നവകേരള സദസ്സിന്റെ തുടര്‍ച്ചയായി ഫിബ്രുവരി 24ന് കണ്ണൂരില്‍ സംഘടിപ്പിക്കുന്ന മുഖ്യമന്ത്രിയുടെ മുഖാമുഖം പരിപാടിയില്‍ ആദിവാസി ദളിത് മേഖലയിലെ എല്ലാ വിഭാഗമാളുകളെയും പങ്കെടുപ്പിക്കാന്‍ സംഘാടക സമിതി തീരുമാനം. വിദ്യാര്‍ഥികള്‍, യുവാക്കള്‍, സ്ത്രീകള്‍, പ്രെഫഷണലുകള്‍, സംരംഭകരടക്കമുള്ള വിവിധ രംഗങ്ങളില്‍ കഴിവ് തെളിയിച്ചവര്‍, ഊര് മൂപ്പന്‍മാര്‍, ഊര് മൂപ്പത്തിമാര്‍ തുടങ്ങി ഈ വിഭാഗത്തിന്റെ പരിഛേദമായി മുഖാമുഖം പരിപാടി മാറ്റാനാണ് തീരുമാനം. പട്ടികജാതി, പട്ടികവര്‍ഗ, ദേവസ്വം വകുപ്പ് മന്ത്രി കെ രാധാകൃഷ്ണന്റെ അധ്യക്ഷതയില്‍ ഓണ്‍ലൈനായി ചേര്‍ന്ന സംഘാടക സമിതി യോഗം ഇതിനാവശ്യമായ നടപടികള്‍ ആസൂത്രണം ചെയ്തു.

ചേളന്നൂർ ഗ്രാമപഞ്ചായത്തിലെ ഊട്ടുകുളം - പുളിക്കും പറമ്പത്ത് താഴം റോഡിന്റെ ഉദ്ഘാടനം വനം - വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ നിർവഹിച്ചു. സമാനതകൾ ഇല്ലാത്ത വികസന പ്രവർത്തനങ്ങളാണ് ചേളന്നൂർ ഗ്രാമപഞ്ചായത്തിൽ നടന്നുകൊണ്ടിരിക്കുന്നത് എന്ന മന്ത്രി പറഞ്ഞു. ഈ സാമ്പത്തിക വർഷം റോഡ് നിർമ്മാണത്തിന് മാത്രമായി 86 ലക്ഷം രൂപയാണ് എം എൽ എ ഫണ്ടിൽ നിന്ന് വിനിയോഗിച്ചതെന്നും മന്ത്രി പറഞ്ഞു. 15 ലക്ഷം രൂപ വിനിയോഗിച്ചാണ് റോഡ് നിർമ്മാണം പൂർത്തീകരിച്ചത്.

ഒളവണ്ണ പഞ്ചായത്തിൽ സംസ്ഥാന സർക്കാർ ഫണ്ട് ഉപയോഗിച്ച് നിർമ്മിച്ച സ്പോർട്സ് ലൈഫ് സെൻ്റർ നാടിന് സമർപ്പിച്ചു. മാവത്തും പടി ഗ്രൗണ്ടിന് സമീപം നടന്ന ചടങ്ങിൽ സ്പോർട്സ് ലൈഫ് ഫിറ്റ്നസ് സെൻ്ററിൻ്റെ ഉദ്ഘാടനവും മാവത്തുംപടി ഗ്രൗണ്ട് പ്രവൃത്തി ഉദ്ഘാടനവും പി ടി എ റഹീം എംഎൽഎ നിർവഹിച്ചു. പഞ്ചായത്ത് പ്രസിഡന്റ് പി  ശാരുതി അധ്യക്ഷത വഹിച്ചു. 

നവകേരള വൈഞ്ജാനിക സമൂഹ സൃഷ്ടിക്കായുള്ള ചർച്ചയ്ക്ക് കോഴിക്കോടിന്റെ മണ്ണിൽ നിന്നു തുടക്കമിട്ടു മുഖ്യമന്ത്രിയും വിദ്യാർത്ഥികളും. വിദ്യാര്‍ത്ഥികള്‍ അഭിമുഖീകരിക്കുന്ന പ്രശ്‌നങ്ങള്‍ അവരുടെ ആശയങ്ങൾ, നിർദേശങ്ങൾ എന്നിവ മുഖാമുഖത്തില്‍ ചര്‍ച്ചയായി.

അറിവും ആശങ്കകളും നിര്‍ദേശങ്ങളും പങ്കുവെച്ച് വിദ്യാര്‍ത്ഥികള്‍

കേരളത്തിന്റെ വിദ്യാഭ്യാസ വളര്‍ച്ചയില്‍ സാമൂഹ്യ നിയന്ത്രണത്തോടെയുള്ള സ്വകാര്യ മേഖലയുടെ ഇടപെടൽ ഉറപ്പാക്കേണ്ടി വരുമെന്ന് മുഖ്യമന്ത്രി പിണറായി വിജയന്‍. വിദ്യാര്‍ത്ഥികളുമായുള്ള മുഖാമുഖം പരിപാടിയില്‍ വിദ്യാര്‍ത്ഥികളുടെ ചോദ്യങ്ങള്‍ക്ക് മറുപടി പ്രസംഗം നടത്തുകയായിരുന്നു അദ്ദേഹം.

