ജില്ലാ പഞ്ചായത്തിന്റെ 2023-24 വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള അഭ്യസ്തവിദ്യരായ പട്ടികജാതി വിഭാഗം യുവജനങ്ങള്‍ക്ക് സര്‍ക്കാര്‍ സ്ഥാപനങ്ങളില്‍ പരിശീലനം എന്ന പദ്ധതിയിലേക്ക് അപേക്ഷിക്കാം. ബി.എസ്.സി നഴ്സിങ്, നഴ്സിങ് ജനറല്‍, എം.എല്‍.ടി, ഫാര്‍മസി, റേഡിയോഗ്രാഫര്‍, പാരാമെഡിക്കല്‍ യോഗ്യത എന്നിവയാണ് യോഗ്യത. പ്രായപരിധി 21 നും 41 നും മധ്യേ. അപേക്ഷകര്‍ ഗ്രാമപഞ്ചായത്തുകളില്‍ സ്ഥിരതാമസക്കാരായിരിക്കണം. ബി.എസ്.സി നഴ്സിങ്ങിന് പ്രതിമാസം 1000 രൂപയും നഴ്സിങ് ജനറല്‍, എം.എല്‍.ടി, ഫാര്‍മസി, റേഡിയോഗ്രാഫര്‍ തുടങ്ങിയ പാരാമെഡിക്കല്‍ യോഗ്യതയുള്ളവര്‍ക്ക് 8000 രൂപയുമാണ് സ്റ്റൈപ്പന്റ്.

ജില്ലാ പഞ്ചായത്തിന്റെ 2023-24 സ്പില്‍ ഓവര്‍ പദ്ധതിയില്‍ ഉള്‍പ്പെടുത്തിയിട്ടുള്ള പട്ടികജാതി വിഭാഗത്തില്‍പ്പെട്ട പ്രതിഭാധനരായ വ്യക്തികള്‍ക്ക് ധനസഹായം അനുവദിക്കുന്നതിനായി അപേക്ഷിക്കാം. വിവിധ കലാരംഗങ്ങളില്‍ മികവ് തെളിയിച്ച, മികവിന് സമ്മാനാര്‍ഹരായ, സര്‍ട്ടിഫിക്കറ്റ് ലഭിച്ചിട്ടുള്ള പട്ടികജാതിക്കാര്‍ക്ക് അപേക്ഷിക്കാം.

ജില്ലാ പഞ്ചായത്തിന്റെ 2023-24 സ്പില്‍ ഓവര്‍ പദ്ധതിയില്‍ ഉള്‍പ്പെടുത്തിയിട്ടുള്ള ജോബ് സ്‌കൂള്‍ പദ്ധതി പ്രകാരം പി.എസ്.സി സൗജന്യ പരിശീലനത്തിന് പഞ്ചായത്തുകളില്‍ സ്ഥിരതാമസമുള്ള പട്ടികജാതി വിഭാഗത്തില്‍പ്പെട്ടവര്‍ക്ക് അപേക്ഷിക്കാം. പ്ലസ് ടു/ ഡിഗ്രി എന്നിവയാണ് യോഗ്യത. താത്പര്യമുള്ളവര്‍ ജാതി, വരുമാനം, വിദ്യാഭ്യാസ യോഗ്യത, ആധാര്‍ കാര്‍ഡ്, ബാങ്ക് പാസ് ബുക്ക് എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകള്‍, ഒരു പാസ്പോര്‍ട്ട് സൈസ് ഫോട്ടോ എന്നിവ സഹിതം സെപ്റ്റംബര്‍ 20 ന് വൈകിട്ട് അഞ്ചിനകം ജില്ലാ പട്ടികജാതി വികസന ഓഫീസില്‍ നല്‍കണമെന്ന് ജില്ലാ പട്ടികജാതി വികസന ഓഫീസര്‍ അറിയിച്ചു.

