*ഹോട്ടലുകളിലും റിസോർട്ടുകളിലും ആരോഗ്യവകുപ്പിന്റെ മിന്നൽ പരിശോധന ഉടൻ

തൊടുപുഴ ഇടുക്കി ഡയറ്റിലേക്ക് മാസവാടക അടിസ്ഥാനത്തിലോ ട്രിപ്പ് ഷീറ്റ് വ്യവസ്ഥയിലോ വാഹനം ആവശ്യമുണ്ട്. താൽപര്യമുള്ളവർ മെയ് 17 ഉച്ചക്ക് 2 മണിക്ക് മുൻപായി ടെണ്ടറുകൾ സമർപ്പിക്കുക. ഫോൺ: 04862 226990

തങ്കമണി - നീലിവയൽ - പ്രകാശ് റോഡിൽ ടാറിംഗ് നടക്കുന്നതിനാൽ ഇത് വഴിയുള്ള വാഹനഗതാഗതം മെയ് 6 മുതൽ 20 വരെ നിരോധിച്ചു. വാഹനങ്ങൾ ശാന്തിഗ്രാം ഇടിഞ്ഞമല - പുഷ്പഗരി - ഉദയഗിരി വഴി പോകണമെന്ന് പൊതുമരാമത്ത് വകുപ്പ് നിരത്ത് വിഭാഗം അസി. എക്സിക്യൂട്ടീവ് എഞ്ചിനിയർ അറിയിച്ചു.

മൊബൈൽ ഭക്ഷ്യ പരിശോധനാ ലബോറട്ടറി വാഹനത്തിൻ്റെ ജില്ലയിലെ മെയ് മാസ റൂട്ട്പ്ലാൻ തയ്യാറായി. തിയതി, സർക്കിൾ, ഉദ്യോഗസ്ഥർ, ഫോൺ നമ്പർ യഥാക്രമത്തിൽ : മെയ് 4 വരെ ഉടുമ്പൻചോല, ആൻമേരി ജോൺസൺ, 7593873304. 6 മുതൽ 10 വരെ തൊടുപുഴ ഡോ രാഗേന്ദു 8943346 544 . 13 മുതൽ 18 വരെ ഇടുക്കി സ്നേഹാ വിജയൻ, 7593873302 . 20 മുതൽ 25 വരെ പീരുമേട് ഡോ മിഥുൻ എം 8943346645 . 27 മുതൽ 31 വരെ ദേവികുളം ആൻമേരി ജോൺസൺ 8943346546  .
 

വിവരാവകാശ നിയമം 2005 നിയമത്തെക്കുറിച്ച് ഇൻസ്റ്റിറ്റ്യൂട്ട് ഫോർ മാനേജ്‌മെന്റ്‌ ഇൻ ഗവൺമെന്റ്(ഐ.എം.ജി.) 2024 മേയ് മാസം നടത്തുന്ന സൗജന്യ ഓൺലൈൻ സർട്ടിഫിക്കറ്റ് കോഴ്സിന് രജിസ്ട്രേഷൻ ആരംഭിച്ചു. കോഴ്സ് ഇംഗ്ലീഷിലും മലയാളത്തിലും ലഭ്യമാണ്. 16 വയസ് കഴിഞ്ഞ ഏതൊരു പൗരനും കോഴ്സിൽ ചേരാം. താൽപര്യമുള്ളവർക്ക് rti.img.kerala.gov.in എന്ന വെബ്സൈറ്റിൽ മേയ് 13 വരെ ഓൺലൈനായി രജിസ്റ്റർ ചെയ്യാം. കോഴ്സ് മേയ് 16ന് ആരംഭിക്കും. കൂടുതൽ വിവരങ്ങൾ പോർട്ടലിൽ ലഭിക്കും.
 

