ഹയര്‍ സെക്കന്ററിതലം വരെയുള്ള വിദ്യാര്‍ഥികള്‍ക്ക് തങ്ങളുടെ അഭിരുചിക്കും വൈദഗ്ധ്യത്തിനും അനുഗുണമായ തൊഴില്‍മേഖലകള്‍ തെരെഞ്ഞെടുക്കാന്‍ ലക്ഷ്യമിട്ട് സമഗ്ര ശിക്ഷ കേരളയുടെ നേതൃത്വത്തില്‍ സ്റ്റാര്‍സ് പദ്ധതിയുടെ ഭാഗമായാണ്  പൊതുവിദ്യാലയങ്ങളില്‍ സ്‌കില്‍ ഡെവലവ്‌മെന്റ് സെന്ററുകള്‍(എസ്.ഡി.സി) ആരംഭിക്കുന്നത്. 15 മുതല്‍ 23 വയസ്സുവരെയുള്ള യുവാക്കള്‍ക്ക് ആധുനിക ലോകത്തെ തൊഴില്‍ സാധ്യതയുടെ അറിവും നൈപുണിയും നല്‍കുക എന്ന ലക്ഷ്യത്തോടെയാണ് എസ്.ഡി.സികള്‍ തുടങ്ങുന്നത്.

പാലക്കാട്- കോഴിക്കോട് ദേശീയപാത (ഗ്രീന്‍ഫീല്‍ഡ് 966) വികസനത്തിന് ആവശ്യമായ ഭൂമി ഏറ്റെടുക്കലുമായി ബന്ധപ്പെട്ട് ഇനിയും രേഖകള്‍ ഹാജരാക്കാത്ത കൈവശക്കാര്‍ക്ക് ആവശ്യമായ രേഖകള്‍ ഹാജരാക്കുന്നതിനുള്ള അദാലത്ത് നാളെ (ഫെബ്രുവരി 19ന്) ഉച്ചയ്ക്ക് 1.30ന് മഞ്ചേരി ടൗണ്‍ഹാളില്‍ നടക്കും. ജില്ലാ കളക്ടറുടെ നേതൃത്വത്തില്‍ നടക്കുന്ന അദാലത്തില്‍ ലാന്റ് ട്രിബ്യൂണല്‍ തഹസില്‍ദാര്‍മാര്‍, വില്ലേജ് ഓഫീസര്‍മാര്‍, താലൂക്ക് തഹസില്‍ദാര്‍മാര്‍, സബ് രജിസ്ട്രാര്‍, പഞ്ചായത്ത് സെക്രട്ടറിമാര്‍ എന്നിവര്‍ പങ്കെടുക്കും.

മലപ്പുറം ജില്ലാ ലൈബ്രറി കൗണ്‍സിലിന്റെ ആഭിമുഖ്യത്തില്‍ ജില്ലയിലെ യുവ എഴുത്തുകാര്‍ക്കായി മാര്‍ച്ച് 9,10 തിയതികളില്‍ കോട്ടയ്ക്കലില്‍ വെച്ച് സംഘടിപ്പിക്കന്ന ദ്വിദിന സാഹിത്യ ക്യാമ്പിലേക്ക് സൃഷ്ടികള്‍ ക്ഷണിച്ചു.  ക്യാമ്പില്‍ പങ്കെടുക്കാന്‍ താല്‍പര്യമുള്ള 18നും 35നും ഇടയില്‍ പ്രായമുള്ള യുവ എഴുത്തുകാര്‍ക്ക് സൃഷ്ടികള്‍ അയക്കാം.

കേരളത്തെ ഭിന്നശേഷി സൗഹൃദ സംസ്ഥാനമാക്കി മാറ്റുമെന്ന് സാമൂഹ്യനീതി മന്ത്രി ഡോ. ആർ ബിന്ദു. ഒളവണ്ണ ഗ്രാമപഞ്ചായത്തിലെ ബഡ്‌സ് സ്‌കൂൾ കെട്ടിടം തറക്കല്ലിടലും ഹോമിയോ ഡിസ്പെൻസറി കെട്ടിടം പ്രവൃത്തി ഉദ്ഘാടനവും നിർവഹിച്ചു സംസാരിക്കുകയായിരുന്നു മന്ത്രി. 

