രാഷ്ട്രീയ കൃഷി വികാസ് യോജനയുടെ ഭാഗമായി ചേലക്കര നിയോജക മണ്ഡലത്തില്‍ മണ്ണാത്തിപ്പാറ മുതല്‍ തിരുമണി വരെ സോളാര്‍ വേലി സ്ഥാപിക്കുന്നതിന്റെ ഭാഗമായിട്ടുള്ള അവലോകന യോഗം ചേര്‍ന്നു. ചേലക്കര ഗ്രാമ പഞ്ചായത്ത് പ്രസിഡന്റ് എം.കെ പത്മജ അവലോകനയോഗം ഉദ്ഘാടനം ചെയ്തു.

ചേലക്കര, പഴയന്നൂര്‍ പഞ്ചായത്തുകളുടെ വന മേഖലയിലൂടെ 29.5 കിലോമീറ്ററില്‍ മണ്ണാത്തിപ്പാറ മുതല്‍ തിരുമണി വരെയാണ് സോളാര്‍ വേലി സ്ഥാപിക്കുന്നത്. 70 ലക്ഷം രൂപ ചെലവില്‍ അഞ്ച് ലൈനുകളിലായിട്ടാണ് വേലി സ്ഥാപിക്കുന്നത്. പദ്ധതി പ്രദേശത്തെ ഗ്രാമ പഞ്ചായത്ത് അംഗങ്ങളെ അടക്കം ഉള്‍പ്പെടുത്തി 15 അംഗ മോണിറ്ററിങ് കമ്മിറ്റിയെയും തിരഞ്ഞെടുത്തു.

കൃഷി സമൃദ്ധി പദ്ധതിയുടെ ഭാഗമായിട്ടുള്ള ക്യാംപെയിനുകളുടേയും പരിശീലനങ്ങളുടെയും ഉദ്ഘാടനം ചേലക്കര ഗ്രാമപഞ്ചായത്ത് പ്രസിഡന്റ് എം.കെ പത്മജ നിര്‍വ്വഹിച്ചു. കൃഷി സമൃദ്ധി പദ്ധതിയില്‍ ഉള്‍പ്പെടുത്തി സംസ്ഥാനത്തെ തിരഞ്ഞെടുത്ത 107 ഗ്രാമ പഞ്ചായത്തുകളിലൊന്നാണ് ചേലക്കര. പദ്ധതിയുടെ ഭാഗമായി ചേലക്കര പഞ്ചായത്തിലെ വിവിധ വാര്‍ഡുകളില്‍ നിന്നും ശേഖരിച്ച മണ്ണ് സാമ്പിളുകളുടെ പരിശോധനാ റിപ്പോര്‍ട്ട് യോഗത്തില്‍ വിതരണം ചെയ്തു.

പെരുവല്ലൂര്‍ പട്ടികജാതി സര്‍വ്വീസ് സഹകരണ സംഘത്തില്‍ പുതിയതായി ആരംഭിക്കുന്ന ഡി.ടി.പി. ആന്‍ഡ് ഫോട്ടോസ്റ്റാറ്റ് സ്ഥാപനത്തിലേക്ക് കംമ്പ്യൂട്ടറും അനുബന്ധ ഉപകരണങ്ങളും വാങ്ങി നല്‍കുന്നതിനായി ക്വട്ടേഷന്‍ ക്ഷണിച്ചു. മുദ്രവച്ച ക്വട്ടേഷനുകള്‍ മാര്‍ച്ച് 21 നകം  ലഭിക്കണം. ഫോണ്‍: 9633547012.

രാമവര്‍മ്മപുരം പോലീസ് അക്കാദമിയില്‍ പരിശീലനം പൂര്‍ത്തിയാക്കിയ 31-ാമത് ബി ബാച്ച് സബ് ഇന്‍സ്‌പെക്ടര്‍ കേഡറ്റുകളുടെ പാസ്സിംഗ് ഔട്ട് പരേഡ് മാര്‍ച്ച് 16 ന് രാവിലെ എട്ടിന് കേരള പോലീസ് അക്കാദമി ഗ്രൗണ്ടില്‍ നടക്കും. മുഖ്യമന്ത്രി പിണറായി വിജയന്‍ ഓണ്‍ലൈനായി പാസ്സിംഗ് ഔട്ട് പരേഡില്‍ സല്യൂട്ട് സ്വീകരിക്കും.

തൃശ്ശൂര്‍ ജവഹര്‍ ബാലഭവനില്‍ ഏപ്രില്‍, മെയ് മാസങ്ങളില്‍ സംഘടിപ്പിക്കുന്ന അവധിക്കാല ക്യാമ്പിലേക്ക്  ടീച്ചര്‍ (ചിത്രകല, സംഗീതം, ശില്‍പ്പകല, നാടന്‍പാട്ട്), അസിസ്റ്റന്റ് (ജൂഡോ, കമ്പ്യൂട്ടര്‍, നൃത്തം, ഗിറ്റാര്‍, കുങ്ങ്ഫു, ആയ, സ്വീപ്പര്‍) എന്നീ തസ്തികകളിലേക്ക് താല്‍ക്കാലിക നിയമനം നടത്തുന്നു. താല്‍പ്പര്യമുള്ള ഉദ്യോഗാര്‍ത്ഥികള്‍ യോഗ്യത തെളിയിക്കുന്ന അസ്സല്‍ രേഖകള്‍ സഹിതം മാര്‍ച്ച് 20 ന് രാവിലെ 10 ന് ബാലഭവന്‍ ഓഫീസില്‍ നടക്കുന്ന അഭിമുഖത്തിന് ഹാജരാകണം. ഫോണ്‍: 0487 2332909.

