ജില്ലാ വികസന സമിതി യോഗം ഫെബ്രുവരി 24ന് ശനിയാഴ്ച്ച രാവിലെ 10.30ന് കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ ചേരും.

ഫെബ്രുവരി ഒന്‍പതിന് രാവിലെ പത്തിന് മുഖ്യമന്ത്രി പിണറായി വിജയന്‍ പരിപാടി ഉദ്ഘാടനം ചെയ്യും. ഐ.സി.സി.എസ് തയ്യാറാക്കിയ ക്ലൈമെറ്റ് സ്റ്റേറ്റ്‌മെന്റ് 2023 മുഖ്യമന്ത്രി പ്രകാശനം ചെയ്യും. തുടര്‍ന്ന് മികച്ച യുവ ശാസ്ത്രജ്ഞര്‍ക്കുള്ള അവാര്‍ഡ്, ശാസ്ത്ര സാഹിത്യ പുരസ്‌ക്കാരങ്ങള്‍ എന്നിവ വിതരണം ചെയ്യും. മുഖ്യമന്ത്രിയുടെ ഗോള്‍ഡ് മെഡലും പ്രശസ്തി പത്രവും അമ്പതിനായിരം രൂപയുടെ ക്യാഷ് പ്രൈസും 50 ലക്ഷം രൂപയുടെ റിസര്‍ച്ച് പ്രൊജക്ടുമാണ് നല്‍കുന്നത്.

കേരളം ജനങ്ങളിലൂടെ കോര്‍ ഗ്രൂപ്പ് അംഗങ്ങളുടെ പരിശീലനവും കാര്‍ബണ്‍ തുലിത ഇടപെടലുകള്‍ പ്രവര്‍ത്തന ആസൂത്രണവും 'നെറ്റ് സീറോ കാര്‍ബണ്‍' ഫെബ്രുവരി 9ന് വെള്ളിയാഴ്ച്ച രാവിലെ 10ന് നടക്കും. കാസര്‍കോട് ജില്ലാ പഞ്ചായത്തും ഹരിത കേരളാ മിഷന്റെയും സംയുക്താഭിമുഖ്യത്തിലാണ നെറ്റ് സീറോ കാര്‍ബണ്‍ നടപ്പാക്കുക. 2023-24 വാര്‍ഷിക പദ്ധതിയില്‍ നെറ്റ് സീറോ കാര്‍ബണ്‍ സംബന്ധിച്ച് പ്രൊജക്ട് അംഗീകരിച്ച് ഏകോപിത പ്രവര്‍ത്തനങ്ങള്‍ ആരംഭിച്ചു. കോര്‍ ഗ്രൂപ്പ് അംഗങ്ങള്‍ക്ക് പരിശീലനവും നിര്‍വ്വഹണ രൂപരേഖ തയ്യാറാക്കലും ഇതിന്റെ ഭാഗമാണ്. ഘടകസ്ഥാപനങ്ങളിലെ ഊര്‍ജ്ജ ഓഡിറ്റ് തുടര്‍ന്ന് നടക്കും.

നവകേരളസദസ്സില്‍ ലഭിച്ച നിവേദനത്തിന് പരിഹാരം. 3 കുട്ടികള്‍ക്ക് സ്പോണ്‍സര്‍ഷിപ്പ് ധനസഹായവും ഒരുകുട്ടിക്ക് കിന്‍ഷിപ്പ് ഫോസ്റ്റര്‍കെയര്‍ ധനസഹായവും നല്‍കാന്‍ തീരുമാനമായി. വനിത ശിശുവികസന വകുപ്പ് സ്റ്റേറ്റ് ചൈല്‍ഡ് പ്രൊട്ടക്ഷന്‍ സൊസൈറ്റിയുടെ കീഴില്‍ മിഷന്‍ വാത്സല്യ പദ്ധതി പ്രകാരം നടപ്പിലാക്കുന്ന ജില്ലാ സ്പോണ്‍സര്‍ഷിപ് ആന്റ് ഫോസ്റ്റര്‍ കെയര്‍ അപ്രൂവല്‍ കമ്മിറ്റി യോഗത്തിലാണ് തീരുമാനം ഉണ്ടായത്. ജില്ലാ കളക്ടര്‍ കെ.ഇമ്പശേഖറിന്റെ അദ്ധ്യക്ഷതയില്‍ കളക്ടറുടെ ചേംബറിലാണ് യോഗം ചേര്‍ന്നത്.

ജില്ലയുടെ നാല്‍പതാം വാര്‍ഷികത്തില്‍ നാല്‍പത് ജനകീയ പദ്ധതികള്‍ ഉള്‍പ്പെടുത്തിയുള്ള കാസര്‍കോട് ജില്ലാ പഞ്ചായത്ത് ബജറ്റ് 2024-25 ധനകാര്യ സ്ഥിരം സമിതി അദ്ധ്യക്ഷന്‍ കൂടിയായ വൈസ് പ്രസിഡണ്ട് ഷാനവാസ് പാദൂര്‍ ജില്ലാ പഞ്ചായത്ത് കോണ്‍ഫറന്‍സ് ഹാളില്‍ അവതരിപ്പിച്ചു. വാര്‍ഷിക സമ്മാനമായി 400 ഭവനങ്ങള്‍ നിര്‍മ്മിച്ച് നല്‍കുന്ന നികേതനം - നവകേരള ഭവന പദ്ധതി. സംസ്ഥാന സര്‍ക്കാര്‍, ജില്ലാ ഭരണകൂടം, ത്രിതല പഞ്ചായത്തുകള്‍, സര്‍വീസ് സംഘടനകള്‍, സി.എസ്.ആര്‍ ഫണ്ട് തുടങ്ങിയവ സംയോജിപ്പിച്ച് പദ്ധതി നടപ്പിലാക്കും.

