മുച്ചുണ്ടും, മുറിയണ്ണാക്കും ഉള്ള വ്യക്തികളുടെ സമഗ്ര പരിശോധനക്കായി മെയ് 4ന് നിഷ്-ൽ ക്യാംപ് സംഘടിപ്പിക്കുന്നു

        2024 ഏപ്രിൽ 26ന് നടക്കുന്ന പൊതുതിരഞ്ഞെടുപ്പുമായി ബന്ധപ്പെട്ട് പോളിംഗ് സ്റ്റേഷനുകൾ,  പോളിംഗ് സാമഗ്രികൾ വിതരണം ചെയ്യുന്ന സെന്ററുകൾ, വോട്ടെണ്ണൽ കേന്ദ്രങ്ങൾ എന്നിവിടങ്ങളിൽ ഉണ്ടാകുന്ന മാലിന്യം നീക്കം ചെയ്യലും സംസ്കരണവും സംബന്ധിച്ച് നിർദ്ദേശങ്ങൾ പുറപ്പെടുവിച്ചു.

മലപ്പുറം ജില്ലാ സ്‌പോര്‍ട്‌സ് കൗണ്‍സിലിന്റെ കീഴില്‍ ജില്ലയില്‍ കോട്ടപ്പടി  ഫുട്‌ബോള്‍ അക്കാദമിയിലേക്ക്  കുട്ടികളെ  തെരഞ്ഞെടുക്കുന്നു. 2024 മെയ് നാലിന് മലപ്പുറം കോട്ടപ്പടി ഫുട്‌ബോള്‍ സ്റ്റേഡിയത്തില്‍ വെച്ച് സെലക്‍ഷന്‍ നടത്തും. 2011, 2012, 2013, 2014 വര്‍ഷത്തില്‍ ജനിച്ച ആണ്‍കുട്ടികള്‍ക്ക് സെലക്‍ഷനില്‍ പങ്കെടുക്കാം. താല്‍പര്യമുള്ള  കുട്ടികള്‍  വയസ്സ് തെളിയിക്കുന്ന സര്‍ട്ടിഫിക്കറ്റിന്റെ പകര്‍പ്പുമായി രക്ഷിതാക്കളോടൊപ്പം ഫുട്‌ബോള്‍ കിറ്റ് സഹിതം അന്നേ ദിവസം രാവിലെ എട്ടു മണിക്ക് റിപ്പോര്‍ട്ട് ചെയ്യണം.
 

പട്ടാമ്പി ശ്രീ നീലകണ്‌ഠ സംസ്‌ക്യത കോളേജിലെ സംസ്കൃതം വിഭാഗം ഗവേഷണ കേന്ദ്രത്തില്‍ എനിടൈം കാറ്റഗറിയിൽ (ജെ.ആർ.എഫ്.) ഏതാനും ഒഴിവുകൾ ഉണ്ട്. ഏപ്രില്‍ 24 നു മുമ്പായി നേരിട്ടോ ഓണ്‍ലൈനായോ അപേക്ഷിക്കണം.

മലപ്പുറം, മേല്‍മുറി വില്ലേജുകളില്‍ പെട്ട പ്രദേശങ്ങളിലേക്കുള്ള ജലവിതരണം ഇന്നു മുതല്‍ (ഏപ്രില്‍ 24) ഭാഗികമായി തടസ്സപ്പെടുമെന്ന് വാട്ടര്‍ അതോറിറ്റി (മലപ്പുറം പി.എച്ച് സബ് ഡിവിഷന്‍) അസിസ്റ്റന്റ് എക്സിക്യുട്ടീവ് എഞ്ചിനീയര്‍ അറിയിച്ചു. മലപ്പുറം മുനിസിപ്പാലിറ്റിയിലെ മലപ്പുറം വില്ലേജ് വാട്ടർ സപ്ലൈ സ്‌കീമിൽ ഉൾപ്പെട്ട നാമ്പ്രാണി, മണ്ണാറക്കുണ്ട് എന്നീ പമ്പ് ഹൗസുകളിൽ നിന്നുള്ള പമ്പിങ് കടുത്ത വേനല്‍ കാരണം ഭാഗികമായി തടസ്സപ്പെട്ടതിനാലാണ് നിയന്ത്രണം ഏര്‍പ്പെടുത്തിയത്.

