തിരുവനന്തപുരം ജില്ലയില്‍ സെപ്തംബര്‍ മൂന്നുമുതല്‍ അഞ്ചുവരെ ഒറ്റപ്പെട്ടയിടങ്ങളില്‍ 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെയുള്ള ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഈ സാഹചര്യത്തില്‍ സെപ്തംബര്‍ മൂന്നുമുതല്‍ അഞ്ചുവരെ ജില്ലയില്‍ മഞ്ഞ അലര്‍ട്ടായിരിക്കുമെന്ന് അറിയിപ്പില്‍ പറയുന്നു.

സംസ്ഥാന സര്‍ക്കാരിന്റെ ഓണം വാരാഘോഷത്തിന്റെ ഭാഗമായുള്ള ഘോഷയാത്ര ഗവര്‍ണര്‍ ആരിഫ് മുഹമ്മദ് ഖാന്‍ ഫ്‌ളാഗ് ഓഫ് ചെയ്യും.സ്പീക്കര്‍ എ.എന്‍.ഷംസീര്‍ മുഖ്യാതിഥിയാകും.ശനിയാഴ്ച വൈകിട്ട് അഞ്ചിന് വെള്ളയമ്പലത്ത് സ്പീക്കര്‍,ഗവര്‍ണര്‍ക്ക് പതാക കൈമാറും.വാദ്യോപകരണമായ കൊമ്പ് വിനോദസഞ്ചാര പൊതുമരാമത്ത് വകുപ്പ് മന്ത്രി പി.എ.മുഹമ്മദ് റിയാസ് മുഖ്യ കലാകാരന്മാര്‍ക്ക് കൈമാറുന്നതോടെ വാദ്യമേളത്തിന് തുടക്കമാകും. മന്ത്രിമാരായ വി.ശിവന്‍കുട്ടി,ആന്റണി രാജു, ജി.ആര്‍.അനില്‍ എന്നിവരും പങ്കെടുക്കും.

ആലപ്പുഴ: പട്ടികജാതി പട്ടികവര്‍ഗ വികസന കോര്‍പ്പറേഷനില്‍ നിന്നും വര്‍ഷങ്ങള്‍ക്ക് മുന്‍പ് വായ്പയെടുത്ത് തിരിച്ചടയ്ക്കാതെ കുടിശിക ആയിട്ടുള്ളതും റിക്കവറി നേരിടുന്നതുമായ കുടിശികക്കാര്‍ക്ക് പലിശ ഇളവ് ചെയ്തു വായ്പ അടച്ചു തീര്‍ക്കാന്‍ അവസരം. റവന്യൂ റിക്കവറി നേരിടുന്നവര്‍ക്കും അല്ലാത്തവര്‍ക്കും ഈ ആനുകൂല്യം ലഭിക്കും. വിശദവിവരത്തിന് തിരുമല ഹൗസിംഗ് ബോര്‍ഡ് കെട്ടിടത്തില്‍ പ്രവര്‍ത്തിക്കുന്ന പട്ടികജാതി പട്ടികവര്‍ഗ വികസന കോര്‍പ്പറേഷന്റെ ജില്ല ഓഫീസുമായി ബന്ധപ്പെടണം. ഫോണ്‍: 0477 2262326, 9400068504.

ഇന്ന് കനകക്കുന്ന് ഉള്‍പ്പെടെ ജില്ലയിലെ വിവിധ വേദികളിലായി  നിരവധി കലാപരിപാടികള്‍ അരങ്ങേറും. കനകക്കുന്നിലെ പ്രധാന വേദിയായ നിശാഗന്ധിയില്‍ കേരള കലാമണ്ഡലത്തിന്റെ നൃത്താവിഷ്‌കാരം 'മഴയൊലി' അരങ്ങേറും. ഏഴു മണി മുതല്‍ ഷഹബാസ് അമന്‍ നയിക്കുന്ന ഗസല്‍ സന്ധ്യ. തിരുവരങ്ങ്  സോപാനം വേദികളിലായി നാടന്‍ പാട്ട്, കോല്‍ക്കളി, തെയ്യം, പരിചമുട്ടുകളി, തെയ്യാട്ട്, പടയണി വഞ്ചിപ്പാട്ട് എന്നീ നാടന്‍ കലകള്‍ അരങ്ങേറും. സൂര്യകാന്തിയില്‍ ചൈത്രം മീഡിയയുടെ ഗാനമേള, കനകക്കുന്ന് പ്രവേശന കവാടത്തില്‍ പഞ്ചവാദ്യം, ശിങ്കാരിമേളം എന്നിവയും നടക്കും.

