കണ്ണൂർ ജില്ലാ ലൈബ്രറി കൗൺസിൽ സംഘടിപ്പിക്കുന്ന ഏകദിന സെമിനാർ മാർച്ച് 14ന് രാവിലെ പത്ത് മുതൽ കണ്ണൂർ ശിക്ഷക്സദനിൽ നടക്കും. മതവും ദേശരാഷ്ട്രവും -ചരിത്രത്തിന്റെ അടിപ്പടവുകൾ എന്ന വിഷയത്തിൽ ഡോ. സുനിൽ പി ഇളയിടം പ്രഭാഷണം നടത്തും.  ബഹുസ്വര ഇന്ത്യയും ചരിത്രപൈതൃകവും എന്ന വിഷയത്തിൽ ഡോ. ടി.എസ്. ശ്യാംകുമാർ സംസാരിക്കും. താൽപര്യമുള്ളവർ ഓൺലൈനായി രജിസ്റ്റർ ചെയ്യണം. ഫോൺ : 0497-2706144 

കേരള റൂറൽ സപ്ലൈ ആന്റ് സാനിറ്റേഷൻ ഏജൻസിയുടെ കണ്ണൂർ മേഖല കാര്യാലയത്തിന് കീഴിൽ സീനിയർ എഞ്ചിനീയർ, പ്രൊജക്ട് കമ്മീഷണർ എന്നിവരെ ദിവസ വേതന അടിസ്ഥാനത്തിൽ നിയമിക്കുന്നു. സീനിയർ എഞ്ചിനീയർ യോഗ്യത: ബി.ടെക് (സിവിൽ/മെക്കാനിക്കൽ), ജല വിതരണ പദ്ധതി രൂപകൽപന ചെയ്യുന്നതിലും നടപ്പിലാക്കുന്നതിനും ഏഴു വർഷത്തെ പ്രവൃത്തി പരിചയം, കമ്മ്യൂണിറ്റി ജലവിതരണ പദ്ധതികളിലുള്ള പ്രവൃത്തി പരിചയം അധിക യോഗ്യതയായി പരിഗണിക്കും. ബി.ടെക് സിവിൽ, രണ്ടു വർഷത്തെ സിവിൽ എഞ്ചിനീയറിങ്ങ്/ വാട്ടർ സപ്ലൈ പ്രൊജക്ടിൽ ജോലിചെയ്ത പ്രവൃത്തി പരിചയം എന്നിവയാണ് പ്രൊജക്ട് കമ്മീഷണർക്കുള്ള യോഗ്യത.

തോട്ടട ഗവ. ടെക്നിക്കൽ ഹൈസ്‌കൂളിൽ 2025-26 വർഷത്തെ എട്ടാം ക്ലാസ് പ്രവേശനത്തിന് രജിസ്ട്രഷേൻ ആരംഭിച്ചു. നിലവിൽ ഏഴാം ക്ലാസിൽ പഠിക്കുന്ന  ആൺകുട്ടികൾക്കും പെൺകുട്ടികൾക്കും അപേക്ഷിക്കാം. ഫോൺ: 9400006494, 9446973178, 8113965609  

തലശ്ശേരി മലബാർ ക്യാൻസർ സെന്ററിൽ (പോസ്റ്റ് ഗ്രാജ്വറ്റ് ഇൻസ്റ്റിറ്റ്യൂട്ട് ഓഫ് ഓങ്കോളജി സയൻസസ്സ് ആൻഡ് റിസർച്ച്) വിവിധ ഗവേഷണ സ്ഥാപനങ്ങളുടെ സഹായത്തോടെ നടത്തുന്ന താൽക്കാലിക ഗവേഷണ പ്രോജക്ടുകളിൽ ക്ലിനിക്കൽ ട്രയൽ കോ-ഓർഡിനേറ്റർ, ഫിസിയോ തെറാപ്പിസ്റ്റ്, പ്രൊജക്റ്റ് നഴ്‌സ് തസ്തികകളിൽ നിയമനം നടത്തുന്നു. ഉദ്യോഗാർഥികൾ അസൽ സർട്ടിഫിക്കറ്റുകളും ബന്ധപ്പെട്ട രേഖകളുമായി മാർച്ച് 14ന് രാവിലെ 9.30 ന് മലബാർ ക്യാൻസർ സെന്ററിൽ നടത്തുന്ന വാക് ഇൻ ഇന്റർവ്യൂവിൽ പങ്കെടുക്കണം. വിവരങ്ങൾ www.mcc.kerala.gov.in ൽ ലഭ്യമാണ്. ഫോൺ: 0490 2399249 

