സംസ്ഥാന നിയമസഭാ തെരഞ്ഞെടുപ്പ് 2026 മായി ബന്ധപ്പെട്ട കാസര്‍കോട് കളക്ടറേറ്റില്‍ സി വിജില്‍ കണ്‍ട്രോള്‍ റൂമിലെ ജീവനക്കാര്‍ക്കും എന്‍.ഐ.സിയിലെ ടെക്‌നിക്കല്‍ ജീവനക്കാര്‍ക്കും പരിശീലന ക്ലാസ് സംഘടിപ്പിച്ചു. ജില്ലാ ഇന്‍ഫര്‍മാറ്റിക്‌സ് ഓഫീസര്‍ കെ.ലീനയുടെ നേതൃത്വത്തില്‍ നടന്ന പരിശീലന പരിപാടിയില്‍ 18 പേര്‍ പങ്കെടുത്തു. മാതൃകാ പെരുമാറ്റച്ചട്ടം, തിരഞ്ഞെടുപ്പ് ചിലവ് എന്നിവയുമായി ബന്ധപ്പെട്ട പരാതികളാണ് സിവിജില്‍ കണ്‍ട്രോള്‍ റൂം കൈകാര്യം ചെയ്യുക.

നിയമസഭാ തിരഞ്ഞെടുപ്പ്  ഹരിതചട്ടം പാലിച്ച് നടപ്പിലാക്കുന്നതിയുള്ള 'ഗ്രീൻ ബട്ടൺ' ക്യാമ്പയിന്റെ ഭാഗമായി ഗ്രീൻ

നിയമസഭാ തിരഞ്ഞെടുപ്പിന്റെ ഭാഗമായി ജില്ലയിൽ   ഗ്രീൻ പ്രോട്ടോക്കോൾ പാലനം ഉറപ്പുവരുത്തുന്നതിനായി ഓരോ നിയോജകമണ്ഡലത്തിലും ജില്ലാ ശുചിത്വമിഷന്റെ നേതൃത്വത്തിൽ  പ്രത്യേക ടീം രൂപീകരിച്ചു. ഹരിതചട്ടവുമായി ബന്ധപ്പെട്ട് രാഷ്ട്രീയ പ്രതിനിധികൾക്ക് പരിശീലനം നൽകി.
സ്വീപ്, സാമൂഹിക സന്നദ്ധ സേന ഡയറക്ടറേറ്റ് എന്നിവയുമായി ചേർന്ന് സംഘടിപ്പിക്കുന്ന ഹരിത ചട്ട ബോധവത്ക്കരണ ക്യാമ്പയിൻ 'ക്ലീൻ ഷോർ സ്ട്രോങ്ങ് ഡെമോക്രസി' ജില്ലാ കളക്ടർ അനുകുമാരിയുടെ നേതൃത്വത്തിൽ ശംഖുമുഖത്ത് സംഘടിപ്പിച്ചു..

“നമ്മുടെ വോട്ട് നമ്മുടെ അവകാശം – എല്ലാപേരും വോട്ടു ചെയ്യുക” എന്ന സന്ദേശവുമായി  തിരുവനന്തപുരം സ്വീപ്പിന്റെ നേതൃത്വത്തിൽ കോവളം ബീച്ചിൽ സ്കൂബാ ഡൈവിങ്ങ് നടത്തി. പരിപാടിയുടെ ഉദ്ഘാടനം ജില്ലാ കളക്ടർ അനു കുമാരി നിർവഹിച്ചു.

ബോണ്ട് സഫാരി ടീമാണ് സ്കൂബാ ഡൈവിങ് അവതരിപ്പിച്ചത്. വോട്ട് ചെയ്യുന്നതിന്റെ പ്രാധാന്യത്തെക്കുറിച്ച് പൊതുജനങ്ങളെ ബോധവത്ക്കരിക്കുക എന്നതാണ് പരിപാടിയുടെ ലക്ഷ്യം.

അസിസ്റ്റന്റ് കളക്ടർ സി. ശിവശക്തിവേൽ, സ്വീപ് തിരുവനന്തപുരം അംഗങ്ങളായ ഷീജ വി.വി, രഞ്ജിത് ഡി, ബിനുകുമാർ എ.എൽ തുടങ്ങിയവർ പങ്കെടുത്തു.

