കുട്ടനാട് താലൂക്ക് വികസന സമിതി യോഗം ചേർന്നു

കുട്ടനാട് താലൂക്ക് വികസന സമിതി യോഗം ചമ്പക്കുളം ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍  കൂടി. യോഗത്തിൽ ചമ്പക്കുളം പഞ്ചായത്ത് ക്ഷേമ കാര്യ സ്ഥിരം സമിതി ചെയര്‍മാന്‍  ബെന്നി വര്‍ഗ്ഗീസ് അധ്യക്ഷത വഹിച്ചു . 

കുട്ടനാട്ടിലെ കുടിവെള്ളവുമായി ബന്ധപ്പെട്ട പ്രശ്നങ്ങൾ, പുളിങ്കുന്ന് താലൂക്ക് ആശുപത്രി റോഡ് പുനർനിർമ്മാണം തുടങ്ങിയ വിഷയങ്ങൾ ചർച്ച ചെയ്തു.കുട്ടനാട് തഹസില്‍ദാര്‍  ഷിബു സി ജോബ് , മാവേലിക്കര എം പി യുടെ പ്രതിനിധി  അലക്‌സ് മാത്യൂ, താലൂക്കിലെ വിവിധ സര്‍ക്കാര്‍ വകുപ്പുകളിലെ ഉന്നത ഉദ്യോഗസ്ഥരും യോഗത്തില്‍ പങ്കെടുത്തു.