ചൈൽഡ് ഡെവലപ്മെന്റ് സെന്ററിൽ ഒക്കുപേഷണൽ തെറാപ്പിസ്റ്റ് തസ്തികയിൽ ഈഴവ വിഭാഗത്തിന് സംവരണം ചെയ്ത ഒരു ഒഴിവ് നിലവിലുണ്ടെന്ന് പ്രൊഫഷണൽ ആൻഡ് എക്‌സിക്യൂട്ടീവ് എംപ്ലോയ്മെന്റ് ഓഫീസ് അറിയിച്ചു. യോഗ്യരായ ഈഴവ വിഭാഗം ഉദ്യോഗാർഥികളുടെ അഭാവത്തിൽ മറ്റ് വിഭാഗങ്ങളിലെയും ഓപ്പൺ വിഭാഗത്തിലെയും ഉദ്യോഗാർഥികളെ സംവരണ ക്രമപ്രകാരം പരിഗണിക്കും. 2026 ജനുവരി 1ന് 41 വയസ് കവിയരുത്. നിയമാനുസൃത വയസിളവ് ബാധകമാണ്.

കണ്ണൂർ സർക്കാർ ആയുർവേദ കോളേജിലെ സ്വസ്ഥവൃത്ത വകുപ്പിൽ യോഗ ഇൻസ്ട്രക്ടറുടെ താൽക്കാലിക നിയമനത്തിന് ജൂൺ 8 രാവിലെ 11ന് അഭിമുഖം നടക്കും. ബിഎൻവൈഎസ്/ ബിഎഎംഎസ് സഹിതം യോഗയിൽ പിജി ഡിപ്ലോമ അല്ലെങ്കിൽ എംഎസ്‌സി യോഗ ആണ് യോഗ്യത. പ്രായപരിധി 45 വയസ്.

കൈമനത്തെ സർക്കാർ വനിതാ പോളിടെക്നിക് കോളേജിലെ കൊമേഴ്സ്യൽ പ്രാക്ടീസ് വകുപ്പിൽ കൊമേഴ്സ്യൽ പ്രാക്ടീസ് വിഭാഗം ലക്ചററുടെയും ഷോട്ട് ഹാൻഡ് ഇൻസ്ട്രക്ടറുടെയും താൽക്കാലിക നിയമനത്തിന് ജൂൺ 8 ന് അഭിമുഖം നടത്തും. എംകോമിൽ ഫസ്റ്റ് ക്ലാസും കമേഴ്സ്യൽ പ്രാക്ടീസിൽ ഡിപ്ലോമയുമാണ് ലക്ചററുടെ യോഗ്യത. ഇൻസ്ട്രക്ടർക്ക് ബി.കോമിൽ ഫസ്റ്റ് ക്ലാസും കമേഴ്സ്യൽ പ്രാക്ടീസിൽ ഡിപ്ലോമയും ഉണ്ടായിരിക്കണം.

തിരുവനന്തപുരം ശ്രീ ചിത്ര തിരുനാൾ കോളജ് ഓഫ് എൻജിനിയറിങ്ങിൽ ബി.ടെക് ഡിഗ്രിക്ക് എൻ.ആർ.ഐ ക്വാട്ടയിലേക്ക് ജൂൺ 6 വരെ അപേക്ഷിക്കാം.

റവന്യൂ വകുപ്പിൽ ആലപ്പുഴ ജില്ലയിൽ കോൺഫിഡൻഷ്യൽ അസിസ്റ്റന്റ് ഗ്രേഡ് - II (ശമ്പള സ്കെയിൽ: 27900 - 63700) തസ്തികയിലുള്ള ഒരു ഒഴിവിലേക്ക് അപേക്ഷ ക്ഷണിച്ചു.

 കളക്ടറേറ്റ് കാര്യാലയത്തിനു കീഴിൽ ജോലിചെയ്തുവരുന്ന ടൈപ്പിസ്റ്റ് തസ്തികകളിൽനിന്നും തസ്തികമാറ്റം വഴി ഈ ഒഴിവ് നികത്തുന്നതിനായി, യോഗ്യതയുള്ള ജീവനക്കാരിൽനിന്നുമാണ് അപേക്ഷ ക്ഷണിച്ചിട്ടുള്ളത്.

നിശ്ചിത മാതൃകയിലുള്ള അപേക്ഷയും യോഗ്യത തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളും സഹിതം, ഓഫിസ് മേധാവി മുഖേന ജൂൺ ആറിന്  മുമ്പായി  കളക്ടറേറ്റിൽ അപേക്ഷ സമർപ്പിക്കണം. ഫോൺ: 0477-2251676, 2252580.