കാഞ്ഞങ്ങാട്, തൃക്കരിപ്പൂര്‍ മണ്ഡലങ്ങളുടെ എക്സ്പെന്‍ഡിച്ചര്‍ ഒബ്സര്‍വറായ അജയ് കുമാര്‍ താഡിയ തൃക്കരിപ്പൂര്‍ മണ്ഡലത്തിലെ ഒളവറ, കാലിക്കടവ് എന്നിവിടങ്ങളിലെ സ്റ്റാറ്റിക് സര്‍വ്വയലന്‍സ് ടീം അംഗങ്ങളെ സന്ദര്‍ശിച്ചു. പോലീസ് ഒബ്‌സര്‍വര്‍ അശുതോഷ് കുമാര്‍ മഞ്ചേശ്വരം സ്റ്റാറ്റിക് സര്‍വ്വയലന്‍സ് ടീമിനെയും മഞ്ചേശ്വരം പോലീസ് സ്‌റ്റേഷനും സന്ദര്‍ശിച്ചു.

കേരള നിയമസഭാ തെരഞ്ഞെടുപ്പ് 2026 കാസര്‍കോട് ജില്ലയിലെ വിവിധ നിയോജക മണ്ഡലങ്ങളിലേക്ക് കേന്ദ്ര തെരഞ്ഞെടുപ്പ് കമ്മീഷന്‍ നിയോഗിച്ച വിവിധ നിരീക്ഷകര്‍ ജില്ലാ ഇന്റഫര്‍മേഷന്‍ ഓഫീസില്‍ പ്രവര്‍ത്തിക്കുന്ന മീഡിയ സെന്റര്‍ സന്ദര്‍ശിച്ചു.

ഇലക്ഷന്‍ അതോറിറ്റി ലെറ്റര്‍ (മീഡിയാ പാസ്) സംബന്ധിച്ച അറിയിപ്പ്

നിയമസഭാ തെരഞ്ഞെടുപ്പിന്റെ വോട്ടെടുപ്പ്, വോട്ടെണ്ണല്‍ എന്നിവ റിപ്പോര്‍ട്ട് ചെയ്യുന്ന പിആര്‍ഡി ലിസ്റ്റിലുള്ള മാധ്യമ പ്രവര്‍ത്തകര്‍ക്കു തെരഞ്ഞെടുപ്പ് കമ്മിഷന്‍ നല്‍കുന്ന അതോറിറ്റി ലെറ്ററുകള്‍ അനുവദിക്കുന്നതിനായുള്ള പട്ടികയും ഫോട്ടോകളും ഇതോടൊപ്പം നല്‍കുന്ന മാതൃകയില്‍ 2026 മാര്‍ച്ച് 21ന് വൈകിട്ട് അഞ്ചിനകം ജില്ലാ ഇന്‍ഫര്‍മേഷന്‍ ഓഫീസില്‍ ലഭ്യമാക്കണമെന്ന് അഭ്യര്‍ഥിക്കുന്നു.

ഹോം വോട്ടിങ്ങിനുള്ള അപേക്ഷ സ്വീകരിച്ചു തുടങ്ങി

കേരള സംസ്ഥാന സാങ്കേതിക വിദ്യാഭ്യാസ വകുപ്പിന്റെ കീഴില്‍ പ്രവര്‍ത്തിക്കുന്ന ഗവ:ടെക്നിക്കല്‍ ഹൈസ്‌കൂള്‍ മൊഗ്രാല്‍പുത്തൂരില്‍ എട്ടാം ക്ലാസിലേക്കുള്ള  പ്രവേശനം ആരംഭിച്ചു.
ഓണ്‍ലൈന്‍ അപേക്ഷ സ്വീകരിക്കുന്ന അവസാന തീയതി ഏപ്രില്‍ ആറ്. വെബ്സൈറ്റ് -  https://ths.polyadmission.org. ഫോണ്‍ -  9946852459, 9809111318, 9495780483.

ജില്ലയില്‍ ഗവ. എല്‍.പി സ്‌കൂളുകളില്‍ പി.ടി.സി.എം തസ്തികയിലെ ഒഴിവുകളിലേക്ക് തെരെഞ്ഞെടുക്കുന്നതിന് 24 മുതല്‍ 27 വരെ നടത്താന്‍ നിശ്ചയിച്ചിരുന്ന. കൂടിക്കാഴ്ച്ച മാറ്റിവെച്ചു. പുതുക്കിയ തീയതി പിന്നീട് അറിയിക്കും.