*ഫയർ ആൻഡ് റെസ്ക്യൂ സർവീസസ് അക്കാദമിയിൽ പാസിംഗ് ഔട്ട് പരേഡ് സെപ്റ്റംബർ 17-ന്, ആഭ്യന്തര മന്ത്രി രമേശ് ചെന്നിത്തല അഭിവാദ്യം സ്വീകരിക്കും*

വിയ്യൂരിലെ ഫയർ ആൻഡ് റെസ്ക്യൂ സർവീസസ് അക്കാദമിയിൽ അടിസ്ഥാന പരിശീലനം പൂർത്തിയാക്കിയ 142 സേനാംഗങ്ങളുടെ സംയുക്ത പാസിംഗ് ഔട്ട് പരേഡ് സെപ്റ്റംബർ 17-ന് നടത്തും. 45, 46 ബാച്ച് ഫയർ ആൻഡ് റെസ്ക്യൂ ഓഫീസർമാർ, 36-മത് ബാച്ച് ഫയർ ആൻഡ് റെസ്ക്യൂ ഓഫീസർ (ഡ്രൈവർ), പത്താമത് ബാച്ച് ഫയർമാൻ (എക്സ്റ്റേണൽ), 11-മത് ബാച്ച് ഫയർമാൻ ഡ്രൈവർ കം പമ്പ് ഓപ്പറേറ്റർ (എക്സ്റ്റേണൽ) എന്നീ ബാച്ചുകളിലെ പരിശീലനാർത്ഥികളാണ് പാസിംഗ് ഔട്ട് പരേഡിൽ പങ്കെടുക്കുന്നത്.  ഫയർ ആൻഡ് റെസ്ക്യൂ സർവീസസ് അക്കാദമിയിൽ നടത്തുന്ന പരേഡിൽ ആഭ്യന്തര വകുപ്പ് മന്ത്രി രമേശ് ചെന്നിത്തല സേനാംഗങ്ങളുടെ അഭിവാദ്യം സ്വീകരിക്കും.