എടവണ്ണ സി.എച്ച്.സിയുടെ പഴയ കെട്ടിടങ്ങൾ പൊളിച്ചുനീക്കുന്നതിന് കരാറുകാരിൽനിന്ന് ക്വട്ടേഷനുകൾ ക്ഷണിച്ചു. ഫെബ്രുവരി 19ന് രാവിലെ 11നകം ക്വട്ടേഷനുകൾ സി.എച്ച്.സി ഓഫീസിൽ ലഭിക്കണം. ഫെബ്രുവരി 20ന് രാവിലെ 11ന് ക്വട്ടേഷനുകൾ തുറക്കും. കവറിന് പുറത്ത് സി.എച്ച്.സിയിലെ കെട്ടിടങ്ങൾ പൊളിച്ചുനീക്കുന്നതിനുള്ള ക്വട്ടേഷൻ എന്ന് രേഖപ്പെടുത്തണം. കൂടുതൽ വിവരങ്ങൾക്ക് പ്രവൃത്തി ദിവസങ്ങളിൽ സി.എച്ച്.സി കാര്യലയവുമായി ബന്ധപ്പെടുക. ഫോൺ: 0483 2701029.

കാസര്‍കോട് ബ്ലോക്ക് ലെവല്‍ ബാങ്കേഴ്‌സ് കമ്മിറ്റിയുടെ (ബി.എല്‍.ബി.സി) 2023-24 സാമ്പത്തിക വര്‍ഷത്തെ മൂന്നാംപാദ യോഗം ഫെബ്രുവരി 15ന് വൈകിട്ട് മൂന്നിന് കാസര്‍കോട് കെ.എസ്.ആര്‍.ടി.സി ബസ് സ്റ്റാന്റിന് എതിര്‍വശത്തുള്ള കാനറ ബാങ്ക് റീജിയണല്‍ ഓഫീസില്‍ ചേരും. ഫോണ്‍ 9495004204.

മൃഗസംരക്ഷണ വകുപ്പ് മുഖേന ജില്ലയിൽ മൊബൈൽ വെറ്ററിനറി യൂണിറ്റ് സേവനം ലഭ്യമാക്കുന്നതിന്് ജില്ലയിലെ രണ്ട് ബ്ലോക്കുകളിൽ പാരാവെറ്റിനെ കരാർ അടിസ്ഥാനത്തിൽ നിയമിക്കുന്നു. ഉദ്യോഗാർത്ഥികൾ നിർദിഷ്ട യോഗ്യതയുള്ളവരും എൽ.എം.വി ലൈസൻസുള്ളവരുമായിരിക്കണം.  അഭിമുഖം ഫെബ്രുവരി 19ന് രാവിലെ 10.30ന് ജില്ലാ മൃഗസംരക്ഷണ ഓഫീസിൽ നടക്കും. എംപ്ലോയ്മെന്റ് എക്സ്ചേഞ്ച് മുഖേന നിയമനം വരുന്നതുവരെയോ അല്ലെങ്കിൽ 90 ദിവസത്തേക്കോ ആയിരിക്കും നിയമനം. ഫോൺ: 0483 2734917.

കാഞ്ഞങ്ങാട് നഗരസഭയില്‍ സീവേജ്, സെപ്റ്റിക് ടാങ്ക് മാലിന്യ സംസ്‌കരണ ജോലി ചെയ്യുന്ന തൊഴിലാളികള്‍ക്കായി തൊഴില്‍ സുരക്ഷ, ഉപജീവന സാധ്യത, പുനരധിവാസം, ക്ഷേമ പദ്ധതികള്‍ എന്നിവ ഉറപ്പുവരുത്തുന്നതിനായി നാഷണല്‍ ആക്ഷന്‍ ഫോര്‍ മെക്കനൈസ്ഡ് സാനിറ്റേഷന്‍ എക്കോ സിസ്റ്റം ( നമസ്‌തേ) സ്‌കീമിന്റെ ഭാഗമായി  ഫെബ്രുവരി 15ന് രാവിലെ 10ന് കാഞ്ഞങ്ങാട് നഗരസഭ മുനിസിപ്പല്‍ ടൗണ്‍ ഹാളില്‍ രജിസ്‌ട്രേഷന്‍ ക്യാമ്പ് നടത്തുന്നു. ആധാര്‍ കാര്‍ഡ് , ബാങ്ക് പാസ്ബുക്ക് എന്നിവ സഹിതം ക്യാമ്പില്‍ പങ്കെടുക്കണമെന്ന് കാഞ്ഞങ്ങാട് നഗരസഭ സെക്രട്ടറി അറിയിച്ചു.

കേരള മോട്ടോർ തൊഴിലാളി ക്ഷേമനിധി പദ്ധതിയിൽ അംഗങ്ങളായ തൊഴിലാളികളുടെ മക്കളിൽ മെറിറ്റിൽ അഡ്മിഷൻ ലഭിച്ച് പ്രൊഫഷണൽ കോഴ്സുകൾക്ക് പഠിച്ച് കൊണ്ടിരിക്കുന്നവർക്ക് സൗജന്യമായി ലാപ്ടോപ് വിതരണം ചെയ്യുന്നതിന് അപേക്ഷ ക്ഷണിച്ചു. അപേക്ഷ മാർച്ച് 16നകം സമർപ്പിക്കണം. അപേക്ഷയും മറ്റ് വിശദ വിവരങ്ങളും ജില്ലാ ഓഫീസുകളിലും ബോർഡിന്റെ ഔദ്യോഗിക വെബ് സൈറ്റായ www.kmtwwfb.org ലും ലഭിക്കും. വിശദ വിവരങ്ങൾക്ക് ജില്ലാ ഓഫീസുമായി ബന്ധപ്പെടുക. ഫോൺ: 0483 2734941.
 

