ജില്ലയിൽ മെയ് 13ന് 24 മണിക്കൂറിൽ 64.5  മില്ലിമീറ്ററിൽ മുതൽ 115.5 മില്ലിമീറ്റർ വരെ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതായി കേന്ദ്രകാലാവസ്ഥാവകുപ്പ്. ഈ സാഹചര്യത്തിൽ തിങ്കളാഴ്ച ജില്ലയിൽ മഞ്ഞ അലർട്ട് മുന്നറിയിപ്പ് നൽകി.

ഹരിതകേരളം മിഷന്റെ നേതൃത്വത്തിൽ വേൾഡ് വൈൽഡ് ലൈഫ് ഫണ്ടുമായി സഹകരിച്ച് സ്‌കൂൾ വിദ്യാർഥികൾക്കായി ജൈവവൈവിധ്യ പഠനോത്സവവും ക്വിസ് മത്സരവും സംഘടിപ്പിച്ചു. ജില്ലാതലത്തിൽ നടന്ന ക്വിസ് മത്സരത്തിൽ നെയ്യാറ്റിൻകര ഗവൺമെന്റ് എച്ച്.എസ്.എസിലെ അഭിജിത്ത് ജി.എസ് ഒന്നാം സ്ഥാനവും, വഴുതക്കാട് കാർമൽ എച്ച്.എസ്.എസിലെ മിത്ര എസ് രണ്ടാം സ്ഥാനവും നേടി. നെടുമങ്ങാട് ദർശന എച്ച്.എസ്.എസിലെ ആരോൺ പ്രദീപ് മൂന്നാം സ്ഥാനവും, പാലോട് ജവഹർ കോളനി ഗവൺമെന്റ് എച്ച്.എസിലെ അലീന ബി ക്ലീറ്റസ് നാലാം സ്ഥാനവും കരസ്ഥമാക്കി. വിജയികൾക്കും മത്സരത്തിൽ പങ്കെടുത്തവർക്കും ജില്ലാ കളക്ടർ ജെറോമിക് ജോർജ് സർട്ടിഫിക്കറ്റുകൾ വിതരണം ചെയ്തു.

വനിതാ കമ്മിഷന്‍ തിരുവനന്തപുരം ജില്ലാതല അദാലത്ത് മെയ് 14, 15 തിയതികളില്‍ നടക്കും. രാവിലെ 10 മുതല്‍ തിരുവനന്തപുരം പിഡബ്ല്യുഡി റസ്റ്റ് ഹൗസിലാണ് അദാലത്ത്.

കൊണ്ടോട്ടി താലൂക്കിലെ പുളിക്കല്‍ വില്ലേജില്‍ ബ്ലോക്ക് നമ്പര്‍ 8 ല്‍ പെട്ട 180/1-4, 180/1-12 റീസര്‍വ്വേ നമ്പറുകളിലായി 0.8329 ഹെക്ടര്‍

സ്ഥലത്ത് ആരംഭിക്കാന്‍ ഉദ്ദേശിക്കുന്ന കരിങ്കല്‍ ധാതുഖനന പദ്ധതിയുമായി ബന്ധപ്പെട്ട പൊതു

തെളിവെടുപ്പ് മെയ് 14 ന് രാവിലെ

11.30ന് കൊണ്ടോട്ടി മോയിന്‍കുട്ടി

വൈദ്യര്‍ മാപ്പിള കലാ അക്കാദമി സ്മാരകത്തില്‍ നടക്കും. പൊതുജനങ്ങള്‍ക്ക് പദ്ധതി സംബന്ധിച്ച സംശയങ്ങളും നിര്‍ദേശങ്ങളും അഭിപ്രായങ്ങളും അറിയിക്കാം.

