2023 - 24 വർഷത്തേക്ക് സഹായഹസ്തം പദ്ധതിക്കായി അപേക്ഷ ക്ഷണിച്ചു. സാമ്പത്തികമായി പിന്നോക്കം നിൽക്കുന്ന 55 വയസ്സിന് താഴെ പ്രായമുള്ള വിധവകളായ സ്ത്രീകൾക്ക് സ്വയംതൊഴിൽ ചെയ്ത് വരുമാനമാർഗ്ഗം കണ്ടെത്തുന്നതിന് ഒറ്റത്തവണ സഹായമായി മുപ്പതിനായിരം രൂപ അനുവദിക്കുന്ന പദ്ധതിയാണ് സഹായഹസ്തം. അപേക്ഷകയുടെ വാർഷിക വരുമാനം ഒരു ലക്ഷം രൂപയിൽ താഴെയായിരിക്കണം. പദ്ധതിക്കായി www.schemes.wcd.kerala.gov.in എന്ന വെബ്സൈറ്റിലൂടെ ഡിസംബർ 15 വരെ അപേക്ഷിക്കാം. ഫോൺ: 0487 2361500.

ത്രിശ്ശൂർ ഗവ. എഞ്ചിനീയറിങ് കോളേജിൽ സ്മാേൾ ഇൻഡസ്ട്രീസ് ഡെവലപ്മെന്റ് ബാങ്ക് ഓഫ് ഇന്ത്യയുടെ ( സിഡ്ബി) പിന്തുണയോടെ നടപ്പിലാക്കുന്ന സ്വാവാലംബൻ ചെയർ ഫോർ എംഎസ്എംഇ സൊല്യൂഷൻസ് രണ്ടു ദിവസത്തെ സൗജന്യ സംരംഭകത്വ ശില്പശാല സംഘടിപ്പിക്കുന്നു. ഒക്ടോബർ 4, 5 തീയതികളിൽ രാവിലെ 9.30 മുതൽ വൈകീട്ട് 4 വരെ ഹോട്ടൽ അശോക ഇൻ - ലാണ് ശില്പശാല നടത്തുക. ബിസിനസ് ഡെവലപ്മെന്റ്, ബ്രാൻഡിംഗ്, മാർക്കറ്റിംഗ്, ലീഡർഷിപ്പ് ലൈസൻസിംഗ്, വിവിധ ഫണ്ടിങ് സ്കീമുകൾ, സംരംഭങ്ങൾ രജിസ്റ്റർ ചെയ്യുന്നതിന്റെ വിവിധ ഘട്ടങ്ങൾ തുടങ്ങി നിരവധി മേഖലകളെ ആസ്പദമാക്കി വിദഗ്ധർ നടത്തുന്ന ക്ലാസുകൾ ഉണ്ടായിരിക്കും.

സാമ്പത്തിക ക്രമക്കേട് കണ്ടെത്തിയതിനെ തുടര്‍ന്ന് ചടയമംഗലം ബ്ലോക്കിലെ മഹിളാ പ്രധാന്‍ ഏജന്റ് ബിന്ദു ബാലചന്ദ്രന്റെ ഏജന്‍സി റദ്ദ് ചെയ്തതായി ചടയമംഗലം ബ്ലോക്ക് ഓഫീസര്‍ അറിയിച്ചു.

മനയില്‍കുളങ്ങര സര്‍ക്കാര്‍ വനിത ഐടിഐയില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ഒക്ടോബര്‍ 10 നകം ഐ ടി ഐയില്‍ അപേക്ഷ സമര്‍പ്പിച്ച് പ്രവേശനം നേടാം. ഫോണ്‍ 0474 2793714, 9995006932, 9895559445.

കേരള കര്‍ഷക തൊഴിലാളി ക്ഷേമനിധി ബോര്‍ഡ് അംഗങ്ങളായവര്‍ക്ക് കുടിശിക നിവാരണ അദാലത്ത് ഒക്‌ടോബര്‍ അഞ്ചിന് രാവിലെ 10 മുതല്‍ നിലമേല്‍ ഗ്രാമപഞ്ചായത്തില്‍ നടത്തും. രണ്ടു കൊല്ലത്തില്‍ കൂടുതല്‍ കുടിശിക വരുത്തി അംഗത്വം റദ്ദായിപോയവര്‍ക്ക് പുന:സ്ഥാപിക്കുന്നതിനും, നിലവില്‍ അംശദായം അടയ്ക്കാനും പുതിയ അംഗങ്ങളെ ചേര്‍ക്കാനും അവസരമുണ്ട്. കുടിശിക അടയ്ക്കാന്‍ ബാങ്ക് പാസ്ബുക്കും ആധാറിന്റെ പകര്‍പ്പും കൊണ്ടുവരണം. ഫോണ്‍ 9746822396, 7025491386, 0474 2766843, 2950183.

