ക്ഷേമനിധി കുടിശ്ശിക ഈടാക്കുന്നതിലേക്കായി വലിയവള്ളംപതി വില്ലേജ് ബി.എല്‍ റീ സര്‍വേ നമ്പര്‍-564/4ല്‍ ഉള്‍പ്പെട്ട 0.5089 ഹെക്ടര്‍ ഭൂമി ലേലം ചെയ്യുന്നു. ആഗസ്റ്റ് അഞ്ച് രാവിലെ 11 ന് വലിയവള്ളംപതി വില്ലേജ് ഓഫീസിലാണ് ലേലം നടക്കുക. ഫോണ്‍: 04923 224740

ഷൊര്‍ണൂര്‍ ഐ.പി.ടി ആന്‍ഡ് ഗവ. പോളിടെക്നിക് കോളേജില്‍ നവീകരണ പ്രവൃത്തിക്ക് തടസ്സം നില്‍ക്കുന്ന 28 മരങ്ങള്‍ ലേലം ചെയ്യുന്നു. മട്ടിമരം (7), തേക്ക് (14), അക്കേഷ്യ (3), പാഴ്മരം (3), മുരിക്ക് (1) എന്നീ മരങ്ങളാണ് ലേലം ചെയ്യുന്നത്. ജൂലൈ 10ന് രാവിലെ 11 മണിക്ക് ഓഫീസ് പരിസരത്താണ് ലേലം. ക്വട്ടേഷനുകള്‍ ജൂലൈ എട്ടിന് വൈകീട്ട് നാല് വരെ ഓഫീസില്‍ നല്‍കണം. ഫോണ്‍: 0466 2220450

വില്‍പന നികുതി കുടിശ്ശികയും പലിശയും ഈടാക്കുന്നതിലേക്കായി പട്ടാമ്പി താലൂക്ക് തിരുവേഗപ്പുറ വില്ലേജിലെ സര്‍വേ നമ്പര്‍ 205/7-3 ലെ 9.5 സെന്റ് സ്ഥലം ലേലം ചെയ്യുന്നു. ജൂലൈ 25 രാവിലെ 11 ന് ഇതേ സ്ഥലത്ത് ലേലം നടക്കുമെന്ന്  തഹസില്‍ദാര്‍ അറിയിച്ചു. ഫോണ്‍: 0466 2214300

കുമരംപുത്തൂര്‍ ഗ്രാമപഞ്ചായത്തില്‍ ഡിസംബര്‍ 31 വരെ പെന്‍ഷന്‍ അനുവദിച്ചതും പെന്‍ഷന്‍ ലഭിച്ച് കൊണ്ടിരിക്കുന്ന ഗുണഭോക്താക്കള്‍ക്ക് പെന്‍ഷന്‍ തുടര്‍ന്ന് ലഭിക്കുന്നതിനായി ആഗസ്റ്റ് 24നകം മസ്റ്ററിങ് നടത്തണം. ഗുണഭോക്താക്കള്‍ ആധാര്‍ കാര്‍ഡുമായി അക്ഷയ കേന്ദ്രങ്ങള്‍ വഴി മസ്റ്ററിങ് ചെയ്യണമെന്ന് സെക്രട്ടറി അറിയിച്ചു.

അന്താരാഷ്ട്ര ലഹരി വിരുദ്ധ ദിനത്തിൽ ജീവിതോൽസവം ക്യാമ്പയിനുമായി ഹയർ സെക്കണ്ടറി നാഷണൽ സർവീസ് സ്കീം. ഗവൺമെന്റ് ഹയർ സെക്കൻഡറി സ്കൂൾ മെഡിക്കൽ കോളേജ് ക്യാമ്പസിൽ നടന്ന ക്യാമ്പയിനിന്റെ ജില്ലാതല ഉദ്ഘാടനം പോലീസ് അസിസ്റ്റന്റ് കമ്മീഷണർ എ ഉമേഷ് നിർവ്വഹിച്ചു. ക്യാമ്പയിന്റെ ഭാഗമായി കോറിയോഗ്രാഫി ചാലഞ്ച്, തുടി സംഗീത നൃത്താവിഷ്കാരം, പ്രതിജ്ഞ, ഫ്ലാഷ് മോബ്, മനുഷ്യ ചങ്ങല, ടാബ്ലോ, വാൾ സ്റ്റിക്കി, ചിത്രരചന, കലാ കായിക മത്സരങ്ങൾ തുടങ്ങിയ 21 ദിന ചാലഞ്ചുകളാണ് ജീവിതോൽസവത്തിന്റെ ഭാഗമായി എൻഎസ്എസ് വളണ്ടിയർമാരുടെ നേത്യത്വത്തിൽ സംഘടിപ്പിക്കുന്നത്.

ജില്ലയില്‍ കഴിഞ്ഞ ദിവസം കൂടുതല്‍ മഴ ലഭിച്ചത് എലിമ്പിലേരിയിൽ. ജൂണ്‍ 25 ന് രാവിലെ 8 മുതല്‍ ജൂണ്‍ 26 ന് രാവിലെ 8 വരെ ലഭിച്ച കണക്ക് പ്രകാരമാണ് മേപ്പാടി  ഗ്രാമപഞ്ചായത്തിലെ എലിമ്പിലേരി പ്രദേശത്ത് കൂടുതല്‍ മഴ ലഭിച്ചത്.  24 മണിക്കൂറില്‍ 243 മില്ലിമീറ്റര്‍ മഴയാണ് ഇവിടെ ലഭിച്ചത്. തിരുനെല്ലി ഗ്രാമപഞ്ചായത്തിലെ കാട്ടിക്കുളം പ്രദേശത്താണ് കുറവ് മഴ-12 മില്ലിമീറ്റര്‍.

അട്ടപ്പാടി കോ-ഓപ്പറേറ്റീവ് ഫാമിങ് സൊസൈറ്റിയുടെ കീഴിലുള്ള 2010 മോഡല്‍ മഹീന്ദ്ര ജീപ്പ് ലേലം ചെയ്യുന്നു. ജൂലൈ രണ്ടിന് രാവിലെ 10 ന് സംഘം ഹെഡ് ഓഫീസിലാണ് ലേലം. ഫോണ്‍: 9061540541

-206.37 കോടി രൂപ ചെലവിൽ 43.76 ലക്ഷം തൊഴിൽ ദിനങ്ങൾ സൃഷ്ടിച്ചു

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ സംസ്ഥാനത്ത് ഒന്നാമതായി വയനാട് ജില്ല.

2024-25 വർഷം 206.37 കോടി രൂപ ചെലവിൽ 43.76 ലക്ഷം തൊഴിൽ ദിനങ്ങളാണ് ജില്ലയിൽ സൃഷ്ടിച്ചത്. ഇതു വഴി 147.75 കോടി രൂപ കൂലി,  51.47 കോടി രൂപ മെറ്റീരിയൽ എന്നിവ ചിലവഴിച്ച് 61051 കുടുംബങ്ങൾക്ക് തൊഴിൽ നൽകാനും സാധിച്ചു. 26358 കുടുംബങ്ങൾ നൂറു ദിനം പൂർത്തീകരിച്ചിട്ടുണ്ട്.