നീലക്കുറിഞ്ഞി ജൈവവൈവിധ്യ പഠനോത്സവത്തിൻ്റെ ഭാഗമായി മലപ്പുറം ജില്ലാ ഹരിതകേരളം മിഷനും വേൾഡ് വൈഡ് ഫണ്ടും സംയുക്തമായി പ്ലാനിങ് കാര്യാലയത്തിൽ  ജില്ലാതല ക്വിസ് മത്സരം  സംഘടിപ്പിച്ചു. ഓരോ ബ്ലോക്കിലും ആദ്യ നാല് സ്ഥാനത്തു വന്ന കുട്ടികൾ മത്സരത്തിൽ പങ്കെടുത്തു. മുഹമ്മദ് ഷെരീഫ് ക്വിസ് മത്സരം നയിച്ചു. ജില്ലാതലത്തിൽ വിജയിച്ച നാല് പേർ മെയ് 20 മുതൽ 22 വരെ അടിമാലിയിൽ വച്ച് നടക്കുന്ന സംസ്ഥാന ജൈവവൈവിധ്യ പഠനോത്സവത്തിൽ പങ്കെടുക്കാനുള്ള യോഗ്യത നേടിയിട്ടുണ്ട്.

സംസ്ഥാന വിവരാവകാശ കമ്മിഷൻ മേയ് 16 ന് (വ്യാഴം) മലപ്പുറത്ത് സിറ്റിംഗ് നടത്തും. ജില്ലയിൽ നിന്നുള്ള രണ്ടാം അപ്പീൽ ഹരജികളിൽ നോട്ടീസ് ലഭിച്ച പൊതുബോധന ഓഫീസർമാരും അപ്പീൽ അധികാരികളും പരാതി ക്കാലത്തെ എസ്.പി.ഐ.ഒ മാരും ഹരജിക്കാരും പങ്കെടുക്കണം.

സംസ്ഥാന വിവരാവകാശ കമ്മിഷണർ ഡോ.എ.അബ്ദുൽ ഹക്കീമിന്റെ നേതൃത്വത്തിലുള്ള സംഘമാണ് തെളിവെടുക്കുക. സിവിൽ സ്റ്റേഷനിലുള്ള ജില്ലാ പ്ലാനിംഗ് സെക്രട്ടേറിയറ്റ് ഹാളിൽ 2 മണിക്ക് തെളിവെടുപ്പ് ആരംഭിക്കും. അറിയിപ്പ് ലഭിച്ചവർ 10 മിനുട്ട് നേരത്തേ രജിസ്ട്രേഷന് ഹാജരാകണമെന്ന് കമ്മിഷൻ ജോ.സെക്രട്ടറി അറിയിച്ചു.

നീലക്കുറിഞ്ഞി ജൈവവൈവിധ്യ പഠനോത്സവത്തിൻ്റെ ഭാഗമായി മലപ്പുറം ജില്ലാ ഹരിതകേരളം മിഷനും വേൾഡ് വൈഡ് ഫണ്ടും സംയുക്തമായി ജില്ലാ പ്ലാനിങ് കാര്യാലയത്തിൽ  ജില്ലാതല ക്വിസ് മത്സരം  സംഘടിപ്പിച്ചു. ഓരോ ബ്ലോക്കിലും ആദ്യ നാല് സ്ഥാനത്തു വന്ന കുട്ടികൾ മത്സരത്തിൽ പങ്കെടുത്തു.  മുഹമ്മദ് ഷെരീഫ് ക്വിസ് മത്സരം നയിച്ചു. ജില്ലാതലത്തിൽ വിജയിച്ച നാല് പേർക്ക് മെയ് 20 മുതൽ 22 വരെ അടിമാലിയിൽ വച്ച് നടക്കുന്ന സംസ്ഥാന ജൈവവൈവിധ്യ പഠനോത്സവത്തിൽ പങ്കെടുക്കാം.

