കേരള സംസ്ഥാന ജൈവവൈവിധ്യ ബോർഡ് സംഘടിപ്പിക്കുന്ന, കുട്ടികളുടെ പതിനാറാമത് ജൈവവൈവിധ്യ കോൺഗ്രസിലെ ജില്ലാ -സംസ്ഥാനതല മത്സരങ്ങളിൽ 10 മുതൽ 18 വയസ്സ് വരെയുള്ള സ്കൂൾ കുട്ടികൾക്ക് പങ്കെടുക്കാം. 

പെൻസിൽ ഡ്രോയിങ്, പെയിന്റിങ്, ഉപന്യാസം, പ്രോജക്ട് അവതരണം എന്നിവയിലാണ് മത്സരങ്ങൾ. താല്പര്യമുള്ളവർ പൂരിപ്പിച്ച അപേക്ഷകൾ സെപ്റ്റംബർ 15 നകം കോഴിക്കോട് ജില്ലാ കോർഡിനേറ്ററുടെ ഇ-മെയിലിലേക്ക് അയക്കുക. അപേക്ഷ ഫോറങ്ങളും വിശദവിവരങ്ങളും www.keralabiodiversity.org എന്ന വെബ്സൈറ്റിൽ ലഭ്യമാണ്. കൂടുതൽ വിവരങ്ങൾക്കായി 0471-2724740, 9656530675 എന്നീ നമ്പറുകളിൽ ബന്ധപ്പെടാം.

ജില്ലയിലെ കാഴ്ച പരിമിതരായ കുട്ടികൾക്ക് സ്മാർട്ട് വൈറ്റ് കെയിൻ വിതരണം ചെയ്യുന്നതിൻ്റെ ഉദ്ഘാടനം കാരപ്പറമ്പ് ഗവ. ഹയർസെക്കണ്ടറി സ്കൂളിൽ ജില്ലാ കലക്ടർ എ ഗീത നിർവഹിച്ചു. എസ് എസ് കെ ജില്ലാ പ്രോജക്ട് കോർഡിനേറ്റർ ഡോ. എ.കെ അബ്ദുൾ ഹക്കീം അധ്യക്ഷത വഹിച്ചു. കോഴിക്കോട് കോംപസിറ്റ് റീജിനൽ സെന്റർ ഡയറക്ടർ ഡോ. റോഷൻ ബിജിലി മുഖ്യാതിഥിയായി.

കോട്ടയം: എൽ.ബി.എസ് ഏറ്റുമാനൂർ ഉപകേന്ദ്രത്തിൽ സെപ്റ്റംബറിൽ ആരംഭിക്കുന്ന ഒരു വർഷം ദൈർഘ്യമുള്ള പി.ജി.ഡി.സി.എ, പി.ഡി.സി.എ, ആറ് മാസം ദൈർഘ്യമുള്ള  ഡി.സി.എ(എസ്), ഡി.സി.എഫ്.എ, മൂന്ന് മാസം ദൈർഘ്യമുള്ള ടാലി എന്നീ  കോഴ്‌സുകളിലേക്ക് യഥാക്രമം ഡിഗ്രി/ഡിപ്ലോമ, പ്ലസ് ടു, എസ്.എസ്.എൽ.സി യോഗ്യതയുള്ളവരിൽനിന്ന് അപേക്ഷ ക്ഷണിച്ചു. എസ്.സി, എസ്.ടി, ഒ.ഇ.സി, ഒ.ബിഎച്ച് വിദ്യാർത്ഥികൾക്ക് ഫീസാനുകൂല്യം ലഭിക്കും. www.lbscentre.kerala.gov.in എന്ന ലിങ്ക് മുഖേന രജിസ്റ്റർ ചെയ്യണം. ഫോൺ: 0481 2534820, 9497818264

കോട്ടയം: പുതുപ്പള്ളി നിയമസഭാ നിയോജക മണ്ഡലം ഉപതെരഞ്ഞെടുപ്പുമായി ബന്ധപ്പെട്ട്  വോട്ടിങ്് വിവരങ്ങൾ എളുപ്പത്തിൽ കൈമാറാൻ ഉപകരിക്കുന്ന പോൾ മാനേജർ മൊബൈൽ ആപ്ലിക്കേഷൻ  സജ്ജമായി.
വോട്ടെടുപ്പ് ദിനത്തിലും തലേ ദിവസവും പോളിങ്് ഉദ്യോഗസ്ഥരിൽ നിന്നും പ്രധാന വിവരങ്ങൾ ഈ ആപ്പ് മുഖേന സ്വീകരിക്കും.

ജില്ലാ പഞ്ചായത്തിന്റെ നേതൃത്വത്തിൽ വിദ്യാർത്ഥികൾക്കായി ഒരുക്കിയ "ഗാന്ധി പഥം തേടി" യാത്ര അഹമ്മദാബാദിൽ എത്തിച്ചേർന്നു. അഹമ്മദാബാദ് കേരളം സമാജം പ്രസിഡന്റ് സി.ഗിരീശൻ, ജോയിന്റ് സെക്രട്ടറി ബെന്നി വർഗ്ഗീസ് എന്നിവർ ചേർന്ന് സ്വീകരണം നൽകി.

ജില്ലാ പഞ്ചായത്ത് പ്രസിഡന്റ് ഷീജ ശശി, വൈസ് പ്രസിഡന്റ്‌ അഡ്വ. പി ഗവാസ് എന്നിവരുടെ നേതൃത്വത്തിൽ 82 സ്കൂളുകളിൽ നിന്നുമുള്ള വിദ്യാർത്ഥികൾ ഉൾപ്പെടെ 110 പേരാണ് സംഘത്തിലുള്ളത്.

കോട്ടയം: ശക്തമായ മഴയ്ക്കുള്ള സാധ്യതയെത്തുടർന്ന് കേന്ദ്ര കാലാവസ്ഥ വകുപ്പ് കോട്ടയം ജില്ലയിൽ ഇന്ന്(സെപ്റ്റംബർ 1) മഞ്ഞഅലെർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.