ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍ (ഹിന്ദി)-ബൈ ട്രാന്‍സ്ഫര്‍ (കാറ്റഗറി നം. 737/2024)  തസ്തികയ്ക്ക് റിക്രൂട്ട്മെന്റിനായി യോഗ്യരായ ഉദ്യോഗാര്‍ഥികള്‍ ഇല്ലയെന്ന് ജില്ലാ പിഎസ്സി ഓഫീസര്‍ അറിയിച്ചു. ഫോണ്‍ : 0468 2222665.
 

മല്ലപ്പളളി താലൂക്ക് ആശുപത്രിയിലേക്ക് മെഡിക്കല്‍ ഓക്സിജന്‍ സിലിണ്ടറുകള്‍ വിതരണംചെയ്യുന്നതിന്  അംഗീകൃത സ്ഥാപനങ്ങളില്‍നിന്ന് ക്വട്ടേഷന്‍ ക്ഷണിച്ചു.  അവസാന തീയതി മാര്‍ച്ച് 20. ഫോണ്‍ : 0469 2683084, ഇ-മെയില്‍ :  thospitalmallappally@gmail.com

മല്ലപ്പളളി താലൂക്ക് ആശുപത്രിയിലേക്ക് ലാബ്  റീ-ഏജന്റ് വിതരണം ചെയ്യുന്നതിന് അംഗീകൃത സ്ഥാപനങ്ങളില്‍ നിന്ന് ക്വട്ടേഷന്‍ ക്ഷണിച്ചു.  അവസാന തീയതി മാര്‍ച്ച് 20. ഫോണ്‍ : 0469 2683084.
ഇ-മെയില്‍ :  thospitalmallappally@gmail.com

കുളനട ഗ്രാമപഞ്ചായത്ത് ലൈബ്രറിയുടെ ആഭിമുഖ്യത്തില്‍ വനിതാദിനാഘോഷം മാര്‍ച്ച് 15ന് ഉച്ചയ്ക്ക് മൂന്നിന്. ഗ്രാമപഞ്ചായത്ത് പ്രസിഡന്റ് പി.ആര്‍. മോഹന്‍ദാസ് അധ്യക്ഷനാകുന്ന യോഗം  പ്രസിഡന്റ് ചിത്തിര സി. ചന്ദ്രന്‍ ഉദ്ഘാടനം ചെയ്യും.
 

സംസ്ഥാന പൊതുവിതരണ-ഉപഭോക്തൃകാര്യ വകുപ്പിന്റെ ആഭിമുഖ്യത്തില്‍ ദേശീയ ഉപഭോക്തൃ അവകാശദിനം-2025  ജില്ലാ പഞ്ചായത്ത് ഹാളില്‍ മാര്‍ച്ച് 15ന് രാവിലെ 10.30 ന്.  ഉപഭോക്തൃ സംരക്ഷണ നിയമത്തെക്കുറിച്ച് വിദഗ്ധര്‍ പ്രഭാഷണവും നടത്തുമെന്ന് ജില്ലാ സപ്ലൈ ഓഫീസര്‍  അറിയിച്ചു.  

റീബില്‍ഡ് കേരള-പ്രോഗ്രാം ഫോര്‍ റിസല്‍ട്ട് പദ്ധതിയുടെ ഭാഗമായി അടൂര്‍ മുനിസിപ്പാലിറ്റിയില്‍ ഏപ്രില്‍ 23ന്  മോക്ഡ്രില്‍ സംഘടിപ്പിക്കും. പറക്കോട് ലൈബ്രറി ഹാളില്‍ ചേര്‍ന്ന പഞ്ചായത്തുകളുടെ ക്ലസ്റ്റര്‍ കോര്‍ഡിനേഷന്‍ യോഗത്തിലാണ് തീരുമാനം.  സംസ്ഥാന-ജില്ലാ ദുരന്ത നിവാരണ അതോറിറ്റിയും  കിലയും സംയുക്തമായാണ്  നടത്തുക. ടേബിള്‍ ടോപ്പ് 22 ന് സംഘടിപ്പിക്കും. വെള്ളപ്പൊക്കസാധ്യതയുളള പഞ്ചായത്തുകളും  പോലിസ്, അഗ്നിസുരക്ഷാസേന, ആരോഗ്യം, വൈദ്യുതി, ജലഅതോറിറ്റി വകുപ്പുകളും സഹകരിക്കും.

