ഓണം വാരാഘോഷത്തിന്റെ ഭാഗമായി മടവൂർപ്പാറയിൽ ഓഗസ്റ്റ് 29 മുതൽ സെപ്റ്റംബർ ഒന്ന് വരെ വിവിധ കലാപരിപാടികൾ അരങ്ങേറും.
29 ന് വൈകിട്ട് ഏഴ് മണിക്ക് സോൾ ഓഫ് ഫോക്കിന്റെ ബാൻഡ് മ്യൂസിക്, ഓഗസ്റ്റ് 30 ന് വൈകിട്ട് അഞ്ച് മണിക്ക് മഞ്ജീരം സ്കൂൾ ഓഫ് ഡാൻസിന്റെ ഭരതനാട്യം, വൈകിട്ട് ആറു മണിക്ക് ഷൈജു നെല്ലിക്കാടിന്റെ ടാലന്റ് ഷോ, വൈകിട്ട് ഏഴരയ്ക്ക് ജയൻ സാംസ്‌കാരിക കലാവേദിയുടെ ഗാനമേള, ഓഗസ്റ്റ് 31 ന് വൈകിട്ട് ആറു മണിക്ക് അഭിലാഷ് കലാമണ്ഡലത്തിന്റെ മിഴാവ് മേളം, 6.30ന് ചാക്യാർകൂത്ത്, 7.30 ന് ദേവരാഗം ഓർക്കസ്ട്രയുടെ മ്യൂസിക്കൽ ഫ്യൂഷൻ, സെപ്റ്റംബർ ഒന്നിന് തോൽപ്പാവക്കൂത്ത് എന്നിങ്ങനെയാണ് കലാപരിപാടികൾ.

ഓഗസ്റ്റ് 27 മുതൽ സെപ്റ്റംബർ 2 വരെ തലസ്ഥാനത്ത് നടക്കുന്ന ഓണം വാരാഘോഷത്തിനുള്ള ഒരുക്കങ്ങൾ പൂർത്തിയായതായി മന്ത്രിമാരായ വി. ശിവൻകുട്ടി, പി.എ മുഹമ്മദ് റിയാസ്, ആന്റണി രാജു എന്നിവർ അറിയിച്ചു. ടൂറിസം ഡയറക്ടറേറ്റിൽ നടന്ന വിവിധ സംഘാടക സമിതി കൺവീനർമാരുടെ യോഗത്തിനു ശേഷം മാധ്യമങ്ങളോട് സംസാരിക്കുകയായിരുന്നു മന്ത്രിമാർ. ഒരു പരാതിയും ഉണ്ടാകാത്ത വിധമുള്ള ഒരുക്കങ്ങളാണ് വിവിധ സംഘാടക സമിതികൾ നടത്തിയതെന്ന് മന്ത്രി വി. ശിവൻകുട്ടി പറഞ്ഞു. കലാപരിപാടികൾ നടക്കുന്ന 31 വേദികളിലെയും ഒരുക്കങ്ങൾ തൃപ്തികരമാണെന്ന് മന്ത്രി പറഞ്ഞു.

മുട്ടം സെന്റ് മേരീസ് ഫൊറോന പള്ളി സഹസ്രാബ്ദി ജുബിലിയാഘോഷത്തിന്റെ സമാപന സമ്മേളനം ഇന്ന് (സെപ്റ്റംബര്‍ ഒന്ന്)വൈകീട്ട് 4.30 ന് ഗവര്‍ണര്‍ ആരീഫ് മുഹമ്മദ് ഖാന്‍ ഉദ്ഘാടനം ചെയ്യും. അങ്കമാലി അതിരുപതാ വികാരി ജനറാള്‍ ഡോ വര്‍ഗീസ് പൊട്ടയ്ക്കല്‍ അധ്യക്ഷത വഹിക്കും. കൃഷി മന്ത്രി പി. പ്രസാദ് സുവനീര്‍ പ്രകാശനം ചെയ്യും.

