സംസ്ഥാനത്ത് ആദ്യമായി മണ്ണിടിച്ചിൽ സാധ്യത കണ്ടെത്തി മുന്നറിയിപ്പ് നൽകാൻ സംവിധാനം വരുന്നു. കണ്ണൂർ ജില്ലയിൽ കണിച്ചാർ ഗ്രാമപഞ്ചായത്തിലെ മാടശ്ശേരി മലയിലാണ് പുതിയ സംവിധാനം  ഒരുങ്ങുന്നത്. മണ്ണിന്റെ ഘടന,  മഴയുടെ അളവ്, ഭൂമിശാസ്ത്രപരമായ മറ്റ് പ്രത്യേകതകൾ എന്നീ ഡാറ്റ ശേഖരിച്ചു വിശകലനം ചെയ്ത് മണ്ണിടിച്ചിൽ സാധ്യതയുണ്ടോ എന്ന് മുന്നറിയിപ്പ് നൽകുന്ന സംവിധാനമാണിത്. സംസ്ഥാന ദുരന്തനിവാരണ അതോറിറ്റി, ഐ.ഐ.ടി റൂർക്കി, കെ-ഡിസ്ക് എന്നിവയുടെ നേതൃത്വത്തിലാണ് രണ്ട് കോടി രൂപയ്ക്കടുത്തു ചെലവിട്ട് സംവിധാനം സ്ഥാപിക്കുന്നത്. 

2022 ൽ 34 ഓളം മണ്ണിടിച്ചിൽ അനുഭവപ്പെട്ട പ്രദേശമാണ് കണിച്ചാർ ഗ്രാമപഞ്ചായത്ത്.

സംസ്ഥാനത്തെ കാർഷിക മേഖലയിൽ ആർട്ടിഫിഷ്യൽ ഇന്റലിജൻസ് അധിഷ്ഠിതമായ കാർഷിക രീതികൾ ഈ വർഷം മുതൽ സാർവത്രികമായി നടപ്പിലാക്കുമെന്ന് കൃഷി മന്ത്രി ടി. സിദ്ദിഖ്. അഗ്രികൾച്ചറൽ ടെക്‌നോളജി മാനേജ്‌മെന്റ് ഏജൻസി, ആത്മയുടെ നേതൃത്വത്തിൽ സിവിൽ സ്റ്റേഷനിൽ സംഘടിപ്പിച്ച കാർഷിക പ്രദർശന മേളയുടെയും കർഷക, ശാസ്ത്രജ്ഞ മുഖാമുഖം പരിപാടിയുടെയും ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.

ജില്ലയിലെ തീരദേശ മേഖലയിലെ വിവിധ അങ്കണവാടികളിലും സ്‌കൂളുകളിലും സംസ്ഥാന ഭക്ഷ്യകമ്മീഷൻ ചെയർപേഴ്‌സൺ ഡോ. ജിനു സക്കറിയ ഉമ്മനും മെമ്പർ സബിതാ ബീഗവും സന്ദർശനം നടത്തി. അർബൻ - ഒന്ന് ഐസിഡിഎസിന് കീഴിലുള്ള വലിയതുറ, ബീമാപ്പള്ളി, പരുത്തിക്കുഴി സെക്ടറുകളിലെ വിവിധ അങ്കണവാടികളിലും തിരുവനന്തപുരം സൗത്ത് ഉപജില്ലയിലെ വലിയതുറ ഗവ.എൽ.പി.എസ്, ബീമാപ്പള്ളി ഗവ.യു.പി.എസ് എന്നീ സ്‌കൂളുകളിലുമായിരുന്നു സന്ദർശനം. അങ്കണവാടികളിലെ  പോഷകാഹാര വിതരണം, പശ്ചാത്തല സൗകര്യങ്ങൾ, സ്‌കൂളുകളിലെ ഉച്ചഭക്ഷണ പദ്ധതി നടത്തിപ്പ് എന്നിവ കമ്മീഷൻ വിലയിരുത്തി. മേഖലയിലെ വനിതാ ശിശുവികസനവകുപ്പിന്റെ പ്രവർത്തനങ്ങളെ കമ്മീഷൻ അഭിനന്ദിച്ചു. 

വനം വന്യജീവി വകുപ്പില്‍ ബീറ്റ് ഫോറസ്റ്റ് ഓഫീസര്‍ (സെക്കന്‍ഡ് എന്‍ സി എ എസ്സിസിസി ) (കാറ്റഗറി നമ്പര്‍ 116/2024) തസ്തികയിലേക്ക് 2026 ഫെബ്രുവരി 17 ന് നിലവില്‍ വന്ന റാങ്ക് പട്ടികയില്‍ നിന്നും നിയമന ശിപാര്‍ശ നല്‍കിയ ഉദ്യോഗാര്‍ഥി ജോലിയില്‍ പ്രവേശിച്ചതിനാല്‍ റാങ്ക് പട്ടിക റദ്ദായതായി പി എസ് സി ജില്ല ഓഫീസര്‍ അറിയിച്ചു.

