ജില്ലയിലെ പൊതുവിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍(ഇംഗ്ലീഷ്)(കാറ്റഗറി നമ്പര്‍: 603/2024) തസ്തികയുടെ അഭിമുഖം ജൂണ്‍ 10, 11, 12, 17,18,19 തീയതികളില്‍ കേരള പബ്ലിക് സര്‍വീസ് കമ്മീഷന്റെ ജില്ലാ ഓഫീസില്‍ നടത്തുമെന്ന് ജില്ലാ ഓഫീസര്‍ അറിയിച്ചു.

വെണ്ണക്കര ഗവ ഹൈസ്‌കൂളില്‍ എച്ച്.എസ്.ടി ഇംഗ്ലീഷ്, എഫ്.ടി.എം തസ്തികകളില്‍ ഒഴിവ്. ദിവസവേതനാടിസ്ഥാനത്തിലാണ് നിയമനം. താല്‍പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി മെയ് 29 ഉച്ചയ്ക്ക് രണ്ടിന് അഭിമുഖത്തിനെത്തണമെന്ന് പ്രധാന അധ്യാപകന്‍ അറിയിച്ചു. ഫോണ്‍: 0491 2515872.

പാലക്കാട് ജില്ലാ കളക്ടറായി കെ സുധീർ ചുമതലയേറ്റു. ഉന്നത വിദ്യാഭ്യാസ   വകുപ്പിന്റെ ഡയറക്ടറായി സേവനം ചെയ്തുവരികയായിരുന്ന ഇദ്ദേഹം    2018-ലെ കേരള കേഡർ ഐ.എ.എസ്. ബാച്ച് ഉദ്യോഗസ്‌ഥനാണ്.

ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്ങിൽ ബി.ടെക് ബിരുദം നേടിയിട്ടുണ്ട്. തിരുവനന്തപുരം സ്വദേശിയാണ്.

തൊഴിലാളികള്‍, തൊഴിലുടമകള്‍, പെന്‍ഷന്‍കാര്‍ എന്നിവര്‍ക്കായി എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പറേഷനും, എംപ്ലോയീസ് പ്രോവിഡന്റ് ഫണ്ട് ഓര്‍ഗനൈസേഷനും സംയുക്തമായി നടത്തുന്ന ബോധവല്‍ക്കരണ പരിപാടിയും പരാതി പരിഹാര അദാലത്തും 29 ന് നടക്കും. തൊടുപുഴ ഇ.എസ്.ഐ.സി ബ്രാഞ്ച് ഓഫീസില്‍ വച്ച് നടക്കുന്ന പരിപാടിയിലേക്ക് രാവിലെ ഒന്‍പതിന് രജിസ്ട്രേഷന്‍ തുടങ്ങും.

ഐ.എച്ച്.ആര്‍.ഡിയുടെ കീഴിലുള്ള പൈനാവ് (04862232246, 8547005084) മോഡല്‍ പോളിടെക്നിക്ക് കോളേജില്‍ ത്രിവത്സര ഡിപ്ലോമ കോഴ്സിലേക്ക് അപേക്ഷകള്‍ ക്ഷണിച്ചു. ഡിപ്ലോമ പഠനത്തിന്  താല്പര്യമുള്ള എസ്.എസ്.എല്‍.സി /പ്ലസ് ടു പാസായ വിദ്യാര്‍ത്ഥികള്‍ക്ക് കോളേജില്‍ നേരിട്ട് എത്തിയോ, 8547005000 എന്ന ഫോണ്‍ നമ്പറിലോ കോഴ്സ് സംബന്ധമായ വിശദാംശങ്ങള്‍ അന്വേഷിക്കാം.
 

അടിമാലി താലൂക്ക് ആശുപത്രിയിലേക്ക് ഓര്‍ത്തോ ഇംപ്ലാന്റ് ഐറ്റംസ്, മെഡിസിന്‍ ഐറ്റംസ്, ആര്‍ത്രോസ്‌കോപിക്ക് ഇന്‍സ്ട്രുമെന്‍ഡേഷന്‍ ആന്റ് കണ്‍സ്യൂമബിള്‍സ്, ഡയാലിസിസ് ഐറ്റംസ് തുടങ്ങിയവ ലഭ്യമാക്കുന്നതിന് തയ്യാറുളള വ്യക്തികള്‍/സ്ഥാപനങ്ങള്‍ നിന്നും ദര്‍ഘാസുകള്‍ ക്ഷണിച്ചു.സൂപ്രണ്ട്, താലൂക്ക് ആശുപത്രി അടിമാലി എന്ന വിലാസത്തില്‍ ദര്‍ഘാസുകള്‍ സമര്‍പ്പിക്കേണ്ടതാണ്. ജൂണ്‍ 4ന് ഉച്ച കഴിഞ്ഞ് 1 മണി വരെ സ്വീകരിക്കും. അന്നേദിവസം ഉച്ചകഴിഞ്ഞ് 3 ന് ഹാജരുളള ദര്‍ഘാസ് തുറക്കും. കൂടുതല്‍ വിവരങ്ങള്‍ക്ക് ഫോണ്‍:04864-222670, ഇമെയില്‍:adimalithqh2023@gmail.com

അടിമാലി താലൂക്ക് ആശുപത്രിയിലെ എക്സ്റേ വിഭാഗത്തിലേക്ക് എക്സ്റേ ഫിലിം, ലാബ് റീ ഏജന്റ് എന്നിവ ലഭ്യമാക്കുന്നതിന് തയ്യാറുളള വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും ദര്‍ഘാസുകള്‍ ക്ഷണിച്ചു. ജൂണ്‍ 4ന് ഉച്ചകഴിഞ്ഞ് 1 മണി വരെ സ്വീകരിക്കും. അന്നേദിവസം ഉച്ചകഴിഞ്ഞ് 3 ന് ദര്‍ഘാസുകള്‍ തുറക്കും. സൂപ്രണ്ട്, താലൂക്ക് ആശുപത്രി അടിമാലി എന്ന വിലാസത്തില്‍ ദര്‍ഘാസുകള്‍ സമര്‍പ്പിക്കണം.
കൂടുതല്‍ വിവരങ്ങള്‍ക്ക് ഫോണ്‍:04864-222670, ഇമെയില്‍:adimalithqh2023@gmail.com
 

തൊടുപുഴ ജില്ലാ ആയുര്‍വേദ ആശുപത്രിയില്‍ നിലവിലുളള സിദ്ധ അറ്റന്‍ഡര്‍ തസ്തികയിലെ (ഒന്ന്) ഒഴിവിലേക്ക് താല്‍ക്കാലിക അടിസ്ഥാനത്തില്‍ നിയമനം നടത്തുന്നതിനായി കുയിലിമലയിലുളള ഭാരതീയ ചികില്‍സാ വകുപ്പ് ഇടുക്കി ജില്ലാ മെഡിക്കല്‍ ഓഫീസില്‍ മെയ് 29 ന് നടത്താന്‍ നിശ്ചയിച്ചിരുന്ന കൂടിക്കാഴ്ച്ച ചില സാങ്കേതിക കാരണങ്ങളാല്‍ മാറ്റിവച്ചു. പുതുക്കിയ തീയതി പിന്നീട് അറിയിക്കും.
കൂടുതല്‍ വിവരങ്ങള്‍ക്ക് ഫോണ്‍:04862 232318