മലപ്പുറം ജില്ലയില്‍ ഭാരതീയ ചികിത്സാ വകുപ്പില്‍ ആയുര്‍വേദ നഴ്സ് ഗ്രേഡ് II-  (കാറ്റഗറി നമ്പര്‍ 016/2021) തസ്തികയിലേക്കുള്ള നിയമനത്തിനായി  2023 ഏപ്രില്‍ മൂന്നിന് നിലവില്‍ വന്ന റാങ്ക് പട്ടികയുടെ (നമ്പര്‍: 213/2023/SSIII) മെയിന്‍ ലിസ്റ്റില്‍ ഉള്‍പ്പെട്ട എല്ലാവര്‍ക്കും നിയമന ശിപാര്‍ശ നല്‍കിയതിനാല്‍  2024 മാര്‍ച്ച് 19  പ്രാബല്യത്തില്‍ റാങ്ക് പട്ടിക റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു

എല്‍.ബി.എസ് സെന്ററിന്റെ പരപ്പനങ്ങാടി ഉപകേന്ദ്രത്തിൽ എസ്.എസ്.എൽ.സി യോഗ്യതയുള്ളവർക്കായി ഡാറ്റാ എൻട്രി ആന്റ് ഓഫീസ് ഓട്ടോമേഷൻ, സർട്ടിഫിക്കറ്റ് കോഴ്സ് ഇൻ പൈത്തൺ എന്നീ കമ്പ്യൂട്ടർ കോഴ്സുകളിലേക്ക് പ്രവേശനത്തിന് അപേക്ഷ ക്ഷണിച്ചു. പ്രവേശനം ആഗ്രഹിക്കുന്നവർ പരപ്പനങ്ങാടി താനൂർ റോഡിലുള്ള സെന്ററിന്റെ ഓഫീസുമായി നേരിട്ടോ 0494-2411135, 9995334453 എന്നീ ഫോൺ നമ്പറുകളിലോ ബന്ധപ്പെടണം.

ലോക്‍സഭാ തിരഞ്ഞെടുപ്പുമായി ബന്ധപ്പെട്ട് ഹരിതപെരുമാറ്റച്ചട്ടം പ്രചരിപ്പിക്കുന്നതിനായി മലപ്പുറം ജില്ലാ ശുചിത്വമിഷന്റെ ആഭിമുഖ്യത്തിൽ പോസ്റ്റർ മേക്കിങ് മത്സരം സംഘടിപ്പിക്കുന്നു. പ്രചാരണ പരിപാടികളിലും ഇലക്ഷൻ പ്രവർത്തനങ്ങളിലും ഹരിതചട്ട പാലനത്തിന്റെ പ്രാധാന്യത്തെ അനാവരണം ചെയ്യുന്ന തരത്തിലുള്ള പോസ്റ്ററുകളാണ് നിർമ്മിക്കേണ്ടത്. തിരഞ്ഞടുക്കുന്ന മികച്ച പോസ്റ്ററുകൾക്ക് സമ്മാനങ്ങൾ നൽകും. തയ്യാറാക്കിയ പോസ്റ്ററുകൾ ഏപ്രിൽ 24ന് രാവിലെ 10 മണിക്കകം iecdsmmalappuram@gmail.com എന്ന മെയിൽ ഐഡിയിൽ അയക്കണം. കൂടുതല്‍ വിവരങ്ങള്‍ക്ക്: 7736730600

 തിരഞ്ഞെടുപ്പ് ബോധവൽക്കരണ പരിപാടിയായ സ്വീപിന്റെ ഭാഗമായി മലപ്പുറം ജില്ലാ ഭരണകൂടം സംഘടിപ്പിച്ച വിവിധ മത്സരങ്ങളിലെ വിജയികളെ പ്രഖ്യാപിച്ചു. തിരഞ്ഞെടുപ്പ് പ്രക്രിയയിലേക്ക് യുവജനങ്ങളെ ആകർഷിക്കുക എന്ന ലക്ഷ്യത്തോടെ സ്ലോഗൻ/തീം റൈറ്റിങ്, ഡിജിറ്റൽ പോസ്റ്റർ ഡിസെനിങ്, മീം മേക്കിങ് തുടങ്ങിയ മത്സരങ്ങളാണ് സംഘടിപ്പിച്ചത്. സ്ലോഗൻ / തീം മേക്കിങ്ങിൽ എ. മുഹമ്മദ് അർഷൽ ഒന്നാം സ്ഥാനവും, പി കെ എം സൈതലവി, എൻ കെ ഫസ്ന ജാബി എന്നിവർ യഥാക്രമം രണ്ടും മൂന്നും സ്ഥാനങ്ങളും കരസ്ഥമാക്കി. മീം മേക്കിങ്ങിൽ ടി സിക്കന്ദർ അഹമ്മദ് വിജയിയായി.

ലോക്‍സഭാ പൊതുതിരഞ്ഞെടുപ്പുമായി ബന്ധപ്പെട്ട് മലപ്പുറം ജില്ലയില്‍ എക്‍സൈസ് വകുപ്പ് നടത്തിയ പ്രത്യേക പരിശോധനയില്‍ കഞ്ചാവും ഹാഷിഷ് ഓയിലുമടക്കമുള്ള ലഹരി വസ്തുക്കള്‍ പിടികൂടി. തവനൂര്‍ നിയമസഭാ മണ്ഡല പരിധിയില്‍ നടത്തിയ പരിശോധനയിലാണ് ഹാഷിഷ് ഓയില്‍ പിടികൂടിയത്. രണ്ടു ലക്ഷം രൂപ വിലമതിക്കുന്ന 20 ഗ്രാം ഹാഷിഷ് ഓയിലാണ് എക്സൈസ് സംഘം പിടികൂടിയത്.

