ആരോഗ്യ വകുപ്പിന് കീഴിൽ പ്രവർത്തിക്കുന്ന സംസ്ഥാന ഹെൽത്ത് സിസ്റ്റംസ് റിസോഴ്‌സ് സെന്റർ-കേരളയിൽ നടന്നുകൊണ്ടിരിക്കുന്ന ഐ.സി.എം.ആർ റിസർച്ചിലേക്ക് പ്രോജക്ട് നഴ്‌സിനെ കരാർ അടിസ്ഥാനത്തിൽ നിയമിക്കുന്നതിന് വാക്ക് ഇൻ ഇന്റർവ്യൂ നടത്തുന്നു. മൂന്ന് വർഷ സെക്കൻഡ് ക്ലാസ്സ് ജി.എൻ.എം ആണു യോഗ്യത. ബി.എസ്.സി നഴ്‌സിംഗ്/ പബ്ലീക്ക് ഹെൽത്ത് റിസർച്ച് എന്നിവയിൽ മുൻ പരിചയമുള്ളവർക്ക് മുൻഗണന. പ്രായപരിധി 30 വയസ്സ്. ഉദ്യോഗാർത്ഥികൾ മേയ് എട്ടു രാവിലെ 11:00 ന് തൈക്കാട് സ്റ്റേറ്റ് ഹെൽത്ത് സിസ്റ്റംസ് റിസോഴ്‌സ് സെന്റർ-കേരളയിൽ വാക്ക്-ഇൻ-ഇന്റർവ്യൂന് നേരിട്ട് ഹാജരാകണം.

കോഴിക്കോട് ബീച്ചിൽ നിറഞ്ഞ കാണികൾക്ക് മെലഡി ഗാനങ്ങളുടെ  സന്ധ്യ സമ്മാനിച്ച് ചെങ്ങന്നൂർ ശ്രീകുമാറും മുദുല വാര്യരും. സംസ്ഥാന സർക്കാറിന്റെ നാലാം വാർഷികാഘോഷത്തിന്റെ ഭാഗമായി ബീച്ചിൽ സംഘടിപ്പിക്കുന്ന 'എന്റെ കേരളം' പ്രദർശന-വിപണന മേളയുടെയും സരസ് മേളയുടെയും ഭാഗമായാണ് പരിപാടി സംഘടിപ്പിച്ചത്.
വാരാന്ത്യത്തിൽ കുടുംബസമേതം സംഗീതനിശ ആസ്വദിക്കാൻ എത്തിയ വരെ പഴയതും പുതിയതുമായ സിനിമ ഗാനങ്ങളും നാടൻ പാട്ടുകളും മാപ്പിളപ്പാട്ടുമെല്ലാം കോർത്തിണക്കി ഗായകർ കൈയിലെടുത്തു.

മേളയിൽ ഇന്ന് (മെയ് 5) രാത്രി ഏഴിന് 
 നീനാ പ്രസാദ്, വൈഭവ് അരേക്കർ എന്നിവരുടെ നൃത്ത പരിപാടി അരങ്ങേറും.

 വിജ്ഞാനകേരളം പരിപാടിയുമായി ബന്ധപ്പെട്ട ജില്ലാ കൗൺസിൽ രൂപീകരിക്കുന്നതിനായി മേയ് എട്ടിനുരാവിലെ പത്ത് മണിക്ക്  കോട്ടയം ജില്ലാ പ്ലാനിംഗ് ഓഫീസ് കോൺഫറൻസ് ഹാളിൽ വെച്ച് യോഗം ചേരും. ജില്ലയിലെ എംഎൽഎമാർ, ജില്ലാ പഞ്ചായത്ത് ഭാരവാഹികൾ, ബ്ലോക്ക് പഞ്ചായത്ത് പ്രസിഡന്റുമാർ, നഗരസഭാധ്യക്ഷൻ, ഗ്രാമപഞ്ചായത്ത് അസോസിയേഷൻ ഭാരവാഹികൾ, തെരഞ്ഞെടുക്കപ്പെട്ട ഉദ്യോഗസ്ഥർ എന്നിവർ പങ്കെടുക്കും

