വോട്ടുണ്ടോയെന്നു പരിശോധിക്കാന്‍ വിപുലമായ സംവിധാനം

ലോക്‌സഭ തെരഞ്ഞെടുപ്പിനോട് അനുബന്ധിച്ച് പുറത്തിറക്കിയ വോട്ടര്‍പട്ടികയില്‍ പേരുണ്ടോ എന്നു പരിശോധിക്കാന്‍ വിപുലമായ സംവിധാനം. നാഷണല്‍ വോട്ടേഴ്‌സ് സര്‍വീസ് പോര്‍ട്ടലായ www.nvsp.in എന്ന വെബ് സൈറ്റില്‍ പേര് തിരയാന്‍ അവസരമുണ്ട്. സംസ്ഥാന ചീഫ് ഇലക്ടറല്‍ ഓഫീസറുടെ www.ceo.kerala.gov.in എന്ന വെബ്‌സൈറ്റില്‍ ലൊക്കേഷന്‍ ഉള്‍പ്പെടെ പരിശോധിക്കാനാവും. 1950 എന്ന നമ്പറില്‍ കോള്‍ സെന്ററില്‍ നിന്നും വിവരം ലഭ്യമാവും. ഈ നമ്പറില്‍ തന്നെ എസ്.എം.എസ് മുഖേനയും വിവരം ലഭിക്കും. ECI<space> തിരിച്ചറിയല്‍ കാര്‍ഡ് നമ്പര്‍ എന്ന ഫോര്‍മാറ്റിലാണ് എസ്.എം.എസ് അയയ്ക്കേണ്ടത്. Voter Helpline എന്ന മൊബൈല്‍ ആപ്പിലൂടെ തെരഞ്ഞെടുപ്പുമായി ബന്ധപ്പെട്ട എല്ലാ വിവരങ്ങളും ലഭ്യമാവും.

                 (ഇലക്ഷന്‍: 166/19)