ഭിന്നശേഷിക്കാര്‍ക്കും വയോജനങ്ങള്‍ക്കും ട്രാന്‍സ്‌ജെന്‍ഡര്‍ സമൂഹത്തിനും വേണ്ടിയും  ജയിലില്‍ കഴിയുന്നവരുടെയും അവരുടെ കുടുംബങ്ങളുടെയും പുനരധിവാസവുമായി ബന്ധപ്പെട്ടും പ്രവര്‍ത്തിക്കാന്‍ താല്പര്യമുള്ള എം.എസ്.ഡബ്ലിയു, എം.എ സോഷ്യോളജി, എം.എ സൈക്കോളജി, എം.സി.എ,  എല്‍.എല്‍.ബി, ബി.ടെക് കമ്പ്യൂട്ടര്‍ സയന്‍സ് തുടങ്ങി കോഴ്‌സുകള്‍ കഴിഞ്ഞവര്‍ക്ക് ആറുമാസത്തെ സ്‌റ്റൈപ്പന്‍ഡോടു കൂടി സാമൂഹ്യനീതി വകുപ്പില്‍ ഇന്റേണ്‍ഷിപ്പില്‍ പ്രവര്‍ത്തിക്കാം.
 

ഇന്‍ഫര്‍മേഷന്‍ ആന്‍ഡ് പബ്ലിക്ക് റിലേഷന്‍സ് വകുപ്പിന്റെ മലപ്പുറം ജില്ലാ ഇന്‍ഫര്‍മേഷന്‍ ഓഫീസില്‍ കരാര്‍ അടിസ്ഥാനത്തില്‍ ഫോട്ടോഗ്രാഫര്‍മാരുടെ പാനല്‍ തയ്യാറാക്കുന്നതിനായി താത്പര്യമുള്ള ഫോട്ടോഗ്രാഫര്‍മാരില്‍ നിന്ന് അപേക്ഷ ക്ഷണിച്ചു. അപേക്ഷകര്‍ ജില്ലയില്‍ സ്ഥിരതാമസക്കാരായിരിക്കണം. പി.ആര്‍.ഡിയിലോ പത്രസ്ഥാപനങ്ങളിലോ ഫോട്ടോഗ്രാഫര്‍മാരായി സേവനം ചെയ്തവര്‍ക്ക് മുന്‍ഗണന. ഡിജിറ്റല്‍ എസ്.എല്‍.ആര്‍/മിറര്‍ലെസ് ക്യാമറകള്‍ ഉപയോഗിച്ച് ഹൈ റെസല്യൂഷന്‍ ചിത്രങ്ങള്‍ എടുക്കാന്‍ കഴിവുള്ളവരായിരിക്കണം. വൈഫൈ സംവിധാനമുള്ള ക്യാമറകള്‍ കൈവശമുള്ളവര്‍ക്ക് മുന്‍ഗണന.

ആരോഗ്യം ആനന്ദം, അകറ്റാം അര്‍ബുദം കാമ്പയിന്‍ രണ്ടാം ഘട്ടത്തിന്റെ ഭാഗമായി പുരുഷന്മാരിലെ വദനാര്‍ബുദം, വന്‍കുടല്‍ മലാശയ കാന്‍സര്‍ എന്നിവ കണ്ടെത്തുന്നതിന് ജില്ലയിലെങ്ങും സ്‌ക്രീനിങ് ക്യാമ്പുകള്‍ സംഘടിപ്പിക്കുമെന്ന് ജില്ലാ കളക്ടര്‍ അലക്‌സ് വര്‍ഗീസ് പറഞ്ഞു. ആരോഗ്യം ആനന്ദം 2.0, സ്റ്റോപ്പ് ഡയേറിയ കാമ്പയിന്‍ എന്നിവയുമായി ബന്ധപ്പെട്ട പ്രവര്‍ത്തനങ്ങള്‍ വിലയിരുത്തുന്നതിന് ജില്ലാ കളക്ടറുടെ ചേംബറില്‍ ചേര്‍ന്ന വിവിധ വകുപ്പുകളുടെ ഇന്റര്‍ സെക്ടറല്‍ യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.   