 ജില്ലയിലെ പട്ടികവർഗ വികസന വകുപ്പിന്റെ കീഴിലുള്ള വിവിധ ഓഫീസുകളിലും, തദ്ദേശ സ്വയംഭരണ സ്ഥാപനങ്ങളിലുമായി അക്രെഡിറ്റഡ് എൻജിനീയർ/ഓവർസീയർ തസ്തികയിൽ കരാർ നിയമനത്തിനായി പട്ടികവർഗ വിഭാഗത്തിൽ ഉൾപ്പെടുന്ന യുവതി യുവാക്കൾക്കായി മേയ്് 13ന് രാവിലെ 11.00 മണിയ്ക്ക് കാഞ്ഞിരപ്പള്ളി ഐടിഡിപി ഓഫീസിൽവെച്ച് വാക്ക് ഇൻ - ഇന്റർവ്യൂ നടത്തും. യോഗ്യത: സിവിൽ എൻജിനീയറിംഗ് ബിരുദം/ബി.ടെക്/ഡിപ്ലോമ/ഐടിഐ പ്രായം: 21 -35. ഉദ്യോഗാർത്ഥികൾ ജാതി, വിദ്യാഭ്യാസ യോഗ്യത, പ്രായം എന്നിവ തെളിയിക്കുന്ന സർട്ടിഫിക്കറ്റുകളുടെ അസ്സൽ സഹിതം മേയ് 13ന് രാവിലെ 10.00 ന് ഹാജരാകണം. കൂടുതൽ വിവരങ്ങൾക്കു ഫോൺ: 04828 202751. 

ദേശീയ സരസ് മേളയിലെ ഫുഡ്കോര്‍ട്ടില്‍ കാര്യങ്ങള്‍ മുറപോലെ നടക്കാന്‍ എണ്ണയിട്ട യന്ത്രം പോലെ പ്രവര്‍ത്തിക്കുകയാണ് ടീം ഐഫ്രം. കുടുംബശ്രീയുടെ യുവശ്രീ സംരംഭമായി 2008ല്‍ തുടക്കം കുറിച്ച അദേഭാ ഇന്‍സ്റ്റിറ്റ്യൂട്ട് ഓഫ് ഫുഡ് റിസര്‍ച്ച് ആന്‍ഡ് ഹോസ്പിറ്റാലിറ്റി മാനേജ്മെന്റിന്റെ (ഐഫ്രം) നേതൃത്വത്തില്‍ 200ഓളം പേരാണ് ഇവിടെ വിവിധ സേവനങ്ങള്‍ നല്‍കുന്നത്. 

മാനവിക വിഷയങ്ങൾക്കായുള്ള യു.ജി.സി.-നെറ്റ്/ജെ.ആർ.എഫ്. പരീക്ഷയിലെ ജനറൽ പേപ്പറിനുവേണ്ടി എം.ജി. സർവകലാശാല എംപ്ലോയ്‌മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ പരിശീലനപരിപാടി നടത്തുന്നു. പങ്കെടുക്കാൻ ആഗ്രഹിക്കുന്നവർ 2500 രൂപ കോഴ്‌സ് ഫീസ് അടച്ചു 
മേയ്11 നു മുമ്പു രജിസ്റ്റർ ചെയ്യണം. എസ്.സി./എസ്.ടി./ ഭിന്നശേഷിവിഭാഗത്തിൽപ്പെടുന്ന ഉദ്യോഗാർത്ഥികൾക്ക് 50% ഫീസിളവ്. കൂടുതൽ വിവരങ്ങൾക്കു ഫോൺ: 0481-2731025, 9495628626. 

