മനസ്സിൽ തട്ടുന്ന ഒട്ടനവധി മൂഹൂർത്തങ്ങളെ ആസ്വാദകർക്ക് മുന്നിൽ എത്തിച്ച് നിറഞ്ഞ കയ്യടി നേടി കോഴിക്കോട് സങ്കീർത്തനയുടെ "ചിറക്" നാടകം. പോന്നോണം 2023 നാടകോത്സവത്തിലാണ് പ്രദീപ് കുമാർ കാവുന്തറ എഴുതി രാജീവൻ മമ്മിളി സംവിധാനം ചെയ്ത നാടകം ആസ്വാദകർക്ക് മുന്നിലെത്തിയത്.

ഓട്ടിസം, സെറിബ്രൽപാൾസി തുടങ്ങിയ അസുഖങ്ങൾ ബാധിച്ച കുഞ്ഞുങ്ങളുടെ കഴിവുകളെ കുറിച്ച്, ഒരു അച്ഛനും അത്തരം ആരോഗ്യ പ്രശ്നമുള്ള മകളും തമ്മിലുള്ള ആത്മബന്ധത്തെക്കുറിച്ചുള്ള അതിവൈകാരിക മുഹൂർത്തങ്ങളിലൂടെ കാഴ്ചക്കാരെ കൂട്ടിക്കൊണ്ട് പോവുന്നുണ്ട് "ചിറക്".

ഏഴു ദിനങ്ങൾ നെടുമങ്ങാടിന്റെ നാട്ടുവീഥികളെ ഉത്സവാഘോഷത്തിൽ ആറാടിച്ച് നെടുമങ്ങാട് ഓണോത്സവം 2023 കൊടിയിറങ്ങി.സമാപന സമ്മേളനം ഭക്ഷ്യ പൊതുവിതരണ വകുപ്പ് മന്ത്രി ജി.ആർ അനിൽ ഉദ്ഘാടനം ചെയ്തു.ഓണാഘോഷ പരിപാടികളെ നെടുമങ്ങാട്ടെ ജനങ്ങൾ ഹൃദയത്തിൽ സ്വീകരിച്ചുവെന്ന് മന്ത്രി പറഞ്ഞു.

ആഗസ്റ്റ് 25 ന് ആയിരങ്ങളെ അണിനിരത്തി നടത്തിയ വിളംബര ഘോഷയാത്രയോടെയാണ് ഓണോത്സവത്തിന് തുടക്കമായത്.ഔദ്യോഗിക ഉദ്ഘാടനം പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് ആഗസ്റ്റ് 28 ന് നിർവഹിച്ചു.സംസ്ഥാന ടൂറിസം വകുപ്പിന്റെ ഓണാഘോഷ പരിപാടികളുടെ പ്രധാന വേദികളിൽ ഒന്നായിരുന്നു നെടുമങ്ങാട്.

ഓണം വാരാഘോഷം സമാപന ദിനമായ ഇന്ന് ജില്ലയിലെ വിവിധ വേദികളിലായി നിരവധി കലാപരിപാടികൾ അരങ്ങേറും.കനകക്കുന്നിലെ പ്രധാന വേദിയായ നിശാഗന്ധിയിൽ 5.30 മുതൽ പ്രിയ അക്കോട്ട് അവതരിപ്പിക്കുന്ന ഭരതനാട്യം.സമാപന ചടങ്ങുകൾക്കു ശേഷം ഏഴുമണി മുതൽ ഗായകൻ ഹരിശങ്കർ അവതരിപ്പിക്കുന്ന സംഗീത സന്ധ്യയോടെ ഏഴ് ദിവസം നീണ്ടു നിന്ന കലാപരിപടികൾക്ക് സമാപനമാകും.

കനകക്കുന്നിലെ സൂര്യകാന്തിയിൽ ഏഴുമണി മുതൽ അമ്മ ഓർക്കസ്ട്രയുടെ ഗാനമേള,പ്രവേശന കവാടത്തിന് സമീപത്തെ വേദിയിൽ 3.30 മുതൽ രുദ്രതാളം സംഘത്തിന്റെ വനിതാ ശിങ്കാരിമേളം,കനകക്കുന്ന് അകത്തളത്തിൽ ആറുമണി മുതൽ കഥകളി എന്നിവയും അരങ്ങേറും.