തൃശ്ശൂര്‍ ജില്ലയിലെ വിവിധ വകുപ്പുകളില്‍ ക്ലര്‍ക്ക് (കാറ്റഗറി നമ്പര്‍ 503/ 2023) തസ്തികയുടെ 2025 ഫെബ്രുവരി 27 ന് പ്രസിദ്ധീകരിച്ച സാധ്യതാപട്ടികയിലെ വണ്‍ ടൈം വെരിഫിക്കേഷന്‍ പൂര്‍ത്തിയാക്കാത്ത ഉദ്യോഗാര്‍ത്ഥികള്‍ക്കുള്ള പ്രമാണ പരിശോധന കേരള പ്ലബ്ലിക് സര്‍വീസ് കമ്മീഷന്റെ തൃശ്ശൂര്‍ ജില്ലാ ഓഫീസില്‍ മാര്‍ച്ച് 14 മുതല്‍ 22 വരെ നടത്തും. ഇതു സംബന്ധിച്ച അറിയിപ്പ് പ്രൊഫൈല്‍ മെസേജ്, എസ്.എം.എസ് മുഖേന ഉദ്യോഗാര്‍ത്ഥികള്‍ക്ക് നല്‍കിയിട്ടുണ്ട്.

പൊതുവിദ്യാഭ്യാസ വകുപ്പ് സ്റ്റാര്‍സ് പദ്ധതിയുടെ ഭാഗമായി വിജയരാഘവപുരം ജി.എച്ച്.എസ്.എസ് സ്‌കൂളിലെ ജിയോളജി ലാബിന് ആവശ്യമായ സാധന സാമഗ്രികള്‍ മുഴുവനായോ ഭാഗികമായോ വാങ്ങി വിതരണം ചെയ്യാന്‍ താല്‍പ്പര്യമുള്ള ഏജന്‍സികളില്‍ നിന്നും സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. മുദ്രവെച്ച ടെണ്ടറുകള്‍ മാര്‍ച്ച് 21 ന് ഉച്ചയ്ക്ക് 12 നകം ലഭിക്കണം. ഫോണ്‍: 0480 2700570.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ മാര്‍ച്ച് മാസത്തില്‍ ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടിസ്സോറി, പ്രീ - പ്രൈമറി, നഴ്സ്സറി ടീച്ചര്‍ ട്രെയിനിംഗ് കോഴ്‌സുകള്‍ക്ക് ബിരുദം/ പ്ല്സ്ടു/ എസ്.എസ്.എല്‍.സി യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. വിശദ വിവരങ്ങള്‍ക്കായി ഫോണ്‍: 7994449314.

സംസ്ഥാന സര്‍ക്കാരിന്റെ വിജ്ഞാനകേരളം ക്യാംപയിനിന്റെ ഭാഗമായി അവണൂര്‍ ഗ്രാമപഞ്ചായത്തില്‍ ജോബ് ഫെസിലിറ്റേഷന്‍ സെന്റര്‍ ആരംഭിച്ചു. അവണൂര്‍ ഗ്രാമപഞ്ചായത്ത് പ്രസിഡന്റ് തങ്കമണി ശങ്കുണ്ണി ഉദ്ഘാടനം നിര്‍വ്വഹിച്ചു. വൈസ് പ്രസിഡന്റ് മിനി ഹരിദാസ് അധ്യക്ഷത വഹിച്ചു. ബ്ലോക്ക് കോര്‍ഡിനേറ്റര്‍ എ.കെ കുഞ്ഞുമുഹമ്മദ് വിജ്ഞാനകേരളം പദ്ധതി വിശദീകരിച്ചു. അസിസ്റ്റന്റ് സെക്രട്ടറി കെ. രാജി, സി.ഡി.എസ് ചെയര്‍പേഴ്‌സണ്‍ എം. എസ്. ഷിനി, വാര്‍ഡ് മെമ്പര്‍മാര്‍, സിഡിഎസ് അംഗങ്ങള്‍, കമ്മ്യൂണിറ്റി അംബാസിഡര്‍ പി.സി വിനീത, ഗ്രാമപഞ്ചായത്ത് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ഒല്ലൂക്കര ബ്ലോക്ക് പഞ്ചായത്ത് ഭിന്നശേഷിക്കാര്‍ക്കായുള്ള കലാകായിക മേള 'വര്‍ണ്ണച്ചിറകുകള്‍' സംഘടിപ്പിച്ചു. മേളയുടെ ഉദ്ഘാടനം ഒല്ലൂക്കര ബ്ലോക്ക് പഞ്ചായത്ത് പ്രസിഡണ്ട് കെ.ആര്‍ രവി നിര്‍വ്വഹിച്ചു. വൈസ് പ്രസിഡന്റ് ഫ്രാന്‍സീന ഷാജു അധ്യക്ഷത വഹിച്ചു. കലാ, കായിക, സാംസ്‌കാരിക പ്രവര്‍ത്തനങ്ങളിലൂടെ പ്രത്യേക പരിഗണന അര്‍ഹിക്കുന്ന കുട്ടികള്‍ക്ക് സാമൂഹിക ഉള്‍ച്ചേരലുകള്‍ സാധ്യമാക്കുക എന്ന ലക്ഷ്യത്തോടെയാണ് മേള സംഘടിപ്പിച്ചത്. നടത്തറ ഗ്രാമപഞ്ചായത്ത് പ്രസിഡന്റ് ശ്രീവിദ്യ രാജേഷ്, പാണഞ്ചേരി ഗ്രാമപഞ്ചായത്ത് പ്രസിഡന്റ് പി.പി രവീന്ദ്രന്‍, ഗായകരും ഭിന്നശേഷിക്കാരുമായ എന്‍.