നാഷനല്‍ സാമ്പിള്‍ സര്‍വേയുടെ 75 വര്‍ഷങ്ങള്‍ ദേശവ്യാപകമായി ആഘോഷിക്കുന്നതിന്റെ ഭാഗമായി നാഷനല്‍ സ്റ്റാറ്റിസ്റ്റിക്‌സ് ഓഫീസ് ഫീല്‍ഡ് ഓപ്പറേഷന്‍സ് ഡിവിഷന്‍ കേരള നോര്‍ത്ത് റീജ്യനല്‍ ഓഫീസ് നടത്തുന്ന ആഘോഷങ്ങള്‍ പെരുവയലിൽ തുടങ്ങി.  

ടെക്‌നിക്കല്‍ ഹൈസ്‌ക്കൂള്‍ പ്രവേശനം

കോഴിക്കോട് ഗവ. ടെക്‌നിക്കല്‍ ഹൈസ്‌ക്കൂളുകളിലേക്കുള്ള പ്രവേശന നടപടികള്‍ ആരംഭിച്ചു. ഏഴാം ക്ലാസ് പാസ്സായ  ആണ്‍കുട്ടികള്‍ക്കും പെണ്‍കുട്ടികള്‍ക്കും അപേക്ഷിക്കാം.   www.polyadmission.org/ths എന്ന വെബ്‌സൈറ്റില്‍ ഓണ്‍ലൈനായി  അപേക്ഷിക്കാം.   സ്‌ക്കൂളില്‍ വന്ന് ഹെല്‍പ് ഡെസ്‌ക് വഴിയും അപേക്ഷിക്കാം. 

കോഴിക്കോട് ജില്ലയിലെ കൊടുവള്ളി/മുക്കം/ഫറോക്ക്/പയ്യോളി മുന്‍സിപ്പാലിറ്റികളിലെ വാര്‍ഡ്/നിയോജകമണ്ഡല വിഭജന കരട് നിര്‍ദ്ദേശങ്ങളിന്‍മേലുള്ള ആക്ഷേപങ്ങള്‍/ അഭിപ്രായങ്ങളിൽ,  കേരള സംസ്ഥാന ഡിലിമിറ്റേഷന്‍ കമ്മിഷന്‍ മാര്‍ച്ച് 17 ന് രാവിലെ ഒന്‍പത്  മുതല്‍ കോഴിക്കോട് ഗവ. ഗസ്റ്റ് ഹൗസ് കോണ്‍ഫറന്‍സ് ഹാളില്‍ പബ്ലിക്ക് ഹിയറിംഗ് നടത്തുമെന്ന്  സംസ്ഥാന ഡിലിമിറ്റേഷന്‍ കമ്മിഷന്‍ അറിയിച്ചു. 

വാര്‍ഡ് /നിയോജകമണ്ഡല വിഭജന കരട് നിര്‍ദ്ദേശങ്ങളിന്‍മേല്‍ നിശ്ചിത സമയപരിധിക്ക് മുമ്പായി ആക്ഷേപംങ്ങള്‍/അഭിപ്രായങ്ങള്‍ സമര്‍പ്പിച്ചിട്ടുള്ളവരെ മാത്രമേ ഹിയറിംഗില്‍ പങ്കെടുപ്പിക്കുകയുള്ളൂ.

ഭിന്നശേഷിക്കാര്‍ക്കായി നല്‍കുന്ന സഹായ ഉപകരണങ്ങള്‍ മന്ത്രി വിതരണം ചെയ്തു

സംസ്ഥാനത്തെ ഓരോ ഭിന്നശേഷി വ്യക്തിക്കും ഇണങ്ങുന്ന പിന്തുണ സംവിധാനം ഉറപ്പാക്കാനാണ് സാമൂഹ്യനീതി വകുപ്പ് ലക്ഷ്യം വെക്കുന്നതെന്ന് സാമൂഹ്യനീതി വകുപ്പ് മന്ത്രി ഡോ. ആര്‍ ബിന്ദു. കോഴിക്കോട് ജില്ലാ പഞ്ചായത്തും സാമൂഹ്യനീതി വകുപ്പും സംയുക്തമായി ഭിന്നശേഷിക്കാര്‍ക്കായി നല്‍കുന്ന സഹായ ഉപകരണ വിതരണം ജില്ലാ പഞ്ചായത്ത്‌ ഹാളിൽ നിര്‍വഹിക്കുകയായിരുന്നു മന്ത്രി. 

പോഷ് ആക്ട് അനുസരിച്ച് 10-ൽ കുറവ് ജീവനക്കാരുള്ള സ്ഥാപനങ്ങളെ ഉൾപ്പെടുത്തി രൂപീകരിക്കുന്ന 
ലോക്കൽ കമ്മിറ്റികൾ (എൽ സി)നിയമാനുസൃതമായും കാര്യക്ഷമമായും പ്രവർത്തിക്കുന്നു എന്ന് ജില്ലാ കളക്ടർമാർ ഉറപ്പാക്കണമെന്ന് സംസ്ഥാന വനിത കമ്മിഷൻ അധ്യക്ഷ അഡ്വ. പി സതീദേവി.  കോഴിക്കോട് ജില്ലാതല സിറ്റിങ്ങിനുശേഷം സംസാരിക്കുകയായിരുന്നു അവർ. 