അരുവിക്കരയിലും സമീപപ്രദേശങ്ങളിലും ഇനി ആഘോഷത്തിന്റെ നാളുകളാണ്. ഒരാഴ്ചക്കാലം നീണ്ട് നിൽക്കുന്ന ആഘോഷരാവുകൾക്കും ആവേശ ആരവങ്ങൾക്കും ഗംഭീര തുടക്കമായി. ഓണം ടൂറിസം വാരാഘോഷത്തിന്റെ ഭാഗമായി അരുവിക്കര ഗ്രാമപഞ്ചായത്തും ജില്ലാ ടൂറിസം പ്രൊമോഷൻ കൗൺസിലും സംയുക്തമായി സംഘടിപ്പിക്കുന്ന ഓണഘോഷ പരിപാടി, ഓണനിലാവ് ഭക്ഷ്യ പൊതുവിതരണവകുപ്പ് മന്ത്രി ജി.ആർ അനിൽ ഉദ്ഘാടനം ചെയ്തു.

ബേപ്പൂർ തുറമുഖം രാജ്യാന്തര നിലവാരത്തിലേക്ക്‌ ഉയരുന്നു. തുറമുഖം ഇന്റർനാഷണൽ ഷിപ്സ്‌ ആൻഡ്‌ പോർട്ട്‌ ഫെസിലിറ്റി സെക്യൂരിറ്റി കോഡിന്‌ കീഴിൽവന്നതിന്റെ ഔദ്യോഗിക പ്രഖ്യാപനം സെപ്റ്റംബർ 4 ന് നടക്കും.

വിദേശ യാത്രാ-ചരക്കു കപ്പലുകൾ തുറമുഖത്ത്‌ പ്രവേശിക്കുന്നതിനും എമിഗ്രേഷൻ ക്ലിയറൻസ്‌ ഉൾപ്പെടെയുള്ള സംവിധാനം നടപ്പാക്കുന്നതിന്റെയും ഭാഗമായാണ്‌ കേന്ദ്രസർക്കാർ ഐ.എസ്‌.പി.എസ്‌. സർട്ടിഫിക്കേഷൻ നൽകിയത്‌.

ഓണം വാരാഘോഷത്തിന് തുടക്കം കുറിച്ച് വൈദ്യുത ദീപാലങ്കാരങ്ങളിൽ തിളങ്ങി തലസ്ഥാന നഗരി. കവടിയാർ മുതൽ മണക്കാട് വരെയും ശാസ്തമംഗലം വരെയും കനകക്കുന്നിനെയും പ്രകാശപൂരിതമാക്കുന്ന വൈദ്യുത ദീപാലങ്കാരത്തിന്റെ സ്വിച്ച് ഓൺ കർമ്മവും ടൂറിസം വകുപ്പിന്റെ പതാക ഉയർത്തലും പൊതുമരാമത്ത് ടൂറിസം വകുപ്പ് മന്ത്രി പി. എ. മുഹമ്മദ് റിയാസ് നിർവഹിച്ചു.

കഴിഞ്ഞ വർഷത്തെ ദീപാലങ്കാരം ലോകശ്രദ്ധ നേടുകയും സാമൂഹ്യമാധ്യമങ്ങളിൽ തരംഗമാവുകയും ചെയ്തു. ഇത്തവണയും അത് ആവർത്തിക്കുമെന്ന് മന്ത്രി മുഹമ്മദ്‌ റിയാസ് പറഞ്ഞു.

ഒരുമയുടെ മാത്രമല്ല, ഭക്ഷണത്തിൻ്റെ കൂടി ആഘോഷമാണ് മലയാളികൾക്ക് പൊന്നോണം. വൈവിധ്യമാർന്ന വിഭവങ്ങൾ രുചിച്ച് ഈ ഓണക്കാലം സമ്പൂർണമാക്കാൻ കനകക്കുന്ന് സൂര്യകാന്തിയിലെ ഭക്ഷ്യ സ്റ്റാളുകൾ സജീവമായി. 12 ആം വർഷവും തുളുനാടൻ ബിരിയാണി വിളമ്പാൻ എത്തിയ ഷിഫ മുതൽ ആദ്യ പരീക്ഷണത്തിനെത്തിയ തെക്കൻ വൈബ്സ് സൗഹൃദ കൂട്ടായ്മയും വയറും മനസ്സും നിറയ്ക്കാൻ കലവറ തുറന്നു കഴിഞ്ഞു.