സംസ്ഥാനത്ത് തൊഴിൽ, വിസ തട്ടിപ്പുകൾ വർധിച്ച് വരുന്ന സാഹചര്യത്തിൽ വിദ്യാഭ്യാസത്തിനും തൊഴിലിനുമായി വിദേശത്ത് പോകാൻ തയ്യാറെടുക്കുന്നവരും രക്ഷിതാക്കളും വിദ്യാർഥികളും ജാഗ്രത പുലർത്തണമെന്ന് യുവജന കമ്മീഷൻ ചെയർമാൻ എം ഷാജർ പറഞ്ഞു. കണ്ണൂർ കലക്ടറേറ്റ് ഓഡിറ്റോറിയത്തിൽ യുവജന കമ്മീഷൻ മെഗാ അദാലത്തിന് ശേഷം സംസാരിക്കുകയായിരുന്നു അദ്ദേഹം. 

സംസ്ഥാനത്ത് വിദ്യാഭ്യാസരംഗം പുതിയ വിജ്ഞാന സാധ്യതകൾക്കനുസരിച്ച് നവീകരിച്ചുകൊണ്ടിരിക്കുകയാണെന്നും സമഗ്ര ഗുണമേന്മ വിദ്യാഭ്യാസ പദ്ധതി അതിന് കൂടുതൽ കരുത്തേകുമെന്നും രജിസ്ട്രേഷൻ, മ്യൂസിയം, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി പറഞ്ഞു. സ്‌കൂൾ വിദ്യാഭ്യാസ നിലവാരം കൂടുതൽ മെച്ചപ്പെടുത്തുന്നതിന് സംസ്ഥാന സർക്കാർ നടപ്പാക്കുന്ന സമഗ്ര ഗുണമേന്മ വിദ്യാഭ്യാസ പദ്ധതിയുടെ പ്രഖ്യാപനവും ജില്ലാ തല സമിതി ഉദ്ഘാടനവും നിർവഹിച്ച് സംസാരിക്കുകയായിരുന്നു മന്ത്രി. പൊതുവിദ്യാലയങ്ങളെ സംരക്ഷിക്കുക എന്ന പ്രധാനപ്പെട്ട സാമൂഹ്യ ഉത്തരവാദിത്വം തദ്ദേശസ്ഥാപനങ്ങൾ ഗൗരവപൂർവം ഏറ്റെടുക്കണം.

*കുന്നത്തുനാട് മണ്ഡലത്തിലെ മുഴുവൻ അംഗനവാടി കുഞ്ഞുങ്ങൾക്കും മെത്തകൾ 

കുന്നത്തുനാട് മണ്ഡലത്തിലെ മുഴുവൻ അംഗനവാടി കുഞ്ഞുങ്ങൾക്കും വാത്സല്യ തണലേകി അഡ്വ. പി.വി ശ്രീനിജിൻ എം.എൽ.എയുടെ പദ്ധതിക്കു തുടക്കം.

 കുഞ്ഞുങ്ങൾക്കു വേണ്ട മെത്തകൾ വിതരണം ചെയ്യുന്ന "ചാച്ചിക്കോ" പദ്ധതി വടവുകോട്-പുത്തൻകുരിശ് പഞ്ചായത്തിലെ പോൾ പി മാണി ഓഡിറ്റോറിയത്തിൽ നടന്ന ചടങ്ങിൽ എം.എൽ.എ ഉദ്ഘാടനം നിർവ്വഹിച്ചു.

