ശിശുവികസനപദ്ധതി ഓഫീസ് സുൽത്താൻ ബത്തേരി അഡീഷണൽ പ്രോജക്റ്റ് പരിധിയിലെ അമ്പലവയൽ നെന്മേനി ഗ്രാമ പഞ്ചായത്തുകളിലെ അങ്കണവാടികളിൽ 2026-27 വർഷത്തിൽ പാൽ, കോഴിമുട്ട എന്നിവ വിതരണം ചെയ്യുന്നതിന് തയ്യാറുള്ള വിതരണക്കാരിൽ/ വ്യക്തികളിൽ നിന്നും പ്രത്യേകം ടെണ്ടറുകൾ ക്ഷണിച്ചു. ടെണ്ടറുകൾ ജൂലൈ 23 നുള്ളില്‍ സമര്‍പ്പിക്കണം. ഫോൺ: 9188959886

തിരുവനന്തപുരം മുട്ടടയിൽ പ്രവർത്തിക്കുന്ന ഐ.എച്ച്.ആർ.ഡി. യുടെ സെന്റർ ഫേർ അഡ്വാൻസ്‌ഡ് ടെക്നോളജീസ് അന്റ് സ്കിൽസിൽ ആരംഭിക്കുന്ന യുജിസി- നെറ്റ് പരിശീലനത്തിന് രജിസ്റ്റര്‍ ചെയ്യാം. കന്പ്യൂട്ടര്‍ സയന്‍സ്, ഇക്കണോമിക്സ്, ഇംഗ്ലീഷ്, മലയാളം, മാനേജ്മെന്‍റ് വിഷയങ്ങളിലാണ് പരിശീലനം. ഫോണ്‍- 8136882389, 9495069307, 8547005087, 0471-2550612

കണ്ണൂര്‍ തോട്ടടയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ്‌ ഹാന്‍ഡ്‌ലൂം ടെക്‌നോളജിയുടെ കീഴില്‍ കോളേജ്‌ ഫോര്‍ കോസ്റ്റ്യും ആന്റ്‌ ഫാഷന്‍ ഡിസൈനിങ്ങില്‍ ബി.എസ്‌.സി. കോസ്റ്റ്യും ആന്റ്‌
ഫാഷന്‍ ഡിസൈനിംഗ്‌, ബി.എസ്‌.സി ഇന്റീരിയര്‍ ഡിസൈനിംഗ്‌ ആന്റ്‌ ഫര്‍ണിഷിംഗ്‌ കോഴ്സുകളില്‍ അപേക്ഷ ക്ഷണിച്ചു. അപേക്ഷകര്‍ പ്ലസ്‌ടു പാസ്സായിരിക്കണം. ഫോണ്‍ : 8281574390

ജില്ലാ പോലീസ് ക്യാമ്പിൽ ധോബി, കുക്ക്, വാട്ടർ കാരിയർ, സ്വീപ്പർ എന്നീ ക്യാമ്പ് ഫോളോവർ തസ്തികകളിൽ നിലവിലുള്ള ആറ് ഒഴിവുകളിലേക്ക് ദിവസ വേതന അടിസ്ഥാനത്തിൽ 59 ദിവസത്തേക്ക് ക്യാമ്പ് ഫോളോവർമാരെ നിയമിക്കുന്നു. ജോലിയിൽ മുൻപരിചയമുള്ളവർ അസ്സൽ തിരിച്ചറിയൽ രേഖ, പ്രവർത്തി പരിചയം തെളിയിക്കുന്ന രേഖകൾ എന്നിവ സഹിതം  ജൂലൈ 16ന് രാവിലെ 10ന് കൽപ്പറ്റ പുത്തൂർവയൽ എ ആർ ക്യാമ്പിൽ കൂടികാഴ്ചക്ക് എത്തണം. ഫോണ്‍-04936202525

ശിശു വികസന പദ്ധതി ഓഫീസിന്റെ സുൽത്താൻ ബത്തേരി അഡീഷണൽ ഐ.സി.ഡി.എസ് പരിധിയിലുള്ള അമ്പലവയൽ, നെന്മേനി ഗ്രാമപഞ്ചായത്തുകളിലെ അങ്കണവാടികളിൽ പാൽ, കോഴിമുട്ട എന്നിവ വിതരണം ചെയ്യുന്നതിന് ടെണ്ടർ ക്ഷണിച്ചു. ജൂലൈ 23 വരെ ടെണ്ടറുകൾ സ്വീകരിക്കും. വിശദ വിവരങ്ങൾ ഐ.സി.ഡി.എസ് ഓഫീസിൽ നിന്ന് ലഭിക്കും. ഫോൺ: 9188959886.

