താമരശ്ശേരി താലൂക്കിലെ  കക്കാടംപൊയിലിൽ ആരംഭിച്ച കെ-സ്റ്റോറിന്റെ ഉദ്ഘാടനം കൂടരഞ്ഞി ഗ്രാമ പഞ്ചായത്ത് പ്രസിഡന്റ്‌  ആദർശ് ജോസഫ് നിർവഹിച്ചു. വാർഡ് മെമ്പർ സീന ബിജു അധ്യക്ഷത വഹിച്ചു.

കക്കാടംപൊയിലിൽ പ്രവര്‍ത്തിച്ചു വന്നിരുന്ന 49-ാം നമ്പര്‍ റേഷന്‍ കടയാണ് വൈവിധ്യവത്കരണത്തിന്റെ ഭാഗമായി കെ-സ്റ്റോറായി പ്രവര്‍ത്തനമാരംഭിച്ചത്.  സംസ്ഥാനത്തെ റേഷൻ കടകൾ പശ്ചാത്തല സൗകര്യം വികസിപ്പിച്ചും ആധുനിക സാങ്കേതിക വിദ്യ ഉപയോഗിച്ചും കൂടുതൽ സേവന സൗകര്യങ്ങൾ ഒരുക്കിയുമാണ് കെ സ്റ്റോറുകളായി മാറുന്നത്.

ഓണത്തിന് നാടൻ വിഭവങ്ങളുമായി ആയഞ്ചേരിയിൽ കുടുംബശ്രീ ഓണച്ചന്ത ഒരുക്കി. പഞ്ചായത്തിലെ 17 വാർഡുകളിൽ നിന്നും വൈവിധ്യമാർന്ന ഉൽപ്പന്നങ്ങളാണ് മേളയിൽ ഒരുക്കിയത്. വിവിധയിനം അച്ചാറുകൾ,  പായസത്തിന്റെയും വിവിധ മസാലകളുടെയും രുചിക്കൂട്ടുകൾ, നാടൻ പച്ചക്കറികൾ, കുടുംബശ്രീ അംഗങ്ങൾ കൈത്തൊഴിലിലൂടെ നിർമ്മിച്ച വിവിധതരം ഉൽപ്പന്നങ്ങൾ എന്നിവയുടെ പ്രദർശനവും വിപണനവും  നടന്നു. 

ജില്ലാതല ഓണാഘോഷ പരിപാടികളുടെ ഭാഗമായി സംഘടിപ്പിക്കുന്ന സാഹിത്യോത്സവം നാളെ (ആഗസ്റ്റ് 28) ടൗൺഹാളിൽ നടക്കും. ഉച്ചയ്ക്ക് 2.30 ന് സാഹിത്യകാരൻ ആലങ്കോട് ലീലാകൃഷ്ണൻ കവിസമ്മേളനം ഉദ്ഘാടനം ചെയ്യും. സംസ്ഥാന വിനോദസഞ്ചാരവകുപ്പും ജില്ലാ ഭരണകൂടവും ജില്ലാ ടൂറിസം പ്രെമോഷൻ കൗൺസിലും ചേർന്നാണ് ഓണാഘോഷ പരിപാടികൾ സംഘടിപ്പിക്കുന്നത്. ലിറ്റററി പ്രോഗ്രാം കമ്മറ്റി ചെയർമാൻ പി.സി.രാജൻ പരിപാടിയിൽ അധ്യക്ഷത വഹിക്കും. 

വർണങ്ങളുടെ മാരിവില്ല് വിതറി ജീവൻ തുടിക്കുന്ന ചിത്രങ്ങളുമായി മാനാഞ്ചിറ സ്‌ക്വയറിൽ കലാകാരന്മാർ ഒത്തു കൂടി. 