നിശാഗന്ധിയെ സംഗീതസാന്ദ്രമാക്കി ഷഹബാസ് അമന്റെ ഗസല്‍സന്ധ്യ.ഓണം വാരാഘോഷത്തിന്റെ ആറാം ദിനമായ ഇന്നലെ(സെപ്റ്റംബർ1)നടന്ന ഗസൽ സന്ധ്യ കാണാൻ പ്രായഭേദമെന്യേ നിരവധി പേരാണ് നിശാഗന്ധിയിലേക്ക് ഒഴുകിയെത്തിയത്.ഗസൽ സന്ധ്യയ്ക്ക് മുമ്പെ കേരള കലാമണ്ഡലം അവതരിപ്പിച്ച നൃത്താവിഷ്ക്കാരമായ മഴയൊലിയും കാണികളെ ആകർഷിച്ചു.

നാടും നഗരവും ജാതി മത ഭേദമെന്യേ ഒരുമനസായി കൊണ്ടാടിയ ഓണം വാരാഘോഷത്തിന് പ്രൗഢഗംഭീരമായ സാംസ്‌കാരിക ഘോഷയാത്രയോടെ ഇന്ന്(സെപ്തംബര്‍ രണ്ട്)ഔദ്യോഗിക സമാപനം. വൈകുന്നേരം അഞ്ചിന് വെള്ളയമ്പലത്ത് ഗവര്‍ണര്‍ ആരിഫ് മുഹമ്മദ് ഖാന്‍ സാസ്‌കാരിക ഘോഷയാത്ര ഫ്ളാഗ് ഓഫ് ചെയ്യും.മുഖ്യാതിഥി സ്പീക്കര്‍ എ.എന്‍ ഷംസീര്‍ ഗവര്‍ണര്‍ക്ക് പതാക കൈമാറും.വിനോദസഞ്ചാര പൊതുമരാമത്ത് വകുപ്പ് മന്ത്രി പി.എ.മുഹമ്മദ് റിയാസ് വാദ്യമേളങ്ങളുടെ ഉദ്ഘാടനം നിര്‍വഹിക്കും.മന്ത്രിമാരായ വി.ശിവന്‍കുട്ടി, ആന്റണി രാജു,ജി.ആര്‍.അനില്‍ എന്നിവരും പങ്കെടുക്കും.

കേരള തീരത്ത് നാളെ (സെപ്തംബര്‍ രണ്ട്) രാത്രി 08.30 മുതല്‍ സെപ്തംബര്‍ മൂന്ന് രാവിലെ 11.30  വരെ 0.4 മുതല്‍ 1.5  മീറ്റര്‍ വരെ ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. തെക്കന്‍ തമിഴ്‌നാട്  തീരത്ത് ഇന്ന് രാത്രി 08.30 മുതല്‍ സെപ്തംബര്‍ രണ്ട് രാത്രി 11.30 വരെ 0.5 മുതല്‍ 1.5 മീറ്റര്‍ വരെ ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും അറിയിപ്പില്‍ പറയുന്നു. ഈ സാഹചര്യത്തില്‍ മത്സ്യത്തൊഴിലാളികള്‍ക്കും തീരദേശവാസികള്‍ക്കും സംസ്ഥാന ദുരന്തനിവാരണ അതോറിറ്റി ജാഗ്രതാ നിര്‍ദേശം നല്‍കി.

2023ലെ ഓണം വാരാഘോഷ പരിപാടികളുടെ സമാപനത്തോടനുബന്ധിച്ചുള്ള സാംസ്‌കാരിക ഘോഷയാത്രയുടെ ക്രമീകരണങ്ങള്‍ക്കായി ഇന്ന് (സെപ്തംബര്‍ രണ്ട്)ഉച്ചക്ക് മൂന്നുമുതല്‍ തിരുവനന്തപുരം നഗരപരിധിയിലുള്ള സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും അവധിയായിരിക്കുമെന്ന് പൊതുഭരണ വകുപ്പ് ഡെപ്യൂട്ടി സെക്രട്ടറി അറിയിച്ചു.