ഹരിതകേരളം മിഷന്റെ നേതൃത്വത്തിൽ വേള്‍ഡ് വൈല്‍ഡ് ലൈഫ് ഫണ്ടുമായി സഹകരിച്ച് സ്കൂള്‍ വിദ്യാര്‍ത്ഥികള്‍ക്കായി ജൈവവൈവിധ്യ പഠനോത്സവവും ക്വിസ് മത്സരവും സംഘടിപ്പിക്കുന്നു. ഇടുക്കി ജില്ലയിലെ അടിമാലിയില്‍ ഹരിതകേരളം മിഷന്‍ യു.എന്‍.ഡി.പി. പദ്ധയിലുള്‍പ്പെടുത്തി സ്ഥാപിച്ച നീലക്കുറിഞ്ഞി ജൈവവൈവിധ്യ വിജ്ഞാനകേന്ദ്രത്തിന്റെ കമ്യൂണിറ്റിതല പരിപാടികളുടെ ഭാഗമായാണ് പരിപാടി.

*മെയ് ആറ് വരെ  പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് അവധി

ജില്ലയിൽ ഉഷ്ണ തരംഗ സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്നും  ചുവടെ പറയുന്ന നിർദ്ദേശങ്ങൾ പാലിക്കണമെന്നും ജില്ലാ  കളക്ടർ ഷീബ ജോർജ്ജ്  അഭ്യർഥിച്ചു.

ജില്ലാ പട്ടികജാതി വികസന ഓഫീസിൽ ഇ-ഗ്രാൻ്റ്സ് സംബന്ധിച്ച് 2022-23 വരെയുള്ള പരാതികളും സംശയങ്ങളും പരിഹരിക്കുന്നതിനുള്ള ഫയൽ അദാലത്തിലേക്ക് മെയ് 15 വരെ പരാതികൾ നൽകാം.  ഇമെയിൽ: idkegrantz@gmail.com വാട്ട്സ് ആപ് : 9188920065 എന്നിവ വഴിയും നേരിട്ടും പരാതികൾ സമർപ്പിക്കാം. പരാതിയിൽ ഫോൺ നമ്പർ ആധാർ നമ്പർ എന്നിവ ഉൾപ്പെടുത്തണം.

വ്യവസായ വാണിജ്യ വകുപ്പിൻ്റെ വികസന ഇൻസ്റ്റിറ്റ്യൂട്ടായ കീഡ് മെയ് 8 മുതൽ 10 വരെ
ഇൻഡസ്ട്രി സെറ്റപ്പ് സപോർട്ട് ശിൽപശാല സംഘടിപ്പിക്കുന്നു. പുതുതായി സംരംഭം തുടങ്ങുന്നവർക്കായി കളമശ്ശേരി കീഡ് ക്യാമ്പസിലാണ് പരിശീലനം. നിയമങ്ങൾ, വിവിധ വകുപ്പുകളിൽ നിന്നുള്ള ലൈസൻസുകൾ, അനുമതികൾ, തുടങ്ങിയ വിഷയങ്ങൾ ഉൾപ്പെടുത്തിയാണ് പരിശീലനം നടത്തുക താൽപര്യമുള്ളവർ http://kied.info/training-calender / ൽ മെയ് 5 ന് മുൻപ് അപേക്ഷിക്കുക. ഫോൺ:0484 2532890 , 2550322, 9188922800

ജില്ലയിൽ ഇന്നും (മെയ്‌ 12), മെയ്‌ 14 മുതൽ 16 വരെയും 24 മണിക്കൂറിൽ 64.5  മില്ലിമീറ്ററിൽ മുതൽ 115.5 മില്ലിമീറ്റർ വരെ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതായി കേന്ദ്രകാലാവസ്ഥാവകുപ്പ് അറിയിച്ചു. ഈ സാഹചര്യത്തിൽ ഇന്നും, മെയ്‌ 14,15,16 തിയതികളിലും ജില്ലയിൽ മഞ്ഞ അലർട്ട് മുന്നറിയിപ്പ് നൽകി.