കേരള സര്‍ക്കാര്‍ സ്ഥാപനമായ സി-ആപ്‌റ്റും സാങ്കേതിക വിദ്യാഭ്യാസവകുപ്പും സംയുക്തമായി സി-ആപ്‌റ്റിന്റെ കോഴിക്കോട്‌ സബ്‌സെന്ററില്‍ നടത്തുന്ന കെ.ജി.ടി.ഇ പ്രീ-പ്രസ്സ്‌ ഓപ്പറേഷന്‍, കെ.ജി.ടി.ഇ പ്രസ്സ്‌ വര്‍ക്ക്‌, കെ.ജി.ടി.ഇ പോസ്റ്റ്‌ പ്രസ്സ്‌ ഓപ്പറേഷന്‍ ആന്റ്‌ ഫിനിഷിംഗ്‌ തൊഴിലധിഷ്‌ഠിത കോഴ്‌സുകളില്‍ സീറ്റ്‌ ഒഴിവ്. എസ്‌.എസ്‌.എല്‍.സി പാസായവര്‍ക്ക്‌ അപേക്ഷിക്കാം. പട്ടികജാതി/പട്ടികവര്‍ഗ്ഗ/ഒ.ഇ.സി വിഭാഗങ്ങള്‍ക്കും മറ്റ്‌ സമുദായങ്ങളിലെ സാമ്പത്തികമായി പിന്നാക്കം നില്‍ക്കുന്ന വിദ്യാര്‍ത്ഥികള്‍ക്ക്‌ വരുമാനപരിധിക്ക്‌ വിധേയമായും നിയമാനുസൃത ഫീസ്‌ ആനുകൂല്യവും സ്റ്റൈപ്പന്റും ലഭിക്കും.

മീനങ്ങാടി ഗവ പോളിടെക്‌നിക്‌ കോളേജിലെ തുടര്‍ വിദ്യാഭ്യാസ കേന്ദ്രത്തില്‍ ജൂലൈയില്‍ ആരംഭിക്കുന്ന റഫ്രിജറേഷന്‍ ആന്റ്‌ എയര്‍ കണ്ടീഷനിംഗ്‌, ഇലക്‌ട്രിക്കല്‍ വയറിങ്‌ ആന്റ്‌ സര്‍വ്വീസിങ്‌ തൊഴിലധിഷ്‌ഠിത കോഴ്‌സുകളിലേക്ക് അപേക്ഷ ക്ഷണിച്ചു.  പത്താം ക്ലാസ്‌ യോഗ്യതയുണ്ടായിരിക്കണം. ഫോണ്‍- 9744134901, 9847699720

സംസ്ഥാനത്തെ സർക്കാർ/സർക്കാർ എയ്‌ഡഡ് സ്കൂളുകളിലെ ഒന്പത്, 10 ക്ലാസുകളിൽ പഠിക്കുന്ന ഒ.ബി.സി, ഇ.ബി.സി വിഭാഗം വിദ്യാർത്ഥികൾക്ക് പിന്നാക്ക വിഭാഗ വികസന വകുപ്പ് മുഖേന അനുവദിക്കുന്ന പിഎം യശസ്വി ഒ.ബി.സി, ഇ.ബി.സി പ്രീമെട്രിക് സ്കോളർഷിപ്പ് പദ്ധതിയ്ക്ക് അപേക്ഷ സമര്‍പ്പിക്കാം. അർഹരായ വിദ്യാർത്ഥികളുടെ വിവരങ്ങൾ www.egrantz.kerala.gov.in പോർട്ടൽ മുഖേന ജൂലായ് 31നകം സ്കൂളിൽ നിന്നും ഡാറ്റാ എൻട്രി നടത്തണം. കൂടുതൽ വിവരങ്ങൾ പോർട്ടലിൽ ലഭിക്കും. ഫോണ്‍-0495 2377786

മാനന്തവാടി ദ്വാരക ഗവ. ടെക്നിക്കൽ ഹൈസ്കൂളിനോടനുബന്ധിച്ച് പ്രവർത്തിക്കുന്ന ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ് സെന്ററിൽ ദിവസ വേതനാടിസ്ഥാനത്തിൽ ഇംഗ്ലീഷ് അധ്യാപക നിയമനം നടത്തുന്നു. ഹയർ സെക്കന്ററി സ്കൂൾ ടീച്ചർ ഇംഗ്ലീഷ് ജൂനിയർ അല്ലെങ്കിൽ തത്തുല്യ യോഗ്യതയുള്ളവർക്ക് അപേക്ഷിക്കാം. താത്പര്യമുള്ളവർ വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം ജൂലൈ 17ന് രാവിലെ 10ന് നടക്കുന്ന അഭിമുഖത്തിൽ പങ്കെടുക്കണം. ഫോൺ: 04935 295068

കൽപ്പറ്റ നഗരസഭ പമ്പ് ഹൗസിലെ പമ്പിങ് ലൈനിൽ അറ്റകുറ്റപ്പണികൾ നടക്കുന്നതിനാൽ ജൂലൈ 16, 17 തീയ്യതികളിൽ നഗരസഭാ പരിധിയിൽ പൂർണമായോ ഭാഗികമായോ ശുദ്ധജല വിതരണം തടസ്സപ്പെടും. ഉപഭോക്താക്കൾ ആവശ്യമായ മുൻകരുതലുകൾ സ്വീകരിക്കണമെന്ന് ജല അതോറിറ്റി കൽപ്പറ്റ എസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.