എത്രപറഞ്ഞിട്ടും കേള്‍ക്കാത്ത, മാലിന്യമെറിയല്‍ ശീലമാക്കിയവര്‍ കോന്നിയിലുണ്ടെങ്കില്‍ ഇനി സൂക്ഷിക്കണം. നിയമലംഘനം 'മിഴിവോടെ' തെളിവാക്കാന്‍ ഇവിടെയെല്ലാമുണ്ട് ക്യാമറകള്‍!  ശുചിത്വപാലനം സമ്പൂര്‍ണമാക്കി നാലാളെ അറിയിക്കാനും പ്രചോദനമേകാനും തുടങ്ങുമ്പോഴൊക്കെ മാലിന്യവുമായി വിരുതന്മാര്‍ എത്തുന്നുവെന്ന് കണ്ടതോടെയാണ്   പഞ്ചായത്ത് ഭരണസമിതി സി.സി.ടി.വി എന്ന 'ആയുധം' പ്രയോഗിക്കാന്‍  തീരുമാനിച്ചത്.

        കളമശേരി സൂപ്പർവൈസറി ഡെവലപ്മെന്റ് സെന്ററിൽ (എസ്.ഡി സെന്റർ) ആരംഭിക്കുന്ന ഒരു വർഷ (രണ്ട് സെമസ്റ്റർ) അഡ്വാൻസ്ഡ് ഡിപ്ലോമ ഇൻ ഇൻഡസ്ട്രിയൽ സേഫ്റ്റി എൻജിനിയറിങ് (സായാഹ്ന കോഴ്സ്, പാർട്ട് ടൈം ബാച്ച്) ന് അപേക്ഷ സമർപ്പിക്കേണ്ട അവസാന തീയതി മാർച്ച് 26 വരെ നീട്ടി. അപേക്ഷാ ഫോമും പ്രോസ്പെക്ടസും സെന്ററിൽ നിന്നും ലഭിക്കും. അപേക്ഷ ഫീസ് 500 രൂപ.

ആറ്റുകാൽ പൊങ്കാലയോടനുബന്ധിച്ച് പൊങ്കാലയിടാൻ വന്ന ഭക്തർക്ക് ഔദ്യോഗിക മന്ത്രി മന്ദിരമായ തൈക്കാട് ഹൗസിൽ എല്ലാ സൗകര്യങ്ങളുമൊരുക്കി ആരോഗ്യ വകുപ്പ് മന്ത്രി വീണാ ജോർജ്. മന്ത്രിയും കുടുംബാംഗങ്ങളും സ്റ്റാഫുകളും ചേർന്ന് അവരെ സ്വീകരിച്ചു. അവർക്ക് വിശ്രമിക്കാനും ശൗചാലയത്തിൽ പോകാനുമുള്ള സൗകര്യങ്ങളൊരുക്കി.

വിവിധ എഫ്.സി.ഐ ഗോഡൗണുകളിൽ നിന്നും സപ്ലൈകോ നിലമ്പൂർ ഡിപ്പോയിലേക്കും ഡിപ്പോയ്ക്ക് കീഴിലുള്ള മാവേലി സ്റ്റോറുകളിലേക്കും എം.ഡി.എം.എസ് / ഡബ്ല്യു.ബി.എൻ.പി പദ്ധതിയിൽ ഉൾപ്പെട്ട ഭക്ഷ്യധാന്യങ്ങൾ സ്റ്റോക്ക് എത്തിക്കുന്നതിന് ട്രാൻസ്‌പോർട്ടിങ് കോൺട്രാക്ടർമാരെ ഒരു വർഷത്തേക്ക് നിയമിക്കുന്നതിന് ക്വട്ടേഷൻ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ഏപ്രിൽ 15 ഉച്ചയ്ക്ക് രണ്ട് മണി. നിലമ്പൂർ റെയിൽവേ സ്റ്റേഷന് സമീപത്ത് പ്രവർത്തിക്കുന്ന നിലമ്പൂർ സപ്ലൈകോ ഡിപ്പോ മാനേജറുടെ കാര്യാലയത്തിലാണ് ക്വട്ടേഷനുകൾ സമർപ്പിക്കേണ്ടത്. ഫോൺ: 223268, 9447975203.

മലപ്പുറം സിവിൽസ്‌റ്റേഷനിലെ ജില്ലാ സപ്ലൈ ഓഫീസിന്റെ കോമ്പൗണ്ടിൽ സ്ഥിതി ചെയ്യുന്ന തേക്ക് മരത്തിന്റെ വെട്ടിമാറ്റിയ കൊമ്പുകളും വിറകുകളും മാർച്ച് 19ന് രാവിലെ 11ന് ജില്ലാ സപ്ലൈ ഓഫീസിൽ  പരസ്യമായി ലേലം ചെയത് വിൽക്കും. ഫോൺ: 0483 2734912.