കോന്നി കോളജ് ഓഫ് അപ്ലൈഡ് സയന്‍സില്‍ അധ്യയന വര്‍ഷത്തെ ബിരുദം, ബിരുദാനന്തര ബിരുദം കോഴ്സുകളിലേക്ക് സപോട്ട് അഡ്മിഷന്‍ ആരംഭിച്ചു. ബി.സി.എ (ഓണേഴ്സ്) ആര്‍ട്ടിഫിഷ്യല്‍ ഇന്റലിജന്‍സ് ആന്റ് ഡാറ്റാ സയന്‍സ്, ബി.കോം  (ഓണേഴ്സ്) ലോജിസ്റ്റിക്‌സ് മാനേജ്‌മെന്റ് ആന്റ് ഫിനാന്‍സ് ആന്റ് ടാക്‌സേഷന്‍, ബി.എസ്.സി (ഓണേഴ്സ്) കമ്പ്യൂട്ടര്‍ സയന്‍സ് ഡാറ്റാ സയന്‍സ് ആന്റ് അനലിറ്റിക്‌സ്, എം.കോം ഫിനാന്‍സ് ആന്റ് ടാക്‌സേഷന്‍, എം.എസ്.സി കമ്പ്യൂട്ടര്‍ സയന്‍സ് (ഡാറ്റാ അനലിറ്റിക്‌സ് ) കോഴ്സുകളിലേക്കാണ് പ്രവേശനം. ഫോണ്‍: 8078078512, 8547005074, 9645127298.

പത്തനംതിട്ട സ്‌കൂള്‍ ഓഫ് ടെക്‌നോളജി ആന്റ് അപ്ലൈഡ് സയന്‍സില്‍ ബി.എസ്.സി ആര്‍ട്ടിഫിഷ്യല്‍ ഇന്റലിജന്‍സ് ആന്റ് ഡേറ്റാ സയന്‍സ്, ബി.എസ്.സി സൈബര്‍ ഫോറന്‍സിക്, ബി.സി.എ, എം.എസ്.സി സൈബര്‍ ഫോറന്‍സിക്, ബി.കോം അക്കൗണ്ടിംഗ്, ബി.എസ്.സി അക്വാകള്‍ച്ചര്‍, എം.എസ്.സി ഫിഷറി ബയോളജി ആന്റ് അക്വാകള്‍ച്ചര്‍ കോഴ്‌സുകളില്‍ ഒഴിവുള്ള സീറ്റുകളിലേക്കു സ്‌പോട്ട് അഡ്മിഷന്‍ ആരംഭിച്ചു. ഫോണ്‍: 7034612362, 9446800549, 9526548484.

ജില്ല ശിശുക്ഷേമ സമിതി വാര്‍ഷിക പൊതുയോഗം ജൂലൈ 31 ഉച്ചയ്ക്ക് മൂന്നിന് ജില്ല കലക്ടര്‍ എ നിസാമുദ്ദീന്റെ അധ്യക്ഷതയില്‍ കലക്ടറേറ്റ് കോണ്‍ഫറന്‍സ് ഹാളില്‍ ചേരും.

റാന്നി താലൂക്ക് ആശുപത്രിയില്‍ നഴ്‌സിംഗ് ഓഫീസര്‍ തസ്തികയില്‍ താല്‍ക്കാലിക നിയമനത്തിന് അപേക്ഷ ക്ഷണിച്ചു. യോഗ്യത: ബി.എസ്.സി നഴ്‌സിംഗ്/ജി എന്‍ എം, കേരള നഴ്‌സസ് ആന്റ് മിഡ്വൈവ്‌സ് കൗണ്‍സില്‍ രജിസ്‌ട്രേഷന്‍. ഉയര്‍ന്ന പ്രായപരിധി 45. ഉദ്യോഗാര്‍ഥികള്‍ വ്യക്തിവിവര കുറിപ്പിനൊപ്പം തിരിച്ചറിയല്‍ രേഖ, പ്രവൃത്തി പരിചയം, യോഗ്യത എന്നിവ തെളിയിക്കുന്ന പ്രമാണങ്ങളുടെ സാക്ഷ്യപ്പെടുത്തിയ പകര്‍പ്പ് സഹിതം താലൂക്ക് ആശുപത്രിയില്‍ അപേക്ഷ സമര്‍പ്പിക്കണം. അവസാന തീയതി ജൂലൈ 22 രാവിലെ 10.30. അഭിമുഖം ജൂലൈ 22 രാവിലെ 11 ന് റാന്നി എം.സി.സി.എം താലൂക്ക് ആസ്ഥാന ആശുപത്രിയില്‍ നടത്തും.