ഏജന്‍സി ഫോര്‍ ഡെവലപ്‌മെന്റ് ഓഫ് അക്വാകള്‍ച്ചര്‍ കേരളയുടെ (അഡാക്ക്)  വര്‍ക്കല ഓടയം ഹാച്ചറിയില്‍ ലേബര്‍ തസ്തികയിലേക്ക് താല്‍കാലിക നിയമനത്തിന് മെയ് 30ന് രാവിലെ 10.30ന് വോക്ക് ഇന്‍ ഇന്റര്‍വ്യൂ നടത്തും.   നീന്തലില്‍ പ്രാവീണ്യമുള്ളവരും വീശുവല ഉപയോഗിച്ച് മത്സ്യബന്ധനം അറിയുന്നവരുമായ ഏഴാം ക്ലാസ് വിജയിച്ചവര്‍ക്ക് അപേക്ഷിക്കാം. പ്രായപരിധി: 45 വയസ്.  അസല്‍ സര്‍ട്ടിഫിക്കറ്റുകളും പകര്‍പ്പും സഹിതം എത്തണം.  ഫോണ്‍: 9400699410, 7907047852.
 

 കുളക്കട അസാപ് കേരള കമ്മ്യൂണിറ്റി സ്‌കില്‍ പാര്‍ക്കില്‍ ജനറല്‍ ഫിറ്റ്‌നസ് ട്രെയിനര്‍ കോഴ്സിലേക്ക് പ്രവേശനം നേടാം. കോഴ്സ് വിജയകരമായി പൂര്‍ത്തിയാക്കുന്നവര്‍ക്ക്  എന്‍ സി വി ഇ ടി ലെവല്‍  4 സര്‍ട്ടിഫിക്കേഷന്‍ ലഭിക്കും. ഫോണ്‍: 9495999672.
 

കര്‍ഷകരുടെ ഉല്‍പന്നങ്ങള്‍ക്ക് സുസ്ഥിരമായ വിപണിയും മികച്ച വിലയും ഉറപ്പാക്കുന്ന 'പ്രൊഡക്ടിവ് അലയന്‍സ്' പദ്ധതിയിലേക്ക് കൃഷി വകുപ്പ് അപേക്ഷ ക്ഷണിച്ചു. ലോകബാങ്ക് സഹകരണത്തോടെ നടപ്പിലാക്കുന്ന 'കേര' പദ്ധതിയുടെ ഭാഗമായാണ് അലയന്‍സുകള്‍ രൂപീകരിക്കുന്നത്. ചെറുകിട കര്‍ഷക കൂട്ടായ്മകളായ ഫാര്‍മര്‍ പ്രൊഡ്യൂസര്‍ കമ്പനികളെയും, കാര്‍ഷിക വിളകള്‍ വന്‍തോതില്‍ വാങ്ങാന്‍ തയാറുള്ള പ്രമുഖ ദേശീയ-അന്തര്‍ദേശീയ ബിസിനസ് പങ്കാളികളെയും തമ്മില്‍ നേരിട്ട് കോര്‍ത്തിണക്കി വിപുലമായ വിപണി ശൃംഖല ഒരുക്കുകയാണ് പദ്ധതിയുടെ ലക്ഷ്യം.

കോഴഞ്ചേരി പന്നിവേലിച്ചിറ ഫിഷറീസ് കോംപ്ലക്‌സില്‍ മെയ് 29 ന് രാവിലെ 11 മുതല്‍ വൈകിട്ട് മൂന്ന് വരെ  അനബാസ്, ഗിഫ്റ്റ്, തിലാപ്പിയ, കാര്‍പ്പ് ഇനം മത്സ്യകുഞ്ഞുങ്ങളും അലങ്കാരമത്സ്യങ്ങളും സര്‍ക്കാര്‍ വിലയ്ക്ക് വിതരണം ചെയ്യും. ഫോണ്‍: 9995398627, 9526378475, 9846604473, 0468-2214589.
 

തിരുവല്ല കുന്നന്താനം അസാപ്പ് കമ്യൂണിറ്റി സ്‌കില്‍ പാര്‍ക്കില്‍ ജൂനിയര്‍ ഡേറ്റ അനലിസ്റ്റ് (ഫിനാന്‍ഷ്യല്‍) കോഴ്‌സിലേക്ക് അപേക്ഷ ക്ഷണിച്ചു. ആറ് മാസമാണ് കോഴ്‌സ് കാലാവധി. യോഗ്യത: പ്ലസ് ടു /ഡിഗ്രി. പ്രായപരിധി : 18നും 40നും മധ്യേ. അവസാനതീയതി : മെയ് 31. ഫോണ്‍ : 9495999688.