നാഷണല്‍ എംപ്ലോയ്‌മെന്റ് സര്‍വീസ് വകുപ്പിന് കീഴില്‍ മണ്ണുത്തിയിലുള്ള എംപ്ലോയ്‌മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോ, ഉദ്യോഗാര്‍ഥികള്‍ക്കായി 30 ദിവസത്തെ എല്‍ഡിസി നിലവാരത്തിലുള്ള സൗജന്യ പിഎസ്സി മത്സരപരീക്ഷ പരിശീലനം സംഘടിപ്പിക്കുന്നു. ആദ്യം അപേക്ഷിക്കുന്ന 40 പേര്‍ക്കാണ് പ്രവേശനം. രജിസ്റ്റര്‍ ചെയ്യാന്‍ ഫെബ്രുവരി 16ന് മുമ്പായി 9745352905, 9447890704 എന്ന ഫോണ്‍ നമ്പറുകളിലോ നേരിട്ടോ ബന്ധപ്പെടുക.

പുഴയ്ക്കല്‍ ഐ.സി.ഡി.എസ് പദ്ധതിയിലെ 180 അങ്കണവാടികള്‍ക്ക് പ്രീ- സ്‌കൂള്‍ കിറ്റുകള്‍ വിതരണം ചെയ്യുന്നതിന് വ്യക്തികള്‍/ സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. 4591 രൂപയാണ് നിരതദ്രവ്യം. ഫെബ്രുവരി 14 ഉച്ചയ്ക്ക് 2.30 വരെ സമര്‍പ്പിക്കാം. ഫോണ്‍: 0487 2307516.

കൊടുങ്ങലൂര്‍ ശിശുവികസന പദ്ധതി പരിധിയിലെ 139 അങ്കണവാടികള്‍ക്ക് പ്രീ- സ്‌കൂള്‍ കിറ്റുകള്‍ വിതരണം ചെയ്യുന്നതിന് അംഗീകൃത സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. 4170 രൂപയാണ് നിരതദ്രവ്യം. ഫെബ്രുവരി 20 വൈകിട്ട് മൂന്ന് വരെ സമര്‍പ്പിക്കാം. ഫോണ്‍: 0480 2805595.

കുന്നംകുളം മണ്ഡലത്തില്‍ പോര്‍ക്കുളം പഞ്ചായത്തിലെ നാലാം വാര്‍ഡ് ഇഞ്ചിക്കുന്ന് കോളനിക്ക് അംബേദ്കര്‍ ഗ്രാമവികസന പദ്ധതി 23-24 പ്രകാരം  ഒരു കോടി രൂപ അനുവദിച്ചു.

ഇഞ്ചിക്കുന്ന് കോളനിയുടെ സമഗ്ര വികസനമാണ് ഇതോടെ സാധ്യമാവുക. നാല്പതോളം പട്ടികജാതി കുടുംബങ്ങളാണ് ഇവിടെ താമസിക്കുന്നത്. കോളനിക്കാവശ്യമായ അടിസ്ഥാന സൗകര്യങ്ങള്‍ വികസിപ്പിക്കുന്നതോടൊപ്പം ഭവന അറ്റകുറ്റപ്പണി, ശുചിത്വ ടോയ്‌ലെറ്റുകളുടെ നിര്‍മാണവും നടത്തും.

വടക്കാഞ്ചേരി കെട്ടിട ഉപവിഭാഗം അസിസ്റ്റന്റ് എക്സിക്യുട്ടീവ് എഞ്ചിനീയറുടെ പരിധിയില്‍ പുതുതായി നിര്‍മ്മിക്കുന്ന കുറുക്കന്‍പാറയിലുള്ള കുന്നംകുളം താലൂക്ക് ഹെഡ് ക്വാട്ടേഴ്‌സിന്റെ നിര്‍മാണത്തിനുള്ള സ്ഥലത്ത് സ്ഥിതി ചെയ്യുന്ന 22 വൃക്ഷങ്ങള്‍ മുറിച്ച് നീക്കം ചെയ്യുന്നതിന് ഫെബ്രുവരി 16ന് രാവിലെ 11 ന് ലേലം നടക്കും. 11500 രൂപയാണ് നിരതദ്രവ്യം. ക്വട്ടേഷന്‍ ഫെബ്രുവരി 15 ന് വൈകീട്ട് 3 വരെ അസിസ്റ്റന്റ് എഞ്ചിനീയര്‍ കെട്ടിടഭാഗം കുന്നംകുളം ഓഫീസില്‍ സ്വീകരിക്കും. ലേലത്തില്‍ പങ്കെടുക്കുന്നവര്‍ക്ക് നിര്‍ബന്ധമായും പാന്‍കാര്‍ഡ്, ജി.എസ്.ടി രജിസ്ട്രേഷന്‍ ഉണ്ടായിരിക്കണം.

