തനത് പാട്ടുകളുടെ അംഗീകൃത കലാകാരനും കേരള ഫോക് ലോർ  അക്കാദമി അവാര്‍ഡ് ജേതാവും സാംസ്‌കാരിക വകുപ്പ് വജ്രൂബിലി ഫെലോഷിപ്പ് ജില്ലാ കോ ഓര്‍ഡിനേറ്ററുമായ രാഹുല്‍ഗാന്ധിയെ (രാഹുല്‍ കൊച്ചാപ്പി) നാടന്‍പാട്ട് പാടിക്കൊണ്ടിരിക്കെ ഒരു സംഘം സാമൂഹ്യവിരുദ്ധര്‍ അക്രമിച്ചതില്‍ ഫോക് ലോർ  അക്കാദമി പ്രതിഷേധം രേഖപ്പെടുത്തി. നാടന്‍പാട്ട് വേദിയില്‍ സിനിമാഗാനം ആലപിക്കാന്‍ ആവശ്യപ്പെട്ട സംഘത്തോട് നാടോടി സംഘഗാനങ്ങള്‍ പരിശീലിച്ച തനിക്ക് സിനിമാഗാനം അവതരിപ്പിക്കുവാന്‍ അറിയില്ലെന്ന് അറിയിച്ചതിനെ തുടര്‍ന്നായിരുന്നു മര്‍ദ്ദനം.

ജില്ലാ ഇന്‍ക്ലൂസീവ് കായികമേളയിലെ സ്റ്റാന്റിങ് ജമ്പ് മത്സരങ്ങളില്‍ കണ്ണൂര്‍ സൗത്ത്, മാടായി, മട്ടന്നൂര്‍, പാനൂര്‍ എന്നീ ബിആര്‍സികള്‍ക്ക് ഒന്നാംസ്ഥാനം. വിവിധ വിഭാഗങ്ങളിലായാണ് നേട്ടം സ്വന്തമാക്കിയത്. എബോവ് 17 വിഭാഗത്തില്‍ കണ്ണൂര്‍ സൗത്ത് ഒന്നാം സ്ഥാനം നേടിയപ്പോള്‍ തലശ്ശേരി സൗത്ത്, കണ്ണൂര്‍ നോര്‍ത്ത് എന്നിവ രണ്ടും മൂന്നും സ്ഥാനങ്ങള്‍ നേടി. അണ്ടര്‍ 11 വിഭാഗത്തില്‍ മാടായി ഒന്നാംസ്ഥാനം നേടി. പയ്യന്നൂര്‍, തളിപ്പറമ്പ് നോര്‍ത്ത് രണ്ട,് മൂന്ന് സ്ഥാനങ്ങള്‍ സ്വന്തമാക്കി. അണ്ടര്‍ 17 ലോങ്ങ് ജമ്പ് മത്സരത്തില്‍ മട്ടന്നൂര്‍ ഒന്നും തളിപ്പറമ്പ് നോര്‍ത്ത് രണ്ടും മാടായി മൂന്നും സ്ഥാനം നേടി.

എന്നെ പിന്തുണക്കണേ, ഞാന്‍ ജയിച്ചേ വരൂ... ഭിന്നശേഷി കുട്ടികള്‍ക്കായുള്ള ജില്ലാ ഇന്‍ക്ലൂസീവ് കായികമേളയിലെ സ്റ്റാന്റിങ് ബോള്‍ ത്രോ മത്സരത്തിന് മൈതാനിയിലേക്കിറങ്ങിയ മുഹമ്മദ് റയാന്റെ ഈ വാക്കുകളിലുണ്ട് ആത്മവിശ്വാസത്തിന്റെ കരുത്ത്. പ്രതിസന്ധികളെ വകഞ്ഞുമാറ്റി വീല്‍ചെയറിലിരുന്നാണ് റയാന്‍ കൂത്തുപറമ്പ് ബിആര്‍സിക്കായി 11 വയസിന് താഴെ സ്റ്റാന്റിങ് ത്രോ മത്സരത്തിന് ഇറങ്ങിയത്. വീല്‍ ചെയറിലിരുന്ന്  ബോള്‍ എറിയുന്ന ഓരോ നിമിഷവും റയാന്റെ മുഖം സന്തോഷിക്കുന്നത് കാണാമായിരുന്നു.

ഭിന്നശേഷിക്കാർക്ക് കരുതലും കരുത്തുമേകി സമഗ്ര ശിക്ഷ കേരളം സംഘടിപ്പിച്ച ജില്ലാതല കായിക മാമാങ്കത്തിൽ പയ്യന്നൂർ ബി ആർ സിക്ക് 54 പോയിൻ്റുമായി കിരീടം. 38 പോയിൻ്റ് നേടി കണ്ണൂർ സൗത്ത് റണ്ണറപ്പായപ്പോൾ 32 പോയിൻ്റ് നേടി മാടായി മൂന്നാം സ്ഥാനം നേടി. വിജയികൾക്ക് ഡെപ്യൂട്ടി തഹസിൽദാർ കെ വി ഷാജു ട്രോഫി സമ്മാനിച്ചു.

