സമഗ്രശിക്ഷ കേരളയുടെ സ്‌കില്‍ ഡെവലപ്പ്‌മെന്റ് സെന്ററുകളില്‍ നടത്തുന്ന സൗജന്യ കോഴ്‌സിന് സ്‌കോള്‍ കേരള വിദ്യാര്‍ഥികള്‍ക്ക് അപേക്ഷിക്കാം. ബേക്കിങ് ടെക്‌നോളജി, എക്‌സിം. എക്‌സിക്യൂട്ടീവ് എന്നിവയാണ് കോഴ്‌സുകള്‍. സ്‌കോള്‍ കേരള മുഖേന ഹയര്‍സെക്കണ്ടറി കോഴ്‌സിന് രജിസ്റ്റര്‍ ചെയ്തവര്‍ക്ക് കല്യാശ്ശേരി ഗവ. വി എച്ച് എസ് എസിലാണ് ക്ലാസ് നല്‍കുന്നത്. പ്രായം 15നും 23നും ഇടയില്‍. അപേക്ഷാ ഫോറം ഫെബ്രുവരി 19 വരെ സ്‌കൂളില്‍ നിന്ന് ലഭിക്കും. ഫോണ്‍: 04972702706
 

ചെറിയ പ്രീമിയത്തില്‍ അപകട ഇന്‍ഷുറന്‍സ് നല്‍കുന്ന ഗ്രൂപ്പ് ആക്സിഡന്റ് പോളിസിയുമായി തപാല്‍ വകുപ്പ്. 699 രൂപക്ക് 10 ലക്ഷം രൂപ വരെ കവറേജ് നല്‍കുന്ന പോളിസിയാണിത്. ഇതിനായി ഫെബ്രുവരി 19 മുതല്‍ 23 വരെ എല്ലാ പോസ്റ്റ് ഓഫീസുകളിലും പ്രത്യേക ക്യാമ്പയിന്‍ നടത്തും.
18 മുതല്‍ 65 വയസുവരെയുള്ളവര്‍ക്ക് 699 രൂപ പ്രീമിയത്തില്‍ ഒരു വര്‍ഷത്തേക്ക് 10 ലക്ഷം രൂപയുടെ അപകട ഇന്‍ഷുറന്‍സ് ലഭിക്കും. തപാല്‍ വകുപ്പിന്റെ ഇന്ത്യ പോസ്റ്റ് പെയമെന്റ്‌സ് ബാങ്ക് വഴിയാണ് പദ്ധതി നടപ്പാക്കുന്നത്. അടുത്തുള്ള ഏത് പോസ്റ്റ് ഓഫീസിലൂടെയും പദ്ധതിയില്‍ അംഗമാകാം.

എംപ്ലോയബിലിറ്റി എന്‍ഹാന്‍സ്മെന്റ് പ്രോഗ്രാമിന്റെ (ഇ ഇ പി) മെഡിക്കല്‍ / എഞ്ചിനീയറിങ് വിഭാഗത്തിന്റെ 2023-24 വര്‍ഷത്തെ കരട് മുന്‍ഗണനാ ഗുണഭോക്തൃ പട്ടിക പ്രസിദ്ധീകരിച്ചു. പിന്നാക്ക വിഭാഗ വികസന വകുപ്പിന്റെ മത്സര പരീക്ഷാ പരിശീലന ധനസഹായ പദ്ധതിയാണ് ഇ ഇ പി. പട്ടികകള്‍ www.bcdd.kerala.gov.in, www.egrantz.kerala.gov.in എന്നീ വെബ്‌സൈറ്റുകളിലും ബന്ധപ്പെട്ട പരിശീലന സ്ഥാപനങ്ങളിലും ലഭിക്കും.