സ്വകാര്യഭൂമിയിലെ വൃക്ഷാ വരണം വര്‍ദ്ധിപ്പിക്കുന്നതിന്റെ ഭാഗമായി വൃക്ഷം വളര്‍ത്തല്‍ പ്രോത്സാഹിപ്പിക്കുന്നതിന് ധനസഹായം നല്‍കുന്ന പദ്ധതിയായ ട്രീ ബാങ്കിംഗ് പദ്ധതിക്ക് മലപ്പുറം സോഷ്യൽ ഫോറസ്റ്റ്ട്രി ഡിവിഷൻ അപേക്ഷ ക്ഷണിച്ചു. ചന്ദനത്തൈകള്‍ വച്ചു പിടിപ്പിക്കുന്നതിനാണ് ഈ വർഷം പരിഗണന നൽകുന്നത്. സ്വന്തമായി ഭൂമിയുള്ളവര്‍ക്കോ കുറഞ്ഞത് 15 വര്‍ഷത്തെ  ലീസിന് ഭൂമി കൈവശമുള്ളവര്‍ക്കോ ഭൂമിയുമായി ബന്ധപ്പെട്ട കൈവശ രേഖകളോടെ മലപ്പുറം/നിലമ്പൂര്‍ സോഷ്യല്‍ ഫോറസ്റ്റ് റേഞ്ച് ഓഫീസുകളില്‍ രജിസ്റ്റര്‍ ചെയ്യാം.

ജില്ലാ മൃഗസംരക്ഷണ കേന്ദ്രത്തിൽ പ്രവർത്തിക്കുന്ന മൊബൈൽ സർജറി യൂണിറ്റിലേക്ക് വെറ്റിനറി സർജന്മാരെ  കരാർ അടിസ്ഥാനത്തിൽ നിയമിക്കുന്നു.  സർജന്മാർ എം വി എസ് സി  ( സർജറി ) വെറ്റിനറി കൗൺസിൽ രജിസ്ട്രേഷൻ ഉള്ളവരായിരിക്കണം. താല്പര്യമുള്ളവർ ജൂൺ 26 ന് 10.30 ന് ജില്ലാ മൃഗസംരക്ഷണ ഓഫീസിൽ നടക്കുന്ന വാക് ഇന്റർവ്യൂവിൽ ഹാജരാകണം. പൂർണ്ണമായ ബയോഡേറ്റ,വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റ്, പ്രവർത്തിപരിചയം തെളിയിക്കുന്ന സർട്ടിഫിക്കറ്റ് എന്നിവയും ഹാജരാക്കണം.
കൂടുതല്‍ വിവരങ്ങള്‍ക്ക്: 0483- 2734917

ഒതുക്കുങ്ങല്‍ ഗവ. ഹയര്‍ സെക്കന്‍ഡറി സ്‌കൂളില്‍  2025-2026 വര്‍ഷത്തില്‍  ഒഴിവുള്ള  എച്ച്. എസ്. എസ്.റ്റി.  കെമിസ്ട്രി (ജൂനിയര്‍), പൊളിറ്റിക്കല്‍ സയന്‍സ്(ജൂനിയര്‍) തസ്തികയിലേക് ദിവസ വേതനാടിസ്ഥാനത്തില്‍ അധ്യാപക നിയമനം നടത്തുന്നു. യോഗ്യരായ ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളുമായി ജൂണ്‍ 26 വ്യാഴാഴ്ച ഉച്ചയ്ക്ക് 2ന് സ്‌കൂളില്‍ നടത്തുന്ന അഭിമുഖത്തിന് ഹാജരാകണം.  
ഫോണ്‍: 0483 2839492, 9447429969

സമഗ്ര ശിക്ഷാ കേരളം സ്റ്റാര്‍സ് പദ്ധതിയില്‍ ഉള്‍പ്പെടുത്തി ജില്ലയില്‍ പുതുതായി ആരംഭിക്കുന്ന സ്‌കില്‍ ഡെവലപ്മെന്റ് സെന്ററുകളില്‍ ട്രെയിനര്‍, സ്‌കില്‍ സെന്റര്‍ അസിസ്റ്റന്റ് എന്നീ തസ്തികകളിലേക്ക് യോഗ്യരായ ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു.