പ്രതിസന്ധികളോ പരിമിതികളോ അറിയിക്കാതെ അതിഗംഭീരമായാണ് സംസ്ഥാന സര്‍ക്കാര്‍ ഇത്തവണ ഓണാഘോഷ പരിപാടികള്‍ നടപ്പിലാക്കുന്നതെന്ന് ഗതാഗത വകുപ്പ് മന്ത്രി ആന്റണി രാജു. ഓണം വാരാഘോഷത്തോടനുബന്ധിച്ച് നെയ്യാര്‍ ഡാമില്‍ നടന്ന സാംസ്‌കാരിക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഓണം വാരാഘോഷത്തിന്റെ അഞ്ചാം ദിനമായ ഇന്നലെ (ആഗസ്റ്റ് 31)പ്രധാന വേദിയായ നിശാഗന്ധിയില്‍ നാലര മണിക്കൂര്‍ നീണ്ട മെഗാ ഷോ കാണാന്‍ വൻ ജനപ്രവാഹമായിരുന്നു.ബിഗ്‌ബോസ് താരങ്ങള്‍ ഉള്‍പ്പെടെയുള്ളവര്‍ അണിനിരന്ന മെഗാ ഷോ ആട്ടവും പാട്ടുമായി നിശാഗന്ധിയെ ഇളക്കി മറിച്ചു.പ്രശസ്ത പിന്നണി ഗായകരായ ഗൗരിലക്ഷ്മി,അഞ്ജു ജോസഫ്, പുഷ്പവതി,തുടങ്ങിയവര്‍ നയിച്ച സംഗീത നിശയും സിനിമ-സീരിയല്‍ താരങ്ങളായ ശ്രുതിലക്ഷ്മി, റനീഷ റഹ്‌മാന്‍,എയ്ഞ്ചല്‍ തോമസ് തുടങ്ങിയവര്‍ നയിച്ച ഡാന്‍സ് പെര്‍ഫോമന്‍സും ഷോയുടെ മാറ്റുകൂട്ടി. ഇവര്‍ക്ക് പുറമെ ദിവ്യ,സമന്യൂത,രേഷ്മ,വേദമിത്ര എന്നിവരുടെ പ്രകടനങ്ങളും വേദിയെ ആകര്‍ഷണീയമാക്കി.

ആലപ്പുഴ: പ്രതിരോധ കുത്തിവെയ്പ്പെടുക്കാത്തതും ഭാഗികമായി ലഭിച്ചതുമായ അഞ്ചു വയസിന് താഴെ പ്രായമുള്ള കുട്ടികള്‍ക്കും ഗര്‍ഭിണികള്‍ക്കും വാക്സിന്‍ നല്‍കുന്ന ഇന്റന്‍സിഫൈഡ് മിഷന്‍ ഇന്ദ്രധനുഷ് 5.0 യജ്ഞത്തിന്റെ രണ്ടാം ഘട്ടം സെപ്റ്റംബര്‍ 11 മുതല്‍ 16 വരെ ജില്ലയില്‍ നടത്തും. 

അനന്തപുരിയെ ദീപക്കാഴ്ച്ചകളില്‍ നിറച്ചും മുപ്പത്തിയൊന്നോളം വേദികളില്‍ പാതിരാവോളം ആടിയും പാടിയും എല്ലാ മനുഷ്യരും ഒന്നാണെന്ന സന്ദേശം പടര്‍ത്തിയും മലയാളി കൊണ്ടാടിയ ഇത്തവണത്തെ ഓണം വാരാഘോഷത്തിന്റെ മായക്കാഴ്ച്ചകള്‍ നാളെ(സെപ്തംബര്‍ രണ്ട്) പ്രൗഢഗൗഭീരമായ ഘോഷയാത്രയോടെ സമാപിക്കും.

ലിറ്റിൽ കൈറ്റ്സ് യൂണിറ്റുകളുടെ ഈ വർഷത്തെ സ്കൂൾ ക്യാമ്പുകൾ വിവിധ ഡിജിറ്റൽ ഓണാഘോഷ പരിപാടികളുമായി സെപ്റ്റംബർ 1, 2, 3 തീയതികളിൽ നടക്കും. ഓണാഘോഷം എന്ന തീമിനെ അടിസ്ഥാനമാക്കിയാണ് യൂണിറ്റ് ക്യാമ്പിലെ പ്രവർത്തനങ്ങൾ കമ്പ്യൂട്ടര്‍ അധിഷ്ഠിതമായി ചിട്ടപ്പെടുത്തിയിരിക്കുന്നത്.

ആലപ്പുഴ: കൈനകരി ഗ്രാമപഞ്ചായത്തില്‍ ലൈഫ് മിഷന്‍ പദ്ധതിയുടെ ഭാഗമായി പാര്‍പ്പിട സമുച്ചയം പണിയുന്നതിനായും വ്യക്തിഗത ഗുണഭോക്താക്കള്‍ക്കായും 30 സെന്റ് സ്ഥലം ഒരുമിച്ചോ മൂന്ന് സെന്റ് സ്ഥലം വീതമോ കണ്ടെത്തുന്നതിന് സമ്മതപത്രം ക്ഷണിച്ചു. ഡാറ്റ ബാങ്കിലോ മറ്റു കേസുകളിലോ ഉള്‍പ്പെടാത്ത സ്ഥലമാണ് ആവശ്യം. 

താത്പര്യമുള്ളവര്‍ ആധാരത്തിന്റെ പകര്‍പ്പ്, കൈവശാവകാശ സര്‍ട്ടിഫിക്കറ്റ്, കരം അടച്ച രസീത് എന്നിവ സഹിതം സെപ്റ്റംബര്‍ 16-നകം അപേക്ഷ നല്‍കണമെന്ന് കൈനകരി ഗ്രാമപഞ്ചായത്ത് സെക്രട്ടറി അറിയിച്ചു. ഫോണ്‍: 0477 2724235.