വിചാരണ മാറ്റി

ഇരിട്ടി, തലശ്ശേരി ലാന്റ് ട്രിബ്യൂണലില്‍ ഫെബ്രുവരി 14 ,15 തീയതികളില്‍ കലക്ടറേറ്റില്‍ നടത്താനിരുന്ന ദേവസ്വം പട്ടയ കേസുകളുടെ വിചാരണ മാര്‍ച്ച് 26, 27 തീയതികളിലേക്ക് മാറ്റിയതായി ഡി എം ഡെപ്യൂട്ടി കലക്ടര്‍ അറിയിച്ചു.

ബോധവല്‍ക്കരണ സെമിനാര്‍ 20ന്

സംസ്ഥാന സീനിയര്‍ (പുരുഷ-വനിത)ബോഡി ബില്‍ഡിങ് ചാമ്പ്യന്‍ഷിപ്പിന് ലോഗോ ക്ഷണിച്ചു. സംസ്ഥാന സ്‌പോര്‍ട്‌സ് കൗണ്‍സിലിന്റെ അംഗീകാരത്തോടെ ബോഡി ബില്‍ഡിങ് അസോസിയേഷന്‍ ഓഫ് കേരളയും കണ്ണൂര്‍ ജില്ലാ ബോഡി ബില്‍ഡിങ് അസോസിയേഷനും ചേര്‍ന്ന് മാര്‍ച്ച് മൂന്നിന് മുണ്ടയാട് ഇന്‍ഡോര്‍ സ്റ്റേഡിയത്തിലാണ് ചാമ്പ്യന്‍ഷിപ്പ് നടത്തുക. ഫെബ്രുവരി 20ന് വൈകിട്ട് അഞ്ച് മണിക്ക് മുമ്പ്  officialkdbba@gmail.com എന്ന ഇമെയിലില്‍ ലോഗോ ലഭിക്കണം.
 

രജിസ്ട്രേഷന്‍ പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഇന്ന് ഫെബ്രുവരി 16ന് ജില്ലയില്‍ വിവിധ പരിപാടികളില്‍ പങ്കെടുക്കും. രാവിലെ 10 മണി-പിണറായി ഗ്രാമപഞ്ചായത്ത് ഹോമിയോ ആശുപത്രി ഉദ്ഘാടനം പാറപ്രം, 11 മണി-ജവഹര്‍ ലൈബ്രറി, ഉച്ചക്ക് 12 മണി-ഡി പി സി ഹാള്‍-മീറ്റിങ്, 12.30ന് സെന്‍ട്രല്‍ ജയില്‍ കായിക മേള സമ്മാനദാനം, 1.30ന് കണ്ണൂര്‍ ഗവ.

പുഷ്പചാരുത കൊണ്ട് വിസ്മയം തീര്‍ത്ത് ഓവല്‍ ഷെയ്പ് ക്രമീകരണം, പൂച്ചെണ്ട് നിര്‍മാണ മത്സരം. കണ്ണൂര്‍ പോലീസ് മൈതാനിയില്‍ പുഷ്‌പോത്സവത്തിന്റെ 7-ാംദിനത്തില്‍ നടന്ന മത്സരമാണ്  കണ്ണിന് വിരുന്നൊരുക്കിയത്. 12 മത്സരാര്‍ത്ഥികളാണ് രണ്ടിനങ്ങളിലും മാറ്റുരച്ചത്.    പരമാവധി പ്ലാസ്റ്റിക് വസ്തുക്കള്‍ ഒഴിവാക്കിയാണ് മത്സരം നടന്നത്. ഒരു മണിക്കൂര്‍ സമയപരിധിയുണ്ടായിരുന്ന മത്സരത്തിൽ   വിവിധവര്‍ണങ്ങളിലുള്ള റോസാ പൂക്കള്‍, ജറബറ , തുടങ്ങിയ പുഷ്പങ്ങളാണ് കൂടുതലായും മത്സരാര്‍ഥികള്‍ ഉപയോഗിച്ചത്. ഓവല്‍ ഷെയ്പ് ക്രമീകരണത്തില്‍ പി അഭിജിത്ത്, ഷിന ഉദയ്, കെ സുരേഗ എന്നിവരും ബൊക്കെ നിര്‍മാണത്തില്‍ ഡോ.

