ആലപ്പുഴ ജില്ലാ ആയുര്‍വേദ ആശുപത്രിയില്‍ 2025-26 സാമ്പത്തിക വര്‍ഷത്തേക്ക് ലാബ് റിയേജന്റുകള്‍ വാങ്ങുന്നതിനുള്ള ക്വട്ടേഷനുകള്‍ ക്ഷണിച്ചു. അവസാന തീയതി മാര്‍ച്ച് 28ന് ഉച്ചയ്ക്ക് രണ്ട് മണി. ഫോണ്‍: 9446165663.
(പിആർ/എഎൽപി/783)

കാര്‍ത്തികപ്പള്ളി താലൂക്ക് പരിധിയിലുള്ള പഞ്ചാത്തുകളിലും മുനിസിപ്പാലിറ്റികളിലും കുടിവെള്ള വിതരണം നടത്തുന്നതിന് താല്‍പര്യമുള്ളവരില്‍ നിന്നും പഞ്ചായത്ത്, മുനിസിപ്പാലിറ്റി അടിസ്ഥാനത്തില്‍ 3000 ലിറ്റര്‍ ടാങ്ക് ഘടിപ്പിച്ച വാഹത്തിന് ക്വട്ടേഷനുകള്‍ ക്ഷണിച്ചു. അവസാന തീയതി മാര്‍ച്ച് 20 ന് ഉച്ചയ്ക്ക് മൂന്ന് മണി. ഫോണ്‍: 0479-2412797.
(പിആർ/എഎൽപി/782)

ആലപ്പുഴ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന് കീഴില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററും നാഷണല്‍ കരിയര്‍ സര്‍വ്വീസും ചേര്‍ത്തല ഗവ. പോളിടെക്‌നിക് കോളേജും സംയുക്തമായി സംഘടിപ്പിക്കുന്ന പ്രയുക്തി മിനി ജോബ്‌ഫെയര്‍ മാര്‍ച്ച് 15 ന് ചേര്‍ത്തല ഗവ. പോളിടെക്‌നികില്‍ നടക്കും. 15ല്‍ അധികം സ്വകാര്യ സ്ഥാപനങ്ങള്‍ പങ്കെടുക്കുന്ന മേളയില്‍ ആയിരത്തോളം ഒഴിവുകളുണ്ട്. പ്രവൃത്തിപരിചയമുള്ളവർക്കും ഇല്ലാത്തവർക്കും പങ്കെടുക്കാം.  എസ്.എസ്.എല്‍.സി, പ്ലസ് ടു,  ഡിപ്ലോമ, ഐ.ടി.ഐ, ബിരുദം, ബിരുദാനന്തര ബിരുദം എന്നീ വിദ്യാഭ്യാസ യോഗ്യതയുളള 18നും 40 നും ഇടയില്‍ പ്രായമുളളവര്‍ക്ക് മേളയില്‍ പങ്കെടുക്കാം.

മലയാളികളുടെ അനാരോഗ്യകരമായ ഭക്ഷണ ശീലവും  ജീവിതശൈലിയും രോഗാതുരമായ ഒരു ജനതയെ സൃഷ്ടിക്കുകയാണെന്ന് കൃഷി മന്ത്രി പി പ്രസാദ്. കായക്കൊടി ഗ്രാമപഞ്ചായത്ത് ജനകീയാസൂത്രണം 2024-25 പദ്ധതിയിൽ നടപ്പാക്കിയ പച്ചക്കറി കൃഷിയുടെ വിളവെടുപ്പ് ഉദ്ഘാടനം തളീക്കര മാങ്ങോട്ട് വയലിൽ നിർവഹിച്ചു സംസാരിക്കുകയായിരുന്നു മന്ത്രി.

 പുതിയ ഭക്ഷണ സംസ്കാരം, അനാരോഗ്യകരമായ ജീവിതശൈലി എന്നിവ ഇന്ന് മലയാളികൾക്കിടയിൽ വ്യാപകമായിരിക്കുന്നു. ഇത് രോഗാതുരമായ ഒരു ജനതയെ സൃഷ്ടിക്കും എന്നുള്ളതുകൊണ്ട്  സർക്കാർ ഗൗരവമായാണ് കാണുന്നത്. വിഷവും മായവും കലർന്ന ഭക്ഷ്യ പദാർത്ഥങ്ങളിൽ നിന്ന് മലയാളി പിന്തിരിയേണ്ടതുണ്ട്. 

തദ്ദേശസ്വയംഭരണ ജില്ലാ എന്‍ഫോഴ്‌സ്‌മെന്റ്  സ്‌ക്വാഡ് മുതുകുളം ഗ്രാമപഞ്ചായത്ത് പരിധിയില്‍ നടത്തിയ പരിശോധനയില്‍ 317 കിലോ ഒറ്റത്തവണ ഉപയോഗ നിരോധിത പ്ലാസ്റ്റിക് ഉല്‍പ്പന്നങ്ങള്‍ പിടികൂടി. നിരോധിത പ്ലാസ്റ്റിക് ഉല്‍പ്പന്നങ്ങള്‍ കൈവശം വെച്ചതിനും വില്‍പ്പന നടത്തിയതിനും സീലന്‍ സൂപ്പര്‍ മാര്‍ക്കറ്റില്‍ നിന്ന് 25000 രൂപയും, ശ്രീജിത്ത് ഏജന്‍സീസില്‍ നിന്ന് 5000 രൂപയും പിഴ ഈടാക്കാന്‍ എന്‍ഫോഴ്‌സ്‌മെന്റ് സ്‌ക്വാഡ്  ശുപാര്‍ശ ചെയ്തു. 17 സ്ഥാപനങ്ങളില്‍ നടത്തിയ പരിശോധനയില്‍ അഞ്ച് സ്ഥാപനങ്ങള്‍ക്ക് നോട്ടീസ് നല്‍കി.