കോടതിപ്പിഴ ഈടാക്കുന്നതിനായി വഴിക്കടവ് വില്ലേജ് സർവ്വേ നമ്പർ 1111/ 2-ബി ല്‍ പെട്ട 0.0178 ഹെക്ടർ സ്ഥലം മെയ്‌ 25 രാവിലെ 11 മണിക്ക് വഴിക്കടവ് വില്ലേജ് ഓഫീസിൽ വച്ച് ലേലം ചെയ്ത് വില്‍ക്കുന്നതാണെന്ന് നിലമ്പൂർ തഹസിൽദാർ അറിയിച്ചു.

കോടതിപ്പിഴ ഈടാക്കുന്നതിനായി അകമ്പാടം വില്ലേജ് സർവ്വേ നമ്പർ 124/ 24 ല്‍ പെട്ട 0.0405 ഹെക്ടർ സ്ഥലം ജൂണ്‍ പതിനഞ്ചിന് രാവിലെ 11 മണിക്ക് അകമ്പാടം വില്ലേജ് ഓഫീസിൽ വച്ച് ലേലം ചെയ്തു വില്‍ക്കുന്നതാണെന്ന് നിലമ്പൂർ തഹസിൽദാർ അറിയിച്ചു.

നിലമ്പൂർ ഐ.ജി. എം. ആർ സ്കൂളിലെ അന്തേവാസികൾക്ക് 2024-25 അധ്യയനവർഷത്തേക്ക് രണ്ട് ജോഡി നൈറ്റ്‌ഡ്രസ്സ്‌ തുണി വാങ്ങി തയിച്ച് നൽകുന്നതിന് താല്പര്യമുള്ള വ്യക്തികൾ/സ്ഥാപനങ്ങളിൽ നിന്നും ടെണ്ടര്‍ ക്ഷണിച്ചു. ലഭ്യമാക്കേണ്ട നൈറ്റ്ഡ്രസ്സിന്റെ പരമാവധി എണ്ണം: ആൺകുട്ടികൾക്ക് ടി ഷർട്ട്‌ -490, ത്രീ ഫോർത്ത് -120, ട്രാക്ക് സ്യുട്ട് -370 , പെൺകുട്ടികൾക്ക് ഫ്രോക്ക് -112, ടി ഷർട്ട്‌+മിഡി -  92, ഷോർട്ട് ടോപ്പ് പലാസ – 236. ടെണ്ടര്‍ സ്വീകരിക്കുന്ന അവസാന തിയ്യതി: മെയ് 24 വൈകീട്ട് അഞ്ചു മണി വരെ. മെയ് 25 രാവിലെ 11 ന് ടെണ്ടര്‍ തുറക്കും. കൂടുതൽ വിവരങ്ങള്‍ 04931 220315 എന്ന നമ്പറില്‍ ലഭിക്കും.

  നിലമ്പൂർ ഗവ. ഐ.ടി.ഐ ഇൻസ്റ്റിറ്റ്യൂട്ട് മാനേജ്‍മെന്റ് കമ്മിറ്റിയുടെ ആഭിമുഖ്യത്തിൽ എസ്.എസ്.എല്‍.സി/ പ്ലസ്ടു/ ഡിഗ്രി  യോഗ്യതയുള്ളവർക്കായി എയര്‍ കാര്‍ഗോ ഷിപ്പിങ് ആന്റ് ലോജിസ്റ്റിക്സ് മാനേജ്‍മെന്റ്, ഡിപ്ലോമ ഇന്‍ ഫിനാന്‍ഷ്യല്‍ അക്കൗണ്ടിങ് ആന്റ് ടാക്‍സേഷന്‍ എന്നീ കോഴ്സുകളിലേക്ക് പ്രവേശനം ആരംഭിച്ചു.  കോഴ്‍സിന്റെ ഭാഗമായി ഇൻഡസ്ട്രിയൽ വിസിറ്റ്, ഇംഗ്ലീഷ് ഭാഷ പരിജ്ഞാനം,  വ്യക്തിത്വ വികസനം  എന്നിവയിൽ പ്രത്യേക  പരിശീലനം നൽകും.  കൂടുതൽ വിവരങ്ങൾക്ക്: 7510481819.