ഇത്തിക്കര ബ്ലോക്ക്പഞ്ചായത്ത് 35,07,62,850 രൂപ വരവും 35,02,89,930 രൂപ ചെലവും 4,72,920 രൂപ നീക്കിയിരിപ്പും പ്രതീക്ഷിക്കുന്ന 2024-2025 ബജറ്റ് വൈസ് പ്രസിഡന്റ് നിര്‍മ്മല വര്‍ഗീസ് അവതരിപ്പിച്ചു.

പൂതക്കുളം ഗ്രാമപഞ്ചായത്തിന്റെ 2024-2025 വര്‍ഷത്തെ ബജറ്റില്‍ കാര്‍ഷിക മേഖലയ്ക്കായി 93.42 ലക്ഷവും ഭവന നിര്‍മാണത്തിനായി 7.45 കോടിയും ദാരിദ്ര്യ നിര്‍മാര്‍ജ്ജനത്തിന് 4.25 കോടിയും വകയിരുത്തി. 34.56 കോടി രൂപ വരവും 33.71 കോടി രൂപ ചെലവും 85,19,068 രൂപ നീക്കിബാക്കിയും വരുന്ന ബജറ്റ് വൈസ്പ്രസിഡന്റ് വി ജി ജയ അവതരിപ്പിച്ചു.

പക്ഷാഘാതരോഗീപരിചരണം ലക്ഷ്യമാക്കി ഹോമിയോപതി വകുപ്പ് കോര്‍പറേഷന്റെ സഹകരണത്തോടെ നടപ്പിലാക്കുന്ന 'ശ്രദ്ധ' പദ്ധതിക്ക് തുടക്കമായി. മേയര്‍ പ്രസന്ന ഏണസ്റ്റ് പോളയത്തോട് ഡിസ്‌പെന്‍സറിയില്‍ ഉദ്ഘാടനം നിര്‍വഹിച്ചു. ഡെപ്യൂട്ടി മേയര്‍ കൊല്ലം മധു അധ്യക്ഷനായി. സ്റ്റാന്‍ഡിങ് കമ്മിറ്റികളുടെ അധ്യക്ഷരായ യു പവിത്ര, സജീവ് സോമന്‍, സവിതാദേവി, കൗണ്‍സിലര്‍ കുരുവിള ജോണ്‍, ചീഫ് മെഡിക്കല്‍ ഓഫീസര്‍ കെ കെ ഉഷ, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

സ്ത്രീധനത്തിനെതിരെ പൂതക്കുളം ഗ്രാമപഞ്ചായത്ത്, ജാഗ്രതാസമിതി, കുടുംബശ്രീ ജെന്റര്‍ റിസോഴ്‌സ് സെന്റര്‍ എന്നിവ സംയുക്തമായി നടത്തുന്ന 'കനല്‍' ബോധവത്കരണ പരിപാടി ഇന്ന് (ഫെബ്രുവരി 17). പൂതക്കുളം ഗ്രാമപഞ്ചായത്ത് കമ്യൂണിറ്റി ഹാളില്‍ ജി എസ് ജയലാല്‍ എം എല്‍ എ ഉച്ചയ്ക്ക് രണ്ടിന് ഉദ്ഘാടനം ചെയ്യും. പഞ്ചായത്ത് പ്രസിഡന്റ് എസ് അമ്മിണിയമ്മ അധ്യക്ഷയാകും.

ഡീസന്റ്മുക്ക് -പുതുച്ചിറ റോഡില്‍ നവദീപ് പബ്ലിക് സ്‌കൂളിന് സമീപം കലുങ്ക് നിര്‍മാണത്തിനായി ഫെബ്രുവരി 19 മുതല്‍ ഗതാഗത നിയന്ത്രണം ഏര്‍പ്പെടുത്തിയതായി നിരത്ത് വിഭാഗം അസിസ്റ്റന്റ് എഞ്ചിനീയര്‍ അറിയിച്ചു.

പൊതു-പട്ടികജാതി വിഭാഗങ്ങള്‍ക്ക് തയ്യല്‍പരിശീലനവും തയ്യല്‍ മെഷീന്‍ നല്‍കലും ഉള്‍പ്പെടുന്ന ജനകീയാസൂത്രണപദ്ധതികളിലേക്ക് കുടുംബശ്രീ മിഷന്‍, അസാപ്, കെയ്സ്, കെ- ഡിസ്‌ക്, നോളജ് മിഷന്‍ എന്നീ ഏജന്‍സികള്‍ എംപാനല്‍ ചെയ്തിട്ടുളള പരിശീലനസ്ഥാപനങ്ങളില്‍ നിന്നും ക്വട്ടേഷനുകള്‍ ക്ഷണിച്ചു. ഇന്ന് (ഫെബ്രുവരി 17) കോര്‍പ്പറേഷന്‍ വ്യവസായ വികസന ഓഫീസര്‍ക്ക് സമര്‍പ്പിക്കണം

കൊട്ടാരക്കര കില സെന്റര്‍ ഫോര്‍ സോഷ്യോ ഇക്കണോമിക് ഡെവലപ്പ്മെന്റ് വികസന-പരിശീലന കേന്ദ്രത്തില്‍ ഫെബ്രുവരി 21 മുതല്‍ 23 വരെ കോഴി വളര്‍ത്തലില്‍ സൗജന്യപരിശീലനം സംഘടിപ്പിക്കും.