അസാപ് കമ്മ്യൂണിറ്റി സ്‌കില്‍ പാര്‍ക്കില്‍ പവര്‍ ഇലക്ട്രോണിക്‌സ് സര്‍വീസ് ടെക്നിഷ്യന്‍ കോഴ്‌സിലേക്ക് അപേക്ഷ ക്ഷണിച്ചു. അസാപ് കേരളയും ഹൈകോണ്‍ ഇന്ത്യയുമായി ചേര്‍ന്നാണ് പരിശീലനം നൽകുന്നത്. 150 മണിക്കൂര്‍ പരിശീലനം പൂര്‍ത്തിയാക്കുന്നവര്‍ക്ക് ഹൈകോണ്‍ ഇന്ത്യയില്‍ ഉയര്‍ന്ന വേതനത്തില്‍  100% ജോലി നല്‍കുന്നു. 18 വയസ്സിനു മുകളില്‍ പ്രായമുള്ള ഐ.ടി.ഐ/ഡിപ്ലോമ/ബിടെക് ഇലക്ട്രിക്കല്‍ എഞ്ചിനീയറിംഗ്/ബിടെക് ഇലക്ട്രോണിക് ആന്റ് കമ്മ്യൂണിക്കേഷന്‍ എന്നീ  യോഗ്യതയുള്ളവര്‍ക്ക് അപേക്ഷിക്കാം.

പുഴക്കാട്ടിരി ഗവ.ഐ.ടി.ഐ 2025 വര്‍ഷത്തെ ഐ.ടി.ഐ പ്രവേശനത്തിന് അപേക്ഷ സമര്‍പ്പിക്കേണ്ട അവസാന തീയതി ജൂണ്‍ 30 വരെ നീട്ടി.  https://itiadmissions.kerala.gov.in എന്ന പോര്‍ട്ടല്‍ വഴി ഓണ്‍ലൈനായി അപേക്ഷ സമര്‍പ്പിക്കാം. അപേക്ഷ ഫീസ് 100 രൂപ. അപേക്ഷ ഓണ്‍ലൈനായി സമര്‍പ്പിച്ച ശേഷം സമീപത്തുള്ള സര്‍ക്കാര്‍ ഐ.ടി.ഐകളില്‍ രേഖകളുമായി നേരിട്ട് എത്തി ജൂലായ് മൂന്നിനകം വെരിഫിക്കേഷന്‍ പൂര്‍ത്തിയാക്കണം.
കൂടുതല്‍ വിവരങ്ങള്‍ക്ക്: 04933 254088

 കേരള ഷോപ്സ് ആൻഡ് കൊമേഷ്യൽ എസ്റ്റാബ്ലിഷ്മെന്റ്സ് വർക്കേഴ്സ് വെൽഫയർ ഫണ്ട് ബോർഡ് മലപ്പുറം ജില്ലാ ഓഫീസിൽ നിന്നും  2024 ഡിസംബർ 31 വരെ പെൻഷൻ ലഭിച്ച എല്ലാ ഗുണഭോക്താക്കളും അക്ഷയ മുഖേന ജൂൺ 25 മുതൽ ഓഗസ്റ്റ് 24 വരെ വാർഷിക ബയോമെട്രിക് മസ്റ്ററിംഗ് നടത്തേണ്ടതാണെന്ന് ക്ഷേമനിധി ബോർഡ് ജില്ലാ എക്സിക്യൂട്ടീവ് ഓഫീസർ അറിയിച്ചു.