കലാപത്തെ തുടർന്ന് പഠനം മുടങ്ങി ഉപരിപഠനത്തിനായി കേരളത്തിലെത്തിയ മണിപ്പൂർ വിദ്യാർത്ഥികൾ സംസ്ഥാനത്തെ ഉന്നത വിദ്യാഭ്യാസ മേഖലയെ പ്രകീർത്തിച്ചു കൊണ്ട് മുഖാമുഖം പരിപാടിയുടെ ഭാഗമായി. മണിപ്പൂരിൽ നിന്നുള്ള നാല് വിദ്യാർത്ഥികളാണ്  പങ്കെടുത്തത്. എല്ലാവരും കണ്ണൂർ യൂണിവേഴ്സിറ്റിക്ക് കീഴിലെ വിവിധ ക്യാമ്പസുകളിലെ വിദ്യാർത്ഥികളാണ്. 

കലാപത്തിന്റെ പശ്ചാത്തലത്തിൽ മണിപ്പൂരിലെ വിദ്യാർത്ഥികൾക്ക് പ്രത്യേകം സീറ്റ് അനുവദിക്കണമെന്ന സർക്കാരിൻ്റെയും സർവകലാശാല സിൻഡിക്കേറ്റിൻ്റെയും തീരുമാനപ്രകാരമാണ് മണിപ്പൂർ വിദ്യാർത്ഥികൾക്ക് കേരളത്തിൽ പ്രവേശനം ലഭിച്ചത്. 

മുഖ്യമന്ത്രിയുമായി വിദ്യാർത്ഥികളുടെ മുഖാമുഖത്തിൽ പങ്കെടുക്കാൻ കോഴിക്കോടെത്തി തിരുവനന്തപുരം നെയ്യാറ്റിൻകര വ്ലാത്താങ്കര സ്വദേശി ആർ എ ആദർശ്. മുഖ്യമന്ത്രിയുടെ ദുരിതാശ്വാസ നിധിയിലേക്ക് മുടങ്ങാതെ മാസം തോറും പണം അയച്ചു മുഖ്യമന്ത്രിയുടെ പ്രശംസ പിടിച്ചു പറ്റിയ വിദ്യാർത്ഥിയാണ്  ആദർശ്. നിലവിൽ ധനുവച്ചപുരം വി.ടി.എം എൻഎസ്എസ് കോളേജിൽ ഡിഗ്രി ഒന്നാം വർഷ ബോട്ടണി വിദ്യാർത്ഥിയാണ്. 

കൂടുതൽ സ്കോളർഷിപ്പ് പദ്ധതികൾ ഉള്ള സംസ്ഥാനം കേരളം

ഗവേഷണ മേഖലയിൽ കടന്നുവരാൻ ഡോക്ടർമാർ തയാറാകണം

ഗവേഷണ മേഖലയിൽ കേരളത്തിന്റെ ലോകനിലവാരമില്ലായ്‌മ ഗൗരവമായി ചിന്തിക്കണം

കെ-റീപ്‌ സംവിധാനം ഒരുങ്ങുന്നു 

അടിസ്ഥാന സൗകര്യ വികസനവും അക്കാദമിക ഗുണമേന്മയും വർധിപ്പിക്കാനുള്ള  ഇടപെടലുകളാണ് ഉന്നത വിദ്യാഭ്യാസ മേഖലയിൽ സർക്കാർ നടത്തുന്നതെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു.

ജില്ലാ കോടതിക്കായി മഞ്ചേരി കച്ചേരിപ്പടിയില്‍ ഏഴു നിലകളിലായി നിര്‍മിച്ച കെട്ടിട സമുച്ചയം ഹൈക്കോടതി ചീഫ് ജസ്റ്റിസ് ആശിഷ് ജിതേന്ദ്ര ദേശായി ഉദ്ഘാടനം ചെയ്തു.  വേഗത്തിലും സുതാര്യവുമായി കേസുകള്‍ തീര്‍പ്പാക്കിയാല്‍ മാത്രമേ പരാതിക്കാര്‍ക്ക് യഥാര്‍ത്ഥ നീതി ലഭിച്ചു എന്ന് പറയാനാവൂ എന്ന് അദ്ദേഹം ഉദ്ഘാടന പ്രസംഗത്തില്‍ പറഞ്ഞു. സാങ്കേതികവിദ്യയുടെ കടന്നു വരവും തങ്ങളുടെ അവകാശങ്ങളെയും കടമകളെയും കുറിച്ചുള്ള ജനങ്ങളുടെ അവബോധവും കാരണം സംസ്ഥാനത്തെ കോടതികളില്‍ കേസുകളുടെ എണ്ണം കൂടി വരുന്നുണ്ട്. കോടതികളില്‍ കേസുകള്‍ കെട്ടിക്കിടക്കാതെ വേഗത്തില്‍ തീര്‍പ്പാക്കണം.