കൗതുകവും അറിവും പകര്‍ന്ന് വേറിട്ട അനുഭവമായി ജില്ലാ അഗ്രിഹോര്‍ട്ടി കള്‍ച്ചറല്‍ സൊസൈറ്റിയുടെ കണ്ണൂര്‍ പുഷ്പോത്സവത്തിലെ പുഷ്പാലങ്കാര ക്ലാസ്സ്. പോലീസ് മൈതാനത്ത് നടക്കുന്ന മേളയില്‍ പുഷ്പാലങ്കാര വിദഗ്ധന്‍ എം കെ മൃദുലാണ്  ക്ലാസ് എടുത്തത്. റോസ്, സൂര്യകാന്തി, ജമന്തി തുടങ്ങിയ പുഷ്പങ്ങള്‍ ഉപയോഗിച്ചുള്ള വൈവിധ്യമാർന്ന അലങ്കാര രീതികൾ പരിചയപ്പെടുത്തി . പൂക്കളെയും അലങ്കാര രീതികളെയും  കുറിച്ചുള്ള ക്ലാസില്‍ 60 പേര്‍ പങ്കെടുത്തു. മീഡിയ കമ്മിറ്റി കണ്‍വീനര്‍ ടി പി വിജയന്‍ അധ്യക്ഷത വഹിച്ചു.

മത്സരങ്ങളില്‍ പങ്കെടുക്കാത്ത കുട്ടികളെയും രക്ഷിതാക്കളെയും ചേര്‍ത്തുപിടിക്കാനും അവര്‍ക്കൊപ്പം ചിരിക്കാനും ചിരിപ്പിക്കാനും ഇന്‍ക്ലൂസീവ് കായികമേള വേദിയായി. ഒരു വശത്ത് ആവേശകരമായ മത്സരയിനങ്ങള്‍ നടക്കുമ്പോള്‍ മറുവശത്ത് ഫണ്‍ ഗെയിമുകളും നടന്നു. കത്തുന്ന വെയിലിനെയും മത്സരച്ചൂടിനെയും തണുപ്പിക്കാന്‍ ഫണ്‍ ഗെയിമുകള്‍ക്കായി. മികച്ച പങ്കാളിത്തമാണ് ഉണ്ടായത്. കസേരകളി, പൂചൂടല്‍, നാരങ്ങ- സ്പൂണ്‍, ബിസ്‌കറ്റ് ബൈറ്റിംഗ് തുടങ്ങിയ മത്സരങ്ങളാണ് സംഘടിപ്പിച്ചത്. വിജയികള്‍ക്ക് സമ്മാനങ്ങളും നല്‍കി.

വാശിയേറിയ ഹാന്റ്ബോള്‍ മത്സരത്തില്‍ ഇരിട്ടി ബിആര്‍സിക്ക് അനായാസ വിജയം. ഫൈനലില്‍ മറുപടിയില്ലാത്ത അഞ്ച് ഗോളുകള്‍ വഴങ്ങിയാണ് പാനൂര്‍ ബി ആര്‍ സി ടീം പരാജയം സമ്മതിച്ചത്. അണ്ടര്‍ 14 മത്സരത്തില്‍ ആകെ മൂന്ന് ടീമുകളാണ് കൈ കരുത്ത് കാട്ടാന്‍ കളത്തിലിറങ്ങിയത്. ഇരിട്ടി, കൂത്തുപറമ്പ് ബി ആര്‍ സികള്‍ തമ്മിലുള്ള ആദ്യ മത്സരത്തില്‍ ഒന്നിനെതിരെ അഞ്ച് ഗോളുകള്‍ക്ക് വിജയിച്ചാണ് ഇരിട്ടി ഫൈനലിലെത്തിയത്. പിന്നാലെ പാനൂരിനെയും ചടുലമായ നീക്കത്തിലൂടെ തോല്‍പ്പിച്ച് ജയം കൈപ്പിടിയിലാക്കുകയായിരുന്നു.

