ആലപ്പുഴ: കളക്ടറേറ്റിലെ പൊന്നുംവില സ്പെഷ്യല്‍ തഹസില്‍ദാര്‍ ഓഫീസിലെ ആവശ്യത്തിനായി മാസ വാടക/കരാര്‍ അടിസ്ഥാനത്തില്‍ വാഹനം വാടകയ്ക്ക് നല്‍കുന്നതിന് ടെന്‍ഡര്‍ ക്ഷണിച്ചു. ഏഴ് പേര്‍ക്ക് യാത്ര ചെയ്യാവുന്ന വാഹനമാണ് ആവശ്യം. സെപ്റ്റംബര്‍ നാല് വരെ ടെന്‍ഡര്‍ നല്‍കാം. 

ഓണാഘോഷവുമായി ബന്ധപ്പെട്ട് ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി വീഡിയോ മത്സരം സംഘടിപ്പിക്കുന്നു. ജില്ലാതലത്തിൽ ഓണാഘോഷവുമായി ബന്ധപ്പെട്ട് മികച്ച വീഡിയോ ദൃശ്യങ്ങൾ തയ്യാറാക്കുന്നവർക്ക് സമ്മാനം നൽകും. ഒന്നാം സമ്മാനം 7,000 രൂപയും രണ്ടാം സമ്മാനം 3,000 രൂപയും ആണ്. വീഡിയോകളുടെ ദൈർഘ്യം ഒരു മിനിട്ട് മുതൽ മൂന്നു മിനിട്ട് വരെ ആകാം. തിരുവനന്തപുരം ജില്ലയിൽ മത്സരത്തിൽ പങ്കെടുക്കുന്നവർ വീഡിയോ ദൃശ്യങ്ങൾ dioprdtvm1@gmail.com എന്ന ഇ-മെയിൽ വിലാസത്തിൽ അയക്കേണ്ടതാണ്. ദൃശ്യങ്ങൾ സമർപ്പിക്കേണ്ട അവസാന തീയതി സെപ്റ്റംബർ 2.

പത്മഭൂഷൺ മല്ലികാ സാരാഭായിയുടെ നൃത്തലാവണ്യത്തിൽ അലിഞ്ഞ് നിശാഗാന്ധി. മല്ലിക സാരാഭായിയും ദർപ്പണ ടീമും അവതരിപ്പിച്ച നൃത്തം ഓണം വാരാഘോഷം രണ്ടാം ദിനത്തെ ഹൃദയാനുഭവമാക്കി. നൃത്ത രാവിന് മുൻപ് നടന്ന വയലി ബാൻഡ് കനകക്കുന്നിനെ ഇളക്കി മറിച്ചു. മുള മാത്രം ഉപയോഗിച്ച് നിർമ്മിച്ച സംഗീതോപകരണങ്ങള്‍കൊണ്ട് വിസ്മയകരമായ സംഗീതപ്രപഞ്ചം സൃഷ്ടിക്കുന്ന തൃശൂരില്‍ നിന്നുള്ള വയലി ബാന്‍ഡ് ഇന്ത്യയിലെ ഏക ബാംബൂ ബാന്‍ഡാണ്. കനകക്കുന്നിലെ സൂര്യകാന്തിയിൽ കേരള സെക്രട്ടറിയേറ്റ് അസോസിയേഷന്റെ സാംസ്കാരിക വിഭാഗമായ സരസ് അവതരിപ്പിച്ച ഗാനമേളയും അരങ്ങേറി.

കനകക്കുന്നിൽ ഇന്ന് (ആഗസ്റ്റ് 29)

ആലപ്പുഴ: കേരള വനിത കമ്മീഷന്‍ സെപ്റ്റംബര്‍ എട്ടിന് രാവിലെ 10 മുതല്‍ ജില്ലാ പഞ്ചായത്ത് ഹാളില്‍ സിറ്റിംഗ് നടത്തും.

കാണികളുടെ കണ്ണിലും മനസ്സിലും വർണ്ണ മഴ പെയ്യിച്ച് ഓണം വാരാഘോഷത്തിന്റെ ഭാഗമായി കനകക്കുന്നിൽ ഒരുക്കിയ ലേസർ ഷോ വിനോദ സഞ്ചാര വകുപ്പ് മന്ത്രി പി. എ മുഹമ്മദ് റിയാസ് ഉദ്ഘാടനം ചെയ്തു. പൊതു വിദ്യാഭ്യാസ വകുപ്പ് മന്ത്രി വി. ശിവൻകുട്ടി ചടങ്ങിൽ മുഖ്യസാന്നിധ്യമായി.

