അസാപ് കേരളയിൽ സര്‍ട്ടിഫിക്കറ്റ് ഇന്‍ കോഡിംഗ് സ്‌കില്‍സ് കോഴ്‌സ് ആരംഭിക്കുന്നു. സോഫ്റ്റ് വെയർ വികസനം, വെബ് ആപ്പുകള്‍, ഡാറ്റ അധിഷ്ഠിത പരിഹാരങ്ങള്‍ എന്നിവയില്‍ ആവശ്യക്കാരുള്ള സാങ്കേതിക തൊഴിലിനായി വിദ്യാര്‍ഥികളെ സജ്ജമാക്കുന്നതിന് ശക്തമായ കോഡിംഗ് അടിസ്ഥാനം നല്‍കുക എന്നതാണ് ലക്ഷ്യം.

വ്യവസായവുമായി പൊരുത്തപ്പെടുന്ന പാഠ്യപദ്ധതി, വിദഗ്ധര്‍ നയിക്കുന്ന പരിശീലന സെഷനുകള്‍, ദേശീയ സര്‍ട്ടിഫിക്കേഷന്‍ എന്നിവയാണ് കോഴ്‌സിന്റെ പ്രത്യേകതകള്‍. കോഴ്സിന് അപേക്ഷിക്കുന്നതിന് https://tinyurl.com/5239wdmx എന്ന വെബ്‌സൈറ്റ് സന്ദർശിക്കുക. ഫോൺ: 9495999680 .

സംസ്ഥാന പട്ടികജാതി പട്ടിക ഗോത്രവർഗ കമ്മീഷൻ തിരുവനന്തപുരം ജില്ലാ അദാലത്തിന്റെ ആദ്യ ദിനം 61 പരാതികൾ തീർപ്പാക്കി. കമ്മീഷൻ ചെയർമാൻ ശേഖരൻ മിനിയോടന്റെ അധ്യക്ഷതയിൽ തൈക്കാട് പിഡബ്ല്യുഡി റസ്റ്റ് ഹൗസിൽ നടന്ന അദാലത്തിൽ 76 പരാതികളാണ് പരിഗണിച്ചത്. മറ്റ് പരാതികൾ ഹിയറിങ്ങിനായി മാറ്റി. വ്യാഴാഴ്‌ച്ചവരെയാണ് അദാലത്ത് നടക്കുന്നത്. വിവിധ വിഷയങ്ങളിൽ കമ്മീഷൻ മുൻപാകെ സമർപ്പിച്ചിട്ടുള്ളതും, വിചാരണയിൽ ഇരിക്കുന്നതുമായ കേസുകളിലെ പരാതികളാണ് അദാലത്തിൽ തീർപ്പാക്കുന്നത്. പുതിയ പരാതികൾ സ്വീകരിക്കുന്നതിനും സൗകര്യം ഉണ്ടായിരിക്കും.

മെമ്പർമാരായ സേതുനാരായണൻ, ടി കെ വാസു എന്നിവരാണ്  ജില്ലാ അദാലത്തിന് നേതൃത്വം നൽകിയത്.

സംസ്ഥാന ഇലക്ട്രിസിറ്റി ലൈസൻസിങ് ബോർഡ് വയർമാൻ പ്രായോഗിക പരീക്ഷ ജൂൺ 26, 27 തീയ്യതികളിൽ മീനങ്ങാടി ഗവ. പോളിടെക്നിക് കോളജിൽ നടക്കും. samraksha.ceikerala.gov.in എന്ന വെബ്സൈറ്റിൽ ഹാൾടിക്കറ്റ് ലഭ്യമാണ്. ഫോൺ: 04936 295004.

തിരുവനന്തപുരം ജില്ലാ സാമൂഹ്യനീതി ഓഫീസ്,  തിരുവനന്തപുരം ജില്ലാ ഭരണകൂടത്തിന്റെയും സഹകരണത്തോടുകൂടി നശാമുക്ത് ഭാരത് അഭിയാന്‍ ലഹരി വിമുക്ത ക്യാമ്പയിന്‍ അന്താരാഷ്ട്ര ലഹരി വിരുദ്ധ വാരാചരണത്തിന്റെ ഭാഗമായി തിരുവനന്തപുരം ജില്ലയിലെ സ്‌കൂള്‍ കോളേജ് വിദ്യാര്‍ഥികള്‍ക്കുവേണ്ടി വിവിധ കലാമത്സരങ്ങള്‍ നടത്തുന്നു.

ജൂണ്‍ 25ന് രാവിലെ 9.30 മുതല്‍  തിരുവനന്തപുരം ജില്ലാ പഞ്ചായത്ത് ഹാളിലാണ് പരിപാടികള്‍ നടക്കുക. വ്യക്തിഗത ഇനങ്ങളില്‍  അന്നേ ദിവസം സ്‌പോട്ട് രജിസ്‌ട്രേഷന്‍ ഉണ്ടായിരിക്കുന്നതാണ്.  കൂടുതല്‍ വിവരങ്ങള്‍ക്ക് 0471-2343241, 9047431863.