സംസ്ഥാന വിനോദസഞ്ചാര വകുപ്പും, ജില്ലാ ഭരണകൂടവും, ജില്ലാ ടൂറിസം പ്രമോഷൻ കൗൺസിലും സംയുക്തമായി സംഘടിപ്പിക്കുന്ന ഓണാഘോഷ പരിപാടികളുടെ ഭാഗമായാണ് മാനാഞ്ചിറ സ്‌ക്വയറിൽ പെയിന്റിംഗ് ക്യാമ്പ് നടത്തിയത്. ജില്ലാ പഞ്ചായത്ത്‌ വൈസ് പ്രസിഡന്റ്‌ അഡ്വ. പി. ഗവാസ് പെയിന്റിംഗ് ക്യാമ്പ് ഉദ്ഘാടനം ചെയ്തു. പോൾ കല്ലനോട് അധ്യക്ഷത വഹിച്ചു.

ഓണാഘോഷവുമായി ബന്ധപ്പെട്ട് ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി വീഡിയോ മത്സരം സംഘടിപ്പിക്കുന്നു. ജില്ലാതലത്തിൽ ഓണാഘോഷവുമായി ബന്ധപ്പെട്ട് മികച്ച വീഡിയോ  തയ്യാറാക്കുന്നവർക്ക് സമ്മാനം നൽകും. ഒന്നാം സമ്മാനം 7,000 രൂപയും രണ്ടാം സമ്മാനം 3,000 രൂപയും ആണ്. വീഡിയോകളുടെ ദൈർഘ്യം ഒരു മിനിട്ട് മുതൽ മൂന്നു മിനിട്ട് വരെ. കോഴിക്കോട് ജില്ലയിൽ സ്ഥിര താമസക്കാരായവർക്ക് ജില്ലാതല മത്സരത്തിൽ പങ്കെടുക്കാം.

സംസ്ഥാന ടൂറിസം വകുപ്പിന്റെ ആഭിമുഖ്യത്തിൽ തുഷാരഗിരിയിൽ ചാലിപ്പുഴയിലും ഇരുവഴിഞ്ഞിപ്പുഴയിലും സംഘടിപ്പിച്ച മലബാർ റിവർ ഫെസ്റ്റിവൽ 2023 നോടനുബന്ധിച്ച് ഏർപ്പെടുത്തിയ മാധ്യമ അവാർഡുകൾക്ക് അപേക്ഷ ക്ഷണിച്ചു.
അച്ചടിമാധ്യമം വിഭാഗത്തിൽ മികച്ച റിപ്പോർട്ടർ, മികച്ച ന്യൂസ് ഫോട്ടോഗ്രാഫർ എന്നിവർക്കും ദൃശ്യമാധ്യമ വിഭാഗത്തിൽ മികച്ച റിപ്പോർട്ടർ, മികച്ച ക്യാമറാമാൻ എന്നിവർക്കുമാണ് അവാർഡ്. 2023 ആഗസ്റ്റ് 03 മുതൽ ആഗസ്റ്റ് 07 വരെയുള്ള വാർത്തകളാണ് അവാർഡിനായി പരിഗണിക്കുക. പുരസ്‌കാരത്തിനായി ബ്യൂറോ ചീഫിന്റെ സാക്ഷ്യപ്പെടുത്തൽ സഹിതമാണ് അപേക്ഷിക്കേണ്ടത്.

ഓണാഘോഷവുമായി ബന്ധപ്പെട്ട് ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി വീഡിയോ മത്സരം സംഘടിപ്പിക്കുന്നു. ജില്ലാതലത്തിൽ ഓണാഘോഷവുമായി ബന്ധപ്പെട്ട് മികച്ച വീഡിയോ  തയ്യാറാക്കുന്നവർക്ക് സമ്മാനം നൽകും. ഒന്നാം സമ്മാനം 7,000 രൂപയും രണ്ടാം സമ്മാനം 3,000 രൂപയും ആണ്. വീഡിയോകളുടെ ദൈർഘ്യം ഒരു മിനിട്ട് മുതൽ മൂന്നു മിനിട്ട് വരെ. കോഴിക്കോട് ജില്ലയിൽ സ്ഥിര താമസക്കാരായവർക്ക് ജില്ലാതല മത്സരത്തിൽ പങ്കെടുക്കാം.