തിരുവനന്തപുരം, കൊല്ലം, ആലപ്പുഴ, പത്തനംതിട്ട, കോട്ടയം, ഇടുക്കി ജില്ലകളിലെ എല്ലാ ബ്ലോക്കുകളില്‍ /പഞ്ചായത്തുകളില്‍ നിന്നും എസ് എച്ച് ജി/എന്‍ എച്ച് ജി/കുടുംബശ്രീ അംഗങ്ങള്‍/ ഹരിതകര്‍മ സേനാംഗങ്ങള്‍ എന്നിവര്‍ക്ക് രജിസ്റ്റര്‍ ചെയ്തു പങ്കെടുക്കാം. താമസം, ഭക്ഷണം, യാത്രാപ്പടി നല്‍കും. ഫോണ്‍- 9496687657, 9496320409.

സര്‍ക്കാര്‍ നിയന്ത്രണത്തിലുള്ള വിവിധ കമ്പനി/ബോര്‍ഡ്/കോര്‍പ്പറേഷനുകളില്‍ ജൂനിയര്‍ അസിസ്റ്റന്റ്/അസിസ്റ്റന്റ് ഗ്രേഡ് രണ്ട്/എല്‍ ഡി ക്ലര്‍ക്ക്/ക്ലര്‍ക്ക് ഫീല്‍ഡ് അസിസ്റ്റന്റ്/ ഡിപോ അസിസ്റ്റന്റ് തുടങ്ങിയവയുടെ (കാറ്റഗറി നമ്പര്‍ 653/2021) റാങ്ക് പട്ടിക പ്രസിദ്ധപ്പെടുത്തി.

ആയൂര്‍ തോട്ടത്തറ മീറ്റ് പ്രോസസിംങ് യൂണിറ്റിലേക്ക് കോഴികളെ വൃത്തിയാക്കി കട്ട് ചെയ്തു പായ്ക്ക് ചെയ്തു നല്‍കുന്നതിന് ക്വട്ടേഷന്‍ ക്ഷണിച്ചു .'ആയൂര്‍ തോട്ടത്തറ മീറ്റ് പ്രോസസിംങ് യൂണിറ്റില്‍ കോഴിയെ ഡ്രസിങ് ചെയ്തു പാക്ക് ചെയ്തു നല്‍കുന്നതിനുള്ള ക്വട്ടേഷന്‍' എന്ന് കവറിനു പുറത്തെഴുതി ഫെബ്രുവരി 20 വൈകിട്ട് നാലിനകം ലഭ്യമാക്കണം. വിലാസം- വെറ്ററിനറി സര്‍ജന്‍ തോട്ടത്തറ ഹാച്ചറി, ആയൂര്‍ 691533. ഫോണ്‍- 0475 229289.

യങ് ഇന്നൊവേറ്റേഴ്സ് പ്രോഗ്രാം (വൈ ഐ പി) ആറാം പതിപ്പിലേക്കുള്ള കോളേജ്തല രജിസ്ട്രേഷന്‍ തുടങ്ങി. തിരഞ്ഞെടുക്കപ്പെടുന്ന വിദ്യാര്‍ഥിസംഘങ്ങള്‍ക്ക് പ്രഗത്ഭരുടെസഹായം, വിപണി വികസനപ്ലാന്‍ തയ്യാറാക്കാന്‍ മാര്‍ഗനിര്‍ദേശങ്ങള്‍, പുത്തന്‍ സാങ്കേതികവിദ്യകളിലുള്ള ജ്ഞാനം, ബൗദ്ധിക സ്വത്തവകാശ സഹായം, പ്രോട്ടോടൈപ്പ് മാതൃക വികസനസഹായം എന്നിവ നല്‍കും. സംസ്ഥാനതലത്തില്‍ വിജയികളാകുന്ന വൈ ഐ പി ടീമുകള്‍ക്ക് പ്രൊജക്റ്റ് ചെയ്യാന്‍ ഫണ്ട് നല്‍കും. രജിസ്‌ട്രേഷന് ഫോണ്‍ -9497361119.