കേരള സര്‍ക്കാര്‍ സ്ഥാപനമായ എല്‍.ബി.എസ് സെന്ററിന്റെ മഞ്ചേരി ഉപകേന്ദ്രത്തിന്റെ പൈത്തണ്‍ സര്‍ട്ടിഫിക്കറ്റ് കോഴ്‌സിന് അപേക്ഷ ക്ഷണിച്ചു. എസ്.എസ്.എല്‍.സി പരീക്ഷ എഴുതി ഫലം കാത്തിരിക്കുന്നവര്‍ക്ക് www.lbdcentre.kerala.gov.in എന്ന വെബ്‌സൈറ്റില്‍ ഓണ്‍ലൈനായി അപേക്ഷ സമര്‍പ്പിക്കാം. വിശദവിവരങ്ങള്‍ക്ക് എല്‍.ബി.എസ് സബ് സെന്റര്‍, ഐ.ജി.ബി.ടി ബസ് സ്റ്റാന്‍ഡ്, കച്ചേരിപ്പടി എന്ന വിലാസത്തിലോ 04832764674 എന്ന നമ്പറിലോ ബന്ധപ്പെടാം.

 മലപ്പുറം വാട്ടര്‍ സപ്ലൈ സ്‌കീമില്‍ നിന്നുള്ള പമ്പിങ് ഭാഗികമായി നിലച്ചതിനാല്‍ മലപ്പുറം, മേല്‍മുറി വില്ലേജുകളിലെ ഉയര്‍ന്ന പ്രദേശങ്ങളില്‍ പൂര്‍ണമായും മറ്റ് പ്രദേശങ്ങളില്‍ ഭാഗികമായും ഇന്നുമുതല്‍ ജലവിതരണം തടസ്സപ്പെടുമെന്ന് വാട്ടര്‍ അതോറിറ്റി അസി. എഞ്ചിനീയര്‍ അറിയിച്ചു. കനത്ത വേനല്‍ കാരണം കടലുണ്ടിപ്പുഴയിലെ ജലലഭ്യത കുറവായതിനാലാണ് പമ്പിങ് തടസ്സപ്പെടുന്നത്.

കോട്ടത്തറ ഗ്രാമ പഞ്ചായത്തിൽ വസ്തു നികുതി പരിഷ്കരണത്തിൻ്റെ ഭാഗമായുള്ള വിവര ശേഖരണം, ഡാറ്റ എൻട്രി എന്നിവക്ക് അപേക്ഷ ക്ഷണിച്ചു.  

യോഗ്യത - സിവിൽ എഞ്ചിനീയറിങിൽ ഡിപ്ലോമ,ഐ.ടി.ഐ ഡ്രാഫ്റ്റ്സ് മാൻ സിവിൽ, ഐ.ടി.ഐ സർവ്വെയർ. താത്പര്യമുള്ളവർ മെയ് 10 നകം അപേക്ഷിക്കണമെന്ന് സെക്രട്ടറി അറിയിച്ചു.

ജില്ലാ യോഗ അസോസിയേഷൻ സ്പോർട്സ് കൗൺസിലുമായി സഹകരിച്ച് സൗജന്യ യോഗ പരിശീലനം നടത്തുന്നു. താത്പര്യമുള്ളവർ 6238989472, 9061304614 നമ്പറുകളിൽ രജിസ്റ്റർ ചെയ്യണം. കൽപ്പറ്റ, വൈത്തിരി, മാനന്തവാടി, സുൽത്താൻ ബത്തേരി, മീനങ്ങാടി കേന്ദ്രങ്ങളിലാണ് പരിശീലനം.

കള്ളക്കടൽ പ്രതിഭാസത്തിന്റെ ഭാഗമായി കേരള തീരത്തും, തെക്കൻ തമിഴ്‌നാട് തീരത്തും ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) റെഡ് അലർട്ട്  പ്രഖ്യാപിച്ചു

കള്ളക്കടൽ പ്രതിഭാസത്തിന്റെ ഭാഗമായി കേരള തീരത്തും, തെക്കൻ തമിഴ്‌നാട് തീരത്തും, തീരപ്രദേശത്തിന്റെ താഴ്ന്ന പ്രദേശങ്ങളിലും നാളെ (04-05-2024) രാവിലെ 02.30 മുതൽ 05-05-2024 രാത്രി 11.30 വരെ അതി തീവ്ര തിരമാലകൾ കാരണം ശക്തിയേറിയ കടലാക്രമണത്തിന്  സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു

കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കുക.