പന്ത്രണ്ട് വർഷമായി കാസർഗോട്ടുകാരി ഷിഫാ ഫാത്തിമ തിരുവനന്തപുരത്തെ ഓണത്തിന് ഭക്ഷണം വിളമ്പുന്നു. സ്പെഷ്യൽ തുളുനാടൻ ദം ബിരിയാണി, ചിക്കൻ പൊള്ളിച്ചത്, ഹെർബൽ ചിക്കൻ, പലതരം മീൻ വിഭവങ്ങൾ എല്ലാം ഷിഫയുടെ തീൻ മേശയിൽ നിരന്നു കഴിഞ്ഞു.

കോഴിക്കോട് ജില്ലയിലെ കിഫ്ബി പദ്ധതിയിൽപ്പെട്ട കിഫ്ബി മലയോര ഹൈവേ- തൊട്ടിൽപ്പാലം തലയാട് (28മൈൽ - പടിക്കൽവയൽ) റോഡിന്റെ നിർമ്മാണ പ്രവൃത്തി നടക്കുന്നതിനാൽ, നാളെ ( സെപ്റ്റംബർ 2)  മുതൽ പ്രസ്തുത റോഡിലൂടെയുള്ള വാഹന ഗതാഗതം നിയന്ത്രിച്ചിരിക്കുന്നതായി കേരള റോഡ് ഫണ്ട് ബോർഡ് - പ്രോജക്ട് മാനേജ്മെന്റ് യൂണിറ്റ്, കോഴിക്കോട്/വയനാട് ഡിവിഷൻ എക്സിക്യൂട്ടീവ് എഞ്ചിനീയർ അറിയിച്ചു.

വിവിധ മേഖലകളിൽ കഴിവ് തെളിയിച്ച കുട്ടികൾക്ക് സംസ്ഥാന സർക്കാർ നൽകുന്ന ഉജ്ജ്വലബാല്യം പുരസ്കാരത്തിന് അപേക്ഷ ക്ഷണിച്ചു. കല, കായികം, സാഹിത്യം, ശാസ്ത്രം, സാമൂഹികം, പരിസ്ഥതി സംരക്ഷണം, ഐ ടി, കൃഷി, മാലിന്യസംരക്ഷണം, ജീവകാരുണ്യ പ്രവർത്തനം, ക്രാഫ്റ്റ്, ശില്പനിർമ്മാണം, അസാമാന്യ ധൈര്യത്തിലൂടെ നടത്തിയ പ്രവർത്തനം എന്നീ മേഖലകളിൽ കഴിവ് പ്രകടിപ്പിക്കുന്ന കുട്ടികളെ കണ്ടെത്തി പ്രാത്സാഹിപ്പിക്കുന്നതിന്റെ ഭാഗമായാണ്  "ഉജ്ജ്വലബാല്യം" പുരസ്കാരങ്ങൾ നൽകി വരുന്നത്.

സീറ്റൊഴിവ് 

തലശ്ശേരി ഗവൺമെന്റ് കോളേജ് ചൊക്ലിയില്‍ ബി.എ ഹിസ്റ്ററി, ബി.കോം, ബിസിഎ കോഴ്‌സുകളില്‍ പി.ഡബ്യൂ.ഡി വിഭാഗത്തിലും ബി.കോം കോഴ്‌സില്‍ ഇ.ഡബ്യൂ.എസ് വിഭാഗത്തിലും സീറ്റുകള്‍ ഒഴിവുണ്ട്. അര്‍ഹരായ വിദ്യാര്‍ത്ഥികള്‍ സെപ്‌റ്റംബർ രണ്ടിന് വൈകുന്നേരം അഞ്ച് മണിക്കുള്ളില്‍ കോളേജില്‍ അപേക്ഷ സമര്‍പ്പിക്കേണ്ടതാണ്. കൂടുതല്‍ വിവരങ്ങള്‍ക്ക്: 0490-2966800, 9188900210 

ടെണ്ടര്‍ ക്ഷണിച്ചു