സംസ്ഥാന വ്യവസായ വാണിജ്യവകുപ്പിന്റെ ആഭിമുഖ്യത്തിൽ ചരിത്രം സൃഷ്ടിച്ച സംരംഭക വർഷം പദ്ധതിയുടെ ഭാഗമായി 43,000ത്തിലധികം വനിതകളാണ് കേരളത്തിൽ പുതിയ സംരംഭങ്ങൾ ആരംഭിച്ചതെന്ന് പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ്‌. സംസ്ഥാന വനിതാ വികസന കോര്‍പ്പറേഷന്റെ ആഭിമുഖ്യത്തില്‍ ബീച്ചില്‍ സംഘടിപ്പിച്ച വനിതാ സംരംഭക പ്രദര്‍ശന വിപണന മേള 'എസ്‌കലേറ' യുടെ സമാപന സമ്മേളനം ഓൺലൈനിലൂടെ ഉദ്ഘാടനം ചെയ്യുകയായിരുന്നു മന്ത്രി.

ഭിന്നശേഷിയുള്ള കിടപ്പിലായ കുട്ടികളെ ഓണാഘോഷത്തിന്റെ സന്തോഷങ്ങളിലേക്ക് കൂട്ടികൊണ്ടുപോകാൻ 'ഓണ ചങ്ങാതി' എന്ന പേരിൽ ഓണാഘോഷം സംഘടിപ്പിച്ചു. പരിപാടിയുടെ ജില്ലാതല ഉദ്ഘാടനം കാനത്തിൽ ജമീല എംഎൽഎ നിർവഹിച്ചു.  പൊതു വിദ്യാലയങ്ങളിലെ    ഭിന്നശേഷിക്കാരായ കിടപ്പിലായ വിദ്യാർത്ഥികൾക്കായി  "പുഴയോരത്തെ പൂവിളി" എന്ന പേരിൽ അണേലയിലാണ് ഓണാഘോഷം സംഘടിപ്പിച്ചത്.പ്രകൃതി മനോഹരമായ അണേല പുഴയുടെ തീരത്ത് കണ്ടൽ മ്യൂസിയത്തിൽ  കളിയും ചിരിയും ആഘോഷവുമായി ഒരു ദിനം അവർ കൂട്ടുകാർക്കൊപ്പം ഒത്തു ചേർന്നു. അധ്യാപകരും രക്ഷിതാക്കളും ആഘോഷത്തിന്റെ ഭാഗമായി.

സംസ്ഥാന വിനോദ സഞ്ചാര വകുപ്പും ജില്ലാ ഭരണകൂടവും ജില്ലാ ടൂറിസം പ്രമോഷൻ കൗൺസിലും സംയുക്തമായി ഓണാഘോഷത്തിന്റെ ഭാ​ഗമായി പൂക്കള മത്സരം സംഘടിപ്പിച്ചു. കോർപ്പറേഷൻ ടാക്സ് അപ്പീൽ സ്റ്റാന്റിങ് കമ്മിറ്റി ചെയർമാൻ പി.കെ നാസർ ഉദ്ഘാടനം ചെയ്തു. അഡ്വ.സൂര്യ നാരായണൻ അധ്യക്ഷത വഹിച്ചു. സബ് കലക്ടർ വി ചെൽസാസിനി മുഖ്യാതിഥിയായിരുന്നു.

മുഹമ്മദ് അബ്ദുറഹിമാൻ സാഹിബ് മെമ്മോറിയൽ സ്വാതന്ത്ര്യ സുവർണ്ണ ജൂബിലി ഹാളിൽ നടന്ന പൂക്കള മത്സരത്തിൽ ജില്ലയിലെ വിവിധ ഭാ​ഗങ്ങളിൽ നിന്നുള്ള വിദ്യാർത്ഥികൾ, റസിഡന്റ്സ് അസോസിയേഷനുകൾ, ക്ലബുകൾ തുടങ്ങിയവർ പങ്കെടുത്തു.