നിയമസഭാ തിരഞ്ഞെടുപ്പിനുള്ള സ്വീപ് കാമ്പയിൻ 'ഇങ്ക് ഇറ്റ് കണ്ണൂർ' ലോഗോ ജില്ലാ കലക്ടറും ജില്ലയിലെ തിരഞ്ഞെടുപ്പ് നിരീക്ഷകരും ചേർന്ന് പ്രകാശനം ചെയ്തു. കലക്ടറേറ്റ് കോൺഫറൻസ് ഹാളിൽ ചേർന്ന പ്രകാശനത്തിൽ ജില്ലാ കലക്ടർ അരുൺ കെ വിജയൻ, പൊതുനിരീക്ഷകർ, പോലീസ് നിരീക്ഷകർ, ചിലവ് നിരീക്ഷകർ, സ്വീപ് നോഡൽ ഓഫീസർ എഹ്‌തെദ മുഫസ്സിർ തുടങ്ങിയവർ പങ്കെടുത്തു. 'നിങ്ങളുടെ വോട്ട്, നിങ്ങളുടെ നാളെ' എന്നതാണ് കാമ്പയിന്റെ മുദ്രാവാക്യം. യുവാക്കളെയും സ്ത്രീകളെയും ഉൾപ്പെടെ എല്ലാവരേയും തിരഞ്ഞെടുപ്പിന്റെ ഭാഗമാക്കുക എന്നതാണ് കാമ്പയിന്റെ ലക്ഷ്യം.

നിയമസഭാ തിരഞ്ഞെടുപ്പിനുള്ള സ്വീപ് കാമ്പയിൻ 'ഇങ്ക് ഇറ്റ് കണ്ണൂർ' ലോഗോ ജില്ലാ കലക്ടറും ജില്ലയിലെ തിരഞ്ഞെടുപ്പ് നിരീക്ഷകരും ചേർന്ന് പ്രകാശനം ചെയ്തു. കലക്ടറേറ്റ് കോൺഫറൻസ് ഹാളിൽ ചേർന്ന പ്രകാശനത്തിൽ ജില്ലാ കലക്ടർ അരുൺ കെ വിജയൻ, പൊതുനിരീക്ഷകർ, പോലീസ് നിരീക്ഷകർ, ചിലവ് നിരീക്ഷകർ, സ്വീപ് നോഡൽ ഓഫീസർ എഹ്‌തെദ മുഫസ്സിർ തുടങ്ങിയവർ പങ്കെടുത്തു. 'നിങ്ങളുടെ വോട്ട്, നിങ്ങളുടെ നാളെ' എന്നതാണ് കാമ്പയിന്റെ മുദ്രാവാക്യം. യുവാക്കളെയും സ്ത്രീകളെയും ഉൾപ്പെടെ എല്ലാവരേയും തിരഞ്ഞെടുപ്പിന്റെ ഭാഗമാക്കുക എന്നതാണ് കാമ്പയിന്റെ ലക്ഷ്യം.

തിരഞ്ഞെടുപ്പ് ഡ്യൂട്ടിക്രമീകരണങ്ങള്‍ക്കായി ഉദ്യോഗസ്ഥരുടെ വിവരശേഖരണം നടത്തുന്ന ഓര്‍ഡര്‍ സോഫ്റ്റ്വെയറില്‍ ജില്ലയിലെ എല്ലാ സ്ഥാപനങ്ങളും മാര്‍ച്ച് 19 നകം  ഉദ്യോഗസ്ഥരുടെ വിവരങ്ങളുടെ ഡാറ്റ എന്‍ട്രി പൂര്‍ത്തിയാക്കണമെന്ന്   ജില്ലാ കലക്ടറും ജില്ലാ തിരഞ്ഞെടുപ്പ്  ഓഫീസറുമായ എന്‍ ദേവിദാസ്  അറിയിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ പ്രവര്‍ത്തനങ്ങളുടെ നിരീക്ഷണത്തിനും പെരുമാറ്റച്ചട്ടം നടപ്പിലാക്കുന്നുവെന്ന് ഉറപ്പാക്കുന്നതിനുമായി നിയോഗിച്ചിട്ടുള്ള കേന്ദ്ര പൊതുനിരീക്ഷകരായ എസ് ഹോണമ്പ, കെ എ ദയാനന്ദ എന്നിവര്‍ ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍ ദേവിദാസുമായി കൂടിക്കാഴ്ച നടത്തി. ജില്ലയിലെ തിരഞ്ഞെടുപ്പ് പ്രവര്‍ത്തനങ്ങള്‍ ജില്ലാ കലക്ടര്‍ വിശദീകരിച്ചു. പ്രവര്‍ത്തനപുരോഗതി മികച്ചനിലയിലെന്ന് വിലയിരുത്തി.