ദേശീയ ബധിരത നിയന്ത്രണ പരിപാടിയുടെ ഭാഗമായി ലോക കേൾവി ദിനാചരണത്തോട് അനുബന്ധിച്ചുള്ള ബോധവൽക്കരണ പ്രവർത്തനങ്ങൾ ഏകോപിപ്പിക്കുന്നതിന് ജില്ലാ കളക്ടർ സ്നേഹിൽ കുമാർ സിംഗിന്റെ നേതൃത്വത്തിൽ വിവിധ വകുപ്പുകളുടെ ഏകോപന യോഗം ചേർന്നു. എല്ലാ വകുപ്പുകളുടെയും ഒരുമിച്ചുള്ള പ്രവർത്തനം പരിപാടിയുടെ നടത്തിപ്പിന് ഉണ്ടാകണം എന്ന് കളക്ടർ അറിയിച്ചു. 

ജില്ലാ മെഡിക്കൽ ഓഫീസർ ഡോ. എൻ രാജേന്ദ്രൻ ആമുഖ പ്രഭാഷണം നടത്തി.  എൻപിപിസിഡി (നാഷണൽ പ്രോഗ്രാം ഫോർ പ്രിവൻഷൻ & കണ്ട്രോൾ ഓഫ് ഡഫ്നെസ്) നോഡൽ ഓഫീസർ ഡോ. ടി എൻ സുരേഷ് ദിനാചരണ പ്രവർത്തനങ്ങളുടെ റിപ്പോർട്ട് അവതരിപ്പിച്ചു. 

-ജില്ലയുടെ ഔദ്യോഗിക ജീവി, ജില്ലാ വൃക്ഷം, ജില്ലാ ജലജീവി, ജില്ലാ പക്ഷി, ജില്ലാ പുഷ്പം, ജില്ലാ ചിത്രശലഭം എന്നിവ നിർദേശിക്കാം

-നിർദേശങ്ങൾ bmckkddistrict@gmail. com.ലേക്ക്  അയക്കാം

കൃത്യമായ പരിശോധനകളിലൂടെയും ശാസ്ത്രീയ കണ്ടെത്തലുകളിലൂടെയും ജില്ലയുടെ ഔദ്യോഗിക ജൈവ വിഭവങ്ങൾ പ്രഖ്യാപിക്കാനൊരുങ്ങി കോഴിക്കോട് ജില്ലാ പഞ്ചായത്ത്. 

ജില്ലാ ജൈവവൈവിധ്യ കോർഡിനേഷൻ കമ്മിറ്റിയും ജില്ലാ പഞ്ചായത്ത് ജൈവ വൈവിധ്യ പരിപാലന സമിതിയും സംയുക്തമായാണ് ജില്ലയുടെ ഔദ്യോഗിക ജൈവ വിഭവങ്ങളെ ശാസ്ത്രീയമായി കണ്ടെത്തി പ്രഖ്യാപനം നടത്താൻ തീരുമാനിച്ചിരിക്കുന്നത്. 

 
ലോക ഉപഭോക്തൃ അവകാശ ദിനാചരണ പരിപാടികള്‍  കളക്ട്രേറ്റിലെ ആത്മാ ഹാളില്‍  മാര്‍ച്ച് 15 ന് ഉച്ചയ്ക്ക്  രണ്ടിന്  ജില്ലാ കളക്ടര്‍  എന്‍. ദേവിദാസ് ഉദ്ഘാടനം ചെയ്യും.  'സുസ്ഥിര ജീവിത ശൈലിയിലേക്കുള്ള ശരിയായ മാറ്റം' എന്നതാണ് ദിനാചാരണത്തിന്റെ ആപ്തവാക്യം.    സ്‌കൂള്‍/ കോളേജ് വിദ്യാര്‍ത്ഥികള്‍, ഉപഭോക്തൃ സംഘടനാ പ്രതിനിധികള്‍ റെസിഡന്റ്‌സ് അസോസിയേഷനുകള്‍, ജനപ്രതിനിധികള്‍ എന്നിവ പങ്കെടുക്കും.
 

കുടുംബശ്രീ മിഷന്റെ സ്നേഹിതാ ജെന്‍ഡര്‍ ഹെല്‍പ് ഡെസ്‌ക്, ആഭ്യന്തര വകുപ്പുമായി ചേര്‍ന്ന് സ്നേഹിത പോലീസ് എക്സ്റ്റന്‍ഷന്‍ സെന്ററുകള്‍ തുടങ്ങുന്നു.  മാര്‍ച്ച് 15 ന് സംസ്ഥാനത്തൊട്ടാകെയുള്ള  ഡി.വൈ.എസ.്പി ഓഫീസുകളിലാണ് സ്ഥാപിക്കുന്നത്.  പരാതികളുമായെത്തുന്നവര്‍ക്ക് മാനസിക പിന്തുണ ഉറപ്പാക്കുകയാണ് ലക്ഷ്യം. പ്രശ്നങ്ങളുള്ളവര്‍ക്ക് ഇതര വകുപ്പുകളുമായിചേര്‍ന്ന് തുടര്‍ ചികിത്സകളടക്കം പിന്തുണയേകുന്ന മറ്റ് പദ്ധതികളും നടപ്പാക്കും.