പോളിടെക്‌നിക് ലാറ്ററല്‍ എന്‍ട്രി

പയ്യന്നൂര്‍ ഗവ. റസിഡന്‍ഷ്യല്‍ വിമന്‍സ് പോളിടെക്നിക് കോളേജിലെ 2026- 27 അധ്യയന വര്‍ഷം രണ്ടാം വര്‍ഷ ലാറ്ററല്‍ എന്‍ട്രി ഡിപ്ലോമ കോഴ്‌സുകളിലേക്ക് അഡ്മിഷന്‍ ആരംഭിച്ചു. www.polyadmission.org/let വഴി അപേക്ഷിക്കാം. ഫോണ്‍: 9895019821, 9447685420, 9400547253, 04985 295101.

നിയമനം

പെരിന്തല്‍മണ്ണ നഗരസഭാ പരിധിയില്‍ വരുന്ന 4, 7, 9, 10, 18, 22, 30 എന്നീ വാര്‍ഡുകളിലേക്ക് ആശാ വര്‍ക്കര്‍മാരെ നിയമിക്കുന്നതിനായി പെരിന്തല്‍മണ്ണ നഗരസഭ ചെയര്‍പേഴ്സണ്‍ ചേംബറില്‍ വെച്ച് ജൂണ്‍ എട്ടിന് രാവിലെ 10ന് കൂടിക്കാഴ്ച നടക്കും. താത്പര്യമുളള വ്യക്തികള്‍ ബന്ധപ്പെട്ട രേഖകള്‍ സഹിതം ഓഫീസില്‍ കൂടിക്കാഴ്ചക്ക് ഹാജരാകണം.

എസ്.എസ്.എൽ.സി. പാസ്സായ 25 നും 45 നും ഇടയില്‍ പ്രായമുള്ള വനിതകള്‍ക്ക് അപേക്ഷിക്കാം. മുന്‍ ആശാ പ്രവര്‍ത്തക, ആരോഗ്യ മേഖലയില്‍ സന്നദ്ധ സേവനം നടത്തിയവര്‍ എന്നിവര്‍ക്ക് മുന്‍ഗണന. അതാത് വാര്‍ഡ് പരിധിയിലെ സ്ഥിര താമസക്കാര്‍ ആയിരിക്കണം. ഫോണ്‍-9495999304.

കുടിശ്ശികയായ 90,37,777/- രൂപയും പലിശയും ഈടാക്കുന്നതിനായി തിരൂരങ്ങാടി താലൂക്കിലെ വള്ളിക്കുന്ന് വില്ലേജിലെ ബ്ലോക്ക് അഞ്ചിലെ റീസര്‍വേ 20/23 ലെ 16 ആര്‍സ് പുരയിടം ജൂണ്‍ നാലിന് രാവിലെ 11ന് വള്ളിക്കുന്ന് വില്ലേജ് ഓഫീസില്‍ വച്ച് ലേലം ചെയ്യും.

കുടിശ്ശികയായ 873416/- രൂപ ഈടാക്കുന്നതിനായി തിരൂരങ്ങാടി താലൂക്കിലെ വള്ളിക്കുന്ന് വില്ലേജിലെ ബ്ലോക്ക് അഞ്ചില്‍ റീസര്‍വേ 498/12 ലെ 0.0243 ഹെക്ടര്‍ ഭൂമി ജൂണ്‍ 11ന് രാവിലെ 11ന് വള്ളിക്കുന്ന് വില്ലേജ് ഓഫീസില്‍ വച്ച് ലേലം ചെയ്യും.

2025-26 അധ്യയന വര്‍ഷത്തില്‍ പ്ലസ് ടു പരീക്ഷയില്‍ ഉന്നത വിജയം കരസ്ഥമാക്കിയവര്‍ക്കും കായിക മത്സരങ്ങളില്‍ ദേശീയ തലത്തിലും സംസ്ഥാന തലത്തിലും ഒന്ന്, രണ്ട്, മൂന്ന് സ്ഥാനങ്ങള്‍ നേടിയ മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളി അനുബന്ധത്തൊഴിലാളികളുടെ കുട്ടികള്‍ക്ക് വിദ്യാഭ്യാസ, കായിക പ്രോത്സാഹന ക്യാഷ് അവാര്‍ഡ് വിതരണം ചെയ്യുന്നതിലേക്ക് അപേക്ഷ ക്ഷണിച്ചു.