ആലപ്പുഴ:  കൈനകരി ആരോഗ്യ ഉപകേന്ദ്രം ഹെൽത്ത് ആൻഡ് വെൽനസ് സെൻ്ററായി ഉയർത്തി. 
പുതിയ കെട്ടിടത്തിന്റെ ഉദ്ഘാടനം  എം.എൽ.എ. തോമസ് കെ.തോമസ് നിർവഹിച്ചു. ഗ്രാമപഞ്ചായത്ത് പ്രസിഡന്റ് എം.സി.പ്രസാദ് അധ്യക്ഷനായി.
ആധുനിക സംവിധാനങ്ങളോടെയാണ് പുതിയ കെട്ടിടം നിർമ്മിച്ചിരിക്കുന്നത്.
എൻ.എച്ച്.എം.ഫ്ളഡ് റീകൺസ്ട്രക്ഷൻ ഫണ്ടിൽ നിന്നും 58 ലക്ഷം രൂപ ചെലവഴിച്ചാണ് നിർമ്മാണം. 

ആലപ്പുഴ: ഉയർന്ന ചെലവിന്റെ പേരിൽ ആർക്കും ചികിത്സ പ്രാപ്യമാകാതെ പോകരുതെന്നതാണ് സർക്കാർ നിലപാടെന്ന് മുഖ്യമന്ത്രി പിണറായി വിജയൻ. കലവൂർ എഫ്.എച്ച്.സിയിൽ പുതുതായി നിർമ്മിച്ച ഐസൊലേഷൻ വാർഡിന്റെയും കായംകളം നഗരസഭയിൽ നിർമ്മാണം പൂർത്തിയാക്കിയ രണ്ട്  ജനകീയ ആരോഗ്യകേന്ദ്രങ്ങളുടെയും 
ഉദ്ഘാടനം ഓൺലൈനായി നിർവഹിച്ച് സംസാരിക്കുകയായിരുന്നു മുഖ്യമന്ത്രി. 

ആലപ്പുഴ: ഭവന നിർമ്മാണത്തിനായി ഏറ്റവുമധികം തുക നൽകുന്ന സംസ്ഥാനം കേരളമാണെന്ന് തദ്ദേശസ്വയംഭരണ വകുപ്പ് മന്ത്രി എം. ബി. രാജേഷ്. ഗ്രാമമെന്നോ നഗരമെന്നോ വ്യത്യാസമില്ലാതെ നാല് ലക്ഷം രൂപയാണ് സംസ്ഥാന സർക്കാർ നൽകി വരുന്നത്. ആദിവാസി സങ്കേതങ്ങളിൽ ഇത് ആറ് ലക്ഷം രൂപയാണെന്നും മന്ത്രി പറഞ്ഞു. ലൈഫ് മിഷൻ -ചിറ്റിലപ്പിള്ളി ഭവനപദ്ധതിയുടെ

കളത്തില്‍ കായിക താരങ്ങള്‍ നിറഞ്ഞാടിയപ്പോള്‍ മനംനിറയെ ആഹ്ലാദിച്ചത് കാണികളായ അധ്യാപകരും രക്ഷിതാക്കളും. ഭിന്നശേഷി കുട്ടികള്‍ക്കായി പൊതുവിദ്യാഭ്യാസ വകുപ്പ് സമഗ്രശിക്ഷാ കേരളം സംഘടിപ്പിച്ച ജില്ലാ ഇന്‍ക്ലൂസീവ് കായികമേളയാണ് ഇവരുടെ കൂടെ ഇടമായത്. ക്രിക്കറ്റ്, ഫുട്ബോള്‍ മത്സരങ്ങള്‍ക്ക് ചൂട് പിടിച്ചപ്പോള്‍ ഗാലറിയിലുള്ള അധ്യാപകര്‍ക്കും രക്ഷിതാക്കളുടെയും ആവേശവും ആര്‍പ്പുവിളിയും കളിക്കളത്തില്‍ ഇരട്ടി ഊര്‍ജമായി. ഇത്തരത്തില്‍ മത്സരത്തിനിറങ്ങുന്ന ഭിന്നശേഷി കുട്ടികള്‍ക്ക് പിന്തുണയേകാന്‍ നൂറുകണക്കിന് രക്ഷിതാക്കളെയും അധ്യാപകരെയും കൊണ്ട് ഗാലറി നിറഞ്ഞിരുന്നു.