പരിമിതികളെ പേടിച്ചിരിക്കാന്‍ തയ്യാറല്ലെന്ന് ഉറക്കെ പറയുകയാണ് മാടായി ബിആര്‍ആസിയിലെ ആദിദേവ്. ജന്മനാ ബാധിച്ച സെറിബ്രല്‍ പാള്‍സിക്ക് ഈ പതിനൊന്നുകാരന്റെ ആഗ്രഹങ്ങളെയും കഴിവുകളെയും ഒട്ടും തളര്‍ത്താനായില്ല. ഇതേ രോഗ ബാധിതയായ സഹോദരിക്കും താങ്ങാവുകയാണ് ഈ മിടുക്കന്‍. ഭിന്നശേഷി കുട്ടികള്‍ക്കായി പൊതുവിദ്യാഭ്യാസ വകുപ്പ് സമഗ്രശിക്ഷാ കേരളം സംഘടിപ്പിച്ച ജില്ലാ ഇന്‍ക്ലൂസീവ് കായികമേളയുടെ ഭാഗമായി കക്കാട് നടത്തിയ ഡബിള്‍ ബാഡ്മിന്റണ്‍ മത്സരത്തിലാണ് ആദിദേവ് മികച്ച പ്രകടനം കാഴ്ച്ചവെച്ചത്.

കോട്ടയം: സർക്കാർ, എസ്.സി.ഡി.ഡി, എസ്.ടി.ഡി.ഡി, സ്വകാര്യ ഐ.ടി.ഐകളിൽ 2017-19 കാലയളവിൽ സെമസ്റ്റർ സമ്പ്രദായത്തിൽ ദ്വിവത്സര എൻ.സി.വി.ടി ട്രേഡുകളിൽ പ്രവേശനം നേടിയ ട്രെയിനികളിൽ പരീക്ഷ പാസാകാനുള്ളവർക്ക് മാർച്ചിൽ നടക്കുന്ന സപ്ലിമെന്ററി പരീക്ഷക്ക് അപേക്ഷിക്കാനുള്ള തീയതി ഫെബ്രുവരി 19 വരെ നീട്ടി. പ്രവേശനം നേടിയ ഐ.ടി.ഐ.കളിൽ നേരിട്ട് ഹാജരായി അപേക്ഷ നൽകണം. അവസാന അവസരമെന്ന നിലയിലാണ് സപ്ലിമെന്ററി പരീക്ഷ നടക്കുക. വിശദവിവരത്തിന് ഫോൺ: 9446484972.

ഫുട്‌ബോള്‍ മത്സരങ്ങളില്‍ പാനൂര്‍, ഇരിക്കൂര്‍ ബി ആര്‍ സികള്‍ക്ക് ഷൂട്ടൗട്ടിലൂടെ മിന്നും വിജയം. അണ്ടര്‍ 14 വിഭാഗത്തില്‍ എട്ട് ടീമുകളും എബോവ് 14 വിഭാഗത്തില്‍ ആറ് ടീമുകളുമാണ് മത്സരിച്ചത്. അണ്ടര്‍ 14യില്‍ പാനൂരും പയ്യന്നൂരും തമ്മിലായിരുന്നു ഫൈനല്‍ പോരാട്ടം. ഇരു ടീമും തകരാത്ത പ്രതിരോധക്കോട്ട തീര്‍ത്തതോടെ 20 മിനുട്ട് മത്സരത്തില്‍ ആര്‍ക്കും ഗോള്‍ നേടാനായില്ല. ഒടുവില്‍ പെനാല്‍ട്ടി ഷൂട്ടൗട്ടില്‍ രണ്ടിനെതിരെ മൂന്നു ഗോളുകള്‍ക്ക് പാനൂര്‍ വിജയിച്ചു. എബോവ് 14 വിഭാഗത്തില്‍ ഇരിക്കൂര്‍, തളിപ്പറമ്പ് ബി ആര്‍ സികളാണ് മാറ്റുരച്ചത്. മന്ദഗതിയിലായിരുന്നു കളിയുടെ തുടക്കം.

ഭിന്നശേഷിക്കാർക്ക് കരുതലും കരുത്തുമേകി നടന്ന ജില്ലാതല കായിക മാമാങ്കത്തിന് കൊടിയിറങ്ങി. കണ്ണൂരിൽ ബി ആർ സിയുടെ നേതൃത്വത്തിൽ രണ്ട്  ദിവസമായി നടന്ന ഇൻക്ലൂസീവ് കായിക മേള വിഭിന്നമായ കഴിവുകൾ പ്രകടമാക്കാനുള്ള വേദിയായി. ആദ്യമായി മത്സര വേദിയിലെത്തിയ ആനന്ദത്തിലും സമ്മാനങ്ങൾ വാരിക്കൂട്ടിയ ആവേശത്തിലുമായിരുന്നു മിക്ക കുട്ടികളും.

കോട്ടയം: തിടനാട് ഗ്രാമപഞ്ചായത്തിൽ മെഡിക്കൽ ലാബോറട്ടറിയുടെയും ആയിരം വനിതകൾക്കുള്ള മെൻസ്ട്രൽ കപ്പ് വിതരത്തിന്റെയും ഉദ്ഘാടനം അഡ്വ. സെബാസ്റ്റ്യൻ കുളത്തുങ്കൽ എം.എൽ.എ. നിർവഹിച്ചു. ഗ്രാമപഞ്ചായത്ത് പ്രസിഡന്റ് വിജി ജോർജ് വെള്ളൂക്കുന്നേൽ അധ്യക്ഷനായി.