സംസ്ഥാന സര്‍ക്കാറിന്റെ നാലാം വാര്‍ഷികത്തിന്റെ ഭാഗമായി കോഴിക്കോട് ബീച്ചില്‍ നടക്കുന്ന പ്രദര്‍ശന വിപണന മേളയോടനുബന്ധിച്ച് മെയ് അഞ്ച് മുതല്‍ ഒമ്പത് വരെ കെ ഡാറ്റ് അഭിരുചി പരീക്ഷയും കരിയര്‍ കൗണ്‍സിലിങ്ങും നടക്കും. രാവിലെ 9.30 മുതല്‍ ഉച്ചക്ക് രണ്ട് വരെ സെമിനാര്‍ ഹാളിലാണ് അഭിരുചി പരീക്ഷ.

പത്താം ക്ലാസ് പരീക്ഷാഫലം കാത്തിരിക്കുന്ന വിദ്യാര്‍ഥികള്‍ക്ക് മുന്‍കൂട്ടി രജിസ്റ്റര്‍ ചെയ്ത് പരീക്ഷയില്‍ പങ്കെടുക്കാം. വിവിധ കോഴ്‌സുകളെ കുറിച്ചും സാധ്യതകളെ കുറിച്ചും വിദ്യാര്‍ഥികള്‍ക്കും രക്ഷിതാക്കള്‍ക്കുമുള്ള സംശയങ്ങള്‍ തീര്‍ക്കുന്ന സ്‌പെഷ്യല്‍ കൗണ്‍സിലിങ്ങും ഇതോടൊപ്പമുണ്ടാകും.

ലോക സഞ്ചാരികളെ കേരളത്തിലേക്ക് ആകര്‍ഷിക്കുന്നത് വഴി തൊഴിലും വരുമാനവും വര്‍ധിപ്പിക്കാന്‍ കഴിഞ്ഞെന്നും ടൂറിസം കേന്ദ്രങ്ങളില്‍ ആവശ്യമായ സൗകര്യങ്ങള്‍ ഒരുക്കാന്‍ സര്‍ക്കാരിന് സാധിച്ചെന്നും പി ടി എ റഹീം എംഎല്‍എ. 'എന്റെ കേരളം' പ്രദര്‍ശന-വിപണന മേളയുടെ ഭാഗമായി നടത്തുന്ന സെമിനാറുകളുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.

നവീകരിച്ച ഇരിണാവ് മിനി സ്റ്റേഡിയത്തിന്റെയും, ശുചിത്വ ശൗചാലയത്തിന്റെയും ഉദ്ഘാടനം എം വിജിൻ എം എൽ എ നിർവഹിച്ചു. കല്യാശേരി ബ്ലോക്ക് പഞ്ചായത്ത് പ്രസിഡന്റ്  പി പി ഷാജിർ അധ്യക്ഷനായി. പരിപാടിയിൽ ഫുട്ബോൾ മത്സരത്തിന്റെ ഉദ്ഘാടനവും എം എൽ എ നിർവഹിച്ചു.

എം വിജിൻ എം എൽ എ യുടെ ആസ്തിവികസന ഫണ്ടിൽ നിന്നും ഗ്രൗണ്ട് നവീകരണത്തിനായി 25 ലക്ഷം രൂപയും ശുചിത്വ ശൗചാലയത്തിന് കല്യാശ്ശേരി ബ്ലോക്ക് പഞ്ചായത്ത് ഫണ്ടിൽ നിന്നും ഒൻപത് ലക്ഷം രൂപയുമാണ് അനുവദിച്ചത്.

കല്‍പ്പറ്റ ഗവ ഐ ടി ഐ ചുറ്റുമതില്‍ നിര്‍മ്മാണത്തിന്റെ ഭാഗമായുളള 264.05 ക്യുബിക് മീറ്റര്‍ മണ്ണ് നീക്കം ചെയ്ത് ഏറ്റെടുക്കാന്‍ ലേലം ചെയ്യുന്നു. താത്പര്യമുള്ളവര്‍ മെയ് എട്ടിന്  രാവിലെ 11 ന് ഐ ടി ഐ പരിസരത്ത് നടക്കുന്ന ലേലത്തില്‍ പങ്കെടുക്കണം. ഫോണ്‍- 04936 205519.

--