സ്ത്രീശാക്തീകരണത്തിനും പാര്‍ശ്വവത്കൃതരുടെ ഉന്നമനത്തിനും വേണ്ടി പ്രവര്‍ത്തിക്കുന്ന ഒരു വനിതക്ക് 2023-24 വര്‍ഷത്തില്‍ ദാക്ഷായണി വേലായുധന്റെ പേരില്‍ വാര്‍ഷിക അവാര്‍ഡ് നല്‍കുന്നതിനായി അപേക്ഷ ക്ഷണിച്ചു. ഈ മേഖലയില്‍ പ്രാഗല്‍ഭ്യം തെളിയിക്കുന്നവരെയാണ് അവാര്‍ഡിന് പരിഗണിക്കുന്നത്. തങ്ങളുടെ പ്രവര്‍ത്തന മേഖലയില്‍ കാഴ്ചവെച്ചിട്ടുള്ള വ്യത്യസ്തവും നൂതനവുമായ പ്രവര്‍ത്തനങ്ങള്‍, നേട്ടങ്ങള്‍, പുരസ്‌കാരങ്ങള്‍ എന്നിവയെ സംബന്ധിച്ച വിശദവിവരങ്ങള്‍, രേഖകള്‍, റിപ്പോര്‍ട്ട് എന്നിവ നിശ്ചിത മാതൃകയിലുള്ള അപേക്ഷയോടൊപ്പം നല്‍കണം.

മഞ്ചേരി സബ്സ്റ്റേഷനിൽ അറ്റകുറ്റപ്പണികൾ നടക്കുന്നതിനാൽ ഇന്ന് (ഫെബ്രുവരി 14) രാവിലെ ഒമ്പത് മുതൽ ഉച്ചയ്ക്ക് രണ്ട് വരെ സബ്സ്റ്റേഷനിൽ നിന്നുള്ള കാരാപ്പറമ്പ്, ഇന്ത്യൻ മാൾ, പാണ്ടിക്കാട്, പുൽപ്പറ്റ, മഞ്ചേരി ടൗൺ എന്നീ 11 കെ.വി ഫീഡറുകളിൽ വൈദ്യുതി മുടങ്ങുമെന്ന് കെ.എസ്.ഇ.ബി അധികൃതർ അറിയിച്ചു.

കേന്ദ്ര യുവജന കാര്യ-കായിക മന്ത്രാലയം 18 മുതല്‍ 25 വരെ പ്രായമുള്ളവര്‍ക്കായി നാഷണല്‍ യൂത്ത് പാര്‍ലമെന്റ് ഫെസ്റ്റിവല്‍ പ്രസംഗ മത്സരം സംഘടിപ്പിക്കുന്നു. വെര്‍ച്വല്‍ രീതിയില്‍ ജില്ലയില്‍ നടത്തുന്ന മത്സരത്തില്‍ നിന്ന് ഒന്നും രണ്ടും സ്ഥാനം കരസ്ഥമാക്കുന്നവര്‍ക്ക് സംസ്ഥാന മത്സരത്തിലും സംസ്ഥാനതലത്തില്‍ ആദ്യ മൂന്ന് സ്ഥാനങ്ങള്‍ നേടുന്നവര്‍ക്ക് ദേശീയതല മത്സരത്തിലും പങ്കെടുക്കാം. ജില്ല-സംസ്ഥാന മത്സരങ്ങളില്‍ മലയാളം, ഇംഗ്ലീഷ്, ഹിന്ദി ഭാഷകളും ദേശീയതലത്തില്‍ ഇംഗ്ലീഷ്, ഹിന്ദി ഭാഷകളും തിരഞ്ഞെടുക്കാം. താത്പര്യമുള്ളവര്‍ ഫെബ്രുവരി 16നകം രജിസ്‌ട്രേഷന്‍ ചെയ്യണം.

ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ പയ്യനാട് സ്റ്റേഡിയത്തില്‍  പുതുതായി ആരംഭിക്കുന്ന ഫുട്‌ബോള്‍ അക്കാദമിയിലേക്ക് പരിശീലകനെ നിയമിക്കുന്നു. ഡി ലൈസന്‍സ് യോഗ്യതയുള്ള ഉദ്യോഗാര്‍ത്ഥികള്‍ക്ക് ഫെബ്രുവരി 16ന് രാവിലെ 11ന്  ജില്ലാ സ്‌പോര്‍ട്‌സ് കൗണ്‍സില്‍ ഓഫീസില്‍ നടക്കുന്ന കൂടിക്കാഴ്ചയില്‍ പങ്കെടുക്കാം. ഫോണ്‍: 0483-2734701, 9495243423.

കാസര്‍കോട് റീജിയണല്‍ ട്രാന്‍സ്പോര്‍ട്ട് ഓഫീസില്‍ ഫെബ്രുവരി 12ന് നടത്താന്‍ സാധിക്കാതിരുന്ന ലേണേഴ്സ് ടെസ്റ്റ് ഫെബ്രുവരി 17ന് നടത്തുമെന്ന് കാസര്‍കോട് റീജിയണല്‍ ട്രാന്‍സ്പോര്‍ട്ട് ഓഫീസര്‍ അറിയിച്ചു. ഫോണ്‍ 04994 2793499.