ഓണാവധി ലക്ഷ്യമിട്ട് കോഴിക്കോട് ബജറ്റ് ടൂറിസം പുതിയതായി തുടങ്ങിയ ടൂർ പാക്കേജിന് വൻ സ്വീകാര്യത. ഇത് വരെ മൂന്ന് ബസ് ബുക്കിംങ് പൂർത്തിയായി. തമിഴ്നാട്ടിലെയും കേരളത്തിലെയും കാർഷിക രീതി മനസിലാക്കിയും മുന്തിരിതോട്ടത്തിന്റെ സൗന്ദര്യം ആവോളം നുകർന്നും രണ്ട് ബസ് യാത്ര  തിരിച്ചെത്തിയതിൽ അഞ്ച് വയസ്സുമുതൽ 75 വയസ്സ് വരെ പ്രായമായവർ പങ്കെടുത്തു.

സെപ്റ്റംബറിൽ അഞ്ച് ബസുകൾ ബുക്കിംഗിനായി ലഭ്യമാകും. സൈലന്റ് വാലി, തൊള്ളായിരംകണ്ടി, നെല്ലിയാമ്പതി പാക്കേജിനും ആവശ്യക്കാർ ഏറെയാണ്. കൂടുതൽ വിവരങ്ങൾക്ക്: 9846100728,  9544477954, കോഡിനേറ്റർ: 9961761708.

നെടുമങ്ങാട് ഓണോത്സവം- 2023 മന്ത്രി ഉദ്ഘാടനം ചെയ്തു

ഓണം വാരാഘോഷത്തിന്റെ ഭാഗമായി ഉത്രാടദിനത്തിൽ കനകക്കുന്ന് ഗേറ്റ്, സോപാനം, തിരുവരങ്ങ് തുടങ്ങിയ വേദികളിൽ വിവിധ നാടൻകലകൾ അരങ്ങേറി.

കനകക്കുന്നിലേക്കുള്ള പ്രവേശന കവാടത്തിൽ മതിലകം വരാഹദാസ് അവതരിപ്പിച്ച പഞ്ചവാദ്യവും കെ. സുരേന്ദ്രന്റെയും പാർട്ടിയുടെയും ചെണ്ട മേളവും പൂരപ്രതീതി തീർത്തു.

ആലപ്പുഴ: ഹാര്‍ബര്‍ എന്‍ജിനീയറിംഗ് വകുപ്പിന്റെ അര്‍ത്തുങ്കല്‍ സബ് ഡിവിഷന്‍ ഓഫീസില്‍ ഒഴിവുള്ള ഡ്രാഫ്റ്റ്‌സ്മാന്‍/ഓവര്‍സീയര്‍ ഗ്രേഡ് -3 തസ്തികയിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു. ബി.ടെക്/ഐ.ടി.ഐ/ഡിപ്ലോമ (സിവില്‍ എന്‍ജിനീയറിംഗ്) യോഗ്യതയും 40 വയസില്‍ താഴെ പ്രായവുമുള്ളവര്‍ക്കാണ് അവസരം. 

സന്തോഷത്തിന്റെയും ആഘോഷങ്ങളുടെയും ദിനങ്ങളാണ് മലയാളികൾക്ക് ഓണം.ഓണം വാരാഘോഷം കാണാൻ എത്തുന്ന സന്ദർശകരെ കനകക്കുന്ന് കൂട്ടിക്കൊണ്ടുപോകുന്നത് ആഘോഷത്തിന്റെ പാരമ്യതയിലേക്കാണ്.
കാണികളെ ആദ്യം സ്വീകരിക്കുന്നത് വിവിധ വർണ്ണങ്ങളിലുള്ള ദീപാലങ്കാര  കാഴ്ച്ചകളാണ്. കണ്ണിന് കുളിർമ്മയേകി മര മുത്തശ്ശിമാരിൽ തൂങ്ങിയാടുന്ന പല വർണ്ണങ്ങളിലുള്ള പൂമാലകൾ.