സ്‌കൂൾ തുറക്കുന്നതുമായി ബന്ധപ്പെട്ട മുന്നൊരുക്ക പ്രവർത്തനങ്ങൾ സമയബന്ധിതമായി പൂർത്തീകരിക്കണമെന്ന് മുഖ്യമന്ത്രി പിണറായി വിജയൻ നിർദ്ദേശിച്ചു. ഇക്കാര്യം ചർച്ച ചെയ്യാൻ ചേർന്ന ഉന്നതതല യോഗത്തിൽ സംസാരിക്കുകയായിരുന്നു മുഖ്യമന്ത്രി.

        കെട്ടിട നിർമ്മാണ തൊഴിലാളി ക്ഷേമ ബോർഡില അംഗതൊഴിലാളികളുടെ 2023 വർഷത്തെ അംഗത്വ പുതുക്കൽ മെയ് 31 വരെ ദീർഘിപ്പിച്ചു. കൂടുതൽ വിവരങ്ങൾക്ക് : 0471 2329516.

**ദ്രുത തീവ്ര വനവൽകരണം പദ്ധതി ജില്ലാ കളക്ടർ ഉദ്ഘാടനം ചെയ്തു

ജില്ലാ സ്പോർട്സ് കൗൺസിലിന്റെ നേതൃത്വത്തിൽ കൽപ്പറ്റ എം.കെ ജിനചന്ദ്ര സ്മാരക സ്റ്റേഡിയത്തിൽ മെയ് 10 മുതൽ സ്കൂൾ വിദ്യാർഥികൾക്കായി സമ്മർ കോച്ചിങ് ക്യാമ്പ് ആരംഭിക്കുന്നു. 

അത്ലറ്റിക്സ്, ഫുട്ബോൾ, ആർച്ചറി, ഫെൻസിങ് ഇനങ്ങളിലാണ് പരിശീലനം. 8 മുതൽ 16 വയസിന് ഇടയിലുള്ള ആൺകുട്ടികൾക്കും പെൺകുട്ടികൾക്കും ക്യാമ്പിൽ പങ്കെടുക്കാം. അന്നേ ദിവസം രാവിലെ ഏഴിന് കുട്ടികൾ രക്ഷിതാവിനൊപ്പം സ്റ്റേഡിയത്തിൽ എത്തണം. താത്പര്യമുള്ളവർ മുൻകൂട്ടി രജിസ്ട്രർ ചെയ്യണമെന്ന് ജില്ലാ സ്പോർട്സ് കൗൺസിൽ സെക്രട്ടറി അറിയിച്ചു. ഫോൺ: 04936-202658

 മാനന്തവാടി ഇലക്ട്രിക്കൽ സെക്ഷനിൽ അറ്റകുറ്റപണി നടക്കുന്നതിനാൽ മാനന്തവാടി ടൗൺ, ഗാന്ധിപാർക്ക് ജങ്ഷൻ, പോസ്റ്റ് ഓഫീസ് ജങ്ഷൻ, കോഴിക്കോട് റോഡ്, പായോട്, ഭാഗങ്ങളിൽ ഇന്ന് (മെയ് 4) രാവിലെ 8.30 മുതൽ വൈകിട്ട് 5.30 വരെ വൈദ്യുതി മുടങ്ങുമെന്ന് അസിസ്റ്റൻ്റ് എൻജിനീയർ അറിയിച്ചു.

ലോക്സഭാ തെരഞ്ഞെടുപ്പിന്റെ ഭാഗമായി ജില്ലാ സോഷ്യല്‍ മീഡിയ സെല്ലിന്റെ ആഭിമുഖ്യത്തില്‍ സംഘടിപ്പിച്ച 'വോട്ടറിവ്' ഓണ്‍ലൈന്‍ ക്വിസ് മത്സരത്തിൽ 

ദിയ വിനോയ് ഒന്നാം സ്ഥാനം നേടി. കെവിൻ ഷിജോ, ബിജു കെ എന്നിവർ രണ്ടും മൂന്നും സ്ഥാനങ്ങൾ കരസ്ഥമാക്കി. മത്സരത്തിൽ മുഴുവൻ മാർക്ക് നേടിയ മുന്നൂറിലധികം ആളുകളിൽ നിന്നും

ജില്ലാ കളക്ടര്‍ ഡോ. രേണു രാജ് റാൻഡമൈസേഷനിലൂടെയാണ് വിജയികളെ തിരഞ്ഞെടുത്തത്.

