വിവിധ ഇ.എസ്.ഐ സ്ഥാപനങ്ങളില്‍ അലോപ്പതി വിഭാഗം മെഡിക്കല്‍ ഓഫീസര്‍മാരുടെ ഒഴിവുകളിലേക്ക് കരാര്‍ വ്യവസ്ഥയില്‍ താത്കാലിക നിയമനം നടത്തുന്നു.

എംബിബിഎസ് ബിരുദവും ടിസിഎംസി സ്ഥിരം രജിസ്‌ട്രേഷനുമുള്ള ഉദ്യോഗാര്‍ഥികള്‍ക്ക് അപേക്ഷിക്കാം. താത്പര്യമുള്ളവർ ആവശ്യമായ രേഖകൾ സഹിതം മാര്‍ച്ച് 31ന് രാവിലെ 10ന് കൊല്ലം പോളയത്തോട് ഇന്‍ഷുറന്‍സ് മെഡിക്കല്‍ സര്‍വീസസ് റീജിയണല്‍ ഡെപ്യൂട്ടി ഡയറക്ടറുടെ ഓഫീസില്‍ നേരിട്ട് ഹാജരാകേണ്ടതാണ്.

കൂടുതല്‍ വിവരങ്ങള്‍ക്ക്: 0474-2742341

കുഴിവിള ഗവ. എല്‍.പി സ്‌കൂളില്‍ നിർമ്മിക്കുന്ന പുതിയ പാചകപ്പുരയുടെ നിര്‍മ്മാണോദ്ഘാടനം ഡി.കെ. മുരളി എംഎല്‍എ നിര്‍വഹിച്ചു. എംഎല്‍എയുടെ ആസ്തി വികസന ഫണ്ടില്‍ നിന്നും 10 ലക്ഷം രൂപ വിനിയോഗിച്ചാണ് കൂടുതൽ സൗകര്യങ്ങളുള്ള പാചകപ്പുര നിര്‍മ്മിക്കുന്നത്.

കുട്ടികള്‍ക്ക് മികച്ച പഠനാന്തരീക്ഷവും പോഷകാഹാരവും ഉറപ്പാക്കുന്നതിന്റെ ഭാഗമായാണ് ഇത്തരം പദ്ധതികള്‍ക്ക് മുന്‍ഗണന നല്‍കുന്നതെന്ന് എം.എല്‍.എ പറഞ്ഞു.

യോഗത്തില്‍ ആനാട് ഗ്രാമപഞ്ചായത്ത് പ്രസിഡന്റ് പ്രീജകുമാരി, വൈസ് പ്രസിഡന്റ് വേങ്കവിള സജി തുടങ്ങിയവര്‍ പങ്കെടുത്തു.

സ്റ്റാച്യുവിൽ പ്രവർത്തിക്കുന്ന ഗ്രാമീണ സ്വയംതൊഴിൽ പരിശീലനകേന്ദ്രത്തിൽ മാർച്ച് 19ന് ആരംഭിക്കുന്ന 12 ദിവസത്തെ ഫാസ്റ്റ് ഫുഡ് പാചക പരിശീലനത്തിന് അപേക്ഷ ക്ഷണിച്ചു. ക്ലാസ്സുകൾ രാവിലെ 9.30 മുതൽ വൈകുന്നേരം 5 മണി വരെയായിരിക്കും.

18-50 പ്രായപരിധിയിലുളളവർക്ക് അപേക്ഷിക്കാം. താത്പര്യമുള്ളവർ, 0471-2322430, 8891228788 എന്നീ നമ്പരുകളിൽ വിളിച്ച് രജിസ്റ്റർ ചെയ്ത് മാർച്ച് 16ന് നടക്കുന്ന അഭിമുഖത്തിൽ പങ്കെടുക്കുക.

നിയമസഭാ തിരഞ്ഞെടുപ്പിന്റെ ഭാഗമായി ആറ്റിങ്ങല്‍ നിയമസഭാമണ്ഡലത്തില്‍ സ്റ്റാറ്റിക് സര്‍വയലന്‍സ് ടീമിനായി മൂന്നിടങ്ങളില്‍ (പഴയകുന്നുമ്മേല്‍ വില്ലേജ്, മണമ്പൂര്‍ വില്ലേജ്, ആറ്റിങ്ങല്‍ -അവനവന്‍ഞ്ചേരി വില്ലേജ്) 10*10 ഷാമിയാന, ട്യൂബ് ലൈറ്റുകൾ, കസേരകള്‍, പ്ലഗ് പോയിന്റുകള്‍ എന്നിവ ഒരുക്കുന്നതിന് ക്വട്ടേഷൻ ക്ഷണിച്ചു.

ക്വട്ടേഷനുകള്‍ മാര്‍ച്ച് 16ന് വൈകുന്നേരം മൂന്ന് മണിക്ക് മുമ്പ് വഴുതക്കാട് സര്‍വെയും ഭൂരേഖയും വകുപ്പ് സർവ്വെ ഡയറക്ടറുടെ കാര്യാലയത്തില്‍ സമര്‍പ്പിക്കണം.