കാട്ടൂര്‍ ഗ്രാമപഞ്ചായത്ത് 2024-25 വര്‍ഷത്തെ വാര്‍ഷിക ബജറ്റ് വൈസ് പ്രസിഡന്റ് വി എം കമറുദ്ദീന്‍ അവതരിപ്പിച്ചു. ഭവന-ഭവന പുനരുദ്ധാരണ പദ്ധതികള്‍ക്ക് വേണ്ടി 2 കോടി 14 ലക്ഷം രൂപ വകയിരുത്തിയിട്ടുണ്ട്. രണ്ട് വര്‍ഷം കൊണ്ട് ലൈഫില്‍ അപേക്ഷിച്ച മുഴുവന്‍ കുടുംബങ്ങള്‍ക്കും വീട് ലഭ്യമാക്കാന്‍ വേണ്ട പ്രവര്‍ത്തനങ്ങള്‍ക്ക് ഊന്നല്‍ നല്‍കും. ദാരിദ്ര്യ ലഘൂകരണ പദ്ധതികള്‍ക്ക് 1 കോടി 86 ലക്ഷം രൂപയും അംഗന്‍വാടി പ്രവര്‍ത്തനങ്ങള്‍ക്ക് 55 ലക്ഷം രൂപയും മാറ്റി വെച്ചിട്ടുണ്ട്.

കേന്ദ്ര യുവജനകാര്യ-കായിക മന്ത്രാലയം 18 മുതല്‍ 25 വരെ പ്രായമുള്ളവര്‍ക്കായി നാഷണല്‍ യൂത്ത് പാര്‍ലമെന്റ് ഫെസ്റ്റിവല്‍ പ്രസംഗമത്സരം സംഘടിപ്പിക്കുന്നു. വിര്‍ച്വല്‍ രീതിയില്‍ ജില്ലയില്‍ നടത്തുന്ന മത്സരത്തില്‍ നിന്ന് ഒന്നും രണ്ടും സ്ഥാനം കരസ്ഥമാക്കുന്നവര്‍ക്ക് സംസ്ഥാന മത്സരത്തിലും സംസ്ഥാനതലത്തില്‍ ആദ്യ മൂന്ന് സ്ഥാനങ്ങള്‍ നേടുന്നവര്‍ക്ക് ദേശീയതല മത്സരത്തിലും പങ്കെടുക്കാം. ജില്ല-സംസ്ഥാന മത്സരങ്ങളില്‍ മലയാളം, ഇംഗ്ലീഷ്, ഹിന്ദി ഭാഷകളും ദേശീയതലത്തില്‍ ഇംഗ്ലീഷ്, ഹിന്ദി ഭാഷകളും തിരഞ്ഞെടുക്കാം. താല്പര്യമുള്ളവര്‍ ഫെബ്രുവരി 16നകം രജിസ്‌ട്രേഷന്‍ ചെയ്യണം.

തീരദേശ മേഖലയുടെ ദീര്‍ഘകാലത്തെ ആവശ്യമായ സൈക്ലോണ്‍ ഷെല്‍ട്ടര്‍ കടപ്പുറത്ത് ഫെബ്രുവരി 17ന് വൈകീട്ട് 5.30ന് പൊതുമരാമത്ത് ടൂറിസം വകുപ്പ് മന്ത്രി പി.എ.മുഹമ്മദ് റിയാസ് ഉദ്ഘാടനം ചെയ്യും. എന്‍.കെ.അക്ബര്‍ എം.എല്‍.എ അധ്യക്ഷനാവും.

ദുരന്ത നിവാരണ അതോറിറ്റി ഗുരുവായൂര്‍ മണ്ഡലത്തിലെ കടപ്പുറം അഞ്ചങ്ങാടിയിലാണ് സൈക്ലോണ്‍ ഷെല്‍ട്ടര്‍ നിര്‍മിച്ചത്. 3.63 കോടി രൂപ വിനിയോഗിച്ചാണ് കെട്ടിട നിര്‍മാണം പൂര്‍ത്തീകരിച്ചത്. 