ആലപ്പുഴ: കുടുംബശ്രീയുടെ നേതൃത്വത്തിൽ സംരംഭകത്വ വികസന പ്രവർത്തനങ്ങൾക്കായി ദേശീയതലത്തിൽ സംഘടിപ്പിക്കുന്ന ദേശീയ സരസ്സ് മേളയുടെ സ്വാഗതസംഘം  യോഗം ഫിഷറീസ് സാംസ്കാരിക വകുപ്പ് മന്ത്രി സജി ചെറിയാൻ ഉദ്ഘാടനം ചെയ്തു. മെയ് മാസം ചെങ്ങന്നൂരിലാണ്  സരസ്സ് മേള നടക്കുന്നത്.വിവിധ സംസ്ഥാനങ്ങളിൽ നിന്നുള്ള പ്രാദേശിക സംരംഭകരുടെ ഉത്പ്പന്നങ്ങളും ഭക്ഷ്യവൈവിധ്യങ്ങളും അണിനിരത്തുന്ന ഉത്പന്ന പ്രദർശന വിപണന, സാംസ്കാരിക കലാ  ഭക്ഷ്യമേളയാണ് 11 ദിവസം ചെങ്ങന്നൂരിൽ നടക്കുന്നത്.

ആലപ്പുഴ: ജില്ലയിലെ ജലഗതാഗത വകുപ്പില്‍ പെയിന്റര്‍ തസ്തികയിലെ അഞ്ച് താല്കാലിക ഒഴിവുകളിലേക്ക് നിയമനം നടത്തുന്നു. (EWS- Non-Priority -1, OpenPriority-1, LC/AI Non-Priority-1, Viswakarma Priority-1, Open Non-Priority-1) 
യോഗ്യത: ഏഴാം ക്ലാസ് പാസ്/തതുല്യം, പെയിന്റിംഗ് ജോലികള്‍ ചെയ്യുന്നതിനുളള പ്രാവീണ്യം. പ്രായം 18-41 (നിയമാനുസൃത വയസ്സിളവ് ബാധകം). ശമ്പളം: 24400-55200 രൂപ. നിശ്ചിത യോഗ്യതയുളള ആലപ്പുഴ ജില്ലയിലെ ഉദ്യോഗാര്‍ത്ഥികള്‍ അതാത് എംപ്ലോയ്മെന്റ് എക്സ്ചേഞ്ചില്‍ ഫെബ്രുവരി 26 -നകം ഹാജരാകണം. സംവരണ വിഭാഗത്തിന്റെ അഭാവത്തില്‍ മറ്റു സമുദായക്കാരെയും ഓപ്പണ്‍ വിഭാഗത്തിലുളളവരെയും പരിഗണിക്കും.

ആലപ്പുഴ: കായംകുളം ഫയര്‍ ആന്റ് റെസ്‌ക്യൂ കോമ്പൗണ്ടില്‍ മുറിച്ചിട്ടിരിക്കുന്ന പാലമരം, ആഞ്ഞിലി, ബദാം, പെരുമരം, തെങ്ങ് എന്നിവ പൂര്‍ണ്ണമായും താന്നി, പറങ്കിമാവ്, മാവ് എന്നിവയുടെ ശിഖരങ്ങളും ഫെബ്രുവരി 29 -ന് രാവിലെ 10.30-ന് പുനര്‍ ലേലം ചെയ്യും. വിവരങ്ങള്‍ക്ക് 04772251211.