ഇന്ത്യയിലെ ഏറ്റവും മികച്ച ഭിന്നശേഷി സൗഹാർദ്ദ സംസ്ഥാനമായി മാറുക എന്ന ലക്ഷ്യം മുൻനിർത്തിയാണ് സാമൂഹ്യനീതി വകുപ്പ് പദ്ധതികൾ ആവിഷ്കരിക്കുന്നത്. ഭിന്നശേഷി സൗഹൃദ പദ്ധതികൾ ആവിഷ്കരിക്കുന്നതിനോടൊപ്പം സമൂഹത്തിന്റെ മനോഭാവത്തിലും മാറ്റം വരണമെന്ന് മന്ത്രി പറഞ്ഞു.

കേരള സർക്കാർ നടപ്പാക്കുന്ന ഡിജി കേരളം ഡിജിറ്റൽ സാക്ഷരതാ പദ്ധതിയുടെ ഭാഗമായി ഇന്ന് (ഫെബ്രുവരി 18) സാക്ഷരതാ മിഷൻ്റെ പത്താം തരം, പ്ലസ് വൺ, പ്ലസ് ടു തുല്യതാ സമ്പർക്ക പഠന കേന്ദ്രങ്ങളിൽ ഡിജി പ്രതിജ്ഞ നടക്കും. മലപ്പുറം ജില്ലയിൽ ഡിജി പ്രതിജ്ഞയുടെ ഉദ്ഘാടനം രാവിലെ ഒമ്പതിന് താനൂർ ദേവദാർ ഗവ. ഹയർ സെക്കന്ററി സ്കൂളിൽ വെച്ച് കായിക വകുപ്പ് മന്ത്രി വി. അബ്ദുറഹ്മാൻ നിർവഹിക്കും. വിവിധ ജന പ്രതിനിധികളും വിശഷ്ട വ്യക്തികളും സാക്ഷരതാ പ്രവർത്തകരും പഠിതാക്കളും പങ്കെടുക്കും. ജില്ലയിൽ 96 തുല്യതാ സമ്പർക്ക പഠന കേന്ദ്രങ്ങളിൽ 10210 പഠിതാക്കൾ ഡിജി പ്രതിജ്ഞയിൽ പങ്കാളികളാകും .

സൗജന്യ തൊഴില്‍ പരിശീലനവും തൊഴിലും  നല്‍കുന്ന നൈപുണ്യ വികസന പദ്ധതിയായ ഡി.ഡി.യു.ജി.കെ.വൈ മണപ്പുറം ഫൗണ്ടേഷന്‍ ഭാഗമായി ആരംഭിക്കുന്ന പേഴ്‌സണല്‍ ഫിറ്റ്‌നസ് ട്രെയ്‌നര്‍ ഹ്രസ്വകാല കോഴ്‌സിലേക്ക് അപേക്ഷ ക്ഷണിച്ചു. പ്രായപരിധി 18- 26. മഞ്ചേരിയിലാണ് പരിശീലനം. മലപ്പുറം, കണ്ണൂര്‍, വയനാട്, കോഴിക്കോട്, കാസര്‍കോട് ജില്ലകളിലെ  ഗ്രാമപഞ്ചായത്ത് പരിധിയില്‍ താമസിക്കുന്ന യുവതി യുവാക്കള്‍ക്ക് അപേക്ഷിക്കാം.  താമസവും ഭക്ഷണവും  സൗജന്യം. ഫോണ്‍: 9072668543.