ആദിവാസി ഊരുകളില്‍ എത്തിക്കുന്നതിന് അനുയോജ്യമായ ടോണ്‍ കപ്പാസിറ്റിയുള്ള ടിപ്പര്‍ /ആറ് ടയര്‍ ഡ്രൈവ് വാഹനം ഡ്രൈവര്‍ സഹിതം പ്രതിമാസ വാടകയ്ക്ക് നല്‍കുന്നതിന് തയ്യാറുള്ളവരില്‍ നിന്നും മത്സരാടിസ്ഥാനത്തിലുള്ള സീല്‍ ചെയ്ത ദര്‍ഘാസുകള്‍ ക്ഷണിച്ചു. കാട്ടാക്കട കോട്ടൂരില്‍ പ്രവര്‍ത്തിച്ചുവരുന്ന 68, 69, 70 ന്യായവില ഷോപ്പുകളില്‍ നിന്നും റേഷന്‍ സാധനങ്ങള്‍ പൊടിയം, പോത്തോട്, അണകാല്‍, ചെറുമാങ്കല്‍, കുന്നത്തേരി, വ്ലാവിള, മണ്ണാഠകോണം, വാലിപ്പാറ, പ്ലാത്ത്, എറുംമ്പിയാട്, ചോനാംപാറ, ആമല, ആയിരംകാല്‍ എന്നീ ആദിവാസി ഊരുകളില്‍ എത്തിച്ച് വിതരണം നടത്തുന്നതിനാണ് വാഹനം ആവശ്യമായിട്ടുള്ളത്.

എംഎസ്എഇ ദിനാഘോഷത്തിന്റെ ഭാഗമായി ജില്ലാ വ്യവസായ കേന്ദ്രം ജൂലൈ 24 രാവിലെ 11 ന് ഇന്റർ-കോളജ് ക്വിസ് മത്സരം സംഘടിപ്പിക്കുന്നു. മുട്ടിൽ ഡബ്ല്യുഎംഒ കോളേജിൽ നടക്കുന്ന  ക്വിസിൽ ജില്ലയിലെ  കോളേജുകൾ, പോളിടെക്നിക്കുകൾ, ഐടിഐ എന്നിവിടങ്ങളിലെ  രണ്ട് പേരടങ്ങുന്ന രണ്ട് ടീമുകൾക്ക് പങ്കെടുക്കാം.
വ്യവസായ വാണിജ്യ വകുപ്പിന്റെ നേട്ടങ്ങളും പദ്ധതികളും, മൂല്യവർധിത കാർഷിക-വ്യാവസായിക ഉൽപ്പന്നങ്ങൾക്കായുള്ള മിഷനുകൾ, തോട്ടം മേഖല, കേരളത്തിന്റെ പുതിയ വ്യവസായ നയം എന്നീ വിഷയങ്ങളിലാണ് മത്സരം നടക്കുക.
ജില്ലാ തലത്തിൽ വിജയിക്കുന്നവർ  സംസ്ഥാനതല ഫൈനലിൽ ജില്ലയെ പ്രതിനിധീകരിക്കും. താൽപ്പര്യമുള്ളവർ

സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ (കിക്മ) എം.ബി.എ (ഫുള്‍ടൈം) 2025-27 ബാച്ചിലേയ്ക്ക് ഒഴിവുളള ഏതാനും സീറ്റുകളിലേക്ക് ജൂണ്‍ 27ന് രാവിലെ 10 മണി മുതല്‍ സ്‌പോട്ട് അഡ്മിഷന്‍ നടത്തുന്നു.

സഹകരണ മേഖലയില്‍ പ്രവര്‍ത്തിക്കുന്നവരുടെ ആശ്രിതര്‍ക്കും എസ്.സി./എസ്.ടി/ഫിഷറീസ്  വിഭാഗത്തിനായി സംവരണം ചെയ്തതില്‍ ഒഴിവുളള സീറ്റിലേക്കും ഇതോടൊപ്പം അഡ്മിഷന്‍ നടത്തുന്നതാണ്.

50%   മാര്‍ക്കില്‍  കുറയാതെയുളള ബിരുദവും, പ്രവേശന പരീക്ഷ സ്‌കോറുമാണ് അടിസ്ഥാന യോഗ്യത. കൂടുതല്‍ വിവരങ്ങള്‍ക്ക് 9496366741, 8547618290

വനിതാകമ്മീഷൻ അംഗം അഡ്വ. പി. കുഞ്ഞയിഷയുടെ നേതൃത്വത്തിൽ കലക്ടറേറ്റ് ഓഡിറ്റോറിയത്തിൽ നടന്ന അദാലത്തിൽ 13 പരാതികൾ തീർപ്പാക്കി. 74 പരാതികളാണ് പരിഗണിച്ചത്. ഇതിൽ ഏഴെണം പോലീസ് റിപ്പോർട് തേടി. ജില്ലാ ലീഗൽ സർവീസ് അതോറിറ്റിക്ക് നാലും ജാഗ്രത സമിതിക്ക് അഞ്ചും പരാതികൾ അയച്ചു. 45 പരാതികൾ അടുത്ത സിറ്റിങ്ങിൽ പരിഗണിക്കുന്നതിനായി മാറ്റി. പുതിയതായി രണ്ടു പരാതികൾ ലഭിച്ചു. അഡ്വ. ചിത്തിര ശശിധരൻ, അഡ്വ. പ്രമീള, വനിതാ സെൽ ഉദ്യോഗസ്ഥ വ. ബിന്ദു, കൗൺസിലർ അശ്വതി രമേശൻ എന്നിവർ പങ്കെടുത്തു.

കെല്‍ട്രോണ്‍ ഡിപ്ലോമ ഇന്‍ മോണ്ടിസ്സോറി ടീച്ചര്‍ ട്രെയിനിംഗ് കോഴ്‌സിന്റെ സൗജന്യ ഓണ്‍ലൈന്‍ വര്‍ക്ക്‌ഷോപ്പ് ജൂണ്‍ 26,27 തീയതികളില്‍ രാത്രി ഏഴ് മുതല്‍ എട്ട് മണിവരെ നടക്കും. പങ്കെടുക്കുന്നവര്‍ മുന്‍കൂട്ടി രജിസ്റ്റര്‍ ചെയ്യണം. ഫോണ്‍: 9072592412, 9072592416