കേരള പോലീസ് അന്താരാഷ്ട്ര വനിതാ ദിനാചരണത്തോടനുബന്ധിച്ച് വനിതകള്‍ക്കായി ജില്ലയില്‍  സംഘടിപ്പിച്ച രണ്ടു ദിവസത്തെ സ്വയം പ്രതിരോധ പരിശീലന ക്യാംപ് സമാപിച്ചു. ക്യാംപിന്റെ രണ്ടാം ദിനം പെരിന്തല്‍മണ്ണ അലങ്കാര്‍ ഓഡിറ്റോറിയത്തില്‍ നടന്ന ചടങ്ങ് പെരിന്തല്‍മണ്ണ സബ് കളക്ടര്‍ അപൂര്‍വ ത്രിപാദി ഉദ്ഘാടനം ചെയ്തു. അഡീഷണല്‍ എസ് പി ഫിറോസ് എം ഷഫീഖ് അധ്യക്ഷത വഹിച്ചു.

മികച്ച സേവനത്തിന് ഐഎസ്ഒ അംഗീകാരം ലഭിച്ചതിന്റെ തുടർച്ചയായി ഏറനാട് താലൂക്ക് ഓഫീസിന്റെ പ്രവർത്തനങ്ങൾ പൊതുജനങ്ങൾക്ക് ഏറ്റവും വേഗത്തിലും സുതാര്യമായും ലഭ്യമാക്കുക എന്ന ലക്ഷ്യത്തോടെ ഏറനാട് താലൂക്ക് ഓഫീസിനായി പുതിയ വെബ്‌സൈറ്റ് ആരംഭിച്ചു. വെബ്‌സൈറ്റിന്റെ ഉദ്ഘാടനം ജില്ലാ കളക്ടർ വി.ആർ വിനോദ് നിർവഹിച്ചു. റവന്യൂ വകുപ്പിൽ നിന്നും ലഭ്യമാകുന്ന സേവനങ്ങളെ കുറിച്ചുള്ള  വിവരങ്ങൾ പൊതുജനങ്ങൾക്ക് തത്സമയം ലഭ്യമാക്കുന്നതിനും സുതാര്യമാക്കുന്നതിനുമാണ് വെബ്‌സൈറ്റ് ആരംഭിച്ചിട്ടുള്ളത്.

സ്വകാര്യ ചിട്ടി ഉടമകൾ സ്ത്രീകളുടെ പരാധീനതകൾ മുതലെടുത്ത് തട്ടിപ്പ് നടത്തുന്നതായി കമ്മീഷൻ അംഗം വി.ആർ മഹിളാമണി പറഞ്ഞു. യുവതികളെ തവണകളായി പണം അടയ്ക്കുന്ന ചിട്ടികളിൽ ചേർക്കുകയും ഒന്നോ രണ്ടോ അടവുകൾ മുടങ്ങുമ്പോൾ ചിട്ടി നഷ്ടമായെന്നും അത് കമ്പനി പിടിച്ചെടുത്തെന്നും പറയുന്ന തരത്തിലുള്ള സാമ്പത്തിക തട്ടിപ്പ് കേസുകൾ വർധിക്കുന്നുണ്ട്. പലപ്പോഴും ചിട്ടികൾ ആരംഭിക്കുമ്പോൾ നൽകുന്ന  രേഖകളിലെ നിയമാവലികൾ ഇംഗ്ലീഷിൽ രേഖപ്പെടുത്തിയാണ് സ്ത്രീകൾക്ക് നൽകുന്നത്. ഇതിനാൽ പലർക്കും ഇതിന്റെ തട്ടിപ്പ് വശം മനസിലാവുന്നില്ല. ഈ വിഷയത്തിൽ ഗൗരവമായ ഇടപെടൽ ആവശ്യമുണ്ട്.

തീവ്രതയേറിയ ലൈറ്റ് ഉപയോഗിച്ച് അനധികൃത മത്സ്യബന്ധനം നടത്തിയ വള്ളങ്ങള്‍ക്കെതിരെ കര്‍ശന നടപടിയെടുത്ത് ഫിഷറീസ് - മറൈന്‍ എന്‍ഫോഴ്‌സ്‌മെന്റ് കോസ്റ്റല്‍ പോലീസ് സംയുക്ത സംഘം.

