കഴക്കൂട്ടം നിയോജക മണ്ഡലത്തിലെ ഗവ.വനിതാ ഐ.ടി.ഐ ക്യാമ്പസ്സിൽ നിർമിച്ച ഹോസ്റ്റൽ മന്ദിരത്തിന്റെ ഉദ്ഘാടനം പൊതു വിദ്യാഭ്യാസ വകുപ്പ് മന്ത്രി വി ശിവൻകുട്ടി നിർവഹിച്ചു. വൈദഗ്ധ്യവും ശാക്തീകരണവുമുള്ള ഒരു തൊഴിൽ ശക്തിയെ രൂപപ്പെടുത്തുന്നതിൽ സ്യൂട്ട് കേരള പ്രതിജ്ഞാബദ്ധമാണെന്നും  സ്ത്രീകൾക്ക് തൊഴിലധിഷ്ഠിത വിദ്യാഭ്യാസത്തിൽ സജീവമായി പങ്കെടുക്കാനും പ്രോത്സാഹിപ്പിക്കാനും ഇത്തരത്തിലുള്ള സംരംഭങ്ങൾ അനിവാര്യമാണെന്നും അദ്ദേഹം പറഞ്ഞു. ഇൻസ്‌ട്രക്ടർമാർക്കൊപ്പം വിദ്യാർത്ഥിനികൾക്കും ഹോസ്റ്റൽ സൗകര്യം പ്രയോജനപ്പെടാനുള്ള സൗകര്യം ചെയ്യണമെന്ന് വകുപ്പ് ഡയറക്ടർക്ക് മന്ത്രി നിർദേശം നല്കി.

മുട്ടില്‍ ഗ്രാമപഞ്ചായത്ത് ജാഗ്രത സമിതിയില്‍ കമ്മ്യൂണിറ്റി വുമണ്‍ ഫെസിലിറ്റേറ്ററെ നിയമിക്കുന്നു. മെഡിക്കല്‍ ആന്റ് സൈക്യാട്രിയില്‍ എം.എസ്.ഡബ്ല്യൂ , സൈക്കോളജിയില്‍ ബിരുദാനന്തര ബിരുദമാണ് യോഗ്യത. താത്പര്യമുള്ളവര്‍ അസല്‍ സര്‍ട്ടിഫിക്കറ്റുമായി ഫെബ്രുവരി 16 ന് രാവിലെ 11 ന് പഞ്ചായത്തില്‍ നടക്കുന്ന കൂടിക്കാഴ്ചയ്ക്ക് എത്തണം. ഫോണ്‍ 04936- 202418
 

കേരള സംസ്ഥാന ജൈവവൈവിധ്യ ബോര്‍ഡിന്റെ നേതൃത്വത്തില്‍ ജില്ലാ ജൈവവൈവിധ്യ പരിപാലന സമിതിയുടെ പിന്തുണയോടെ ശില്‍പശാല നടത്തി.
ജില്ലാ ആസൂത്രണ സമിതി ഹാളില്‍ നടന്ന ശില്‍പശാല ജില്ലാ പഞ്ചായത്ത് പ്രസിഡണ്ട് പി.ബേബി ബാലകൃഷ്ണന്‍ ഉദ്ഘാടനം ചെയ്തു. ശ്രീ ശങ്കരാചാര്യ സംസ്‌കൃത സര്‍വ്വകലാശാല റീജിയണല്‍ കാമ്പസ് പയ്യന്നൂര്‍ ഡിപ്പാര്‍ട്ട്‌മെന്റ് ഓഫ് സോഷ്യല്‍ വര്‍ക്ക്, പുലരി അരവത്ത് എന്നിവരുടെ സഹകരണത്തോടെയാണ് ഡി.ബി.എസ്.എ.പി ദ്വിദിന ശില്‍പശാല നടത്തിയത്.

സംസ്ഥാന പട്ടികജാതി പട്ടിക ഗോത്രവർഗ്ഗ കമ്മീഷൻ മുൻപാകെ നിലവിലുള്ള പരാതികളിൽ തീർപ്പു കൽപ്പിക്കുന്നതിനായി തിരുവനന്തപുരം ജില്ലയിൽ ഫെബ്രുവരി 27, 28, 29 തീയതികളിൽ പരാതി പരിഹാര അദാലത്ത് നടത്തുന്നു. ജില്ലാ പഞ്ചായത്ത് ഓഫീസിലെ ഇഎംഎസ് സ്മാരക ഹാളിൽ രാവിലെ 10.30 മുതൽ വൈകുന്നേരം 5 മണി വരെയാണ് അദാലത്ത്. കമ്മീഷൻ ചെയർമാൻ ശേഖരൻ മിനിയോടൻ, മെമ്പർമാരായ സേതുനാരായണൻ, ടി കെ വാസു എന്നിവർ നേതൃത്വം നൽകും.

കേരള നോളജ് ഇക്കോണമി മിഷന്‍, കുടുംബശ്രീ ജില്ലാ മിഷന്‍, ക്ലാസിക് എച്ച്.ആര്‍ സൊല്യൂഷന്‍സ് എന്നിവയുടെ സംയുക്താഭിമുഖ്യത്തില്‍ പനമരം വിജയ കോളേജില്‍ ഫെബ്രുവരി 17 ന്  തൊഴില്‍മേള സംഘടിപ്പിക്കുന്നു. ജില്ലയിലെ വിവിധ സ്വാകാര്യ സ്ഥാപനങ്ങളില്‍ അക്കൗണ്ടന്റ്(ബി.കോം ടാലി, ജി.എസ്.ടി ഒരു വര്‍ഷത്തെ പ്രവര്‍ത്തി പരിചയം), ബില്ലിംഗ്, കാഷ്യര്‍( പ്ലസ് ടു), കസ്റ്റമര്‍ റിലേഷന്‍ എക്‌സിക്യൂട്ടീവ് (ഡിഗ്രി), ഷോറൂം സെയില്‍സ്, ടെലികോളര്‍, റിസപ്ഷനിസ്റ്റ് (പ്ലസ് ടു/ഡിഗ്രി) ഒഴിവിലേക്കാണ് നിയമനം.   താത്പര്യമുള്ളവര്‍ ഡി.ഡബ്ല്യൂ.എം.എസ് കണക്ട് ആപ്പില്‍ രജിസ്റ്റര്‍ ചെയ്യണം.

