ് കെ വത്സലകുമാരി ഉദ്ഘാടനം നിര്‍വഹിച്ചു. വൈസ് പ്രസിഡന്റ് ബിനേഷ് കടമ്പനാട് അധ്യക്ഷനായി. പഞ്ചായത്ത് അംഗങ്ങള്‍, പ്രഥമാധ്യാപിക സിന്ധുറാണി, പി ടിഎ പ്രതിനിധികള്‍ തുടങ്ങിയവര്‍ പങ്കെടുത്തു.

പ•ന മനയില്‍ എസ് ബി വി എസ് ജി എച്ച് എസ് സ്‌കൂളിലെ സ്റ്റുഡന്റ് പോലീസ് കേഡറ്റുകളുടെ ശുചീകരണ പ്രവര്‍ത്തനങ്ങള്‍ മാതൃകയായി.. ഗാന്ധിജയന്തിയോടനുബന്ധിച്ച് സ്‌കൂള്‍-പ•ന പഞ്ചായത്ത് ഓഫീസ് പരിസര പ്രദേശങ്ങളിലാണ് ശുചീകരണ പ്രവര്‍ത്തനം നടത്തിയത്. പഞ്ചായത്ത് പ്രസിഡന്റ് എം ഷമി ശുചീകരണപ്രവര്‍ത്തനം ഉദ്ഘാടനം ചെയ്തു. വരും തലമുറക്കായി മണ്ണും ജലവും വായും സംരക്ഷിക്കണമെന്നും അതില്‍ മാലിന്യ നിര്‍മാര്‍ജനത്തിന്റെ പ്രാധാന്യം മനസിലാക്കി മുന്നോട്ടു വന്ന എസ് പി സി അഭിനന്ദനം അര്‍ഹിക്കുന്നുവെന്നും പഞ്ചായത്ത് പ്രസിഡന്റ് പറഞ്ഞു.