സംസ്ഥാന തലത്തിൽ ക്ഷീര മേഖലയിലെ വിവിധ അവാർഡുകൾ പ്രഖ്യാപിച്ചു.  ജില്ലയിൽ നിന്നും സംസ്ഥാനതലത്തിൽ മികച്ച മലബാർ മേഖലാ ക്ഷീര കർഷകയായി പനമരം ബ്ലോക്കിലെ പുൽപ്പള്ളി ക്ഷീര സംഘത്തിലെ ബീന അബ്രഹാം, കർഷകനായി സുൽത്താൻ ബത്തേരി ബ്ലോക്കിലെ മീനങ്ങാടി ക്ഷീര സംഘത്തിലെ  എ. പ്രഭാകരൻ എന്നിവർ അർഹരായി. ജില്ലയിലെ മികച്ച ക്ഷീര കർഷകനായി കൽപ്പറ്റ ബ്ലോക്കിലെ ജോസ് കുര്യൻ, മുടക്കാലിൽ, ക്ഷീര കർഷകയായി മാനന്തവാടി ബ്ലോക്കിലെ മക്കിയാട് ക്ഷീര സംഘത്തിലെ ഷമീമ സുബൈർ, ജില്ലയിലെ മികച്ച എസ്.‌സി/എസ്.ടി. കർഷകനായി കൽപ്പറ്റ ബ്ലോക്കിലെ പള്ളിക്കുന്ന് ക്ഷീര സംഘത്തിലെ പി.കെ ചന്ദ്രൻ എന്നിവരെയും തിരഞ്ഞെടുത്തു.

വെള്ളമുണ്ട ഇലക്ട്രിക്കൽ സെക്ഷനിലെ  കരിങ്ങാരി സ്‌കൂൾ, മഞ്ഞപ്പള്ളി, മൊതക്കര പ്രദേശങ്ങളിൽ ഇന്ന് (മാർച്ച് 13) രാവിലെ 8.30 മുതൽ വൈകിട്ട് 5.30 വരെ  വൈദ്യുതി വിതരണം തടസ്സപ്പെടുമെന്ന് അസിസ്റ്റന്റ് എൻജിനീയർ  അറിയിച്ചു.

പടിഞ്ഞാറത്തറ ഇലക്ട്രിക്കൽ സെക്ഷനിൽ അറ്റകുറ്റപ്രവർത്തി നടക്കുന്നതിനാൽ ആശാരിക്കവല, മൊയ്തുട്ടിപ്പടി ട്രാൻസ്‌ഫോർമർ പരിധിയിൽ ഇന്ന് (മാർച്ച് 13) രാവിലെ ഒൻപത് മുതൽ വൈകിട്ട് നാല് വരെ പൂർണമായോ ഭാഗികമായോ വൈദ്യുതി മുടങ്ങുമെന്ന് അസിസ്റ്റന്റ് എൻജിനീയർ അറിയിച്ചു

പനമരം സാമൂഹികാരോഗ്യ കേന്ദ്രത്തിൽ ലാബ് റിയേജന്റുകൾ വിതരണം ചെയ്യാൻ താത്പര്യമുള്ള വ്യക്തികൾ/സ്ഥാപനങ്ങളിൽ നിന്നും ടെൻഡർ ക്ഷണിച്ചു. ടെൻഡറുകൾ മാർച്ച് 26 ന് ഉച്ചയ്ക്ക് ഒന്ന് വരെ സ്വീകരിക്കും. അന്നേ ദിവസം വൈകിട്ട് മൂന്നിന് ടെൻഡർ തുറക്കും. ഫോൺ  04935221189.

കൽപ്പറ്റ ഐ.സി.ഡി.എസ് പ്രൊജക്ട് ഓഫീസിന് കീഴിലെ മേപ്പാടി, പൊഴുതന, മൂപ്പൈനാട്, തരിയോട്, വൈത്തിരി  ഗ്രാമപഞ്ചായത്തിലെ സക്ഷം അങ്കണവാടി നവീകരണത്തിൽ ഉൾപ്പെട്ട 51 അങ്കണവാടി സെന്ററുകളിലേക്ക് 5,10 ലിറ്റർ  കപ്പാസിറ്റിയുള്ള പ്രഷർ കുക്കറുകൾ വിതരണം ചെയ്യാൻ താത്പര്യമുള്ള വ്യക്തികൾ/സ്ഥാപനങ്ങളിൽ നിന്നും ടെൻഡർ ക്ഷണിച്ചു. ടെൻഡറുകൾ മാർച്ച് 17 ന് ഉച്ചയ്ക്ക് രണ്ട് വരെ സ്വീകരിക്കും. ഫോൺ  04936201110, 8921134846.