ഭൂമി ഏറ്റെടുക്കലില്‍ ന്യായമായ നഷ്ടപരിഹാരത്തിനും സുതാര്യതയ്ക്കും പുനരധിവാസത്തിനും പുന:സ്ഥാപനത്തിനുമുള്ള അവകാശ ആക്ട് പ്രകാരമുള്ള ഭൂമി ഏറ്റെടുക്കല്‍ പ്രവര്‍ത്തികളുടെ പ്രാരംഭ നടപടിയായി സാമൂഹിക പ്രത്യാഘാത വിലയിരുത്തല്‍ പഠനം നടത്തുന്നതിന് സംസ്ഥാന, ജില്ലാതല സാമൂഹിക പ്രത്യാഘാത പഠന ഏജന്‍സികളുടെ പാനല്‍ രൂപീകരിക്കുന്നു. അംഗീകൃത ഏജന്‍സികള്‍ക്ക് അപേക്ഷിക്കാം. ഏജന്‍സികളുടെ പാനല്‍ രണ്ടു വര്‍ഷത്തേക്കാണ് തയ്യാറാക്കുന്നത്.

സാങ്കേതിക വിദ്യാഭ്യാസ വകുപ്പിന്റെ കീഴിൽ വിവിധ ജില്ലകളിലായി പ്രവർത്തിച്ചുവരുന്നു 39 ടെക്‌നിക്കൽ ഹൈസ്‌ക്കൂളുകളിലേക്ക് 2025-26 അധ്യയനവർഷത്തേക്കുള്ള ഓൺലൈൻ പ്രവേശന നടപടികൾ ഇന്നു (മാർച്ച് 14) മുതൽ ആരംഭിക്കും. 8ാം ക്ലാസിലേക്കാണ് പ്രവേശനം.

നെടുമങ്ങാട്‌ സർക്കാർ ടെക്‌നിക്കൽ ഹൈസ്‌കൂൾ എട്ടാം ക്ലാസ് പ്രവേശനത്തിന് www.polyadmission.org/ths ലിങ്ക് വഴി ഓൺലൈനായി അപേക്ഷിക്കാം.

ഗതാഗതം താല്‍ക്കാലികമായി  നിരോധിച്ചു

മുക്കം-കുറ്റിപ്പാല- വെസ്റ്റ് മാമ്പറ്റ റോഡ് നവീകരണ പ്രവൃത്തി ആരംഭിച്ചിരിക്കുന്നതിനാല്‍ റോഡിലൂടെയുളള വാഹന ഗതാഗതം ഇന്ന് (മാര്‍ച്ച് 14) മുതല്‍ പ്രവൃത്തി പൂര്‍ത്തീകരിക്കുന്നത് വരെ താല്‍ക്കാലികമായി നിരോധിച്ചു.

സോഷ്യൽ മീഡിയ കൈകാര്യം ചെയ്യാൻ താല്‍പ്പര്യപത്രം ക്ഷണിച്ചു

കേന്ദ്രസർക്കാരിന്റെ മയക്കുമരുന്ന് വിരുദ്ധ ബോധവല്‍ക്കരണ പദ്ധതിയായ നഷാ മുക്ത് ഭാരത് അഭിയാനിന്റെ (എന്‍എംബിഎ) സോഷ്യല്‍ മീഡിയ ക്യാമ്പയിൻ കൈകാര്യം ചെയ്യുന്നതിന് താല്പര്യപത്രം ക്ഷണിച്ചു.  

പേരാമ്പ്ര സികെജി ഗവ. കോളേജ് സുവര്‍ണജൂബിലി ആഘോഷത്തിന് തുടക്കമായി

ദേശീയ, അന്തര്‍ദേശീയ തൊഴിലിടങ്ങളിലേക്ക് കടന്നു ചെല്ലാന്‍ വിദ്യാര്‍ത്ഥികളെ സജ്ജരാക്കുക എന്നത് സുപ്രധാന കടമയാണെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍ ബിന്ദു. പേരാമ്പ്ര സികെജി ഗവ. കോളേജ് സുവര്‍ണജൂബിലി ആഘോഷം 'സഫലം' ഉദ്ഘാടനം ചെയ്യുകയായിരുന്നു മന്ത്രി. 

നൈപുണി വികസനം സുപ്രധാനമായ കാര്യമാണ്. ബിരുദ വിദ്യാര്‍ത്ഥികള്‍ക്ക് വേണ്ടി ചരിത്രത്തിലാദ്യമായി ഉന്നതവിദ്യാഭ്യാസ മേഖലയില്‍ ഒരു കരിക്കുലം ഫ്രേം വര്‍ക്ക് തയ്യാറാക്കിയിട്ടുണ്ടെന്നും മന്ത്രി പറഞ്ഞു.