കേരളസര്‍ക്കാര്‍ സ്ഥാപനമായ കെല്‍ട്രോണ്‍ ആലുവ നോളേജ് സെന്ററില്‍ കമ്പ്യൂട്ടര്‍ ഹാര്‍ഡ്വെയര്‍, ലാപ്പ്‌ടോപ് അക്കൗണ്ടിംഗ്, വെബ് ഡിസൈന്‍, വെയര്‍ഹൌസ്, ലാന്‍ഡ്സര്‍വ്വേ തുടങ്ങിയ വിവിധ മേഖലകളില്‍ വെക്കേഷന്‍ കോഴ്സുകളിലേക്കും തൊഴിലധിഷ്ഠിത കോഴ്സുകളിലേക്കും പരിശീലനം നല്‍കുന്നു. പ്രായപരിധി ഇല്ല. കൂടുതല്‍ വിവരങ്ങള്‍ക്ക് കെല്‍ട്രോണ്‍ നോളഡ്ജ് സെന്റര്‍, രണ്ടാംനില, സാന്റോ കോംപ്ലക്സ്, റെയില്‍വേ സ്റ്റേഷന്‍ റോഡ്, പെട്രോള്‍ പമ്പ്  ജംഗ്ഷന്‍, ആലുവ എന്ന വിലാസത്തിലോ 8136802304 എന്ന നമ്പറിലോ ബന്ധപ്പെടാം.
 

കൊണ്ടോട്ടി താലൂക്കിലെ ചെറുകാവ് വില്ലേജില്‍ എം.സി മായിന്‍ ഹാജി എന്നയാളുടെ ഉടമസ്ഥതയിലുള്ള കാലിക്കറ്റ് ഗ്രാനൈറ്റ്‌സ് പ്രൈവറ്റ് ലിമിറ്റഡ് എന്ന സ്ഥാപനം ആരംഭിക്കാന്‍ ഉദ്ദേശിക്കുന്ന ഗ്രാനൈറ്റ് ക്വാറിക്ക് അനുമതി നല്‍കുന്നതുമായി ബന്ധപ്പെട്ട പബ്ലിക് ഹിയറിംഗ് മെയ് 23ന് രാവിലെ 11.30ന് മലപ്പുറം ജില്ലാ കളക്ടറുടെ അധ്യക്ഷതയില്‍ മോയിന്‍കുട്ടി വൈദ്യര്‍ മാപ്പിള കലാ അക്കാദമി സ്മാരകത്തില്‍ നടക്കും. സ്ഥാപനത്തിന്റെ പ്രതിനിധികള്‍ പദ്ധതി വിശദീകരിക്കും. പൊതുജനങ്ങള്‍ക്ക് പദ്ധതി സംബന്ധിച്ച സംശയങ്ങളും നിര്‍ദേശങ്ങളും അഭിപ്രായങ്ങളും അറിയിക്കാമെന്ന് ജില്ലാകലക്ടര്‍ അറിയിച്ചു.

അതിശക്തമായ വേനല്‍ച്ചൂടിന്റെ പശ്ചാത്തലത്തില്‍ മാലിന്യസംസ്‌കരണ മേഖലയില്‍ പ്രവര്‍ത്തിക്കുന്ന ഹരിതകര്‍മ്മ സേനാംഗങ്ങളുടെ സുരക്ഷ ഉറപ്പാക്കുന്നതിന് തദ്ദേശ സ്വയംഭരണ വകുപ്പ് നിര്‍ദ്ദേശങ്ങള്‍ പുറപ്പെടുവിച്ചു. വാതില്‍പ്പടി ശേശഖരണം രാവിലെ 11 മണിവരെയും വൈകുന്നേരം 3 മണിക്ക് ശേഷവുമായി ക്രമീകരിക്കാനാണ് നിര്‍ദ്ദേശം. വാതില്‍പ്പടി ശേഖരണത്തിന് പോകുന്ന ഹരിതകര്‍മസേനാംഗങ്ങള്‍ ആവശ്യത്തിന് കുടിവെള്ളം, ഒ.ആര്‍.എസ് പാക്കറ്റുകള്‍, സൂര്യരശ്മിയെ തടയുന്നതിന് പുരട്ടുന്ന സണ്‍സ്‌ക്രീന്‍ ലോഷനുകള്‍ എന്നിവ കരുതാം. അയഞ്ഞതും ഇളം നിറത്തിലുള്ളതുമായ പരുത്തി വസ്ത്രങ്ങള്‍, കുട, തൊപ്പി, പാദരക്ഷകള്‍ എന്നിവ ഉപയോഗിക്കുക.

വയനാട് ഗവ എഞ്ചിനീയറിങ് കോളേജിൽ 2025 മാർച്ച് 31 വരെ കോളേജ് കാന്റീൻ നടത്തുന്നതിന് താത്പര്യമുള്ള വ്യക്തികൾ, സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. ക്വട്ടേഷനുകൾ മെയ് 15 ന് ഉച്ചക്ക് രണ്ടിനകം പ്രിൻസിപ്പാൾ, ഗവ എഞ്ചിനീയറിങ് കോളേജ് വയനാട്, തലപ്പുഴ പി.ഒ, മാനന്തവാടി - 670644 വിലാസത്തിൽ നൽകണം. കൂടുതൽ വിവരങ്ങൾ www.gecwyd.ac.in ൽ ലഭിക്കും. ഫോൺ: 04935 257321