ഉന്നത വിദ്യാഭ്യാസ വകുപ്പ് അസാപ് കേരള മാനന്തവാടി കമ്മ്യൂണിറ്റി സ്‌കിൽ പാർക്കിൽ ജോബ് ഫെയർ സംഘടിപ്പിക്കുന്നു. പ്രമുഖ കമ്പനികൾ പങ്കെടുക്കുന്ന ജോബ് ഡ്രൈവിൽ വിവിധ മേഖലകളിൽ നിന്നായി 100 ലധികം തൊഴിൽ അവസരങ്ങളാണുള്ളത്. പ്ലസ് ടു, ഐടിഐ , ഡിപ്ലോമ, ഡിഗ്രി, പിജി യോഗ്യതയുള്ള ഉദ്യോഗാർത്ഥികൾ ബയോഡാറ്റ, യോഗ്യതാ സർട്ടിഫിക്കറ്റുകളുമായി മാർച്ച് 15 ന് രാവിലെ ഒൻപതിന് കമ്മ്യൂണിറ്റി സ്‌കിൽ പാർക്കിൽ എത്തണം. കൂടുതൽ വിവരങ്ങളും രജിസ്‌ട്രേഷനുമായി   https://forms.gle/SVqszhmhttAugR7f7 ലിങ്കിൽ ലഭിക്കും. ഫോൺ  9495999669

പുത്തൂർവയൽ എസ്.ബി.ഐ  പരിശീലന കേന്ദ്രത്തിൽ സൗജന്യ തൊഴിൽ പരിശീലനം നൽകുന്നു.ബേക്കറി,കേക്ക് നിർമാണം, പഫ്‌സ് ,ബർഗർ, സാൻഡ്വിച്ച്, കപ്പ്‌കേക്ക്, പിസ, ഫ്രൈഡ് റൈസ്, പുലാവ് എന്നിവയിലാണ് പരിശീലനം നൽകുന്നത്. മാർച്ച് 15 മുതൽ  ആരംഭിക്കുന്ന  പരിശീലനത്തിലേക്ക് 18-45 നും ഇടയിൽ പ്രായമുള്ളവർക്ക് പങ്കെടുക്കാം. ഫോൺ 8590762300, 8078711040.

സംസ്ഥാന വൈദ്യുതി റഗുലേറ്ററി കമ്മീഷൻ ബി.ടെക്ക്, എം.ടെക്ക് (ഇലക്ട്രിക്കൽ /ഇലക്ട്രിക്കൽ ആൻഡ് ഇലക്ട്രോണിക്‌സ്) ഗ്രാജുവേറ്റ്‌സ് ഇൻൺഷിപ്പ് പ്രോഗ്രാമിലേക്ക് അപേക്ഷിക്കാം. താത്പര്യമുള്ളവർ മാർച്ച് 25 നകം അപേക്ഷിക്കണം.കൂടുതൽ വിവരങ്ങൾ www.erckerala.org ൽ  ലഭിക്കും. ഫോൺ  9446015466, 0471  2735544.

തൊണ്ടർനാട് ഗ്രാമപഞ്ചായത്തിൽ എൽ.ഐ.ഡി ആൻഡ് ഇ.ഡബ്ല്യൂ വിഭാഗത്തിൽ  ഓവർസീയർ ഗ്രേഡ് തസ്തികയിൽ താത്ക്കാലിക നിയമനം നടത്തുന്നു. ഉദ്യോഗാർത്ഥികൾ യോഗ്യത സർട്ടിഫിക്കറ്റുമായി  മാർച്ച് 20 ന് രാവിലെ 11ന് ഗ്രാമപഞ്ചായത്ത് ഓഫീസിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ  04935235235.

സർവ്വേയും ഭൂരേഖയും വകുപ്പ് ഡിജിറ്റൽ സർവ്വെയുടെ ഭാഗമായി  എംപ്ലോയ്‌മെന്റ് എക്‌സ്‌ചേഞ്ച് മുഖേന കോൺട്രാക്ട് സർവേയർ തസ്തികയിലേക്ക് നിയമനം നടത്തുന്നു. എംപ്ലോയ്‌മെന്റ് എക്‌സ്‌ചേഞ്ചിൽ നിന്നും കത്തുകൾ ലഭിച്ച ഉദ്യോഗാർത്ഥികൾ യോഗ്യത സർട്ടിഫിക്കറ്റുമായി മാർച്ച് 14 ന് രാവിലെ 10 ന്  സർവേ ഡെപ്യൂട്ടി ഡയറക്ടറുടെ ഓഫീസിൽ നടക്കുന്ന അഭിമുഖത്തിൽ പങ്കെടുക്കണം. ഫോൺ  04936 202251.