മൊഗ്രാല്‍ പുത്തൂര്‍ ഗ്രാമപഞ്ചായത്ത്  2024-25 വര്‍ഷത്തെ ബജറ്റ് അവതരിപ്പിച്ചു. പഞ്ചായത്ത് വൈസ് പ്രസിഡണ്ടും ധനകാര്യ സ്റ്റാന്റിംഗ് കമ്മിറ്റി  ചെയര്‍മാനുമായ മുജീബ് കമ്പാറാണ് ബജറ്റ് അവതരിപ്പിച്ചത്. മൊഗ്രാല്‍ പുത്തൂര്‍ ഗ്രാമപഞ്ചായത്ത് പ്രസിഡണ്ട് അഡ്വ.ഷമീറ ഫൈസല്‍ ആമുഖ ഭാഷണം നടത്തി.

ജില്ലാ മെഡിക്കല്‍ ഓഫീസ് (ആരോഗ്യം), ദേശീയാരോഗ്യ ദൗത്യം എന്നിവയുടെ സംയുക്താഭിമുഖ്യത്തില്‍ ദുര്‍ഗ്ഗാ ഗവ.ഹയര്‍ സെക്കന്ററി സ്‌കൂളില്‍ നടത്തിയ വിരവിമുക്ത ദിനാചരണത്തിന്റെ ജില്ലാതല ഉദ്ഘാടനം കാഞ്ഞങ്ങാട് നഗരസഭാ ചെയര്‍ പേഴ്‌സണ്‍ കെ.വി.സുജാത നിര്‍വ്വഹിച്ചു. ആരോഗ്യകാര്യ സ്ഥിരം സമതി അദ്ധ്യക്ഷ കെ.വി.സരസ്വതി അദ്ധ്യക്ഷത വഹിച്ചു. ജില്ലാ മെഡിക്കല്‍ ഓഫീസര്‍ (ആരോഗ്യം ) ഡോ.എ.വി.രാംദാസ് മുഖ്യപ്രഭാഷണം  നടത്തി.

പട്ടികവര്‍ഗ്ഗ വികസന വകുപ്പിന്റെ കീഴില്‍ കാസര്‍കോട് പരവനടുക്കത്തെ കാസര്‍കോട് മോഡല്‍ റസിഡന്‍ഷ്യല്‍ സ്‌കൂളിലെ 2024-25 വര്‍ഷം യു.പി, ഹൈസ്‌കൂള്‍, പ്ലസ് വണ്‍, പ്ലസ്ടു ക്ലാസ്സുകളില്‍ പഠിക്കുന്ന 410 വിദ്യാര്‍ത്ഥിനികള്‍ക്ക് ആവശ്യമായ ബെഡ് ഷീറ്റ്, തോര്‍ത്ത് എന്നിവ വിതരണം ചെയ്യുന്നതിന് വ്യക്തികള്‍ / സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഫെബ്രുവരി 12ന് വൈകിട്ട് മൂന്ന് വരെ. അന്നേദിവസം വൈകിട്ട് നാലിന് ക്വട്ടേഷന്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍ 9446696011.

കേരള മദ്രസ്സാദ്ധ്യാപക ക്ഷേമനിധിയില്‍ 2023-24 സാമ്പത്തിക വര്‍ഷത്തെ ക്ഷേമനിധി വിഹിതം അടയ്ക്കാന്‍ ബാക്കിയുള്ളവര്‍ മാര്‍ച്ച് 10നകം വിഹിതം പോസ്റ്റ് ഓഫീസില്‍ അടയ്ക്കണം. അതത് സാമ്പത്തിക വര്‍ഷത്തെ ക്ഷേമനിധി വിഹിതം അടയ്ക്കാതെ വരുന്നത് ക്ഷേമനിധി അംഗത്വം റദ്ദാവുന്നതിനും ക്ഷേമനിധിയില്‍ നിന്നുള്ള ആനുകൂല്യങ്ങള്‍ ലഭിക്കുന്നതിന് തടസ്സമാകുകയും ചെയ്യുമെന്നതിനാല്‍ അംഗത്വവിഹിതം യഥാസമയം അടയ്ക്കണമെന്ന് ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍ 0495 2966577.

ജില്ലയില്‍ നാഷണല്‍ ആയുഷ്മിഷന്‍ മുഖേന ഗവ.ആയുര്‍വേദ സ്ഥാപനങ്ങളിലേക്ക് കരാര്‍ അടിസ്ഥാനത്തില്‍ ആയുര്‍വേദ തെറാപ്പിസ്റ്റ് തസ്തികയിലേക്കുള്ള ഒഴിവുകളിലേക്ക് നിയമനം നടത്തുന്നു. യോഗ്യത സംസ്ഥാന സര്‍ക്കാര്‍ അംഗീകൃത ആയുര്‍വേദ തെറാപ്പിസ്റ്റ് കോഴ്‌സ് പാസ്സായിരിക്കണം. പ്രായപരിധി 20204 ഫെബ്രുവരി ഒമ്പതിന് 40 വയസ്സ്. ശമ്പളം 14,700 രൂപ. അഭിമുഖവും അസ്സല്‍ സര്‍ട്ടിഫിക്കറ്റുകളുടെ പരിശോധനയും ഫെബ്രുവരി 17ന് രാവിലെ പത്തിന് പടന്നക്കാട് ജില്ലാ ആയുര്‍വേദ ആശുപത്രിയിലെ നാഷണല്‍ ആയുഷ് മിഷന്‍ ഓഫീസില്‍ നടക്കും. കൂടുതല്‍ വിവരങ്ങള്‍ക്ക് ഫോണ്‍ 8848002953.