പുഴയ്ക്കല്‍ ബ്ലോക്ക് പഞ്ചായത്ത് 2025-26 സാമ്പത്തിക വര്‍ഷത്തിലെ ബജറ്റ് ബ്ലോക്ക് പഞ്ചായത്ത് വൈസ് പ്രസിഡന്റ് ഒ.എം. ഷാജു അവതരിപ്പിച്ചു. ആരോഗ്യ മേഖലക്ക് ഊന്നല്‍ നല്‍കിക്കൊണ്ട് 24 കോടിയുടെ ബജറ്റാണ് ഇത്തവണ അവതരിപ്പിച്ചത്. 24,83,41,283 രൂപ വരവും 24,24,82,580 രൂപ ചെലവും 58,58,703 രൂപ നീക്കിയിരിപ്പുമാണ് ഇത്തവണ ബജറ്റില്‍ പ്രതീക്ഷിക്കുന്നത്.

 എറണാകുളം പ്രൊഫഷണല്‍ ആന്‍ഡ് എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചില്‍ രജിസ്റ്റര്‍ ചെയ്ത 1995 ജനുവരി ഒന്നു മുതല്‍ 2024 ഡിസംബര്‍ 31 വരെയുള്ള കാലയളവില്‍ രജിസ്‌ട്രേഷന്‍ പുതുക്കാന്‍ സാധിക്കാത്തവര്‍ക്ക് സീനിയോറിറ്റി പുനസ്ഥാപിക്കാന്‍ അവസരം.

പോര്‍ക്കുളം പഞ്ചായത്ത് അകതിയൂരിലെ കലവര്‍ണ്ണക്കുളം നവീകരണ പ്രവര്‍ത്തികള്‍ ആരംഭിച്ചു. നഗര സഞ്ചയ പദ്ധതിയില്‍ നിന്നും 80 ലക്ഷം രൂപ ചെലവഴിച്ചാണ് ആദ്യഘട്ട നവീകരണ പ്രവര്‍ത്തനങ്ങള്‍ നടത്തുന്നത്. പോര്‍ക്കുളം പഞ്ചായത്ത് പ്രസിഡന്റ് അഡ്വ. കെ. രാമകൃഷ്ണന്റെ അധ്യക്ഷതയില്‍ എസ്.സി, എസ്.ടി കമ്മീഷന്‍ അംഗം ടി.കെ വാസു കലവര്‍ണ്ണക്കുളം നിര്‍മ്മാണോദ്ഘാടനം നിര്‍വ്വഹിച്ചു.

തോളൂര്‍ ഗ്രാമ പഞ്ചായത്ത് ജില്ലയിലെ ആദ്യ മാലിന്യ മുക്ത ഹരിത പഞ്ചായത്തായി പ്രഖ്യാപിച്ചു. ജില്ലാ പഞ്ചായത്തംഗം ജിമ്മി ചൂണ്ടല്‍ ഹരിത പ്രഖ്യാപനത്തിലൂടെ ചടങ്ങിന്റെ ഉദ്ഘാടനം നിര്‍വ്വഹിച്ചു. തോളൂര്‍ ഗ്രാമപഞ്ചായത്ത് പ്രസിഡന്റ് ശ്രീകല കുഞ്ഞുണ്ണി അധ്യക്ഷത വഹിച്ചു. പറപ്പൂര്‍ സെന്റ് ജോണ്‍സ് ഫൊറൊന പള്ളി വികാരി ഫാ. സെബി പുത്തൂര്‍ മുഖ്യാതിഥിയായി. പഞ്ചായത്ത് സെക്രട്ടറി അനൂപ്കുമാര്‍ പഞ്ചായത്തില്‍ നടത്തിയ മാലിന്യം നിര്‍മ്മാര്‍ജ്ജന പ്രവര്‍ത്തനങ്ങള്‍ വിശദീകരിച്ചു.

തുടർച്ചയായി കൂടുതൽ സമയം അൾട്രാവയലറ്റ് രശ്മികൾ ശരീരത്തിൽ ഏൽക്കുന്നത് സൂര്യാതപത്തിനും ത്വക്ക് രോഗങ്ങൾക്കും നേത്രരോഗങ്ങൾക്കും മറ്റ് ആരോഗ്യ പ്രശ്നങ്ങൾക്കും കാരണമായേക്കാം. പൊതുജനങ്ങൾ സുരക്ഷാമുൻകരുതലുകൾ സ്വീകരിക്കണം.

പകൽ 10 മണി മുതൽ 3 മണി വരെയുള്ള സമയങ്ങളിലാണ് ഉയർന്ന അൾട്രാവയലറ്റ് സൂചിക രേഖപ്പെടുത്തപ്പെടുന്നത്. ആയതിനാൽ ആ സമയങ്ങളിൽ കൂടുതൽ നേരം ശരീരത്തിൽ നേരിട്ട് സൂര്യപ്രകാശം ഏൽക്കുന്നത് പരമാവധി ഒഴിവാക്കുക.