പിണറായി ഗ്രാമപഞ്ചായത്ത് പാറപ്രത്ത് ഹോമിയോ ഡിസ്പെന്‍സറിക്കായി നിര്‍മ്മിച്ച പുതിയ കെട്ടിടത്തിന്റെ ഉദ്ഘാടനം ഫെബ്രുവരി 16ന് രാവിലെ 10 മണിക്ക് രജിസ്ട്രേഷന്‍, പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വ്വഹിക്കും. പിണറായി ഗ്രാമപഞ്ചായത്ത് പ്രസിഡണ്ട് കെ കെ രാജീവന്‍ അധ്യക്ഷത വഹിക്കും. മുഖ്യമന്ത്രിയുടെ മണ്ഡലം പ്രതിനിധി പി ബാലന്‍ മുഖ്യാതിഥിയാകും.

തന്മുദ്ര സമഗ്ര ഭിന്നശേഷി സര്‍വ്വേയും യു ഡി ഐ ഡി രജിസ്‌ട്രേഷനും നടത്തേണ്ട വളണ്ടിയര്‍മാര്‍ക്കുള്ള ജില്ലാതല പരിശീലന പരിപാടി കലക്ടറേറ്റ് ഓഡിറ്റോറിയത്തില്‍ ജില്ലാ കലക്ടര്‍ അരുണ്‍ കെ വിജയന്‍ ഉദ്ഘാടനം ചെയ്തു. ഭിന്നശേഷി വിഭാഗക്കാര്‍ക്കുള്ള ഏകീകൃത തിരിച്ചറിയല്‍ രേഖയായ യു ഡി ഐ ഡി കാര്‍ഡ് ലഭ്യമാക്കുന്നതിന്റെ രണ്ടാംഘട്ട ക്യാമ്പയിനാണ് 'തന്മുദ്ര'. മുഴുവന്‍ ഭിന്നശേഷിക്കാര്‍ക്കും തിരിച്ചറിയല്‍ രേഖ ലഭ്യമാക്കുന്നതിനൊപ്പം അവരുടെ സമഗ്ര സര്‍വ്വേ നടത്തി ഡാറ്റാ ബേസ് കൂടി തയ്യാറാക്കും. 2015ലെ സാമൂഹ്യനീതി വകുപ്പിന്റെ സര്‍വ്വേയില്‍ 58539 ഭിന്നശേഷിക്കാരെയാണ് ജില്ലയില്‍ കണ്ടെത്തിയത്.

കേരള സർക്കാരിന്റെ വ്യവസായ വകുപ്പിൻ കീഴിലുള്ള പൊതുമേഖലാ സ്ഥാപനമായ കെ സി സി പി ലിമിറ്റഡ് വൈവിധ്യവല്‍ക്കരണത്തിന്റെ ഭാഗമായി ഫ്രൂട്ട് സോള്‍ സ്‌ക്വാഷ് പുറത്തിറക്കി. കണ്ണപുരത്തെ ഇന്റഗ്രേറ്റഡ് കോക്കനട്ട് ആന്റ് ഫ്രൂട്ട്  പ്രോസസിംഗ് കോംപ്ലക്‌സില്‍ നിന്നും ഉല്‍പ്പാദിപ്പിക്കുന്ന ഫ്രൂട്ട് സോള്‍ സ്‌ക്വാഷ് കെ സി സി പി എല്‍ ചെയര്‍മാന്‍ ടി വി രാജേഷ്, മാനേജിംഗ് ഡയറക്ടര്‍ ആനക്കൈ ബാലകൃഷ്ണന് നല്‍കി വിതരണോദ്ഘാടനം നിര്‍വ്വഹിച്ചു.