ചോറ്റാനിക്കര ദേവി ക്ഷേത്രത്തിലെ മകം തൊഴൽ മഹോൽസവത്തോടനുബന്ധിച്ച് ഭക്തജനങ്ങൾക്കായി ഗ്രാമ പഞ്ചായത്തിൻ്റെ നേതൃത്വത്തിൽ വിപുലമായ സൗകര്യങ്ങളാണ് ഒരുക്കിയത്. ഇൻഫർമേഷൻ ആൻഡ് ഹെൽപ്പ് ഡെസ്ക്, പ്രാഥമിക ആരോഗ്യ കേന്ദ്രം, ഹോമിയോ ഡിസ്പെൻസറി തുടങ്ങിയ വിഭാഗങ്ങളുടെ മെഡിക്കൽ ക്യാമ്പ് , സ്ത്രീകളിലെ ക്യാൻസർ ബോധവൽക്കരണവുമായി ബന്ധപ്പെട്ട് ഫോട്ടോ പ്രദർശനം, ഹരിത കർമ്മസേനയുടെ നേതൃത്വത്തിൽ ചുക്ക് കാപ്പി,തണ്ണിമത്തൻ ജ്യൂസ് വിതരണം തുടങ്ങി അനവധി സൗകര്യങ്ങളാണ് ഒരുക്കിയത്. 

കേരള സംസ്ഥാന പട്ടികജാതി പട്ടിക ഗോത്രവര്‍ഗ്ഗ കമ്മീഷൻ്റെ നേതൃത്വത്തിൽ എറണാകുളം ജില്ലയിൽ നിലവിലുളള പരാതികള്‍ തീര്‍പ്പാക്കുന്നതിനായി പരാതി പരിഹാര അദാലത്ത് ആരംഭിച്ചു. കമ്മീഷന്‍ ചെയര്‍പേഴ്‌സണ്‍ ശേഖരന്‍ മിനിയോടന്‍, മെമ്പറായ ടി.കെ. വാസു എന്നിവരാണ് രണ്ടുദിവസങ്ങളിലായി നടക്കുന്ന അദാലത്തിന് നേതൃത്വം നൽകുന്നത്.

 എറണാകുളം ഗസ്റ്റ് ഹൗസിൽ ആരംഭിച്ച അദാലത്തിന്റെ ആദ്യ ദിനം പരിഗണിച്ച ഭൂരിഭാഗവും പരാതികളും തീർപ്പാക്കി. അദാലത്ത് ഇന്ന്‌ (വെള്ളി മാർച്ച് 14) സമാപിക്കും.

സംസ്ഥാന സർക്കാരിൻ്റെ "ആരോഗ്യം ആനന്ദം" പരിപാടിയുടെ ഭാഗമായി ചോറ്റാനിക്കര പഞ്ചായത്തിൽ ക്യാൻസർ രോഗ നിർണ്ണയ ക്യാമ്പ് സംഘടിപ്പിക്കുന്നു. എരുവേലി പഞ്ചായത്ത് കമ്മ്യൂണിറ്റി ഹാളിൽ മാർച്ച് 20 ന് നടക്കുന്ന ക്യാമ്പിന്റെ ഉദ്ഘാടനം പഞ്ചായത്ത് പ്രസിഡൻ്റ് എം ആർ രാജേഷ് നിർവഹിക്കും.

 രാവിലെ 9.30 മുതൽ ഒരു മണി വരെയാണ് ക്യാമ്പ്. സ്ത്രീകളിൽ ഉണ്ടാവുന്ന സെർവിക്കൽ കാൻസർ, സ്തനാർബുദം എന്നിവ മുൻകൂട്ടി കണ്ടെത്തുവാൻ സാധിക്കുന്നത്തിനുള്ള പരിശോധന സംവിധാനങ്ങളും ക്യാമ്പിൽ സജ്ജീകരിക്കുന്നതാണ്. ചോറ്റാനിക്കര ഗ്രാമപഞ്ചായത്തും പ്രാഥമിക ആരോഗ്യ കേന്ദ്രവും സംയുക്തമായാണ് ക്യാമ്പ് സംഘടിപ്പിക്കുന്നത്.