സി-ആപ്റ്റും സാങ്കേതിക വിദ്യാഭ്യാസ വകുപ്പും സംയുക്തമായി 2026-27 അധ്യയന വര്‍ഷം സി-ആപ്റ്റിന്റെ കോഴിക്കോട് സബ്‌സെന്ററില്‍ വച്ച് നടത്തുന്ന ഒരു വര്‍ഷം ദൈര്‍ഘ്യമുള്ള പി.എസ്.സി അംഗീകരിച്ച കെ.ജി.ടി.ഇ പ്രീ-പ്രസ്സ് ഓപ്പറേഷന്‍, കെ.ജി.ടി.ഇ പ്രസ്സ് വര്‍ക്ക്, കെ.ജി.ടി.ഇ പോസ്റ്റ് പ്രസ്സ് ഓപ്പറേഷന്‍ ആന്റ് ഫിനിഷിംഗ് എന്നീ തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു.

കക്കിടിപ്പുറം കെ.വി.യു.പി സ്‌കൂളിലെ ഉറുദു അധ്യാപക ഒഴിവിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നതിന് ജൂണ്‍ ഒന്നിന് രാവിലെ 11ന് അഭിമുഖം നടക്കും. ബന്ധപ്പെട്ട വിഷയത്തില്‍ യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിനെത്തണം. ഫോണ്‍-9349650312.

 2030 നകം ഇന്ത്യയുടെ വസ്ത്ര അപ്പാരൽ കയറ്റുമതി 100 ബില്യൺ ഡോളറായി ഉയർത്താനുള്ള ദേശീയ റോഡ് മാപ്പ് തയ്യാറാക്കുന്നതിന്റെ ഭാഗമായി മലപ്പുറം ജില്ലയിലെ സ്പിന്നിംഗ് മില്ലുകൾ, കൈത്തറി, പവർലും, അപ്പാരൽസ്, റെഡിമെയ്‌ഡ് ഗാർമെൻ്റ്, കരകൗശലം, കയർ, ഖാദി എന്നീ മേഖലകളിൽ പ്രവർത്തിക്കുന്ന മികച്ച സംരംഭകരെ ഉൾപ്പെടുത്തിക്കൊണ്ട് ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ ജില്ലാതല സംരംഭക ശില്പശാല സംഘടിപ്പിച്ചു.

മഞ്ചേരി പോസ്റ്റൽ ഡിവിഷണിൽ പോസ്റ്റൽ ലൈഫ് ഇൻഷുറൻസ്), റൂറൽ പോസ്റ്റൽ ലൈഫ് ഇൻഷുറൻസ് എന്നിവയുടെ വിപണനത്തിനായി കമ്മീഷൻ വ്യവസ്ഥയിൽ ഡയറക്റ്റ് എജന്റുമാരെയും ഫീൽഡ് ഓഫീസർമാരെയും നിയമിക്കുന്നു.

അപേക്ഷകർ പത്താം ക്ലാസ്സ് പാസ്സായിരിക്കണം. 18 വയസ്സ് പൂർത്തിയായ സ്വയം തൊഴിൽ ചെയ്യുന്നവർ, തൊഴിൽ രഹിതർ, കുടുംബശ്രീ പ്രവർത്തകർ, അങ്കണവാടി ജീവനക്കാർ, ജനപ്രതിനിധികൾ എന്നിവരെ ഡയറക്റ്റ് ഏജൻറായും കേന്ദ്ര/ സംസ്ഥാന ഗവൺമെന്റ് സർവ്വീസിൽ നിന്നും വിരമിച്ചവരെ ഫീൽഡ് ഓഫീസർ ആയും നിയമിക്കും.

ബക്രീദ് അവധിക്കാലത്തെ തിരക്കും കാലവർഷം ശക്തമാകുന്ന പശ്ചാത്തലത്തിൽ ഉണ്ടാകാനിടയുള്ള കാലാവസ്ഥാ വ്യതിയാനങ്ങളും കണക്കിലെടുത്ത് വിനോദസഞ്ചാര ബോട്ടുകൾക്ക് ബേപ്പൂർ പോർട്ട് ഓഫീസർ സുരക്ഷാ മാർഗ്ഗനിർദ്ദേശങ്ങൾ പുറപ്പെടുവിച്ചു. റെഡ്, ഓറഞ്ച് അലർട്ടുകൾ പ്രഖ്യാപിക്കുന്ന സമയങ്ങളിലും ജലാശയങ്ങളിൽ ഒഴുക്ക് ശക്തിപ്പെടുന്ന അവസരങ്ങളിലും സുരക്ഷിതമായ ബോട്ട് സർവീസ് ഉറപ്പാക്കാൻ എല്ലാ ബോട്ടുടമകളും പ്രത്യേക ശ്രദ്ധ പുലർത്തണമെന്ന് അധികൃതർ നിർദ്ദേശിച്ചു.

സുരക്ഷ മുൻനിർത്തി ബോട്ടുടമകളും ജീവനക്കാരും നിബന്ധനകൾ കർശനമായി പാലിക്കണം.