മുരിയാട് ഗ്രാമപഞ്ചായത്തിലെ 100 ദിന പരിപാടിയുടെ ഭാഗമായി ഊരകം ഈസ്റ്റ് 10-ാം വാര്‍ഡിലെ സേവാഗ്രാം ഗ്രാമകേന്ദ്രത്തില്‍ കുടുംബശ്രീയുടെ ഹെല്‍പ് ഡെസ്‌ക് പ്രവര്‍ത്തനം ആരംഭിച്ചു. വിവിധ സര്‍ക്കാര്‍ സ്ഥാപനങ്ങളിലേക്കുള്ള 12 സേവനങ്ങളാണ്  ആദ്യ ഘട്ടത്തില്‍ സാധ്യമാവുക. ഈവനിങ് കൗണ്ടര്‍ എന്ന രീതിയിലാണ് പ്രവര്‍ത്തനം ക്രമീകരിച്ചിട്ടുള്ളത്. 

പഞ്ചായത്ത് പ്രസിഡന്റ് ജോസ് ജെ.ചിറ്റിലപ്പിള്ളി കുടുംബശ്രീ ഹെല്‍പ് ഡെസ്‌ക് ഉദ്ഘാടനം ചെയ്തു. കുടുംബശ്രീ വൈസ് ചെയര്‍പേഴ്‌സണ്‍ രൂപ സൂരജ് അധ്യക്ഷയായി. എ ഡി എസ് സെക്രട്ടറി വാസന്തി അനില്‍കുമാര്‍, കുടുംബശ്രീ പ്രവര്‍ത്തകരായ നീന സലീഷ്, പിങ്കി രജിത്ത് തുടങ്ങിയവര്‍ സംസാരിച്ചു.

ജില്ലയിലെ ഫിഷ് ബൂത്തുകളിലേക്ക് ഗുണമേന്‍മയുള്ള മത്സ്യം നേരിട്ട് എത്തിച്ച് വിതരണം ചെയ്യുന്നതിന് മത്സ്യഫെഡിന്റെ നേതൃത്വത്തില്‍ കൊടുങ്ങല്ലൂരിലെ ആനാപ്പുഴയില്‍ മത്സ്യസംഭരണ കേന്ദ്രം (ബേസ് സ്റ്റേഷന്‍) പ്രവര്‍ത്തനം ആരംഭിച്ചു. കൊടുങ്ങല്ലൂര്‍ നഗരസഭയുടെ ഉടമസ്ഥതയിലുള്ള ആനാപ്പുഴയിലെ ഫിഷ് ലാന്റിങ് സെന്ററിലാണ് കേന്ദ്രം തുറന്നത്.

പഴയന്നൂര്‍ ബ്ലോക്കില്‍ മൊബൈല്‍ വെറ്ററിനറി യൂണിറ്റ് വഴി മൃഗചികിത്സാ സേവനം നല്‍കുന്നതിന് ഒരു പാരാവെറ്റിനെ കരാറടിസ്ഥാനത്തില്‍ നിയമിക്കുന്നു. 90ല്‍ കുറഞ്ഞ ദിവസത്തേക്കാണ് നിയമനം. യോഗ്യത- വി എച്ച് എസ് സി, കേരള വെറ്ററിനറി ആന്‍ഡ് അനിമല്‍ സയന്‍സസില്‍ നിന്നും വെറ്ററിനറി ലബോറട്ടറി ടെക്‌നിക്‌സ്, ഫാര്‍മസി ആന്‍ഡ് നഴ്‌സിങില്‍ സ്‌റ്റൈപ്പന്റോടെ പരിശീലനം ലഭിച്ചവരുമാകണം. ഇവരുടെ അഭാവത്തില്‍ വി എച്ച് എസ് സി ലൈഫ്‌സ്റ്റോക്ക് മാനേജ്‌മെന്റ്/ വി എച്ച് എസ് സി ഇന്‍ ഇന്‍ എന്‍ എസ് ക്യൂ എഫ് കോഴ്‌സ് ഡയറി ഫാര്‍മര്‍ എന്റര്‍പ്രണര്‍/സ്‌മോള്‍ പൗള്‍ട്രി ഫാര്‍മര്‍ യോഗ്യതയുള്ളവരേയും പരിഗണിക്കും.