ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ സ്വകാര്യ സ്ഥാപനങ്ങളിലെ വിവിധ ഒഴിവുകളിലേക്ക് ഇന്ന് (ഫെബ്രുവരി 14) ഉച്ചയ്ക്ക് 1.30 മുതല്‍ നാല് വരെ അഭിമുഖം നടത്തും. ബി കോം/ ബി-ടെക്ക്, റേഡിയോളജി/ ഫാര്‍മസി/ ഓപ്പറേഷന്‍ തീയേറ്റര്‍/ അനസ്‌ത്യേഷ്യ/ ഒപ്‌തോമെട്രി/ ഡയാലിസിസ്/ സി എസ് എസ് ഡി, എം എല്‍ ടി എന്നിവയില്‍ ഡിഗ്രി/ ഡിപ്ലോമ, ഏതെങ്കിലും ബിരുദാനന്തര ബിരുദമോ, ബിരുദമോ, പ്ലസ് ടു, പി ഡി സി, ഡിപ്ലോമ, എസ് എസ് എല്‍ സി യോഗ്യതയുള്ളവര്‍ക്ക് പങ്കെടുക്കാം. എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്തവര്‍ ആയിരിക്കണം.

പാവറട്ടി ചിറ്റാട്ടുകര കവല റോഡിൽ ടാറിങ് പ്രവർത്തി ഇന്നുമുതൽ (ഫെബ്രുവരി 13) ആരംഭിക്കുന്നതിനാൽ ഈ വഴിയുള്ള വാഹന ഗതാഗതം തടസ്സപ്പെടുമെന്ന് ചാവക്കാട് അസിസ്റ്റന്റ് എൻജിനീയർ അറിയിച്ചു.

12-02-2024 ൽ തൃപ്പൂണിത്തുറ പടക്ക നിർമാണശാലയിൽ ഉണ്ടായ തീപിടിത്തത്തെ തുടർന്നുണ്ടായ അപകടത്തിൽപെട്ട് എറണാകുളം സർക്കാർ മെഡിക്കൽ കോളേജ് ആശുപത്രിയിൽ നിലവിൽ ചികിത്സയിൽ കഴിയുന്ന മൂന്ന് രോഗികളുടെ  വിവരങ്ങൾ ചുവടെ ചേർക്കുന്നു.

മടവൂർപാറ , ശാസ്താവട്ടം സ്വദേശി ആദർശ് (28), തെന്മല, ഇടമണ്ണ കൊല്ലം സ്വദേശി ആനന്ദൻ (69), പാരിപ്പള്ളി കൊല്ലം സ്വദേശി അനിൽ (50). എന്നിവരാണ്.

ഇന്നലെ (12/02/2024) രാത്രി  മധു (60) വയസ്സ് വിദഗ്ദ്ധ ചികിത്സക്കായി തൃശൂർ മെഡിക്കൽ കോളേജിലേക്ക് മാറ്റി.

 എറണാകുളത്ത് 
    വനിതാ കമ്മിഷന്‍ ജില്ലാതല അദാലത്ത് ബുധനാഴ്ച്ച ( ഫെബ്രുവരി 14) രാവിലെ 10ന് എറണാകുളം ജില്ലാ പഞ്ചായത്ത് ഹാളില്‍ നടക്കും.

കേരള സർക്കാരിന്റെ സഹകരണ വകുപ്പിൻ്റെ കീഴിൽ പ്രവർത്തിക്കുന്ന സ്‌കിൽ ആന്റ് നോളഡ്‌ജ് ഡവലപ്‌മെൻ്റ് സെൻ്റർ ( SKDC) യിൽ 8 മാസം ദൈർഘ്യമുള്ള ജർമൻ ഭാഷാ (എ1, എ2, ബി 1, ബി 2) കോഴ്‌സിലേയ്ക്ക് അപേക്ഷ ക്ഷണിച്ചു. കോഴ്‌സിൻ്റെ കൂടുതൽ വിവരങ്ങൾക്കായി 9496244701 എന്ന നമ്പറിൽ ബന്ധപ്പെടുക.

മട്ടാഞ്ചേരി സ്ത്രീകളുടെയും കുട്ടികളുടെയും  ആശുപത്രിയിൽ പഴയതും ഉപയോഗശൂന്യവുമായ  അലൂമിനിയം,പ്ലാസ്റ്റിക് വസ്തുക്കളും മറ്റു വസ്തുക്കളും ലേലം ചെയ്യുന്നു. ഫെബ്രുവരി 21 രാവിലെ 11ന് ആശുപത്രി കോമ്പൗണ്ടിൽ പരസ്യ ലേലം നടക്കും. കൂടുതൽ വിവരങ്ങൾക്ക് പ്രവൃത്തി ദിനങ്ങളിൽ ആശുപത്രി ഓഫീസുമായി ബന്ധപ്പെടുക. ഫോൺ : 0484 2224511