കേരളസർക്കാർ സ്ഥാപനമായ കെൽട്രോൺ ആലുവ നോളേജ് സെന്ററിലൂടെ കമ്പ്യൂട്ടർ ഹാർഡ്‌വെയർ, ലാപ്ടോപ്, അക്കൗണ്ടിംഗ്, വെബ്‌ഡിസൈൻ, വെയർഹൌസ്, ലാൻഡ്‌സർവ്വേ തുടങ്ങിയ വിവിധ മേഖലകളിൽ വെക്കേഷൻ കോഴ്സുകളിലേക്കും തൊഴിലധിഷ്‌ഠിത കോഴ്‌സുകളിലേക്കും പരിശീലനം നൽകുന്നു. പ്രായപരിധി ഇല്ല. കൂടുതൽ വിവരങ്ങൾക്ക് കെൽട്രോൺ നോളഡ്‌ജ് സെൻറർ, 2 ആം നില, സാന്റോ കോംപ്ലക്‌സ്, റെയിൽവേ സ്റ്റേഷൻ റോഡ്, പെട്രോൾ പമ്പ് ജംഗ്ഷൻ, ആലുവ എന്ന വിലാസത്തിലോ 8136802304 എന്ന നമ്പറിലോ ബന്ധപ്പെടാം.

വനം വകുപ്പിന്റെ 2024-ലെ വനമിത്ര പുരസ്‌കാരത്തിന് അപേക്ഷ ക്ഷണിച്ചു. സാമൂഹ്യ വനവത്കരണ പ്രവർത്തനങ്ങൾ, പരിസ്ഥിതി സംരക്ഷണ പ്രവർത്തനങ്ങൾ, ജൈവവൈവിധ്യ പരിപാലനം തുടങ്ങിയ മേഖലകളിൽ നടത്തിയിട്ടുളള പ്രവർത്തനങ്ങൾ വിലയിരുത്തിയാണ് അവാർഡ് നിർണ്ണയിക്കുന്നത്. എറണാകുളം ജില്ലയിൽ പ്രവർത്തിക്കുന്ന വ്യക്തികൾ, സന്നദ്ധ സംഘടനകൾ, വിദ്യാഭ്യാസ സ്ഥാപനങ്ങൾ എന്നിവരെയാണ് അവാർഡിനായി പരിഗണിക്കുന്നത്. 25,000 രൂപയും, ട്രോഫിയും, സർട്ടിഫിക്കറ്റും അടങ്ങിയതാണ് വനമിത്ര പുരസ്ക്കാരം. 

സംരക്ഷിക്കാന്‍ കഴിയില്ലെങ്കില്‍ കുഞ്ഞുങ്ങളെ കൊല്ലുന്നത് പോലെയുള്ള ക്രൂരതകള്‍ ആരും ചെയ്യരുതെന്ന് ബാലാവകാശ സംരക്ഷണ കമ്മീഷന്‍ ചെയര്‍മാന്‍ കെ.വി മനോജ് കുമാര്‍ പറഞ്ഞു. നവജാത ശിശു കൊല്ലപ്പെട്ട എറണാകുളം പനമ്പിള്ളി നഗറിലെ ഫ്ളാറ്റും പരിസരവും  സന്ദര്‍ശിച്ച് സംസാരിക്കുകയായിരുന്നു അദ്ദേഹം.

മനസിനെ വല്ലാതെ ഉലയ്ക്കുന്ന സംഭവമാണിത്. കുഞ്ഞുങ്ങളെ വളര്‍ത്താന്‍ കഴിയില്ലെങ്കില്‍ തെരുവിലേക്ക് വലിച്ചെറിയുകയോ കൊല്ലുകയോ ചെയ്യരുത്.  അവരെ സംരക്ഷിക്കാന്‍ അമ്മത്തൊട്ടില്‍, ചില്‍ഡ്രന്‍സ് ഹോം ഉള്‍പ്പെടെ അനവധി സര്‍ക്കാര്‍ സംവിധാനങ്ങള്‍ ഉണ്ട്. അവര്‍ അവിടെ സുരക്ഷിതരായി വളരുമെന്നും അദ്ദേഹം പറഞ്ഞു.