പൊതുതിരഞ്ഞെടുപ്പിനോടനുബന്ധിച്ച്    എല്ലാ ആയുധ ലൈസന്‍സികളും കൈവശമുള്ള ആയുധങ്ങള്‍ ബന്ധപ്പെട്ട പോലീസ് സ്റ്റേഷനുകളില്‍ അടിയന്തരമായി സറണ്ടര്‍ ചെയ്യണമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍. ദേവിദാസ് അറിയിച്ചു.    വീഴ്ച വരുത്തിയാല്‍ നിയമനടപടികള്‍ സ്വീകരിക്കും. പൊതുമേഖല ബാങ്കുകളുടെ ഉടമസ്ഥതയിലുള്ള ആയുധം ഒഴിവാക്കിയെന്നും അറിയിച്ചു.
 
 

    ജില്ലാ പോലീസ് കംപ്ലയിന്റ് അതോറിറ്റി മാര്‍ച്ച്  19 ന്   കലക്ടറേറ്റ് കോണ്‍ഫറന്‍സ് ഹാളില്‍  നടത്താനിരുന്ന സിറ്റിംഗ് മാറ്റിവച്ചു.  
 

നിയമസഭാ   തിരഞ്ഞെടുപ്പുമായി ബന്ധപ്പെട്ട്  പത്തനാപുരം,  പുനലൂര്‍ നിയോജക മണ്ഡലങ്ങളിലെ   ട്രെയിനിംഗ് സെന്ററുകള്‍, ഇ.വി.എം കമ്മീഷനിംഗിനാവശ്യമായ സെന്ററുകളുടെ സജ്ജീകരണങ്ങള്‍, പോളിംഗ് സാമഗ്രികളുടെ വിതരണ-സ്വീകരണ കേന്ദ്രങ്ങള്‍, സ്ട്രോംഗ്  റൂം എന്നിവ പ്രവര്‍ത്തിപ്പിക്കുന്നതിന് ജി.എസ്.ടി രജിസ്ട്രേഷനുള്ള വ്യക്തികള്‍/സ്ഥാപനങ്ങളില്‍ നിന്ന് ക്വട്ടേഷന്‍ ക്ഷണിച്ചു.   പുനലൂര്‍/പത്തനാപുരം ഇ.ആര്‍.ഒ ഇലക്ഷന്‍ വിഭാഗത്തിലുള്ള പെട്ടിയില്‍ മാര്‍ച്ച് 21 വൈകിട്ട് മൂന്നിനകം നിക്ഷേപിക്കണമെന്ന് ആര്‍.ഡി.ഒ ബീന എസ്. ഹനീഫ് അറിയിച്ചു.
 

പൊതുതിരഞ്ഞെടുപ്പ് വേളയില്‍ അനധികൃതമായി പണമോ മറ്റ് സാമഗ്രികളോ കടത്തുന്നതിനെതിരെ കര്‍ശന നടപടിയെടുക്കുമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍. ദേവിദാസ്.  ഇതുകണ്ടെത്തുന്നതിന് വാഹനങ്ങള്‍ പരിശോധിക്കും.  50,000/- രൂപയില്‍ കൂടുതല്‍ പണം കൈവശമുള്ളവര്‍ യാത്രവേളയില്‍ രേഖകള്‍   കരുതണം.   പരിശോധനാവേളയില്‍ ബുദ്ധിമുട്ട് നേരിടുന്നവര്‍പരാതി തെളിവ് സഹിതം   എക്‌സ്‌പെന്റിച്ചര്‍ ആന്റ് മോണിറ്ററിംഗ് ആന്‍ഡ് ഫിനാന്‍സ് ഓഫീസറെ 8547610033 നമ്പരില്‍ അറിയിക്കണം. ജില്ലയിലുടനീളം ഫ്‌ളയിംഗ് സ്‌ക്വാഡ്, സ്റ്റാറ്റിക്ക് സര്‍വൈലന്‍സ് ടീം എന്നിവയെ വിന്യസിച്ചിട്ടുണ്ട് എന്നും ജില്ലാ കലക്ടര്‍ അറിയിച്ചു.