ഒരു കേന്ദ്ര സംസ്ഥാന അർദ്ധ സർക്കാർ സ്ഥാപനത്തിൽ ഡ്രൈവർ തസ്തികയിൽ ഓപ്പൺ, പട്ടികജാതി വിഭാഗത്തിൽ രണ്ട് താൽക്കാലിക ഒഴിവുകൾ നിലവിലുണ്ട്.
എസ് എസ് എൽ സി, മോട്ടോർ കാർ ഓടിക്കുന്നതിനുള്ള അംഗീകൃത ലൈസൻസ്, മോട്ടോർ മെക്കാനിസത്തിൽ അറിവ്, മോട്ടോർ കാർ ഡ്രൈവർ തസ്തികയിലെ മൂന്ന് വർഷത്തെ പ്രവൃത്തി പരിചയം എന്നീ യോഗ്യതകൾ ഉള്ളവർക്ക് അപേക്ഷിക്കാം.

പ്രായപരിധി 18-30 വയസ്. പട്ടികജാതി വിഭാഗങ്ങൾക്ക് 35 വയസ്. താൽപ്പര്യമുള്ള ഉദ്യോഗാർത്ഥികൾ ഫെബ്രുവരി 27 നകം  യോഗ്യത, പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകൾ സഹിതം അടുത്തുള്ള എംപ്ലോയ്മെൻ്റ് എക്സ്ചേഞ്ചിൽ നേരിട്ട് ഹാജരാകുക.

ഇലഞ്ഞി കൃഷി ഭവന്റെ ആഭിമുഖ്യത്തിൽ നടപ്പിലാക്കിയ ഫാം പ്ലാൻ പദ്ധതിയിൽ മില്ലറ്റ് കൃഷി വിളവെടുത്തു. ബേബി മലയിൽ, മുത്തോലപുരം എന്ന കർഷകന്റെ പുരയിടത്തിലാണ് ചോളം വിഭാഗത്തിലെ മില്ലറ്റ് വിളവെടുത്തത്. വിളവെടുപ്പ് ഉദ്ഘാടനം പഞ്ചായത്ത്‌ പ്രസിഡന്റ്‌ പ്രീതി അനിൽ നിർവഹിച്ചു. 

ആദ്യ സീസണിൽ കൃഷി തുടങ്ങിയതിനാൽ മികച്ച വിളവ് ലഭിച്ചതായി കർഷകൻ പറഞ്ഞു.
വൈസ് പ്രസിഡന്റ്‌ എം പി ജോസഫ്, കൃഷി ഓഫീസർ എൽദോസ് എബ്രഹാം, കൃഷി അസിസ്റ്റന്റ് എ എസ്  സുഗന്തിമോൾ എന്നിവർ പങ്കെടുത്തു. 
ചോളം ആവശ്യമുള്ള വർക്ക് 9947310528 നമ്പറിൽ ബന്ധപ്പെടാം.

ചോറ്റാനിക്കര ഗ്രാമപഞ്ചായത്തിൻ്റെ 2024-25 വർഷത്തെ വാർഷിക ബജറ്റിൽ യുവജനങ്ങൾ,വനിതകൾ എന്നിവരുടെ സംരംഭകത്വ പ്രോത്സാഹനത്തിന് കൂടുതൽ അവസരങ്ങൾ. ഗ്രാമ പഞ്ചായത്തിനെ വയോജന സൗഹൃദമാക്കി മാറ്റുകയാണ് മറ്റൊരു പ്രധാന ലക്ഷ്യം. 

ഐമുറി ഗവൺമെന്റ് യു.പി സ്കൂളിൽ പുതിയ കെട്ടിടം ഒരുങ്ങുകയാണ്. എൽദോസ് പി. കുന്നപ്പിള്ളിൽ എം.എൽ.എയുടെ ആസ്തി വികസന ഫണ്ടിൽ നിന്ന് 60 ലക്ഷം രൂപ വിനിയോഗിച്ചാണ് പുതിയ കെട്ടിടം യാഥാർത്ഥ്യമാക്കുന്നത്. പദ്ധതിയുടെ നിർമ്മാണ പ്രവർത്തനങ്ങൾക്ക് തുടക്കമായി. നിർമ്മാണ ഉദ്ഘാടനം എം.എൽ.എ നിർവഹിച്ചു.

ആറുമാസത്തിനകം കെട്ടിട നിർമ്മാണം പൂർത്തിയാക്കി സ്കൂളിന് കൈമാറുമെന്ന് അദ്ദേഹം പറഞ്ഞു. സാധാരണക്കാരായ നിരവധി വിദ്യാർത്ഥികൾ പഠിക്കുന്ന ഈ വിദ്യാലയത്തെ മികവിന്റെ കേന്ദ്രമാക്കി മാറ്റുകയാണ് ലക്ഷ്യമെന്നും അടുത്ത സാമ്പത്തിക വർഷത്തിൽ സ്‌കൂളിനായി കൂടുതൽ തുക അനുവദിക്കുമെന്നും എം.എൽ.എ പറഞ്ഞു.