ജില്ലാ പഞ്ചായത്തിന്റെ 2023-24 വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള വാദ്യോപകരണങ്ങള്‍ വാങ്ങി നല്‍കുന്ന പദ്ധതിയിലേക്ക് പട്ടികജാതി വിഭാഗത്തില്‍പ്പെട്ട വനിതാ കലാസംഘങ്ങള്‍ക്ക് അപേക്ഷിക്കാം. നിലവില്‍ കലാരംഗങ്ങളില്‍ തുടരുന്നവരും പട്ടികജാതി വിഭാഗത്തില്‍പെട്ടവരുമായ കുറഞ്ഞത് അഞ്ച് പേരെങ്കിലും ഉള്‍പ്പെടുന്ന രജിസ്റ്റര്‍ ചെയ്ത വനിതകളുടെ വാദ്യകലാ സംഘങ്ങള്‍ക്ക് അപേക്ഷിക്കാം.

ജില്ലയില്‍ ഇതുവരെ തിരുവോണം ബംബര്‍-2023 ന്റെ 6,60,000 ടിക്കറ്റുകള്‍ വിറ്റഴിഞ്ഞു. ടിക്കറ്റ് വില്‍പനയിലൂടെ 26.4 കോടി രൂപ ജില്ല നേടി. സംസ്ഥാനത്ത് ഏറ്റവും കൂടുതല്‍ ടിക്കറ്റുകള്‍ വിറ്റ ജില്ല പാലക്കാടാണ്. ജില്ലാ ഓഫീസില്‍ 4,35,000 ടിക്കറ്റുകളും ചിറ്റൂര്‍ സബ് ഓഫിസില്‍ 1,20,000 ടിക്കറ്റുകളും പട്ടാമ്പി സബ് ഓഫീസില്‍ 1,05,000 ടിക്കറ്റുമാണ് വിറ്റഴിച്ചത്. ജൂലൈ 27നാണ് ടിക്കറ്റ് വില്‍പ്പന ആരംഭിച്ചത്. രണ്ടാം സ്ഥാനത്തുള്ള തിരുവനന്തപുരത്തേക്കാള്‍ 1,68,000 ടിക്കറ്റുകള്‍ കൂടുതലായി ജില്ലയില്‍ വില്‍പ്പന നടത്തിയിട്ടുണ്ട്.

രാജസ്ഥാനില്‍ സെപ്റ്റംബര്‍ 23 ന് നടത്തുന്ന അഖിലേന്ത്യ സിവില്‍ സര്‍വീസ് ലോണ്‍ ടെന്നീസ് മത്സരത്തില്‍ പങ്കെടുക്കുന്ന സംസ്ഥാന സിവില്‍ സര്‍വീസ് ടീമിനെ തെരഞ്ഞെടുക്കുന്നതിനായി സെപ്റ്റംബര്‍ നാലിന് രാവിലെ എട്ടിന് തിരുവനന്തപുരം, കവടിയാര്‍, ട്രിവാന്‍ഡ്രം ടെന്നീസ് ക്ലബ്ബില്‍ ഓപ്പണ്‍ സെലക്ഷന്‍ നടത്തുന്നു. താത്പര്യമുള്ള പുരുഷ/വനിതാ താരങ്ങള്‍ രാവിലെ എട്ടിനകം വകുപ്പ് മേധാവിയുടെ സാക്ഷ്യപ്പെടുത്തിയ എലിജിബിലിറ്റി സര്‍ട്ടിഫിക്കറ്റുമായി പങ്കെടുക്കണമെന്ന് സെക്രട്ടറി അറിയിച്ചു. ഫോണ്‍: 9995050732