ഓണമല്ലേ,ഇന്‍സ്റ്റഗ്രാമില്‍ ഒരു റീലെങ്കിലും പോസ്റ്റ് ചെയ്തില്ലെങ്കില്‍ ഒരു വൈബില്ലെന്നാണ് ഇപ്പോള്‍ ന്യൂജനറേഷന്‍ പിള്ളേരുടെ പക്ഷം,അതും കനകക്കുന്നിലെ സ്പെഷ്യല്‍ ദീപാലങ്കാരവും വൈകുന്നേരത്തെ ലേസര്‍ഷോയും ചേര്‍ത്തില്ലെങ്കില്‍ റീച്ച് കിട്ടില്ലെന്നും ഇവര്‍ പറയുന്നു.സംസ്ഥാന സര്‍ക്കാരിന്റെ ഓണം വാരാഘോഷത്തോടനുബന്ധിച്ച് വിനോദസഞ്ചാര വകുപ്പ് ഇത്തവണ ഏറെ പുതുമകളോടെ ഒരുക്കിയ വൈദ്യുത ദീപാലങ്കാരവും കനകക്കുന്നിലെ ലേസര്‍ ഷോയും പ്രമേയമാക്കി സോഷ്യല്‍ മീഡിയയില്‍ റീല്‍സുണ്ടാക്കുന്ന തിരക്കിലാണ് പുതുതലമുറ.മലയാളിയുടെ ഗൃഹാതുരതയെ ഉണര്‍ത്തുന്ന ഓണപ്പാട്ടുകളുടെ അകമ്പടിയോടെ തയ്യാറാക്കുന്ന ഇത്തരം വീഡിയോകള്‍ ഇതിനോടകം തന്നെ സോഷ്

സംസ്ഥാന സര്‍ക്കാരിന്റെ ഓണം വാരാഘോഷത്തിന്റെ പ്രധാന വേദിയായ കനകക്കുന്നില്‍ ജില്ലാ ശുചിത്വ മിഷന്റെയും തിരുവനന്തപുരം കോര്‍പ്പറേഷന്റെയും നേതൃത്വത്തില്‍ പൊതുജനങ്ങള്‍ക്കായി നടത്തുന്ന പ്രത്യേക ശുചിത്വ - മാലിന്യ സംസ്‌കരണ ബോധവല്‍ക്കരണം ശ്രദ്ധേയമാകുന്നു.ഉറവിട,ജൈവ മാലിന്യ സംസ്‌കരണ ഉപാധികളുടെ പരിചയപ്പെടുത്തലും അവയുടെ പ്രവര്‍ത്തന രീതികളുടെ വിശദീകരണവുമാണ് സംഘടിപ്പിച്ചിരിക്കുന്നത്.ജില്ലാ ശുചിത്വ മിഷന്‍ ആര്‍.

ഓണം വാരാഘോഷത്തിൻ്റെ സമാപന സമ്മേളനം സെപ്റ്റംബർ രണ്ടിന് വൈകിട്ട് 7 മണിക്ക് നിശാഗന്ധിയിൽ വിനോദസഞ്ചാര വകുപ്പ് മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്യും.പൊതുവിദ്യാഭ്യാസ വകുപ്പ് മന്ത്രി വി.ശിവൻകുട്ടി അധ്യക്ഷത വഹിക്കും. മന്ത്രിമാരായ വീണ ജോർജ്,ആന്റണി രാജു,ജി.ആർ അനിൽ എന്നിവർ മുഖ്യാതിഥികളാകും.പ്രശസ്ത സിനിമാതാരങ്ങളായ ഷെയിം നിഗം,നീരജ് മാധവ്,ആൻറണി വർഗീസ് എന്നിവർ വിശിഷ്ടാതിഥികളായി പങ്കെടുക്കും.