മുപ്പത്തിയാറാമത് കേരള ശാസ്ത്ര കോണ്‍ഗ്രസ് ഫെബ്രുവരി എട്ട് മുതല്‍ 11 വരെ കാസര്‍കോട് ഗവണ്‍മെന്റ് കോളേജില്‍ നടക്കും. ഫെബ്രുവരി എട്ടിന് രാവിലെ പത്ത് മുതല്‍ നാഷണല്‍ സയന്‍സ് എക്സ്പോ എന്‍.എ.നെല്ലിക്കുന്ന് എം.എല്‍.എ ഉദ്്ഘാടനം ചെയ്യും. ഫെബ്രുവരി ഒന്‍പതിന് രാവിലെ പത്തിന് മുഖ്യമന്ത്രി പിണറായി വിജയന്‍ പരിപാടി ഉദ്ഘാടനം ചെയ്യും. ഐ.സി.സി.എസ് തയ്യാറാക്കിയ ക്ലൈമെറ്റ് സ്റ്റേറ്റ്മെന്റ് 2023 മുഖ്യമന്ത്രി പ്രകാശനം ചെയ്യും. തുടര്‍ന്ന് മികച്ച യുവ ശാസ്ത്രജ്ഞര്‍ക്കുള്ള അവാര്‍ഡ്, ശാസ്ത്ര സാഹിത്യ പുരസ്‌ക്കാരങ്ങള്‍ എന്നിവ വിതരണം ചെയ്യും.

ഫെബ്രുവരി എട്ട് വ്യാഴാഴ്ച്ച ദേശീയ വിരവിമുക്ത ദിനമായി ആചരിക്കുന്നു. ദിനാചരണത്തിന്റെ ഭാഗമായി 1 മുതല്‍ 19 വയസ്സുവരെ പ്രായമുളള എല്ലാ കുട്ടികള്‍ക്കും വിരനശീകരണത്തിനുള്ള ആല്‍ബന്‍ഡസോള്‍ ഗുളികകള്‍ നല്‍കും. മണ്ണില്‍ കൂടി പകരുന്ന വിരകള്‍ ഇന്നും ഒരു പൊതുജനാരോഗ്യ പ്രശ്‌നമായി നിലനില്‍ക്കുന്നു. 65 ശതമാനം കുട്ടികള്‍ക്കും വിരബാധയുള്ളതായി കണക്കുകള്‍ സൂചിപ്പിക്കുന്നു. വിളര്‍ച്ച, പോഷക കുറവ്, വിശപ്പില്ലായ്മ, ഛര്‍ദ്ദിയും വയറിളക്കവും, മലത്തില്‍കൂടി രക്തം പോകല്‍ എന്നിവയാണ് വിരബാധമൂലം കുട്ടികളില്‍ ഉണ്ടാകുന്ന ആരോഗ്യ പ്രശ്നങ്ങള്‍.

ത്രിദിന പരിശീലനം തുടങ്ങി

കേരള സംസ്ഥാന ജൈവവൈവിധ്യ ബോര്‍ഡിന്റെ നേതൃത്വത്തില്‍ ജില്ലാ ജൈവവൈവിധ്യ പരിപാലന സമിതിയുടെ പിന്തുണയോടെ ശില്‍പശാല നടത്തി.
ജില്ലാ ആസൂത്രണ സമിതി ഹാളില്‍ നടന്ന ശില്‍പശാല ജില്ലാ പഞ്ചായത്ത് പ്രസിഡണ്ട് പി.ബേബി ബാലകൃഷ്ണന്‍ ഉദ്ഘാടനം ചെയ്തു. ശ്രീ ശങ്കരാചാര്യ സംസ്‌കൃത സര്‍വ്വകലാശാല റീജിയണല്‍ കാമ്പസ് പയ്യന്നൂര്‍ ഡിപ്പാര്‍ട്ട്‌മെന്റ് ഓഫ് സോഷ്യല്‍ വര്‍ക്ക്, പുലരി അരവത്ത് എന്നിവരുടെ സഹകരണത്തോടെയാണ് ഡി.ബി.എസ്.എ.പി ദ്വിദിന ശില്‍പശാല നടത്തിയത്.

വന്യമൃഗശല്യത്തിന് ശാശ്വത പരിഹാരം കാണുന്നതിനുള്ള പദ്ധതിക്കും കാര്‍ഷിക വികസനം, പട്ടികജാതി-പട്ടികവര്‍ഗ്ഗ ജനവിഭാഗങ്ങളുടെ സമഗ്ര പുരോഗതി, വിദ്യാഭ്യാസം, ആരോഗ്യം, നഗര ശുചിത്വം, തെരുവു വിളക്കുകളുടെ പരിപാലനം, മാലിന്യ സംസ്‌ക്കരണം എന്നിവക്കും മുന്‍ഗണന നല്‍കി മാനന്തവാടി നഗരസഭ ബജറ്റ്.