കുഴല്‍മന്ദം ഗവ മോഡല്‍ റസിഡന്‍ഷ്യല്‍ പോളിടെക്നിക് കോളേജില്‍ സിവില്‍ എന്‍ജിനീയറിങ്, കമ്പ്യൂട്ടര്‍ എന്‍ജിനീയറിങ് ത്രിവത്സര ഡിപ്ലോമ കോഴ്സുകളിലേക്ക് സ്പോട്ട് അഡ്മിഷന്‍ നടക്കുന്നു. യോഗ്യത എസ്.എസ്.എല്‍.സി/ തത്തുല്യം. സിവില്‍ എന്‍ജിനീയറിങ് ത്രിവത്സര ഡിപ്ലോമ കോഴ്സിലേക്ക് നേരിട്ട് രണ്ടാം വര്‍ഷത്തേക്ക് ലാറ്ററല്‍ എന്‍ട്രി സ്പോട്ട് അഡ്മിഷനും നടക്കുന്നു. പ്ലസ്.ടു സയന്‍സ്, ഐ.ടി.ഐ, കെ.ജി.സി.ഇ. എന്നിവയാണ് യോഗ്യത. താത്പര്യമുള്ളവര്‍ സെപ്റ്റംബര്‍ നാലിന് കോളെജില്‍ നേരിട്ടെത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04922 272900, 9447627191, 9207904257, 8547005086.

മങ്കട ഗവ കോളേജില്‍ ബിരുദം ഒന്നാം സെമസ്റ്ററില്‍ ബി.എ ഇംഗ്ലീഷ് (എസ്.ടി, ഒ.ബി.എക്സ്, ഇ.ഡബ്ല്യു.എസ്), ബി.എസ്.സി മാത്തമാറ്റിക്സ്(ഇ.ഡബ്ല്യു.എസ്, എസ്.സി, എസ്.ടി, പി.ഡബ്ല്യു.ഡി), ബി.എസ്.സി സൈക്കോളജി(എസ്.ടി), ബി.ബി.എ(എസ്.ടി, പി.ഡബ്ല്യു.ഡി,) ബികോം(എസ്.ടി), ബി.എ എക്കണോമിക്സ്(എസ്.ടി, പി.ഡബ്ല്യു.ഡി), ബി.എ ഹിസ്റ്ററി (എസ്.ടി) സീറ്റൊഴിവുണ്ട്. താത്പര്യമുള്ളവര്‍ ആവശ്യമായ സര്‍ട്ടിഫിക്കറ്റുകളുമായി സെപ്റ്റംബര്‍ അഞ്ചിന് മൂന്നികം ഓഫീസില്‍ എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04933 202135.

പട്ടാമ്പി ഗവ സംസ്‌കൃത കോളെജില്‍ കെമിസ്ട്രി വിഭാഗം ഗവേഷണ കേന്ദ്രത്തില്‍ പി.എച്ച്.ഡി എനി ടൈം കാറ്റഗറിയില്‍ മൂന്ന് സീറ്റൊഴിവ്. യു.ജി.സി. ജെ.ആര്‍.എഫ് പാസായവരും ഗവേഷണത്തിന് യോഗ്യരുമായ വിദ്യാര്‍ത്ഥികള്‍ സെപ്റ്റംബര്‍ അഞ്ചിനകം ആവശ്യമായ രേഖകളുമായി അപേക്ഷിക്കണം. അഭിമുഖം സെപ്റ്റംബര്‍ 11 ന് നടക്കും. ഫോണ്‍: 0466 2212223.
 

ജില്ലാ ആശുപത്രിയിലെ കാത്ത് ലാബ് വിഭാഗത്തിലേക്ക് അവശ്യവസ്തുക്കള്‍ വാങ്ങുന്നതിന് ഇ-ടെന്‍ഡര്‍ മുഖേന ദര്‍ഘാസ് ക്ഷണിച്ചു. 25,000 രൂപയാണ് നിരതദ്രവ്യം. ടെന്‍ഡര്‍ സെപ്റ്റംബര്‍ 13 വരെ സ്വീകരിക്കും. സെപ്റ്റംബര്‍ 14 ന് ടെന്‍ഡര്‍ തുറക്കും. താത്പര്യമുള്ളവര്‍  www.etenders.kerala.gov.in ല്‍ ടെന്‍ഡര്‍ നല്‍കണമെന്ന് സൂപ്രണ്ട് അറിയിച്ചു. ഫോണ്‍: 0491 2533327, 2534524