നിയമസഭാ തിരഞ്ഞെടുപ്പിന്റെ ഭാഗമായി വര്‍ക്കല നിയമസഭാമണ്ഡലത്തില്‍ സ്റ്റാറ്റിക് സര്‍വയലന്‍സ് ടീമിനായി മൂന്നിടങ്ങളില്‍ (കാപ്പില്‍, കാറ്റാടിമുക്ക്, ആറയില്‍ ജംഗ്ഷന്‍) 10*10 ഷാമിയാന, ട്യൂബ് ലൈറ്റുകൾ, കസേരകള്‍, പ്ലഗ് പോയിന്റുകള്‍ എന്നിവ ഒരുക്കുന്നതിന് ക്വട്ടേഷൻ ക്ഷണിച്ചു. ക്വട്ടേഷനുകള്‍ മാര്‍ച്ച് 16ന് വൈകുന്നേരം മൂന്ന് മണിക്ക് മുമ്പായി വഴുതക്കാട് സര്‍വെയും ഭൂരേഖയും വകുപ്പ് സര്‍വെ ഡയറക്ടറുടെ കാര്യാലയത്തില്‍ സമര്‍പ്പിക്കണം.

പാളയം സ്‌പെന്‍സര്‍ ജംഗ്ഷനിലെ കെല്‍ട്രോണ്‍ നോളജ് സെന്റില്‍ അവധിക്കാല കമ്പ്യൂട്ടര്‍ കോഴ്സുകളിലേക്ക് പ്രവേശനം ആരംഭിച്ചു. ആര്‍ട്ടിഫിഷ്യല്‍ ഇന്റലിജന്‍സ്, പ്രോഗ്രാമിംഗ് കോഴ്സുകള്‍, ആനിമേഷന്‍, വെബ് ഡിസൈനിംഗ്, ഡാറ്റാ എന്‍ട്രി, കംമ്പ്യൂട്ടര്‍ ഹാര്‍ഡ് വെയർ തുടങ്ങി വിവിധ മേഖലകളിലെ കോഴ്‌സുകളിലേക്കാണ് അഡ്മിഷന്‍ ആരംഭിച്ചിരിക്കുന്നത്.

കൂടുതല്‍ വിവരങ്ങള്‍ക്കും അഡ്മിഷനുകള്‍ക്കുമായി പാളയത്തെ കെല്‍ട്രോണ്‍ നോളജ് സെന്ററിലോ 0471-2337450, 8590605271 എന്നീ നമ്പറുകളിലോ ബന്ധപ്പെടുക.

വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ മൂളിത്തോട്, വാളേരി, കുനിക്കരചാൽ, പാറക്കടവ് പ്രദേശങ്ങളിൽ ഇന്ന് (മാർച്ച് 11) രാവിലെ 8.30 മുതൽ വൈകിട്ട് 5.30 വരെ വൈദ്യുതി വിതരണം ഭാഗികമായി മുടങ്ങും.

പട്ടികവർഗ്ഗ വികസന ഓഫീസിന് കീഴിലെ പ്രീമെട്രിക്ക് ഹോസ്റ്റ്റ്റലുകളിലെ വിദ്യാർത്ഥികൾക്ക് (ആൺകുട്ടികൾക്ക്) യൂണിഫോം തയ്ച്ച് വിതരണം ചെയ്യാൻ താത്പര്യമുള്ള വ്യക്തികൾ/ അംഗീകൃത സ്ഥാപനങ്ങളിൽ നിന്നും ടെൻഡർ ക്ഷണിച്ചു. ടെൻഡറുകൾ മാർച്ച് 12 വൈകിട്ട് മൂന്നിനകം പ്രൊജക്റ്റ് ഓഫീസർ, ഐ.ടി.ഡി.പി ഓഫീസറുടെ കാര്യാലയം, സിവിൽ സ്റ്റേഷൻ, കൽപ്പറ്റ എന്ന വിലാസത്തിൽ നൽകണം. ഫോൺ:  04935 202232    

കണിയാമ്പറ്റ മോഡൽ റസിഡൻഷ്യൽ സ്‌കൂളിലെ യു.പി, ഹൈ സ്കൂൾ, ഹയർ സെക്കൻഡറി വിദ്യാർത്ഥിനികൾക്ക് നൈറ്റ് ഡ്രസ് വിതരണം ചെയ്യാൻ താത്പര്യമുള്ള വ്യക്തികൾ/ അംഗീകൃത സ്ഥാപനങ്ങളിൽ നിന്നും  ടെൻഡർ ക്ഷണിച്ചു. ടെൻഡറുകൾ മാർച്ച് 12 ന് ഉച്ചയ്ക്ക് ഒന്നിനകം സീനിയർ സൂപ്രണ്ട്, ഗവ മോഡൽ റസിഡൻഷ്യൽ സ്‌കൂൾ കൽപ്പറ്റ വിലാസത്തിൽ നൽകണം. ഫോൺ- 04936 284818.

നൂൽപ്പുഴ കുടുംബാരോഗ്യ കേന്ദ്രത്തിൽ കാന്റീൻ ആരംഭിക്കാൻ താത്പര്യമുള്ള വ്യക്തികൾ/ കുടുംബശ്രീ യൂണിറ്റുകൾ/ സ്ഥാപനങ്ങൾ നിന്നും ദർഘാസ് ക്ഷണിച്ചു. ദർഘാസുകൾ മാർച്ച് 17 ന് ഉച്ചയ്ക്ക് ഒന്നിനകം ലഭിക്കണം.  ഫോൺ- 04936 270604, 7736919799