ലോക്‌സഭാ തിരഞ്ഞെടുപ്പുമായി ബന്ധപ്പെട്ട് പോളിങ് ഡ്യൂട്ടി ലഭിച്ച ഉദ്യോഗസ്ഥർ അവരവരുടെ ഫോട്ടോ, ബാങ്ക് അക്കൗണ്ട് സംബന്ധിച്ച വിവരങ്ങൾ എന്നിവ ഓർഡർ സോഫ്റ്റ്‍വെയറിൽ ഇന്ന് (ഏപ്രില്‍ 21) വൈകുന്നേരം അഞ്ച് മണിക്കകം അപ്‍ലോഡ് ചെയ്യേണ്ടതാണെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ അറിയിച്ചു. അപ്‍ലോഡ് ചെയ്യാന്‍ സാധിക്കാതെ വരുന്ന ഉദ്യോഗസ്ഥർ ഏപ്രില്‍ 25 ന് വിതരണ കേന്ദ്രങ്ങളിൽ ഹാജരാകുമ്പോൾ അവരവരുടെ പാസ്പോർട്ട് സൈസിൽ ഉള്ള ഫോട്ടോ കൊണ്ടു വരേണ്ടതാണെന്നും വിതരണ കേന്ദ്രത്തിൽ നിന്നും ലഭിക്കുന്ന തിരിച്ചറിയൽ കാർഡിൽ പതിച്ച് ഉപയോഗിക്കേണ്ടതാണെന്നും ജില്ലാ കളക്ടര്‍ അറിയിച്ചു.

ലോക്‍സഭാ തിരഞ്ഞെടുപ്പുമായി ബന്ധപ്പെട്ട് മലപ്പുറം ജില്ലയില്‍ പ്രിസൈഡിങ് ഓഫീസറായും ഒന്നാം പോളിങ് ഓഫീസറായും നിയോഗിക്കപ്പെട്ട ഉദ്യോഗസ്ഥര്‍ക്ക് ഈ മാസം 9, 17, 18 തീയതികളില്‍ നടത്തിയ പരിശീലനങ്ങളില്‍ വിവിധ കാരണങ്ങളാല്‍ പങ്കെടുക്കാന്‍ സാധിക്കാതിരുന്നവര്‍ക്കായി ഇന്ന് (ഏപ്രില്‍ 21) രാവിലെ 9.30ന് മലപ്പുറം പ്ലാനിങ് സെക്രട്ടറിയേറ്റ് ഹാളില്‍ വെച്ച് പ്രത്യേകമായി പരിശീലന പരിപാടി സംഘടിപ്പിക്കും.

2024 പാർലമെൻ്റ് തെരഞ്ഞെടുപ്പ് ജോലികൾക്കായി തിരുവനന്തപുരം ജില്ലയിൽ നിയോഗിച്ചിട്ടുള്ള പോളിംഗ് ഉദ്യോഗസ്ഥർക്കായി നടത്തി വരുന്ന റിഫ്രഷർ ട്രയിനിംഗ് പ്രോഗ്രം 23.04.24(ചൊവ്വ), 24.04.24(ബുധൻ) എന്നീ ദിവസങ്ങളിൽ കൂടി രാവിലെ 10.00 മണിക്കും, ഉച്ചക്ക് 2.00 മണിക്കുമായി നടത്തും. ഏപ്രിൽ 16 മുതൽ 18 വരെ ജില്ലയിലെ വിവിധ കേന്ദ്രങ്ങളിൽ വച്ച് രണ്ടാം പരിശീലനത്തിൽ പങ്കെടുത്തവർക്കും പങ്കെടുക്കുവാൻ കഴിയാത്തതുമായ പോളിംഗ് ഉദ്യോഗസ്ഥർക്കും ഈ റിഫ്രഷർ ട്രയിനിംഗിൽ പങ്കെടുക്കാവുന്നതാണ്.

ലോക്സഭാ തിരഞ്ഞെടുപ്പുമായി ബന്ധപ്പെട്ട് മുഖ്യതിരഞ്ഞെടുപ്പ് ഓഫീസർ കേരളം നടത്തുന്ന ഇലക്ഷൻ ക്വിസിന്റെ ഭാഗമായി, ജില്ലാ സ്വീപിന്റെ ആഭിമുഖ്യത്തിൽ പൊതുജനങ്ങൾക്കായി ജില്ലാ തല  ക്വിസ് മത്സരം നടന്നു. തിരുവനന്തപുരം ജില്ലാ പഞ്ചായത്ത് ഹാളിൽ നടന്ന ക്വിസ് മത്സരം 2023 ബാച്ച് ഐഎഎസ് ട്രെയിനി മോഹനപ്രിയ ഉദ്ഘാടനം ചെയ്തു. 45 ടീമുകളാണ് പങ്കെടുത്തത്. ജിതിൻ. കെ. ജോൺ, അയ്യപ്പദാസ്. പി. എസ്  എന്നിവർ ഒന്നാം സ്ഥാനം നേടി. രക്ഷിത്. എ. ജെ, വിഷ്ണു മഹേഷ്‌. എ. എസ് എന്നിവർ രണ്ടാം സ്ഥാനവും ഹാരിസ്, ശാന്തകുമാർ എന്നിവർ മൂന്നാം സ്ഥാനവും കരസ്ഥമാക്കി. ഏപ്രിൽ 23നാണ് ഫൈനൽ മത്സരം നടക്കുന്നത്.