പ്രധാനമന്ത്രി ഗ്രാമ സഡക് യോജന പദ്ധതി പ്രകാരം ടാറിങ് പ്രവൃത്തി നടക്കുന്നതിനാല്‍ വണ്ടൂര്‍ ബ്ലോക്കിലെ   മേലെകോഴിപാറമ്പ- പൂളക്കല്‍ - പാലക്കോട്-   റോഡില്‍ ഇന്ന് (ഏപ്രില്‍ 24) മുതല്‍ പത്ത് ദിവസത്തേക്ക് ഗതാഗതം നിരോധിച്ചു. വാഹന യാത്രയ്ക്കായി പാലക്കോട് - ചുള്ളി റോഡ്, പോലക്കോട് സ്കൂള്‍ റോഡ് , താഴെ കോഴിപറമ്പ റോഡ് എന്നിവ ഉപയോഗിക്കണം.

ലോക്‌സഭാ തിരഞ്ഞെടുപ്പിനുള്ള വോട്ടിങ് യന്ത്രങ്ങളുടെയും മറ്റ് പോളിങ് സാമഗ്രികളുടെയും വിതരണം നാളെ (ഏപ്രില്‍ 25) രാവിലെ എട്ടു മുതല്‍ ജില്ലയിലെ വിതരണ കേന്ദ്രങ്ങളില്‍ നടക്കും. ജില്ലയിലെ ഓരോ അസംബ്ലി നിയോജക മണ്ഡലത്തിലും  പ്രത്യേകം സജ്ജമാക്കിയ  വിതരണ കേന്ദ്രങ്ങളിലാണ് പോളിങ് സാമഗ്രികള്‍ വിതരണം ചെയ്യുന്നത്. പോളിങ് സാമഗ്രികള്‍ വിതരണം ചെയ്യുന്നതിന്റെ ചുമതല ബന്ധപ്പെട്ട തഹസില്‍ദാര്‍മാര്‍ക്കും വോട്ടിങ് മെഷീന്‍, വി.വി.പാറ്റ് മെഷീന്‍ എന്നിവയുടെ വിതരണ ചുമതല ബന്ധപ്പെട്ട അസിസ്റ്റന്റ് റിട്ടേണിങ് ഓഫീസര്‍ക്കുമാണ്.

ലോക്‌സഭാ തിരഞ്ഞെടുപ്പിനുള്ള ഒരുക്കങ്ങള്‍ മലപ്പുറം ജില്ലയില്‍ പൂര്‍ത്തിയായതായി ജില്ലാ തിരഞ്ഞെടുപ്പു ഓഫീസറും ജില്ലാ കളക്ടറുമായ വി.ആര്‍ വിനോദ് വാര്‍ത്താസമ്മേളനത്തില്‍ അറിയിച്ചു. 16 നിയമസഭാ മണ്ഡലങ്ങളിലായി 33,93,884 വോട്ടര്‍മാരാണ് ജില്ലയില്‍ ഇത്തവണ വോട്ട് രേഖപ്പെടുത്തുന്നത്. ഇതില്‍ 16,96,709 പേര്‍ പുരുഷന്മാരും 16,97,132 പേര്‍ സ്ത്രീകളും 43 പേര്‍ ട്രാന്‍സ്‍ജെന്‍ഡേഴ്സുമാണ്. കന്നി വോട്ടര്‍മാരായി  82,286 പേരും വോട്ട് രേഖപ്പെടുത്തും.

തിരുവനന്തപുരം ഗവ.ആയുർവേദ കോളേജിൽ പി.ജി ഡെസർട്ടേഷന്റെ ഭാഗമായി വിവിധ രോഗങ്ങൾക്ക് ഗവേഷണാടിസ്ഥാനത്തിൽ സൗജന്യ ചികിത്സ നൽകുന്നു. അമിതഭാരമുള്ളവർക്ക് ഭാരം കുറയ്ക്കുന്നതിനുള്ള സൗജന്യ ചികിത്സയും യോഗാ പരിശീലനവും നൽകും. കൂടാതെ 10നും  19നും ഇടയിൽ പ്രായമായ പെൺകുട്ടികൾക്കായി ഭാരക്കുറവിനുള്ള സൗജന്യ ചികിത്സയും ഗവേഷണാടിസ്ഥാനത്തിൽ നൽകുന്നതായി പ്രിൻസിപ്പാൾ അറിയിച്ചു.

മഞ്ച ഗവൺമെന്റ് ടെക്‌നിക്കൽ ഹൈസ്‌കൂളിൽ ഇലക്ഷൻ ഡ്യൂട്ടിക്കായി വരുന്ന ഉദ്യോഗസ്ഥരുടെ വാഹനങ്ങൾ നെടുമങ്ങാട് ഗവൺമെന്റ് പോളിടെക്‌നിക്,  നെടുമങ്ങാട് ബി.വി.എച്ച്.എസ്.എസ് , മഞ്ച എന്നിവിടങ്ങളിലായി പാർക്ക് ചെയ്യണമെന്ന് അരുവിക്കര നിയോജക മണ്ഡലം ഉപവരണാധികാരി അറിയിച്ചു.