കേരള നോളജ് ഇക്കോണമി മിഷന്റെ നേതൃത്വത്തിൽ കുടുംബശ്രീ ജില്ലാ മിഷന്റെയും കോൺഫെഡറേഷൻ ഓഫ് ഇന്ത്യൻ ഇൻഡസ്ട്രീസിന്റെയും സഹകരണത്തോടെ വിവിധ ഒഴിവുകളിലേക്ക് നിയമനത്തിനായി അഭിമുഖം സംഘടിപ്പിക്കുന്നു. നാളെ (ഫെബ്രുവരി 19) രാവിലെ 9.30 മുതൽ ഒരു മണിവരെ കോട്ടക്കൽ നഗരസഭയിലെ ഇ.ഒ ഓഡിറ്റോറിയത്തിലാണ് അഭിമുഖം. അധ്യാപകർ (ബിരുദാനന്തര ബിരുദം), മെന്റർ (പ്ലസ്ടു), മാനേജർ(ബിരുദം), കസ്റ്റമർ കെയർ എക്സിക്യൂട്ടീവ് (ബിരുദം) തസ്തികകളിലാണ് ഒഴിവുള്ളത്. യോഗ്യതയുള്ളവർക്ക് പങ്കെടുക്കാം.

വയനാട്ടിലെ വന്യജീവി ആക്രമണവുമായി ബന്ധപ്പെട്ട പ്രശ്നങ്ങൾ ചർച്ച ചെയ്യാൻ മന്ത്രിമാരുടെ നേതൃത്വത്തിൽ ഉന്നതതലയോ​ഗം വിളിക്കുവാൻ മുഖ്യമന്ത്രി പിണറായി വിജയൻ നിർദേശിച്ചു. 

ഇതനുസരിച്ച് റവന്യു, വനം, തദ്ദേശസ്വയംഭരണം വകുപ്പ് മന്ത്രിമാരുടെ നേതൃത്വത്തിൽ ഈ മാസം 20ന് രാവിലെ വയനാട്ടിൽ യോ​ഗം ചേരും. വയനാട് ജില്ലയിലെ തദ്ദേശ ജനപ്രതിനിധികളടക്കമുള്ള മുഴുവൻ ജനപ്രതിനിധികളും ഉന്നത ഉദ്യോഗസ്ഥരടക്കമുള്ള എല്ലാ ഉദ്യോ​ഗസ്ഥരും യോ​ഗത്തിൽ പങ്കെടുക്കും.

പി.എം ശ്രീ കേന്ദ്രീയ വിദ്യാലയത്തിൽ വിവിധ തസ്തികകളിലേക്ക് കരാർ അടിസ്ഥാനത്തിൽ നിയമനം നടത്തുന്നു. താൽപര്യമുള്ള ഉദ്യോഗർത്ഥികൾ ഫെബ്രുവരി 22, 23 തീയതികളിൽ രാവിലെ പത്തിന് വിദ്യാലയത്തിൽ അഭിമുഖത്തിന് ഹാജാരവണം. വിശദവിവരങ്ങൾക്ക് www.kvmallappuram.kvs.ac.in.

മലപ്പുറം ജില്ലാ ഹോമിയോ മെഡിക്കല്‍ ഓഫീസ് പരിധിയിലുള്ള സര്‍ക്കാര്‍ ഹോമിയോ സ്ഥാപനങ്ങളിലെ ഫാര്‍മസിസ്റ്റ് ഒഴിവുകളിലേക്ക് ദിവസ വേതനത്തില്‍ ഉദ്യോഗാര്‍ത്ഥികളെ നിയമിക്കുന്നു. എന്‍.സി.പി /സി.സി.പി ആണ് യോഗ്യത. ഫെബ്രുവരി 29 രാവിലെ 10 ന് മലപ്പുറം സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ ഹോമിയോ മെഡിക്കല്‍ ഓഫീസില്‍ വെച്ച് കൂടിക്കാഴ്ച നടക്കും. യോഗ്യരായ ഉദ്യോഗാര്‍ത്ഥികള്‍ ബയോഡാറ്റ, യോഗ്യത സംബന്ധിച്ച ഒറിജിനല്‍ സര്‍ട്ടിഫിക്കറ്റ് എന്നിവയുടെ പകര്‍പ്പ് സഹിതം ഹാജരാവണം.