തൊഴിലുറപ്പ് പദ്ധതി ഒംബുഡ്‌സ്മാന്‍ സിറ്റിങ് ഒക്‌ടോബര്‍ ആറിന് രാവിലെ 11 മുതല്‍ 12 വരെ ചവറ ബ്ലോക്ക് പഞ്ചായത്ത് ഓഫീസില്‍ നടത്തും. തൊഴിലുറപ്പ് പദ്ധതി, പ്രധാനമന്ത്രി ആവാസ് യോജനയും സംബന്ധിച്ച പരാതികള്‍ നേരിട്ടോ, സയീദ് എ, ഓംബുഡ്‌സ്മാന്‍, എം ജി എന്‍ ആര്‍ ഇ ജി എസ്, കലക്ട്രേറ്റ്, കൊല്ലം മേല്‍വിലാസത്തിലോ ombudsmankollam@gmail.com വഴിയോ 9995491934 നമ്പറിലോ സമര്‍പ്പിക്കാം.

കരുനാഗപ്പള്ളി എഞ്ചിനീയറിങ് കോളജില്‍ കംപ്യുട്ടര്‍ സയന്‍സ് ആന്‍ഡ് എന്‍ജിനീയറിങ് വിഭാഗത്തില്‍ അസിസ്റ്റന്റ് പ്രൊഫസറുടെ താത്ക്കാലിക ഒഴിവ്. യോഗ്യത: ബന്ധപ്പെട്ട വിഷയത്തില്‍ ഫസ്റ്റ് ക്ലാസോടെയുള്ള ബി ടെക്കും എം ടെക്കും. യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം ഒക്ടോബര്‍ ആറിന് രാവിലെ 10.30ന് പ്രിന്‍സിപ്പല്‍ മുമ്പാകെ എഴുത്ത്പരീക്ഷക്കും ഇന്റര്‍വ്യൂനും ഹാജരാകണം. വിവരങ്ങള്‍ക്ക് www.ceknpy.ac.in ഫോണ്‍ 0476 2665935.

ചന്ദനത്തോപ്പ് സര്‍ക്കാര്‍ ഐടിഐയില്‍ വിവിധ ട്രേഡുകളിലെ ഗസ്റ്റ് ഇന്‍സ്ട്രക്ടര്‍ ഒഴിവിലേക്ക് അപേക്ഷ ക്ഷണിച്ചു. വയര്‍മാന്‍, ലിഫ്റ്റ് ആന്‍ഡ് എസ്‌കലേറ്റര്‍ മെക്കാനിക്, മെക്കാനിക് ഓട്ടോബോഡി പെയിന്റിങ്, സര്‍വേയര്‍ എന്നീ ട്രേഡുകളിലാണ് അവസരം.

കൊല്ലം താലൂക്കിലെ കൊറ്റങ്കര വില്ലേജില്‍ തണ്ടപ്പേര്‍ 11345 ബ്ലോക്ക് നമ്പര്‍ 16 സര്‍വ്വേ നമ്പര്‍ 26/16ല്‍ 2.10 പുരയിടം ഒക്ടോബര്‍ന് 16 പകല്‍ 11. 30ന് കൊറ്റങ്കര വില്ലേജ് ഓഫീസില്‍ ലേലം ചെയ്യും. ഫോണ്‍ - 0474 2763736.

ഫുട്‌വെയര്‍ മാന്യുഫാക്ചറിങ്, അഗ്രികള്‍ച്ചറല്‍ ഓപ്പറേഷന്‍ ആന്‍ഡ് അലൈഡ് സെക്ടര്‍ മേഖലകളിലെ തൊഴിലാളികളുടെ മിനിമംവേതനം പുതുക്കിനിശ്ചയിക്കുന്നതിനായി ഒക്ടോബര്‍ 10ന് രാവിലെ 11നും ഉച്ചയ്ക്ക് 12നും തിരുവനന്തപുരത്ത് ലേബര്‍ കമ്മീഷണറുടെ കാര്യാലയത്തിലെ മെയിന്‍ കോണ്‍ഫറന്‍സ് ഹാളില്‍ ഉപസമിതി യോഗം ചേരും. ഫോണ്‍ 04742794820.