കേരള പോലീസ് അക്കാദമിയിലെ വിവിധ വാഹനങ്ങളുടെ ഉപയോഗയോഗ്യമല്ലാത്ത സ്പെയർ പാർട്സ്, ടയറുകൾ, ട്യൂബുകൾ, ഫ്ളാപ്പുകൾ, വേസ്റ്റ് ഓയിൽ എന്നിവ മാർച്ച് 24ന്  എം എസ് ടി സി ലിമിറ്റഡിന്റെ ഓൺലൈൻ പോർട്ടിലൂടെ ലേലം ചെയ്യുന്നു. എംഎസ്ടിസി/ടിവിസി/കേരള പൊലീസ് അക്കാദമി തൃശൂർ/2/തൃശൂർ/25-26/68729 എന്ന നമ്പറിൽ പോർട്ടലിൽ നിന്നും ലേലം ചെയ്യാം. 

ലിസ്റ്റ് ചെയ്യപ്പെട്ട 40 ശതമാനത്തിലധികം ഭിന്ന ശേഷിയുള്ള വോട്ടർമാർക്കും സീനിയർ സിറ്റിസൺ ആയ വോട്ടർമാർക്കും പോസ്റ്റൽ ബാലറ്റിനുള്ള  ഫോം 12D ബിഎൽഒമാർ മുഖേന വിതരണം തുടങ്ങി. പൂരിപ്പിച്ച ഫോമുകൾ ബി എൽ ഒ മാർ തന്നെ തിരികെ വാങ്ങി അവർക്കു വീടുകളിൽത്തന്നെവോട്ട് ചെയ്യുന്നതിനുള്ള നടപടികൾ സ്വീകരിക്കും. അതിനായി പ്രത്യേകം ജീവനക്കാരെ നിയോഗിക്കും.

 കേരള നിയമസഭ പൊതുതിരഞ്ഞെടുപ്പിൽ ഏതെങ്കിലും പ്രത്യേക സ്ഥാനാർത്ഥിക്ക് അനുകൂലമായി വോട്ടു ചെയ്യുന്നതിന് വോട്ടർമാർക്ക് പണമോ പാരിതോഷികമാ, മദ്യമോ മറ്റ് സാധന സാമഗ്രികളോ വിതരണം ചെയ്യുന്നത് ശിക്ഷാർഹമായ കുറ്റമായതിനാൽ ഇതു തടയുന്നതിന് ജില്ലയിൽ ഉടനീളം ഫ്ലയിംഗ് സ്ക്വാഡ്, സ്റ്റാറ്റിക്ക് സർവയലൻസ് ടീം എന്നിവരെ വിന്യസിച്ചു.

പോളിംഗ് കഴിയുന്നതുവരെ വാഹനങ്ങളിൽ കൊണ്ടുപോകുന്ന പണം, മദ്യം, ആയുധങ്ങൾ, ആഭരണങ്ങൾ, സമ്മാനങ്ങൾ പോലുള്ള സാമഗ്രികൾ എന്നിവ സംബന്ധിച്ച കർശനമായ പരിശോധന ഉണ്ടായിരിക്കും.  

പട്ടാമ്പി നേര്‍ച്ചയോടനുബന്ധിച്ച് ക്രമസമാധാന പരിപാലനം ഉറപ്പുവരുത്തുന്നതിനായി പട്ടാമ്പി നഗരസഭാ പരിധിയില്‍ മാര്‍ച്ച് 28, 29 തീയതികളില്‍ മദ്യനിരോധനം (ഡ്രൈ ഡേ) പ്രഖ്യാപിച്ച് ജില്ലാ കളക്ടര്‍ എം എസ് മാധവിക്കുട്ടി ഉത്തരവിറക്കി. അന്നേദിവസങ്ങളില്‍ രാവിലെ ആറ് മുതല്‍ രാത്രി 10 വരെ നഗരസഭാ പരിധിയിലുള്ള എല്ലാ മദ്യഷാപ്പുകളും, ബാറുകളും, കള്ളുഷാപ്പുകളും നിര്‍ബന്ധമായും അടച്ചിടണമെന്നും ജില്ലാ കളക്ടര്‍ നിര്‍ദ്ദേശിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട പരാതികള്‍ ഹെല്‍പ്പ് ലൈന്‍ ആന്‍ഡ് പരാതി പരിഹാര സെല്‍ നോഡല്‍ ഓഫീസായ ജില്ലാ പ്ലാനിങ് ഓഫീസിലെ 0491 2500117 എന്ന നമ്പറില്‍ പൊതുജനങ്ങള്‍ക്ക് ബന്ധപ്പെടാമെന്ന് ജില്ലാ നോഡല്‍ ഓഫീസര്‍ അറിയിച്ചു.